အီသီယိုးပီးယားဝန်ကြီးချုပ် အဘီယီအာမက်

အဘီယီအာမက်အလီသည် အီသီ ယိုးပီးယား နိုင်ငံရေးသမားဖြစ်ပြီး အီသီယိုးပီးယား၏ ၁၂ ဦးမြောက် နှင့် လက်ရှိဝန်ကြီးချုပ်ဖြစ်သည်။

၎င်းသည် အာဏာရ အီသီယိုး ပီးယား ပြည်သူ့တော်လှန်ရေး ဒီမို ကရက်တစ်တပ်ဦး (EPRDF)နှင့် အိုရိုမိုပြည်သူ့ဒီမိုကရက်တစ် အ စည်းအရုံး (OPDO) ဥက္ကဋ္ဌဖြစ် သည်။

OPDO ပါတီသည် လေးပါတီမဟာမိတ်အဖွဲ့တွင် ပါဝင်သော ပါတီတစ်ခုဖြစ်သည်။ အဘီယီ သည် ပါလီမန်အဖွဲ့ဝင်တစ်ဦးဖြစ်သလို OPDO နှင့် EPRDF အမှု ဆောင်ကော်မတီအဖွဲ့ဝင်လည်း ဖြစ်သည်။

အဘီယီအာမက်ကို အီသီ ယိုးပီးယားနိုင်ငံ အိုရိုမီယာဒေသ အဂါရိုမြို့အနီး ဘီရှာရှာမြို့နယ် တွင် ၁၉၇၆ ဧပြီ ၂၃ ရက်၌ မွေး ဖွားခဲ့သည်။

အဘီယီသည် အိုရိုမိုလူမျိုး မွတ်စလင်နှင့် ခရစ်ယာန်အဘိုး အဘွားများမှ ဆင်းသက်ခဲ့ပြီး မွတ်စလင်မိသားစုတွင် ကြီးပြင်းခဲ့ သည်။

အဂါရိုမြို့တွင် အထက်တန်း ပညာသင်ကြားခဲ့သော အဘီယီ သည် အီသီယိုးပီးယားစစ်တပ်၌တာဝန်ထမ်းဆောင်ရင်း ၎င်း၏ ပထမဆုံး ပညာရေးဘွဲ့ဖြစ်သော ကွန်ပျူတာအင်ဂျင်နီယာဘွဲ့ကို အဒစ်အဘာဘာမြို့နည်းပညာ ကောလိပ်မှ ရရှိခဲ့သည်။

၂၀၀၅ တွင် စကားဝှက် ပညာဘွဲ့လွန်သင်တန်းဆင်းလက် မှတ်လည်း ရရှိပြီး ယင်းက ၎င်း၏ စစ်ဘက်တာဝန်ထမ်းဆောင်မှု တွင် အကျိုးပြုခဲ့သည်။

အဘီယီသည် လန်ဒန်မြို့ ဂရင်းဝှစ်တက္ကသိုလ်မှလည်း မဟာဝိဇ္ဇာဘွဲ့ရရှိခဲ့ပြီး MBA ဘွဲ့ကို အဒစ်အဘာဘာမြို့ Leadstar ကောလိပ်မှ ရရှိသည်။

၂၀၁၇ တွင် အဒစ်အဘာဘာ တက္ကသိုလ်မှ ဒေါက်တာဘွဲ့ရရှိခဲ့ သည်။

အဘီယီသည် ဆိုရှယ်လစ် အစိုးရလက်ထက်တွင် OPDO အဖွဲ့ဝင်အဖြစ် တော်လှန်ရေး ပါဝင်ဆင်နွှဲခဲ့ကာ ၁၉၉၃ တွင် အီသီယိုးပီးယား ကာကွယ်ရေး တပ်ဖွဲ့ဝင်ဖြစ်လာပြီး ထောက် လှမ်းရေးနှင့် ဆက်သွယ်ရေးဌာန ၌ အများဆုံးတာဝန်ထမ်းဆောင် ခဲ့သည်။

ယင်းကာလမှာပင် အဘီယီ သည် အီသီယိုးပီးယားအစိုးရ၏ ဖုန်းနှင့် ဆက်သွယ်ရေးဘုတ်အဖွဲ့ အများအပြားတွင် ပါဝင်ခဲ့သည်။

၂၀၁၀ ပြည့်နှစ်တွင် ဒုတိယဗိုလ်မှူးကြီးဘဝမှ အနားယူပြီး နိုင်ငံရေးလောကသို့ဝင်ရန် ဆုံး ဖြတ်ခဲ့သည်။

အိုရိုမီယာဒေသကို ၁၉၉၁ ကစ၍ အုပ်ချုပ်ခဲ့သော OPDO ပါတီအဖွဲ့ဝင် အဘီယီသည် နိုင်ငံ ရေးလောကသို့ ခြေစုံပစ်ဝင်ခဲ့ပြီး ယင်းပါတီ၏ အမှုဆောင်ကော်မတီနှင့် မဟာမိတ် EPRDF အဖွဲ့၏ အမှုဆောင်ကော်မတီနှစ်ရပ် တွင် အလျင်အမြန်နေရာရလာပြီး ၂၀၁၀ ၌ ပါလီမန်အဖွဲ့ဝင်အဖြစ် ရွေးကောက် တင်မြှောက်ခံရ သည်။

ပါလီမန်တွင် ရှိနေစဉ် ၂၀၁၄၌ အစိုးရထူထောင်သော သိပ္ပံနှင့်နည်းပညာ သတင်းအချက်အ လက်စင်တာ (STIC) ညွှန်ကြားရေးမှူးချုပ်အဖြစ် ခန်အပ်ခံရ သည်။

၂၀၁၅ တွင် သိပ္ပံနှင့် နည်း ပညာဝန်ကြီးဖြစ်လာသည်။

၂၀၁၅ တွင် အစိုးရ၏ မြေ ယာသိမ်းယူရေးလုပ်ငန်းများကို အိုရိုမီယာဒေသ၌ အဘီယီက ဦးဆောင်တိုက်ပွဲဝင်ခဲ့ပြီး နိုင်ငံရေး လောကတွင် နာမည်ရလာသည်။

အစိုးရဝန်ကြီးနေရာမှလည်း နုတ်ထွက်ခဲ့သည်။

မြေယာသိမ်းယူရေးကိစ္စများ ကြောင့်ပင် အီသီယိုးပီးယားအစိုးရ အဖွဲ့ မတည်မငြိမ်ဖြစ်ခဲ့ပြီး ဝန်ကြီး ချုပ် ဟိုင်လီမာရီယန်က ရာထူးမှ နုတ်ထွက်ကြောင်း ၂၀၁၈ ဖေဖော် ဝါရီတွင် ကြေညာသည်။

EPRDF ဥက္ကဋ္ဌ အဖြစ်မှ လည်း မာရီယန်က နုတ်ထွက်ခဲ့ သည်။

ယင်းအတွက် EPRDF မဟာ မိတ်အဖွဲ့က နိုင်ငံ၏ ဝန်ကြီးချုပ် နေရာယူရမည့်လူကို အလျင်အ မြန်ရှာဖွေရာ နောက်ဆုံးတွင် အဘီယီအာမက်ကို တွေ့ရှိပြီး အာဏာရမဟာမိတ်အဖွဲ့ဥက္ကဋ္ဌအဖြစ် တင်မြှောက်ခဲ့သည်။

၂၀၁၈ ဧပြီ ၂ ရက်တွင် အီသီယိုးပီးယားပါလီမန်က အဘီ ယီအား ဝန်ကြီးချုပ်အဖြစ် အတည်ပြုမဲပေးကာ ကျမ်းသစ္စာကျိန်ဆို စေသည်။

အိမ်ထောင်သည်တစ်ဦးဖြစ် သော အဘီယီသည် စစ်တပ်၌ တာဝန်ထမ်းဆောင်စဉ် တွေ့ဆုံခဲ့ သော ဇနီးသည် ဇီနက်ရ်ှတာယာချူးနှင့် သမီးသုံးဦး ထွန်းကားခဲ့ သည်။        

Ref:Wikipedia