ဦးကိုကိုကြီး ကြားဖြတ်ရွေးကောက်ပွဲဝင်၊ မဝင် မဆုံးဖြတ်ရသေး

ဓာတ်ပုံ − စိုင်းဇော်

ယခုနှစ် နိုဝင်ဘာ ၃ ရက်တွင် ကျင်းပမည့် ကြားဖြတ် ရွေးကောက်ပွဲ၌ ရှစ်လေးလုံး ပြည်သူ့ပါတီအနေဖြင့် ရွေး ကောက်ပွဲဝင်ရန် ဆုံးဖြတ်ထား သော်လည်း  ပါတီခေါင်းဆောင် ဦးကိုကိုကြီး ရွေးကောက်ပွဲဝင်၊ မဝင် ဆုံးဖြတ်ထားခြင်းမရှိသေး ကြောင်း ယင်းပါတီ ဒုတိယခေါင်း ဆောင် ဦးရဲနိုင်အောင်က ပြော သည်။


ဦးကိုကိုကြီးအပါအဝင် ၈၈ မျိုးဆက် ကျောင်းသားခေါင်း ဆောင်များနှင့် ဒီမိုကရေစီအရေး လှုပ်ရှားခဲ့သော နိုင်ငံရေးမျိုးဆက် များပါဝင်မည့် ရှစ်လေးလုံး ပြည် သူ့ပါတီ တည်ထောင်ရန် တင်ပြ မှုကို ပြည်ထောင်စုရွေးကောက်ပွဲ ကော်မရှင်က ခွင့်ပြုထားသည်။

သို့သော် လက်ရှိတွင် တရား ဝင် နိုင်ငံရေးပါတီအဖြစ် မှတ်ပုံ တင်ခြင်း လုပ်ငန်းစဉ်များ ပြီးပြတ် မှုမရှိသေးပေ။

‘‘အကြမ်းဖျင်း ဇူလိုင်လ လောက်မှာ တရားဝင် နိုင်ငံရေး ပါတီဖြစ်မယ်လို့ မှန်းတာပေါ့။ အဲဒါဆိုရင် ကြားဖြတ်နဲ့တော့ မီ မှာပဲ။ မီရင်လည်း အနိမ့်ဆုံး သုံး နေရာဝင်ရမှာပဲ။ ဒါပေမဲ့ သုံးနေ ရာအထက် ဝင်၊ မဝင်၊ ဘယ်နေ ရာတွေမှာဝင်မယ်၊ ဘယ်သူတွေ ဝင်မလဲဆိုတဲ့ အချက်တွေက တော့ ဘာမှ မဆုံးဖြတ်ရသေးဘူး’’ ဟု ဦးရဲနိုင်အောင်ကပြောသည်။

ရှစ်လေးလုံး ပြည်သူ့ပါတီ ခေါင်းဆောင်အဖြစ် ရွေးချယ်ခံရ သည့် ဦးကိုကိုကြီးသည် ၂၀၁၅ အထွေထွေရွေးကောက်ပွဲတွင် ဒီချုပ်ကိုယ်စားလှယ်လောင်းအဖြစ် ဝင်ရောက်ယှဉ်ပြိုင်ရန် ကြိုးပမ်း ခဲ့သော်လည်း ပါတီကရွေးချယ် ခြင်းမရှိခဲ့ပေ။

သို့သော် ဦးကိုကိုကြီးက ဒီချုပ်ကိုယ်စားလှယ်လောင်းများ မဲဆွယ်စည်းရုံးရာတွင် ပါဝင်ကူ ညီခဲ့သည်။ ဒီချုပ်ပါတီအနေဖြင့် ယခုကျင်းပမည့် ကြားဖြတ်ရွေး ကောက်ပွဲ၌ မဲဆန္ဒနယ်အားလုံး ဝင်ရောက်ယှဉ်ပြိုင်မည်ဖြစ်သည်။ ဦးကိုကိုကြီး ရွေးကောက်ပွဲ ယှဉ် ပြိုင်ပါက ပြိုင်ဘက်အဖြစ် ဒီချုပ် ကိုယ်စားလှယ်လောင်းနှင့် ပြန်လည်ရင်ဆိုင်ရမည်ဖြစ်သည်။

လွှတ်တော်အသီးသီးမှ လစ် လပ် မဲဆန္ဒနယ်၁၃နေရာအတွက် ကြားဖြတ်ရွေးကောက်ပွဲကို နိုဝင် ဘာ ၃ ရက်တွင် ကျင်းပမည်ဖြစ် ကြောင်း ပြည်ထောင်စု ရွေး ကောက်ပွဲကော်မရှင်က ကြေညာ ထားသည်။

လက်ရှိ အနေအထားအရ ဦးကိုကိုကြီး ဦးဆောင်သည့် ရှစ် လေးလုံး ပြည်သူ့ပါတီသည် ပါတီ  တည်ထောင်ခွင့်ရအပြီး နှစ်လခန့် အကြာတွင် ရွေးကောက်ပွဲ ပထမ ဆုံး ဝင်ရောက်ယှဉ်ပြိုင်ရမည်ဖြစ် သည်။

‘‘ဒါကြောင့် တစ်ဖက်မှာ ပြင် ဆင်ချိန် နည်းသွားတယ်။ နိုင်ငံ ရေးပါတီသစ် တစ်ရပ်အနေနဲ့ကျွန်တော်တို့မှာတခြားကိစ္စ ပြင်ဆင် စရာတွေ အများကြီးရှိသေးတယ်။ တက်သုတ်ရိုက် ပြင်ဆင်ရမယ့် အနေအထားမျိုး ဖြစ်နေတယ်’’ ဟု ဦးရဲနိုင်အောင်ကပြောသည်။