လားရှိုးတွင် တောရိုင်းတိရစ္ဆာန်အသေများ သယ်လာသည့် ယာဉ်ဖမ်းမိ

ဖမ်းဆီးရမိသော ချေ၊တောကြောင် အသေကောင်များကို တွေ့ရစဉ် (ဓာတ်ပုံ − လာရှိုးသစ်တောဦးစီဌာန)

တားမြစ်ထားသည့် တောရိုင်းတိရစ္ဆာန်အသေများ သယ်ဆောင်လာသည့် ယာဉ် တစ်စီးကို မေလ ၄ ရက်ကဖမ်း ဆီးရမိကြောင်း လားရှိုးသစ်တော ဦးစီးဌာန တောအုပ်ကြီးဦးစိုးတင့် က ပြောသည်။


မန်တုံမြို့နယ်မှ တရားမ၀င် ချေအသေ ၃၃ ကောင်(၁၆၅ ပိဿာ)၊ တောကြောင်အသေ ကိုးကောင် (၁၈ ပိဿာ)တို့ကို သယ်ဆောင်လာသည့် အဖြူ ရောင် Wish ကားကို နမ္မတူလမ်း ဆုံအနီးတွင် ဖမ်းဆီးခဲ့သည်။

     ချေသေများနှင့် တောကြောင် အသေကောင်များကို အိတ်များ ဖြင့်ထုပ်ပြီး ရေခဲများဖြင့်ထည့် ကာ သယ်ဆောင်လာပြီး တော ရိုင်းတိရစ္ဆာန်များ တရားမ၀င် သယ်ဆောင်ရာတွင် ငါးများရေခဲ ရိုက်ထည့်သည့် ဖော့ပုံးပုံစံဖြင့် သယ်ဆောင်ကြောင်း လားရှိုး သစ်တောဦးစီးဌာန တာဝန်ရှိသူ ကပြောသည်။

‘‘အရင်ကလည်း ဒီနေရာမှာ မြွေတွေတရားမ၀င်သယ်လာလို့ ဖမ်းမိသေးတယ်။ ရေပူဂိတ်မှာ လည်း တားမြစ်ထားတဲ့တောရိုင်း တိရစ္ဆာန်တွေသယ်လာတာ ခဏ ခဏမိတယ်’’ ဟု ဦးစိုးတင့်ကဆို သည်။

ယခုအချိန်သည် အရွက် ကြွေသောအချိန်ဖြစ်၍ မုဆိုးများ သည် အရွက်ကြွေများကိုမီးရှို့ကာ အုပ်စုလိုက်အမဲလိုက်သဖြင့် ချေ ကောင်များအများဆုံးဖမ်းမိပြီး လားရှိုးမြို့တွင် သင်းခွေချပ်၊ ချေ၊ တောကြောင်၊ မြွေနှင့်အခြား တောရိုင်းတိရစ္ဆာန် တရားမ၀င် သယ်ဆောင်ခြင်းများ မကြာခဏ ဖမ်းမိကြောင်း၎င်းကပြောသည်။

အဆိုပါကိစ္စနှင့်ပတ်သက်၍ သစ်တောဦးစီးဌာနရုံးချုပ်သို့ တ ရားစွဲဆိုခွင့်ပြုရန်တင်ပြထားပြီး ယာဉ်မောင်းကို လားရှိုးမြို့မရဲ စခန်းတွင် တောရိုင်းတိရစ္ဆာန်နှင့် သဘာဝအပင်များ ကာကွယ်ရေး နှင့် သဘာဝနယ်မြေများထိန်း သိမ်းရေးဥပဒေဖြင့် အရေးယူ ဆောင်ရွက်နေကြောင်း ဦးစိုးတင့် ကပြောသည်။

ဖမ်းဆီးရရှိသော ချေသေ နှင့် တောကြောင်အသေကောင် များသည် မေလ ၅ ရက်တွင် ပုပ်ပွလာသဖြင့် သစ်တောဦးစီး ဌာနရုံးချုပ်သို့ ဖျက်ဆီးခွင့် တောင်းကာ သက်ဆိုင်ရာအဖွဲ့ များရှေ့၌ မီးရှို့ဖျက်ဆီးခဲ့ကြောင်း သိရသည်။