စောင့်ကြည့်ရမည့် မလေးရှားရွေးကောက်ပွဲ

မလေးရှားဝန်ကြီးချုပ်ဟောင်း မဟာသီယာမိုဟာမက် မလေးရှားဝန်ကြီးချုပ် နာဂျစ်ရာဇက် EPA

မလေးရှားရွေးကောက်ပွဲကို မေလ ၉ ရက်တွင် ကျင်းပမည်ဖြစ်ရာ အရှုပ်တော်ပုံများ စွန်းထင်နေ သော လက်ရှိဝန်ကြီးချုပ် နာဂျစ် ရာဇက်က ၎င်းအား တစ်ချိန်က ထုဆစ်ပုံသွင်းခဲ့သူ ဝန်ကြီးချုပ် ဟောင်း မဟာသီယာမိုဟာမက်၏ စိန်ခေါ်မှုကို ဖယ်ရှားပစ်နိုင်မည် လားဆိုသည်ကို အနီးကပ်စောင့် ကြည့်နေမည်ဖြစ်သည်။


မဟာသီယာဦးဆောင်သော အတိုက်အခံအဖွဲ့သည် ရွေး ကောက်ပွဲယန္တရားနှင့် ညီညွတ်မှု လိုအပ်ချက်ရှိနေပြီး အာဏာရ မဟာမိတ်အဖွဲ့ကို စိန်ခေါ်ရန် ခိုင် မာသော မူဝါဒပလက်ဖောင်းမရှိ သောကြောင့် လက်ရှိအာဏာရ မဟာမိတ်အဖွဲ့က အနိုင်ရရှိမည် ဟု ဆန်းစစ်လေ့လာသူ အများ အပြားက ယုံကြည်သည်။

မဟာသီယာ မိုဟာမက် (၉၂) နှစ်သည် နောက်လိုက် နောက်ပါအများစုကို ဆွဲဆောင် နိုင်ဆဲဖြစ်ပြီး အထူးသဖြင့် အစဉ် အလာအားဖြင့် အစိုးရကို လိုလား သော မလေးလူမျိုးများကြား ထောက်ခံမှု ကျယ်ပြန့်စွာ ရရှိထား သည်။ မလေးလူမျိုးများသည် အ ကြီးဆုံးလူမျိုးအုပ်စုဖြစ်ပြီး မလေး ရှားနိုင်ငံ၏ (၁၄) ကြိမ်မြောက်ရွေး ကောက်ပွဲတွင် ၎င်းတို့၏ဆန္ဒမဲ များက အဓိကကျမည်ဖြစ်သည်။ သို့သော် မဟာသီယာ၏ပါတီသည် စာရွက်စာတမ်းများ အပြည့်အစုံ မတင်ပြခဲ့သောကြောင့် အာဏာ ပိုင်များက ယာယီဖျက်သိမ်းရေး အယူခံဝင်ခဲ့ရသည်။ နောက်ပိုင်း တွင် တရားရုံးအမိန့်ဖြင့် ဖျက်သိမ်း ရေးကို ဆိုင်းငံ့ထားခဲ့သည်။

ယှဉ်ပြိုင်မှု

နာဂျစ်၏ အာဏာရမဟာ မိတ်အဖွဲ့ အမျိုးသားတပ်ဦး (BN) သည် ပါတီ ၁၄ ခုဖြင့် ဖွဲ့စည်း ထားပြီး မဟာသီယာ၏ လေးပါတီ  စုစည်းထားသော မျှော်လင့်ချက် မဟာမိတ်ဟု အဓိပ္ပာယ်ရသည့် Pakatan Harapan အဖွဲ့ကို ရင် ဆိုင်ရမည်ဖြစ်သည်။ မလေးရှား နိုင်ငံမှ နိုင်ငံရေးပါတီများသည် လူ မျိုးအလိုက် အခြေခံထားတတ် သဖြင့် ရွေးကောက်ပွဲ အကြောင်း အရာများနှင့် အစိုးရမူဝါဒအပေါ် အချေအတင် ငြင်းခုံမှုများတွင် လူမျိုးရေးနှင့် ဂိုဏ်းဂဏစိုးရိမ်မှု များအပေါ် အခြေခံတတ်သည်။

နာဂျစ်၏ ပါတီဖြစ်သော ညီ ညွတ်သော မလေးအမျိုးသား အ စည်းအရုံး (UMNO) သည် အကြီး ဆုံးပါတီဖြစ်ပြီး ပါလီမန်အမတ် နေရာ သုံးပုံတစ်ပုံ ရရှိထားသည်။ မဟာသီယာ၏ PH အဖွဲ့တွင် တရုတ်မျိုးနွယ်များ လွှမ်းမိုးထား သော DAP ပါတီက အကြီးဆုံးဖြစ် ကာ Pavfi Keadilan Rakyat (သို့မဟုတ်) ပြည်သူ့တရားမျှတမှု ပါတီက ဒုတိယအကြီးဆုံးဖြစ် သည်။ PKR ကို အကျဉ်းကျနေ သည့် ဒုတိယဝန်ကြီးချုပ်ဟောင်း အန်နဝါအီဘရာဟင်က ထိန်းချုပ် ထားသည်။

PAS ဟု လူသိများသော အစ္စလာမ်မစ်ပါတီသည် ယခင်က အတိုက်အခံအုပ်စုတွင် ပါဝင် သော်လည်း လစ်ဘရယ်စိတ်ဓာတ်  ရှိသော အမတ်များက ခွဲထွက်ပြီး မဟာသီယာ၏ PH အဖွဲ့နှင့် ပူး ပေါင်းခဲ့ပြီးနောက် အာဏာရမဟာ မိတ်အဖွဲ့ဘက် ယိမ်းခဲ့သည်။ သို့ သော် PAS က ရွေးကောက်ပွဲတွင် သီးခြား ယှဉ်ပြိုင်မည်ဖြစ်သည်။ သုံးပွင့်ဆိုင် ယှဉ်ပြိုင်မှုကြောင့် အတိုက်အခံအခွင့်အရေး ထိ ခိုက်မည်ဖြစ်သည်။

ရွေးကောက်ပွဲဘာကြောင့်အရေးကြီး

နာဂျစ်က ၎င်းအပေါ် မဲဆန္ဒ ရှင်များ၏ တာဝန်အပ်နှင်းမှု ပိုမို ခိုင်မာစေရန် ရွေးကောက်ပွဲကို အ သုံးပြုမည်ဖြစ်သည်။  တစ်ချိန်က ၎င်းထိန်းချုပ်ခဲ့သော နိုင်ငံတော် ရန်ပုံငွေအဖွဲ့ (IMDB) တွင် ဖြစ် ပေါ်ခဲ့သော ဘဏ္ဍာရေးအရှုပ်တော်ပုံကြောင့် ၎င်း၏နာမည် ကောင်း ထိခိုက်ခဲ့ရခြင်းကို ကြောက်နေပါက ယခုရွေး ကောက်ပွဲသည် ၎င်းအတွက် အ ရေးကြီးသည်။ ၎င်းတို့လုပ်ဖော် ကိုင်ဖက်များ အခြားနိုင်ငံများတွင် လိမ်လည်မှု စုံစမ်းစစ်ဆေးခြင်း ပစ်မှတ်များ ဖြစ်နေသော်လည်း နာဂျစ်က IMDB တွင် ရန်ပုံငွေ များ မှားယွင်းစွာ စီမံခန့်ခွဲမှု၌ပါဝင် ပတ်သက်မှုမရှိဟု ပြောကြားထား သည်။

၂၀၁၅ ဇူလိုင်တွင် ထွက်ပေါ် လာခဲ့သော အရှုပ်တော်ပုံကြောင့် မဟာသီယာနှင့် အတိုက်အခံအဖွဲ့ မှ ၎င်း၏မဟာမိတ်များ၏ နိုင်ငံ ရေးအရ ထိုးနှက်မှုများကို အား ကောင်းလာစေခဲ့သည်။ ထိုကိစ္စ ကြောင့်ပင် မဟာသီယာာက အ နားယူမှုကို အဆုံးသတ်ပြီး ၎င်းအ တွက် ခြောက်ကြိမ်မြောက် ဖြစ် လာမည့် ရွေးကောက်ပွဲကို ယှဉ် ပြိုင်မည်ဖြစ်ကာ အတိုက်အခံ အဖွဲ့၏ ဝန်ကြီးချုပ်နေရာ လျာ ထားခံရသူလည်းဖြစ်သည်။

၁၉၅၇ တွင် လွတ်လပ်ရေး ရပြီးချိန်ကစ၍ မလေးရှားနိုင်ငံကို  Barison Nasional (BN) မဟာ မိတ်အဖွဲ့က အုပ်ချုပ်ခဲ့ပြီး အာ ဏာရပါတီအဖွဲ့ အပြောင်းအလဲ မရှိခဲ့ပေ။ အတိုက်အခံအောင်ပွဲ ခံခဲ့ပါက သမိုင်းဝင်ဖြစ်နိုင်သော် လည်း အစိုးရအုပ်ချုပ်မှုတွင် ပြတ် တောက်မှုများထံ ဦးတည်နိုင် သည်။

အဓိကအကြောင်းအရာများ

၂၀၁၃ က ကုန်စည်ဈေးနှုန်း များ ကျဆင်းမှုကြောင့် ဖြစ်ပေါ်ခဲ့ သော စီးပွားရေးနှေးကွေးမှုမှ ပြန် လည်နာလန်ထလာပြီဖြစ်သော် လည်း နေထိုင်စားသောက်စရိတ် များ မြင့်တက်လာခြင်းကို မလေး ရှားနိုင်ငံသား အများအပြားမပျော် မရွှင်ဖြစ်နေသည်။ မရှိမဖြစ် ကုန် ပစ္စည်းများအတွက် ထောက်ပံ့ပေး မှုကို အစိုးရကလျှော့ချသဖြင့် ဈေး နှုန်းများ မြင့်တက်လာပြီး ကုန် စည်နှင့် ဝန်ဆောင်မှုအခွန်ကို အစိုးရက စတင်ခြင်းသည်လည်း ကုန်စည်ဈေးနှုန်းကျ၍ အစိုးရဝင် ငွေ လျော့ကျလာခြင်းကို ကာမိစေ ရန်ဖြစ်သည်။ ယင်းသို့ကုန်စည်နှင့် ဝန်ဆောင်မှု အခွန်ကောက်ခံခြင်း ကို မဟာသီယာတို့ အတိုက်အခံ အဖွဲ့က ပြစ်တင်ဝေဖန်ခဲ့ပြီး မဲဆန္ဒ ရှင်များ၏ ခံစားချက်ကရလဒ်ကို အဆုံးအဖြတ်ပေးမည်ဖြစ်သည်။

အစိုးရကို ထောက်ခံသော ကျေးလက်နေ ပြည်သူများက နိုင်ငံပိုင် အဖွဲ့အစည်းများဖြစ် သော IMDB နှင့် Felda အဖွဲ့၏ ဖြစ်ပေါ်ခဲ့သော ဘဏ္ဍာရေးဆိုင် ရာ အရှုပ်တော်ပုံများအပေါ် စိုးရိမ် ပူပန်ကြသည်။ စိုက်ပျိုးရေးခြံကြီး များတွင် လုပ်ကိုင်ရန် ကျေးလက် ဒေသမှ လူများကို အလုပ်ပေးထား သော 

Felda ကုမ္ပဏီတွင် ဘုတ်အဖွဲ့ လွန်ဆွဲမှုများဖြစ်ခဲ့ပြီး ဘုတ်အဖွဲ့ ၏ အတည်ပြုချက်မရှိဘဲ အဖွဲ့၏ လုပ်ဖော်ကိုင်ဖက်များကြား မြေ ယာပိုင်ဆိုင်မှု လွှဲပြောင်းပေးမှု များ ပြီးခဲ့သည့်နှစ်အတွင်း ဖြစ် ပေါ်ပြီးနောက် ယင်းအဖွဲ့ကြီးအ ပေါ် ယုံကြည်စိတ်ချမှု ထိခိုက်ခဲ့ သည်။

အဓိကတိုက်ပွဲနယ်မြေများ

အတိုက်အခံအဖွဲ့သည် ၎င်း တို့အပေါ် ထောက်ခံမှုကို အဓိက အားဖြင့် မြို့ကြီးများနှင့် စက်မှု လုပ်ငန်းပိုမိုထွန်းကားသော ဆီ လန်ဂေါနှင့် ပီနန်ပြည်နယ်တို့တွင် ရရှိသည်။ ရွေးကောက်ပွဲ မြေပုံကို ပြင်ဆင်ရေးဆွဲပြီးနောက် ယင်း ပြည်နယ်နှင့် မြို့ပြအမတ်နေရာ များကို အကြိတ်အနယ် ယှဉ်ပြိုင် ရမည်ဖြစ်သည်။ မလေးရှားပြည် မကြီးမှ အမတ်နေရာ ၆၀ ရာခိုင် နှုန်းကို ထိခိုက်သည့် အဆိုပါပြင် ဆင်မှုသည် အာဏာရမဟာမိတ် အဖွဲ့ မျက်နှာသာရစေမည်ဟု အ တိုက်အခံအဖွဲ့က ပြောကြား သည်။

စင်ကာပူနိုင်ငံနှင့် နယ်စပ် တွင် ရှိသော နိုင်ငံတောင်ပိုင်းမှ UMNO အမာခံဂျိုဟိုးပြည်နယ်ကို  မဟာသီယာ၏ ညီညွတ်သော မလေးရှားဌာနေများ ပါတီ (PPBM) က ပစ်မှတ်ထားမည်ဖြစ် သည်။ PPBM ပါတီသည် UNMO  အဖွဲ့မှ ခေါ်ထုတ်လာခဲ့သော အ များအားဖြင့် မဟာသီသစ္စာခံများ ဖြင့် ဖွဲ့စည်းထားသည့် ပါတီတစ်ခု ဖြစ်သည်။ မလေးလူများစုသည် ပြည်နယ်ကို UMNO ထံမှရယူနိုင် ပါက  အတိုက်အခံအတွက် အ လွန်လိုအပ်နေသော ရွေးကောက် ပွဲခြေကုပ်ရရှိမည်ဖြစ်သည်။

အာဏာရမဟာမိတ်အဖွဲ့ နှင့် အတိုက်အခံ ပါတီများသည် အမျိုးသားပါလီမန် အမတ်နေရာ ၂၂၂ နေရာကို ယှဉ်ပြိုင်ကြမည်ဖြစ် ကာ ပြည်နယ်အစိုးရလွှတ်တော် များမှ ၅၀၅ နေရာကိုလည်း ယှဉ် ပြိုင်မည်ဖြစ်သည်။ ၅၀ ရာခိုင် နှုန်းကျော် အသာစီးရရှိခဲ့လျှင် မဟာမိတ်အဖွဲ့တစ်ဖွဲ့က နောက် ငါးနှစ်အတွက် အစိုးရဖွဲ့ကာအုပ် ချုပ်နိုင်မည်ဖြစ်သည်။ သုံးပုံနှစ်ပုံ အနိုင်ရလျှင် ကြီးမားသော ဆု လာဘ်ဖြစ်ကာ အာဏာရအဖွဲ့က နိုင်ငံ၏ အခြေခံဥပဒေကို ပြင်ဆင် ရေးဆွဲနိုင်မည်ဖြစ်သည်။

၂၀၁၃ က ကျင်းပသော ရွေးကောက်ပွဲတွင် လူထုထောက် ခံမှု ၄၇ ရာခိုင်နှုန်းသာရရှိသော် လည်း အာဏာရ BN မဟာမိတ် အဖွဲ့သည် ပါလီမန်အမတ်နေရာ ၂၂၂ နေရာအနက် ၁၃၃ နေရာ တွင် အနိုင်ရရှိခဲ့သည်။ ယင်းသည် ကျေးလက်နှင့် မြို့ပြမဲဆန္ဒနယ်မြေ များတွင် မညီမျှမှုကြောင့်ဖြစ်ပြီး အာဏာရအဖွဲ့အပေါ် ထောက်ခံ မှုပိုများသော ကျေးလက်ဒေသများ တွင် ပါတီအမတ်နေရာ အများအ ပြားပါဝင်နေသောကြောင့် ဖြစ် သည်။

လူထုတင်ပြချက်များတွင် မဟာသီယာနှင့် အန်နဝါပေါင်း စည်းထားသော Pakatan Itarapan  မဟာမိတ်အဖွဲ့အပေါ် လူ ထုထောက်ခံမှု ပိုများလာသည်ဆို သော်လည်း လေ့လာသူ အများစု ကမူ လက်ရှိအာဏာရအဖွဲ့က ထပ်မံအောင်ပွဲခံမည်ဟု ဟော ကိန်းထုတ်နေသည်။ ရွေးကောက် ပွဲ နီးကပ်လာချိန်တွင်ပင် ဆင်း ရဲသား မဲဆန္ဒရှင်များအတွက် ဘဏ္ဍာရေး ကူညီထောက်ပံ့မည့် အစီအစဉ်များကို နာဂျစ်က တင် ပြခဲ့သည်။ အစိုးရဝန်ထမ်းများက လည်း အာဏာရမဟာမိတ်ကို လို လားကြသည်။

ဒေါက်တာမဟာသီယာကမူ မဲပေးသောနေ့တွင် လူအမြောက် အမြား မဲထွက်ပေးခဲ့ပါက ၎င်းတို့ အတိုက်အခံအဖွဲ့ မျက်နှာသာရ နိုင်သည်ဟု ပြောကြားခဲ့သည်။

မဟာသီယာ မိုဟာမက် (၉၂) နှစ်က အတိုက်အခံအဖွဲ့ အနိုင်ရရှိခဲ့လျှင်ပင် ၎င်းအနေဖြင့် ခေတ္တသာဝန်ကြီးချုပ်နေရာ ရယူ မည်ဖြစ်ကာ တစ်ချိန်က ၎င်း၏ လက်ထောက် ဒုတိယဝန်ကြီးချုပ် ဖြစ်ခဲ့ပြီး နောက်ပိုင်းတွင်ရန်သူ ဖြစ်လာသော အန်နဝါအီဘရာ ဟင်အတွက် နေရာဝယ်ပေးမည် ဖြစ်သည်။

ရွေးကောက်ပွဲပါဝင် ယှဉ် ပြိုင်ခြင်းသည် မိမိလုပ်ရမည့် အ လုပ်ဟု မဟာသီယာက ဇန်နဝါရီ တွင် စီအင်န်အင်န်သတင်းဌာနနှင့် ပြုလုပ်သော တွေ့ဆုံမေးမြန်းမှု၌ ပြောကြားပြီး ‘‘သူတို့အတွက်ပဲ သူ တို့စဉ်းစားပြီး ပိုက်ဆံခိုးနေတဲ့ တစ်ကိုယ်ကောင်းဆန်သူတွေက ဒီနိုင်ငံကို ဖျက်ဆီးနေတာကို လက်မခံနိုင်ဘူး’’ ဟု မလေးရှားဝန် ကြီးချုပ်အဖြစ် ၁၉၈၁ မှ ၂၀၀၃ အထိ တာဝန်ယူခဲ့သူ ဒေါက်တာ မဟာသီယာမိုဟာမက်က ပြော ကြားသည်။ 

—Ref: Five Things to know ahead of Malaysia’s Parliamentary vote