မြန်မာထံမှ လိုချင်တာတွေကို တရုတ်က ဘယ်လိုအရယူသလဲ

နိုင်ငံတော်၏အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်နှင့် တရုတ်သမ္မတစီကျင်းပင်တို့ ၂၀၁၆ ခုနှစ်က ဘေဂျင်းမြို့တွင် တွေ့ဆုံခဲ့ကြစဉ်(DELA PENA/AFP)

တိုင်းရင်းသားလက်နက်ကိုင် အုပ်စုများနှင့် မြန်မာက နောက်တစ်ကြိမ်ငြိမ်းချမ်းရေးဆွေးနွေးပွဲလုပ်ရန် ပြင်ဆင်သောအခါ အားလုံး၏ မျက်လုံးများက တရုတ်နိုင်ငံအပေါ် ပြုံကျလာကြသည်။

မြန်မာ့ငြိမ်းချမ်းရေးလုပ်ငန်း စဉ်မှာ အနောက်နိုင်ငံတွေက ဘေးကနေ ရပ်ကြည့်အဆင့်သာရှိ သော်လည်း တိုင်းရင်းသားလက် နက်ကိုင်အုပ်စုများရော အစိုးရကို ပါ သူ၏ ထိထိရောက်ရောက်ကိုင် ထားနိုင်သည့် အနေအထား ကြောင့် တရုတ်နိုင်ငံက တစ်ဦး တည်းသော အပြင်လူအဖြစ်ပါဝင် လာသည်။


သို့ရာတွင် အနောက်နိုင်ငံက ဆွေးနွေးသူများနှင့် မတူသည်မှာ တရုတ်နိုင်ငံသည် ငြိမ်းချမ်းရေး ထက် သူ၏ မဟာဗျူဟာအရေးအ တွက် မြန်မာ၏ ကာလရှည်ကြာ ပြည်တွင်းစစ်မှာ ပါဝင်နေသူ ပေါင်းစုံနှင့် ပတ်သက်ဆက်ဆံနေ ခြင်း ဖြစ်သည်။ တရုတ်သည် လတ်တလောသံတမန်ရေးရာအ နေအထားကို ပြောင်းလဲရန် သူတို့၏ မဟာဗျူဟာကိုလည်း မကြာ သေးခင်က ငြိမ်းချမ်းရေးဆွေးနွေး ပွဲသို့ ပြောင်းလဲဦးတည်လာခဲ့၏။

မြန်မာအပေါ်ထားရှိသည့် အဓိကရည်မှန်းချက်မှာ ရခိုင်ပြည် နယ် တောင်ပိုင်းက ရေနက်ဆိပ် ကမ်းကို စိတ်ချလက်ချဆက်သွယ် နိုင်ရေး၊ နိုင်ငံကိုဖြတ်သန်းသွယ် တန်းထားသော ရေနံနှင့် ဓာတ်ငွေ့ ပိုက်လိုင်းများကို ကာကွယ်ရေး နှင့် သူ၏ ကုန်တွင်းပိတ်အနောက် တောင်ပိုင်း ပြည်နယ်များနှင့် အိန္ဒိယသမုဒ္ဒရာသို့ ဆက်သွယ် ရေးအတွက် လုံခြုံသောလမ်း ကြောင်းအဖြစ် မြန်မာကို ထိန်း သိမ်းထားရေးဖြစ်၏။

ထိုလမ်းကြောင်းက တရုတ် ကို မလက္ကာရေလက်ကြားပြဿ နာကနေ ရှောင်ကွင်းသွားစေ သည်။ မလက္ကာရေလက်ကြား သည် တရုတ်တို့၏ ရေကြောင်း ဆိုင်ရာဓာတ်ငွေ့တင်ပို့မှု ၈၀ ရာ ခိုင်နှုန်းကို တင်သွင်းနေသော အ ချက်အချာနေရာတစ်ခုဖြစ်ပြီး ပဋိ ပက္ခဖြစ်နေသောအချိန်မှာ အမေ ရိကန်က ပိတ်ဆို့လိုက်မည်ကို တရုတ်မဟာဗျူဟာပညာရှင်များ က ကြောက်ရွံ့စိုးရိမ်ကြသည်။

ပြည်သူတွေ၏ ဆန္ဒနှင့် ဆန့် ကျင်သွေဖည်သည်ဆိုပြီး မြန်မာနိုင်ငံမြောက်ပိုင်းက မြစ်ဆုံရေအား လျှပ်စစ်ဆည်ဆောက်လုပ်မှုကို ၂၀၁၁ ခုနှစ် စက်တင်ဘာ ၃၀ ရက်တွင် သမ္မတဟောင်း ဦးသိန်းစိန်အစိုးရက ရပ်ဆိုင်းကြောင်း ကြေညာလိုက်သည့်အခါ တရုတ်နိုင်ငံနှင့် တစ်ကမ္ဘာလုံးအံ့အားသင့် သွားကြရသည်။

၇၆၆ ကီလိုမီတာသစ်တော မြေမှာ ဆောက်လုပ်မည့် တရုတ် အစိုးရနောက်ခံအားပေးအမေရိ ကန်ဒေါ်လာ သန်း ၃,၆၀၀ တန်ဖိုး ရှိ မြစ်ဆုံဆည်သည် မြန်မာပြည် ၏ အသက်သွေးကြော ဧရာဝတီ မြစ်စီးဆင်းမှုကို ပြောင်းလဲစေနိုင် သည်။ ထို့ပြင် ထွက်ရှိသမျှ လျှပ် စစ်ဓာတ်အား ၉၀ ရာခိုင်နှုန်းကို လည်း တရုတ်သို့ တင်ပို့မည်ဖြစ်၏။

 ထိုအချိန်အထိ မြန်မာကို တရုတ်တို့အပေါ် ရိုကျိုးသော နိုင်ငံတစ်ခုအဖြစ်အများက ယူဆထား ခဲ့ကြသည်။ ပြန်လှန်သုံးသပ်ကြည့်မည်ဆိုလျှင် ဦးသိန်းစိန်၏ ဆုံး ဖြတ်ချက်သည် လူထုသဘောကျ သည့် ဆန္ဒဆိုသည်ထက် စစ်တပ် အတွင်းပိုင်းကနေ ထွက်ပေါ်လာ သော နိုင်ငံရေးရလဒ်တစ်ခုသာ ဖြစ်ခဲ့သည်။ တကယ်တမ်းတွင် မြန်မာသည် မြောက်ဘက်ပိုင်းက အိမ် နီးနားချင်း တရုတ်အပေါ် မှီခိုရမှု ကို လျှော့ချချင်နေပြီ။ အနောက် နိုင်ငံများနှင့် ဆက်ဆံရေးတိုးတက်ချင်သည်ဆိုသည်ကို တရုတ်နိုင်ငံ သို့ ပထမဆုံးပြတ်ပြတ်သားသား အချက်ပေးလိုက်ခြင်းဖြစ်၏။

သည်အပြောင်းအလဲကအ စတွင် တကယ်ကို အလုပ်ဖြစ်ခဲ့ သည်။ အမေရိကန်၊ ဥရောပသမဂ္ဂနှင့် တခြားနိုင်ငံများသို့ မြန်မာ၏ ဆက်ဆံရေးမှာ ပြောစမှတ်ဖြစ်ရ အောင် တိုးတက်လာသည်။ ဦး သိန်းစိန်၏ မြစ်ဆုံဆည်ရပ်ဆိုင်း ကြောင်း ကြေညာချက်အပြီး လ များအကြာ အမေရိကန်နိုင်ငံခြား ရေးဝန်ကြီး ဟီလာရီကလင်တန် က အမေရိကန်အဆင့်မြင့်အစိုးရ တာဝန်ရှိသူတစ်ဦး၏ ခရီးစဉ်အ ဖြစ် မြန်မာသို့ လာခဲ့သည်။ ကလင်တန်လာအပြီး ၂၀၁၂ ခုနှစ်တွင် သမ္မတအိုဘားမားက လာရောက် ခဲ့သည်။ ထို့နောက် ၂ နှစ်အကြာ မှာလည်း မြန်မာက အာဆီယံဥက္ကဋ္ဌအဖြစ် ကျင်းပသော ထိပ်သီးအစည်းအဝေးသို့ လာရောက်ခဲ့သည်။

၂၀၁၃ မေလတွင် ဦးသိန်းစိန်သည် ၁၉၆၆ ခုနှစ်က အမေရိကန် သို့ လာရောက်ခဲ့သော ဗိုလ်ချုပ် နေ၀င်းပြီးလျှင် ပထမဆုံးအမေရိ ကန်သို့ တရားဝင်လာရောက်ခဲ့ သော မြန်မာအစိုးရခေါင်းဆောင် ဖြစ်ခဲ့သည်။ ဒေါ်အောင်ဆန်းစု ကြည်နှင့် သူ၏ အမျိုးသားဒီမိုက ရေစီအဖွဲ့ချုပ် (အင်န်အယ်လ်ဒီ) တို့ အာဏာရရှိခဲ့သော ၂၀၁၅ ခုနှစ်ရွေးကောက်ပွဲအပြီးတွင် မြန်မာ နှင့် အနောက်နိုင်ငံများ၏ ဆက်ဆံရေးက ပိုပြီးရင်းနှီးလာသည်။

အမေရိကန်နှင့် မြန်မာတို့၏ နွေးထွေးလာသော ဆက်ဆံရေး ကြောင့် တရုတ်အား အ၀ါကတ်ပြ နေသောသူနှင့် မြန်မာတို့၏ ဆက် ဆံရေးကို နည်းလမ်းရှာပုံစံပြောင်း ဖို့ ဖြစ်လာစေသည်။ ၂၀၁၂ ခုနှစ် တရုတ်နိုင်ငံက ပညာရှင်ဆိုင်ရာ ဂျာနယ်များတွင် တရုတ်-မြန်မာ ဆက်ဆံရေးဘာမှားနေလဲ၊ သည်ဖြစ်ရပ်ကို ပြန်အဖတ်ဆယ်ရန် ဘာလုပ်ရမလဲဆိုသည်ကို သုံးသပ်ဝေဖန်ထားသည့် ဆောင်းပါး များစွာ ရေးသားခဲ့ကြသည်။

 အဆိုပြုချက်တစ်ခုမှာ တရုတ်၏ ရင်းနှီးမြှုပ်နှံမှုများသည် တရုတ်အစိုးရ၏ အကျိုးအမြတ် တစ်ခုတည်းကိုသာ လုပ်ထား သည်ဆိုသော ထင်မြင်ချက်အပြင် မြန်မာတို့၏ တရုတ်တို့အပေါ် မ ကောင်းမြင်နေမှုများကို ပြောင်း လဲအဖတ်ဆယ်ရန် ရည်ရွယ်သည့် လူထုဆက်ဆံရေးစီမံကိန်းကို မြန် မာမှာ လုပ်ဆောင်ရန် ဖြစ်သည်။

ထို့ပြင် မြန်မာလူမှုအသိုင်း အ၀ိုင်းရောက်ရှိရန် စတင်ကြိုးစား ပြီး နေရာအနှံ့မှာ အင်န်အယ်လ်ဒီအပါအ၀င် တခြားဒီမိုကရေစီအုပ်စုများနှင့် အစိုရချင်းအစိုးရ၊ ပါတီ ချင်း ပါတီ၊ လူထုချင်းလူထုပုံစံ တရုတ်အစိုးရကွန်မြူနစ်ပါတီ ဦး ဆောင်မှုဖြင့် ပူးပေါင်းချဉ်းကပ် လာသည်။

ထိုနည်းဗျူဟာသည် စစ် တပ်ခေါင်းဆောင်များနှင့် သူတို့၏လက်စွဲအခွင့်ထူးခံ စီးပွားရေးသ မားများနှင့်သာ သဘောတူညီ ချက်ယူပြီး လုပ်ဆောင်ခြင်းထက် ပိုတာသွားသည်။ အင်န်အယ်လ်ဒီ ပါတီဝင်များ၊ ပြည်တွင်းက ပညာ ရှင်များ၊ သတင်းစာဆရာများ တရုတ်သို့ ဖိတ်ကြားခံရသည်။ ပါတီအချင်းချင်းဆက်ဆံရေးအရ လည်း ၁၉၆၀ ခုနှစ်ကတည်းက တရုတ်ကွန်မြူနစ်ပါတီနှင့် အ ဆက်အသွယ်ရှိသော မြန်မာ့လက်နက်ကိုင်လှုပ်ရှားမှုများနှင့်လည်း ပတ်သက်ဆက်နွှယ်ခဲ့သည်။

မြစ်ဆုံဆည်ရပ်ဆိုင်းခံရကတည်းက ဒေါ်လာသန်းထောင်ပေါင်းများစွာ အဆိုပါသဘောတူညီချက်ကို ပြန်လည်ညှိနှိုင်းရန် တရုတ်က ထပ်တလဲလဲ ပြောကြားခဲ့၏။ သို့သော် မန္တလေးက ထင်ရှားသည့် စီးပွားရေးသမားတစ်ဦးက မြစ်ဆုံဆည်ပြန်လည်စတင်ရန်မှာ မဖြစ်နိုင်တော့ဘူးဆိုသည်ကို တရုတ်တို့က နားလည်သဘောပေါက်သည်ဟု တုံ့ပြန်ပြောဆိုခဲ့သည်။ အဆိုပါစီးပွားရေးသမားသည် နယ်စပ်ဒေသ၌ နှစ်ပေါင်းများစွာ တရုတ်တို့နှင့် ဆက်ဆံလုပ်ကိုင်နေသူ ဖြစ်သည်။မြန်မာ့စီးပွားရေးဦးပိုင်နှင့် တရုတ်အစိုးရပိုင်မြောက်ပိုင်းစီး ပွားရေးကော်ပိုရေးရှင်းနောက်ခံ ၀မ်ပေါင်သတ္တုတွင်းကုမ္ပဏီတို့ ပူးပေါင်းဖက်စပ်လုပ်ကိုင်နေသော လက်ပံတောင်း ကြေးနီသတ္တု တွင်းမှာလည်း ထို့အတူဖြစ်သည်။ ဒေသခံရွာသားများက အဆိုပါ သတ္တုတွင်း၏ နည်းပါးသော လျော်ကြေးအစီအစဉ်၊ ပတ်ဝန်း ကျင်နှင့် ကျန်းမာရေးကို ထိခိုက် သက်ရောက်မှု၊ အနီးအနားက အရေးပါသော သာသနိကအဆောက်အအုံတစ်ခုကို ဖျက်ဆီးမှုတို့ကို နှစ် ပေါင်းများစွာ ဆန္ဒပြခဲ့ကြသည်။

အဆိုပါစီမံကိန်းများကို မြန် မာမှာ ဘယ်လောက်တောင်လူအ များမကြိုက်ဖြစ်နေသည်ကို တရုတ်တို့က သဘောပေါက်နားလည် သည်ဟု အဆိုပါစီးပွားရေးလုပ် ငန်းရှင်က ဆိုသည်။ မြန်မာနှင့် ဆက်ဆံရေး အလျင်အမြန်တိုး တက်လာချိန်တွင် တရုတ်ကို မုန်းတီးမှုများပြန်ဖြစ်လာမည်ကို ဘေဂျင်းအစိုးရကမလိုချင်ဆုံး ဖြစ် သည်။ ထိုအချိန်မှာ ရခိုင်ဒေသရှိ မွတ်စလင်များအပေါ် မြန်မာစစ် တပ်၏ အခွင့်အရေးချိုးဖောက်မှု များကြောင့် အနောက်နိုင်ငံများ နှင့် ဆက်ဆံရေးကလည်း တင်းမာလာသည်။

အနောက်အုပ်စုများက (မူရင်း − ရိုဟင်ဂျာဟု သုံးစွဲ) လူရှစ်သိန်းခန့် ဘင်္ဂလားဒေ့ရ်ှနိုင်ငံသို့ဖြတ်ကျော် ထွက်ပြေးရစေသောလူအမြောက်အမြားကို သတ်ဖြတ်မှုအား ရှုတ်ချခဲ့သည်။ အခြားတစ်ဖက်မှာတော့  တရုတ်က မြန်မာအစိုးရကို သူတို့ကထောက်ခံအားပေးကြောင်း ခိုင်မာသေချာစေသည်။

 ကုလသမဂ္ဂက လူမျိုးတုံး သတ်ဖြတ်မှုဟု ပြောဆိုခဲ့ပြီး မြန် မာကို လုံခြုံရေးကောင်စီမှာ စွဲ ချက်တင်ခြင်းကို တရုတ်က ဗီတို အာဏာသုံးပြီး ပယ်ချခြင်းကဲ့သို့ လုပ်ဆောင်မှုများ ဖြစ်သည်။

တစ်ချိန်တည်းမှာပင် နိုင်ငံ တကာရာဇ၀တ်မှု တရားရုံးကရော မရုပ်တုသဘောတူစာချုပ်ဥပဒေအရ လူအမြောက်အမြားကို ပြည်ပသို့ နှင်ထုတ်မှုကို လူသားဖြစ်တည်မှုကို ဆန့်ကျင်သည့် ရာဇ၀တ်မှုအဖြစ် မြန်မာကို စွဲချက်တင်ရန် စဉ်းစားနေသည်။

စစ်အုပ်ချုပ်ရေးစနစ်ကနေ ဒီမိုကရေစီနိုင်ငံသို့ ပြောင်းစဉ်က အနောက်အုပ်စု၏ အသည်းကျော်ဖြစ်ခဲ့သော မြန်မာကို ယခုတစ်ခါ နိုင်ငံတကာ၏ အပယ်ခံအဖြစ်မြင် လာကြသည်။ မြန်မာနိုင်ငံ၏ အ တိုင်ပင်ခံပုဂ္ဂိုလ်ငြိမ်းချမ်းရေးဆု ရှင် ဒေါ်အောင်ဆန်းစုကြည်ကိုလည်း လူအမြောက်အမြားသတ်ဖြတ်မှုမှာ ပတ်သက်နေသူအဖြစ် စွပ်စွဲကြပြီး သူ့ကိုပေးထားသော နိုင်ငံတကာဆုအချို့ကိုလည်း ရုပ်သိမ်းခဲ့ကြ၏။

ပြောင်းလဲသွားသော နိုင်ငံ ရေးလမ်းကြောင်းမှာ တရုတ်က ပါးနပ်လိမ္မာစွာအခွင့်အရေးကို အသုံးချပြီး သူ၏ မဟာဗျူဟာရည် မှန်းချက်များကို တွန်းအားပေးနေ သည်။ သူတို့ ရပ်တန့်ခဲ့ရသော မြစ်ဆုံဆည်နှင့် လက်ပံတောင်း တောင်စီမံကိန်းကို မကြာခဏသတိပေးရင်း ယခုအခါ တရုတ်တောင်ပိုင်းနှင့်ကျောက်ဖြူဆိပ်ကမ်းကို အမြန်ရထားလမ်းဖောက်ရန် အထီးကျန်ဖြစ်နေသော ဒေါ်အောင် ဆန်းစုကြည်အစိုးရကို ဖိအားပေး နေသည်။

၂၀၁၁ ခုနှစ်က ရထားလမ်း ဖောက်လုပ်ရန် သဘောတူထားမှု သည် မြန်မာဘက်က အဆိုပါစီမံ ကိန်းကို စိတ်ဝင်စားမှုမရှိသော ကြောင့် ၂၀၁၄ ခုနှစ်တွင် ပျက်ပြား သွားခဲ့ရသည်။ ပြီးခဲ့သည့် နှစ်က တရုတ်အမျိုးသားလွှတ်တော်အ မတ်များက အဆိုပါရထားလမ်း ဖောက်လုပ်ရန် တောင်းဆိုခဲ့ပြီး တရုတ်အစိုးရတာဝန်ရှိသူတစ်ဦး က အဆိုပါစီမံကိန်းသည် အိန္ဒိယ သမုဒ္ဒရာသို့ ကုန်သွယ်မှုလမ်းပွင့် မည့် တရုတ်တို့၏ မဟာဗျူဟာ အစီအစဉ်ကို ပံ့ပိုးရန် လိုအပ်သည်ဟု ပြောကြားခဲ့သည်။

တုတ်တစ်လှည့်၊ မုန့်တစ်လှည့်အနေအထားဖြင့် တရုတ်နိုင်ငံသည် မြန်မာပြည်က တိုင်းရင်း သားလက်နက်ကိုင်များအပေါ် သူ ၏ သြဇာလွှမ်းမိုးမှုကို အသုံးချ နေသည်။ ငြိမ်းချမ်းရေးပွဲစားအ ဖြစ် သူ့ကိုယ်သူနေရာယူပြီး သူ၏ ရည်မှန်းချက်များအတွက် တွန်းပို့ နေသည်။ တရုတ်က မြန်မာ၏ အကြီးဆုံးနှင့် အင်အားအကြီးဆုံး ‘၀’တပ်မတော်ကို ခေတ်မီစစ်အ သုံးအဆောင် အမြောက်အမြား ထောက်ပံ့ပေးနေသည်မှာ အား လုံးသိနေသော လျှို့ဝှက်ချက်ကြီး ဖြစ်နေသည်။ တစ်ချိန်တည်းမှာ လည်း ငြိမ်းချမ်းရေးလိုချင်ကြောင်းပြောကြားနေပြန်သည်။

အဘယ်ကြောင့်ဆိုသော် မြန်မာမှာ သူတို့ရေရှည်လိုလားနေ သော အရာအားလုံးကို တရုတ် အနေဖြင့် မရရှိသေးချေ။ မြန်မာ မှာ သူတို့၏ အများကြီးတိုးတက် လာသော အနေအထားကို မြင်နေရပြီဖြစ်သဖြင့် တရုတ်တို့က မြန်မာ၏ တိုင်းရင်းသားလက်နက်ကိုင် တိုက်ပွဲများအတွက် နောက်ဆုံး အမြန်ဆုံးရလဒ်ကို တွေ့ရန်လည်း အလျင်မလိုသေးပါ။ အဆိုပါ အဓိပ္ပာယ်ကား မေလတွင် ကျင်းပရန် ရည်ရွယ်ထားသော ငြိမ်းချမ်း ရေးညီလာခံသည် ၂၀၁၆၊ ၂၀၁၇ ခုနှစ်များကဲ့သို့ပင် အဖြေမတိမကျ၊မရေမရာဖြစ်ပြီး သွားမည်ဆိုသည့်သဘောပင်။

(Asia Times ပါ ဆောင်းပါးရှင် ဘာတေးလ်လင့်တနာ၏ How China gets what it wants in Myanmarကို ထားထားမြင့် ဘာသာပြန်ဆိုသည်။)
 

Top News