လက်တွေ့အခက်အခဲများပေါ်မူတည်၍ လွှတ်တော်ဆိုင်ရာ ဥပဒေ၊ နည်းဥပဒေများကို ပြန်လည်ပြင်ဆင်ရန်စီစဉ်

လွှတ်တော်ဆိုင်ရာ ဥပဒေ၊ နည်းဥပဒေကို လက်တွေ့ ဆောင်ရွက်ရာတွင် ကြုံတွေ့ရ သည့် အခက်အခဲများအပေါ်မူ တည်၍ ပြန်လည်ပြင်ဆင်ရန် ဆောင်ရွက်နေကြောင်း ပြည်သူ့ လွှတ်တော်ဥက္ကဋ္ဌ ဦးတီခွန်မြတ်က ပြောကြားသည်။ 


နေပြည်တော်လွှတ်တော်အ ဆောင်အအုံဝင်းအတွင်းရှိ ဇဗ္ဗူ သီရိဆောင်၌ မေလ၉ရက်က ကျင်းပသည့် မြန်မာနိုင်ငံလွှတ် တော်အဖွဲ့ အစည်းအဝေးတွင် ပြည်သူ့လွှတ်တော်ဥက္ကဋ္ဌက အ ထက်ပါအတိုင်း ပြောကြားခြင်း ဖြစ်သည်။ ပြည်သူ့လွှတ်တော် လွှတ်တော်ဥက္ကဋ္ဌသည် မြန်မာ နိုင်ငံလွှတ်တော်အဖွဲ့၏ ဒုတိယ ဥက္ကဋ္ဌလည်းဖြစ်သည်။ 

လွှတ်တော်ဆိုင်ရာ ဥပဒေ၊ နည်းဥပဒေများကို ပထမအကြိမ် လွှတ်တော် သက်တမ်းအတွင်း ၂၀၁၂ နှင့် ၂၀၁၃ တွင် စတင်ပြ ဋ္ဌာန်းခဲ့သည်။ ယင်းလွှတ်တော် သက်တမ်းအတွင်း ပြည်ထောင်စု လွှတ်တော်ဆိုင်ရာ ဥပဒေနှစ် ကြိမ်၊ အမျိုးသားလွှတ်တော်ဆိုင် ရာဥပဒေတစ်ကြိမ် ပြင်ဆင်ရေး ဆွဲခဲ့သည်။ 

လက်ရှိလွှတ်တော်ဆိုင်ရာ  ဥပဒေ၊ နည်းဥပဒေများအရ ဥပ ဒေပြုရေးလုပ်ငန်းများ နှောင့်နှေး ကြန့်ကြာမှုနှင့် အခက်အခဲကြုံ တွေ့ရခြင်းများရှိနေကြောင်းပြည်သူ့လွှတ်တော် လွှတ်တော်အခွင့် အရေးကော်မတီ အတွင်းရေးမှူး ဒေါက်တာလှမိုးက ပြောသည်။ 

‘‘ဥပဒေပြုတဲ့ အခါမှာ ရှေ့ နေချုပ်ရုံးမှာတင် ပုံနေတာမျိုး တွေ၊ ၀န်ကြီးဌာနတွေမှာတင် ပုံ နေတာမျိုးတွေ၊ လွှတ်တော်က လုပ်ချင်ပေမယ့် ရှေ့နေချုပ်ရဲ့  သဘောထားနဲ့မကိုက်ညီတာတွေ  ဒါမျိုးတွေတော့အများကြီး ရှိနေ တယ်။ နည်းဥပဒေနဲ့ ပတ်သက် ပြီးတော့လည်း ၀န်ကြီးဌာနတွေ ကပူးပေါင်းဆောင်ရွက်မှု အား နည်းနေတာမျိုးလေးတွေရှိတယ်’’ ဟု ၎င်းကရှင်းပြသည်။ 

ထို့ကြောင့် လွှတ်တော်ဆိုင်  ရာ ဥပဒေ၊ နည်းဥပဒေများပြန် လည်ပြင်ဆင် ပြဋ္ဌာန်းပြီးပါက ဥပဒေပြုရေးလုပ်ငန်းစဉ်များပိုမို  မြန်ဆန်လာနိုင်ကြောင်း ဒေါက် တာလှမိုးကပြောသည်။ 

အဆိုပါမြန်မာနိုင်ငံ လွှတ် တော် အဖွဲ့အစည်းအဝေးတွင် ပြည်ထောင်စု လွှတ်တော်ရုံးညွှန် ကြားရေးမှူးချုပ် ဦးကျော်စိုးက လွှတ်တော်သုံးရပ်ရှိ နည်းဥပဒေ များနှင့် တိုင်းဒေသကြီးနှင့် ပြည် နယ်လွှတ်တော်များ၏ နည်း ဥပဒေများ ပြင်ဆင်ဖြည့်စွက်ရန် လျာထားသည့် အခြေအနေကို ရှင်းလင်းသည်။

တိုင်းဒေသကြီးနှင့် ပြည်နယ် လွှတ်တော်ဆိုင်ရာ ဥပဒေ၊ နည်း ဥပဒေများတွင် ကွဲပြားခြားနား ဆောင်ရွက်မှုများမရှိစေရန် သက် ဆိုင်ရာလွှတ်တော် ဥက္ကဋ္ဌများအ နေဖြင့်ညှိနှိုင်း ပြန်လည်သုံးသပ် ဆောင်ရွက်ရန် ဦးတီခွန်မြတ်က အကြံပြုသည်။ 

လွှတ်တော်ကိုယ်စားလှယ် များကို နိုင်ငံခြားခရီးစဉ် ဖိတ် ကြားပါက အစိုးရ၏ မူဝါဒများနှင့် အညီ သွားရောက်ရခြင်းဖြစ်၍  ပြည်သူ့လွှတ်တော်နှင့် အမျိုးသား  လွှတ်တော် ကိုယ်စားလှယ်များ ဖိတ်ကြားခံရပါက လွှတ်တော် များသို့ အသိပေးရန် ပြည်ထောင် စုလွှတ်တော်နာယက မန်းဝင်း ခိုင်သန်းကပြောကြားသည်။