ချင်းမျိုးနွယ်စု ကိုယ်စားလှယ်များ ပါဝင်မည့် ငြိမ်းချမ်းရေးဖိုရမ် ကျင်းပမည်

 ချင်းပြည်နယ် ပလက်ဝ မြို့နယ် ဆမီးမြို့၌ မေလ ၁၈ ရက်တွင် ငြိမ်းချမ်းရေး ဖိုရမ်ကို ပထမအကြိမ်ပြုလုပ်မည်ဖြစ်သည်။

ဖိုရမ်တွင် ချင်းမျိုးနွယ်ကိုယ်စားလှယ်များ၊ လူငယ်များ၊ အမျိုးသမီးများ၊ ဘာသာရေးခေါင်း ဆောင်များ၊ ကျေးရွာအုပ်စုအုပ် ချုပ်ရေးမှူးများ၊ အစိုးရဌာနဆိုင် ရာ ကိုယ်စားလှယ်များ အရပ် ဘက်အဖွဲ့အစည်းများမှ ကိုယ်စား လှယ်များ တက်ရောက်ဆွေးနွေး မည်ဖြစ်ကြောင်း ဖိုရမ်ဖြစ်မြောက် ရေး စီစဉ်နေသည့် ရိုက်ကီးလူ ထုဖွံ့ဖြိုးရေး ဖောင်ဒေးရှင်းစီမံကိန်းမန်နေဂျာ ဦးမောင်ညိုက ပြောသည်။

ချင်းမျိုးနွယ်စုများဖြစ်သည့် ခူမီး၊ ခမိ၊ မြို၊ ခေါင်စို၊ မရာ၊ မတူ မျိုးနွယ်စုကိုယ်စားလှယ်များ ငြိမ်း ချမ်ေးရးဖိုရမ်သို့ တက်ရောက်ကာ မျိုးနွယ်စုများကြား စည်းလုံးညီညွတ်ရေး ဆွေးနွေးမည် ဖြစ်ကြောင်း ၎င်းကဆိုသည်။

ချင်းမျိုးနွယ်စုများအကြား အပြန်အလှန်ယုံကြည်မှု တိုးတက် လာစေရန်၊ မသင့်မြတ်မှုများ ပပျောက်စေရန်၊ နိုင်ငံတော်၏ ငြိမ်းချမ်းရေး တည်ဆောက်မှုတွင် ပူးပေါင်းပါဝင်ရန်၊ ဒေသခံများ၏ အသံများထွက်ပေါ်လာစေရန် ရည်ရွယ်၍ ငြိမ်းချမ်းရေးဖိုရမ်ကို အကောင်အထည်ဖော်ခြင်းဖြစ် ကြောင်း ဦးမောင်ညိုက ဆိုသည်။

ချင်းမျိုးနွယ်များကြား ဖြစ် ပေါ်နေသည့် စိတ်ဝမ်းကွဲပြားမှု သည်ဘာသာစကားကွဲပြားခြင်း၊ စာပေမတူညီခြင်း၊ ချင်းမျိုးနွယ်စုများကြား တန်းတူညီမျှ သည့် အခွင့်အရေးမရရှိဟု ယုံကြည်နေခြင်း ကြောင့်ဖြစ်ကြောင်း ၎င်းကပြော သည်။

‘‘ဒီငြိမ်းချမ်းရေးဖိုရမ်က ရရှိ လာတဲ့အချက်တွေကို အခြေခံပြီး ဇူလိုင်မှာ အသိပေးတောင်းဆို ခြင်းဆိုတဲ့ အလုပ်ရုံဆွေးနွေးပွဲ တစ်ခုလုပ်မယ်။ အဲဒီမှာမှ နောက် ဆုံးရရှိလာတဲ့ အချက်တွေကို လွှတ်တော်အမတ်တွေ၊ ၀န်ကြီး တွေနဲ့ သက်ဆိုင်ရာ အစိုးရဌာန တွေကို တင်ပြသွားမှာပါ’’ ဟု ဦးမောင်ညိုက ပြောသည်။

ငြိမ်းချမ်းရေးအမြင်ဖွင့်သင် တန်းနှင့် မျိုးနွယ်စုအပြန်အလှန် နှီးနှောဖလှယ်ခြင်း စကားဝိုင်းများ မှ ထွက်ပေါ်လာသည့် ဆွေးနွေး ချက်များကို ကျင်းပမည့် ဖိုရမ် တွင် အဓိကထား ဆွေးနွေးမည်ဖြစ်ကြောင်း ၎င်းကဆိုသည်။

သုံးရက်တာ ကြာမြင့်သည့် ငြိမ်းချမ်ေးရး အမြင်ဖွင့်သင်တန်း ကို တစ်ကြိမ်လျှင် လူဦးရေ ၃၀ ခန့်ဖြင့် ၁၀ ကြိမ်ပြုလုပ်ပြီး မျိုး နွယ်စုအပြန်အလှန် နှီးနှောဖလှယ်ခြင်း စကားဝိုင်းကို ၁၀ ကြိမ်ပြု လုပ်ခဲ့ကြောင်း ဦးမောင်ညိုက ပြောသည်။

ငြိမ်းချမ်းရေးဖိုရမ်ကျင်းပ မည့် ဆမီးမြို့ကို ၂၀၁၂ တွင် အစိုးရက မြို့အဖြစ် သတ်မှတ်ခဲ့ပြီး အိမ်ခြေ ၇၀၀ ခန့်ရှိကာ လူဦးရေနှစ်ထောင်ကျော် ရှိသည်။