ဖွဲ့စည်းပုံ အခြေခံဥပဒေပြင်ဆင်ရေး အသံထွက်သင့်ပြီ

၂၀၀၈ ခုနှစ် ဇန်နဝါရီ ၁၅ ရက်မှာ စတင်ကျင်းပခဲ့တဲ့ လွှတ်တော် အစည်းအဝေးများကို နိုင်ငံတော် သမ္မတသစ် ရွေးချယ်တင်မြှောက် အပြီး မတ်လ ၃၀ ရက်နေ့မှာ ရပ် နားခဲ့ပါတယ်။ ယခုအခါမှာတော့ ဒုတိယအကြိမ် လွှတ်တော်အဋ္ဌမ ပုံမှန်အစည်းအဝေးများကို မေလ ၁၄ ရက်နေ့ကစလို့ ပြန်လည်စ တင်ကျင်းပတော့မှာ ဖြစ်ပါတယ်။ အခု ပြန်လည်ကျင်းပတော့မယ့် လွှတ်တော်မှာ နိုင်ငံအတွက် အ ရေးကြီးလှတဲ့ အသံတစ်သံ ထွက် လာမလားလို့ မျှော်လင့်ခြင်းကြီး စွာနဲ့ မျှော်လင့်နေမိပါတယ်။


ပြီးခဲ့တဲ့ ဒုတိယအကြိမ် လွှတ်တော်များရဲ့ သတ္တမပုံမှန်အ စည်းအဝေးတွေဟာ အတော်ကို လှုပ်လှုပ်ခတ်ခတ်ဖြစ်ခဲ့တယ်လို့ ဆိုနိုင်ပါတယ်။ ဖွဲ့စည်းပုံအခြေ ခံဥပဒေနဲ့ညီတယ်၊ မညီဘူးလာမ ပြောနဲ့ ဂရုမစိုက်ဘူးလို့ ကိုယ်စား လှယ်တန်မဲ့ လွှတ်တော်ထဲမှာ ထပြောခဲ့တဲ့ဖြစ်ရပ်ကအစ သမ္မတနဲ့ လွှတ်တော်သဘောထား ကွဲလွဲ ကြတဲ့ စာရင်းစစ်ချုပ် ဥပဒေအ လယ် နိုင်ငံတော်သမ္မတသစ် ရွေးချယ်တင်မြှောက်ခြင်းအဆုံး အတော်ကို လှုပ်လှုပ်ခတ်ခတ်ရှိလှ တာကြောင့် လွှတ်တော်ကို စောင့် ကြည့်လေ့လာသူတွေ အနေနဲ့ တော့ အတော်ကို မှတ်သားစရာ တွေ၊ ထောက်ပြဝေဖန်စရာတွေ နဲ့ ပြည့်နှက်နေခဲ့တဲ့ လွှတ်တော် အစည်းအဝေးများလို့ ဆိုရမှာဖြစ် ပါတယ်။

အဲဒီလွှတ်တော်အစည်းအ ဝေး နှစ်လမျှအကြာမှာ နိုင်ငံတော် သမ္မတဦးထင်ကျော် တာဝန်က နုတ်ထွက်သွားခဲ့ပါတယ်။ နောက် ပြည်သူ့လွှတ်တော် ဥက္ကဋ္ဌဦးဝင်း မြင့်ကလည်း တာဝန်က နုတ်ထွက် ခဲ့ပါတယ်။ ဒါကြောင့် ပြည်သူ့ လွှတ်တော်မှာ ဥက္ကဋ္ဌနေရာကို ပြန်လည်ရွေးချယ်တင်မြှောက် ခြင်းနဲ့ ဒုတိယသမ္မတတစ်ဦး ပြန် လည်ရွေးကောက်တင်မြှောက် ခြင်းကိစ္စတို့ကို ဆောင်ရွက်ခဲ့ရပြီး ပြည်ထောင်စုမှာ သမ္မတသစ်ရွေး ချယ်တင်မြှောက်ခြင်း ကိစ္စကို ဆောင်ရွက်ခဲ့ရပါသည်။ ဒီနေရာ မှာ ထူးခြားတာတစ်ခုကတော့ ပြည်သူ့လွှတ်တော်ထဲမှာ အမျိုး သား ဒီမိုကရေစီအဖွဲ့ချုပ်ရဲ့ ကိုယ် စားလှယ်ဦးရေ ၂၅၃ ဦးသာရှိ ပေမယ့် ဦးဝင်းမြင့်ကို ဒုတိယ သမ္မတအဖြစ် ပေးအပ်ခဲ့တဲ့ ဆန္ဒမဲအရေ အတွက်ကတော့ ၂၇၃ မဲ တောင်ရှိခဲ့တာပါပဲ။

ပြီးခဲ့တဲ့ ပြည်သူ့လွှတ်တော် သတ္တမအကြိမ်အစည်းအဝေးဟာ ပြည်သူ့လွှတ်တော်ဥက္ကဋ္ဌသစ်နဲ့ ဒုတိယသမ္မတသစ် ပြန်လည်ရွေး ချယ်တင်မြှောက်ပွဲတွေနဲ့ လှုပ် လှုပ်ခတ်ခတ်ဖြစ်ခဲ့ပြီး ပြည်ထောင်စုလွှတ်တော်ဟာ သမ္မတသစ်ပြန် လည်ရွေးကောက်ပွဲနဲ့ လှုပ်လှုပ် ခတ်ခတ်ဖြစ်ခဲ့သလို ရခိုင်အရေး ကိစ္စဆုံးဖြတ်ချက်တွေ၊ အဲဒီအ ရေးကိစ္စတွေအပေါ်မှာ နိုင်ငံတ ကာက ထိုးနှက်တိုက်ခိုက်လာမှု တွေကို ပြည်ထောင်စုလွှတ်တော် က ပြန်လည်တုံ့ပြန်ခဲ့ရ၊ ကန့်ကွက် ခဲ့ရတာတွေနဲ့လည်း အတော်ကို လှိုင်းထန်ခဲ့ပါတယ်။

အဲဒီအပြင် ပြည်ထောင်စု လွှတ်တော်မှာ တင်ပြလာတဲ့ ဝန် ကြီးဌာနများရဲ့ ခြောက်လဘတ် ဂျက်အသုံးစာရိတ် တင်ပြတောင်း ခံလာမှုတွေကို ပြည်ထောင်စု လွှတ်တော်က စိစစ်ဖြတ်တောက် ပြီး ခွင့်ပြုတာတွေမှာလည်း အ တော်ကို လှုပ်လှုပ်ရှားရှားဖြစ်ခဲ့ရ ပါတယ်။ ဝန်ကြီးဌာနများက အ သုံးစရိတ်ငွေ ကျပ် ၁၀,၆၇၈ ဘီလီ ယံအထိ တောင်းခံခဲ့တာကို ပြည် ထောင်စုလွှတ်တော်က ၁၀၅ ဘီ လီယံဖြတ်တောက်ပြီးမှ ခွင့်ပြုခဲ့ တယ်လို့ သိရပါတယ်။ အဲဒီအပြင် ပြည်ထောင်စု အခွန်အကောက် ဥပဒေကြမ်းကလည်း အတော်ကို အကြိတ်အနယ်ဆွေးနွေးအတည် ပြုခဲ့ရတဲ့ ကိစ္စပါပဲ။

ပြည်ထောင်စု လွှတ်တော် သတ္တမပုံမှန်လွှတ်တော် အစည်း အဝေးများမှာ SME လုပ်ငန်းများ ကို ချေးငွေပေးဖို့နဲ့ တန်ဖိုးနည်း အိမ်ရာများ ဆောက်လုပ်ဖို့အ တွက် JICA ထံက ယန်းငွေ ၁၄ ဘီလီယံ ချေးယူရေး၊ မဟာမဲ ခေါင်ဒေသတွင်း လမ်းမကြီး သုံးခု ဖောက်လုပ်ဖို့နဲ့ မြို့ပြဖွံ့ဖြိုးရေး စီမံကိန်းများအတွက် JICA မှ ယန်း ၁၅ ဘီလီယံ ချေးယူရေး၊ ADB နဲ့ AIF တို့ထံမှ အမေရိကန် ဒေါ်လာ သန်း ၄၄၀ ချေးယူရေး၊ ထားဝယ်အထူးစီးပွားရေးဇုန်အ တွက် လမ်းအဆင့်မြှင့်တင်ဖောက် လုပ်ဖို့ NEDA မှ ထိုင်းဘတ်ငွေ ၄ ဒသမ ၅ ဘီလီယံချေးယူရေး၊ ကျန်းမာရေးနဲ့ အားကစားတို့အ တွက် ပြင်သစ်ဖွံ့ဖြိုးတိုးတက်ရေး အေဂျင်စီမှ ယူရိုငွေ ၂၂ သန်း၊ ထောက်ပံ့ကြေး ယူရိုငွေ ငါးသန်း ရယူရေးတို့ အပါအဝင် ပြည်ပ နိုင်ငံတွေနဲ့ နိုင်ငံတကာ အဖွဲ့အ စည်းများထံက ချေးငွေများ ရယူ ရေးတို့ကို ဆွေးနွေးအတည်ပြုပေး နိုင်ခဲ့ပါတယ်။

ဒီဒုတိယအကြိမ်လွှတ်တော် သတ္တမအစည်းအဝေးများရဲ့ မြင် ကွင်းမှာ စာရင်းစစ်ချုပ်ဥပဒေနဲ့ ပတ်သက်လို့လည်း နိုင်ငံတော် သမ္မတနဲ့ လွှတ်တော်တို့ သဘော ထားကွဲလွဲခဲ့ကြတာကို တွေ့မြင်ရ ပါတယ်။ အစိုးရဌာန၊ အဖွဲ့အ စည်းများရဲ့ ဖွဲ့စည်းပုံအင်အားနှင့် ထမ်းဆောင်တဲ့ လုပ်ငန်းတာဝန် လျော်ကန်မှုရှိ၊ မရှိကို စစ်ဆေးနိုင် ဖို့၊ ခွင့်ပြုဝန်ထမ်းအင်အား အ တွင်းခန့်ထားခြင်း ရှိ၊ မရှိ စစ်ဆေး နိုင်ဖို့ ပြည်ထောင်စု စာရင်းစစ်ချုပ် က စစ်ဆေးနိုင်ဖို့အတွက် စာရင်း စစ်ချုပ်ဥပဒေ လွှတ်တော်က ဆွေး နွေးပြင်ဆင်ပေးခဲ့ပါတယ်။ အဲဒီ လို ပြင်ဆင်ခဲ့တဲ့ ဥပဒေကို သမ္မတ ထံကို တင်ပြတဲ့အခါ ဖွဲ့စည်းပုံအ ခြေခံ ဥပဒေနှင့်မကိုက်ညီလို့ဆို ပြီး နိုင်ငံတော် သမ္မတကသဘော ထားမှတ်ချက် ရှစ်ချက်နဲ့ လွှတ် တော်သို့ ပြန်လည်ပေးပို့ခဲ့ပါ တယ်။ ဒီဖြစ်စဉ်မှာ ပြည်ထောင် စု စာရင်းစစ်ချုပ်ကတော့ ပြင် ဆင်ပြဋ္ဌာန်းချက်ဟာ နိုင်ငံတကာ ဥပဒေများ၊ လုပ်ထုံးလုပ်နည်း များနှင့် ကိုက်ညီတယ်လို့ဆိုပြီး လွှတ်တော်ရဲ့ ပြင်ဆင်ချက်ကို ထောက်ခံခဲ့ပြီး တပ်မတော်သား ကိုယ်စားလှယ်များက သမ္မတ၏ သဘောထားကို ထောက်ခံခဲ့ကြ တာကို တွေ့မြင်ရပါတယ်။ ဒီကိစ္စကလည်း လွှတ်တော်မှာ အ တော် လှုပ်လှုပ်ခတ်ခတ်ဖြစ်ခဲ့တဲ့ ပြဿနာတစ်ခု၊ ဥပဒေပြုမဏ္ဍိုင် နဲ့ အုပ်ချုပ်ရေးမဏ္ဍိုင်တို့အကြား အပွတ်အတိုက် အနည်းငယ်ရှိခဲ့ တဲ့ အပြန်အလှန်ထိန်းကျောင်းမှု တစ်ခုပါပဲ။

သတ္တမပုံမှန်အစည်းအဝေး မှာ တင်ပြဆွေးနွေးလာတဲ့ ဥပဒေ ပြုရေးကိစ္စတွေမှာ မြန်မာနိုင်ငံ လွှတ်တော်အဖွဲ့ ဥပဒေကြမ်း အ တည်ပြုရေး ကိစ္စဟာလည်း အ တော်အသင့် ပြဿနာကြီးခဲ့တဲ့ အရေးဖြစ်ခဲ့ပါတယ်။ လွှတ်တော် ဆိုင်ရာ လုပ်ငန်းများပိုမိုအဆင် ပြေချောမွေ့စေဖို့နဲ့ လွှတ်တော် များ ပူးပေါင်းဆောင်ရွက်မှု အား ကောင်းစေဖို့ ရည်ရွယ်ပြဋ္ဌာန်း တယ်လို့ ဆိုလာတဲ့ အဲဒီဥပဒေ ကြမ်းဟာ အတိုက်အခံများအပေါ် ချုပ်ကိုင်ဖို့ လုပ်ဆောင်လာတဲ့ လုပ်ဆောင်ချက်လို့ အတိုက်အခံနိုင်ငံ ရေးပါတီများ၊ နိုင်ငံရေးသမားများ က ပြင်းပြင်းထန်ထန်ဝေဖန်ခဲ့ကြ ပါတယ်။ ဒီဥပဒေအရဆိုရင် ပြည် နယ်နှင့် တိုင်းလွှတ်တော်တွေအ ပေါ် ပြည်ထောင်စုအဆင့်လွှတ် တော်တွေက ထိန်းချုပ်မှုတွေ ရှိ လာနိုင်တာတွေကို ထိန်းချုပ်မယ့် သဘော ဖြစ်နေတယ်လို့ အတိုက် အခံအမတ်များနှင့် တပ်မတော် သား ကိုယ်စားလှယ်များက ဝေဖန် ပြောဆိုခဲ့ကြပါတယ်။ ဒီပြဿ နာဟာလွှတ်တော်တွင်းမှာ အ တော်ပူစပ်ပူလောင်ဖြစ်ခဲ့ပေမယ့် သူ့ထက်ပွဲဆူတဲ့ ဥပဒေပြုရေးတစ် ခုကြောင့် သူကသိပ်အသံ မထွက် နိုင်ဖြစ်ခဲ့ပါတယ်။ အဲဒီလိုလွှတ် တော်တွင်း၊ လွှတ်တော်ပြင် ပွဲဆူ စေခဲ့တာကတော့ ငြိမ်းစုစီဥပဒေ ကို ပြင်ဆင်တဲ့ ဥပဒေကြမ်းပါပဲ။

ငြိမ်းစုစီဥပဒေကို ပြင်ဆင် တဲ့ ဥပဒေကြမ်းကို အမျိုးသား လွှတ်တော်ကိုယ်စားလှယ် ဒေါက် တာမြတ်ဉာဏစိုးက တင်သွင်းခဲ့ ရာမှာ အမျိုးသားလွှတ်တော်တွင်း မှာသာမက လွှတ်တော်ပြင်ပမှာပါ ထောက်ခံသံတွေ၊ ကန့်ကွက်သံ တွေ စီစီညံခဲ့ပါတယ်။ ဥပဒေသ မားတွေအကြား သဘောထားကွဲ လွဲမှုတွေ ပေါ်ထွက်လာခဲ့သလို သတင်းမီဒီယာတွေပေါ်မှာလည်း ထောက်ခံ၊ ကန့်ကွက်သံတွေ ညံ ခဲ့ပါတယ်။ ကန့်ကွက်သူတွေက ဒီဥပဒေဟာ ဖွဲ့စည်းပုံအခြေခံ ဥပဒေက ပေးအပ်ထားတဲ့ နိုင်ငံ သားတို့ရဲ့ ရပိုင်ခွင့်ကို ချုပ်ချယ်ဖို့ တင်သွင်းလာတဲ့ဥပဒေလို့ ဝေဖန် ကြသလို ထောက်ခံသူတွေက လည်း ဒါဟာလိုအပ်လို့ တင်သွင်း လာတဲ့ဥပဒေလို့ ဆိုကြပါတယ်။

အဲဒီဥပဒေဟာ အမျိုးသား လွှတ်တော်က အတည်ပြုခဲ့ပြီး နောက်မှာ ပြည်သူ့လွှတ်တော်ကို ရောက်လာခဲ့ပါတယ်။ ပြည်သူ့ လွှတ်တော်မှာ ဆွေးနွေးဖို့ ကိုယ် စားလှယ်များ အမည်စာရင်းကို တောင်းခံခဲ့ရာမှာ တပ်မတော် သားကိုယ်စားလှယ် ၆၀ ဦး အပါ အဝင် လွှတ်တော်ကိုယ်စားလှယ် ၈၀ ဦးအထိ ဆွေးနွေးဖို့ အမည် စာရင်းပေးသွင်းခဲ့ကြတာကြောင့် ဒုတိယအကြိမ် လွှတ်တော်သက် တမ်း ၂ နှစ်ကျော်အတွင်း ကိုယ် စားလှယ်အများဆုံး ပါဝင်ဆွေး နွေးကြမယ့် ဥပဒေကြမ်းတစ်ခု ဖြစ်လာတော့မှာပါ။

ပြည်သူ့လွှတ်တော်ဥက္ကဋ္ဌ၊ ဒုတိယဥက္ကဋ္ဌ ပြန်လည်ရွေးချယ်မှု တွေ၊ ဒုတိယသမ္မတပြန်လည်ရွေး ချယ်ရတဲ့ ကိစ္စတွေပေါ်ပေါက်လာ တာကြောင့် ပြည်သူ့လွှတ်တော် သတ္တမပုံမှန်အစည်းအဝေးမှာ ထည့်သွင်းမဆွေးနွေးခဲ့ရတဲ့ ဒီငြိမ်း စုစီဥပဒေကြမ်းကို ၂၀၁၈ မေလ ၁၄ ရက်နေ့မှာ စတင်တောမယ့် ဒုတိယအကြိမ် ပြည်သူ့လွှတ် တော် အဋ္ဌမပုံမှန်အစည်းအဝေး မှာ အကြိတ်အနယ်ဆွေးနွေးကြရ တော့မှာ ဖြစ်ပါတယ်။ ဘယ်လို အဖြေထွက်လာမယ်ဆိုတာ မသိ ပေမယ့် အတော်ကို ပွဲဆူဖို့က တော့ အသေအချာပါပဲ။

ပြီးဆုံးသွားခဲ့တဲ့ ဒုတိယအ ကြိမ် လွှတ်တော်သတ္တမပုံမှန်အ စည်းအဝေးများဟာ အတော်ကို စိတ်လှုပ်ရှားဖွယ်ရာ အကြောင်း အရာတွေနဲ့ လှုပ်လှုပ်ခတ်ခတ်ဖြစ် ခဲ့တယ်လို့ အထက်မှာတင်ပြခဲ့ပါ တယ်။ ဒါပေမဲ့ နိုင်ငံတော်အတွက် အရေးပါလှတဲ့၊ အရေးကြီးလှတဲ့ အကြောင်းအရာတစ်ရပ်နဲ့ ပတ် သက်လို့တော့ တစ်စွန်းတစ်စမှ အသံထွက်မလာသေးတာကို လည်း အံ့သြနေမိပါတယ်။ အဲဒါ ကတော့ ၂၀၀၈ ဖွဲ့စည်းပုံပြင်ဆင် ရေးနဲ့ပတ်သက်ပြီး ဘယ်သူ၊ ဘယ်ကိုယ်စားလှယ်ဆီကမှ အသံထွက် မလာသေးတာပါပဲ။

၂၀၀၈ ဖွဲ့စည်းပုံအခြေခံ ဥပဒေဟာ ဒီမိုကရေစီ ဖက်ဒရယ် ပြည်ထောင်စုအတွက် သင့်မြတ် တဲ့၊ လျော်ကန်တဲ့ အခြေခံအုတ် မြစ်မဟုတ်ဘူးဆိုတာ ဒီနေ့ဒီအ ချိန်မှာ မျက်ဝါးထင်ထင်မြင်သာ၊ သိသာလွန်းနေပြီဖြစ်ပါတယ်။ ရွေးကောက်ခံအစိုးရတစ်ရပ်ကို ခြေတုပ်၊ လက်တုပ်ဖြစ်နေစေတဲ့ ဒီဖွဲ့စည်းပုံအခြေခံ ဥပဒေကို မ ပြင်ဆင်ဘဲနဲ့ ဒီမိုကရေစီနိုင်ငံ တော်ကို တည်ဆောက်လို့ရမှာ မဟုတ်သလို တန်းတူညီမျှသော ဖက်ဒရယ်ပြည်ထောင်စုကိုလည်း တည်ဆောက်လို့ မရနိုင်ပါဘူး။ အပစ်အခတ်ရပ်စဲရေးကို အတိုင်း အတာတစ်ခုအထိ အကောင်အ ထည်ဖော်နိုင်ကောင်း ဖော်နိုင်ပါ လိမ့်မယ်။ ဒါပေမဲ့ အမှန်တကယ် ငြိမ်းချမ်းရေးကိုတော့ ဖော်ဆောင် ဖို့ အလွန်ခဲယဉ်းပါလိမ့်မယ်။

အဲဒါကြောင့် ဖွဲ့စည်းပုံအ ခြေခံဥပဒေပြင်ဆင်ရေးကို တိုင်း ရင်းသားခေါင်းဆောင်တွေက လည်း တဖွဖွပြောခဲ့ကြပါတယ်။ လူထုခေါင်းဆောင် ဒေါ်အောင် ဆန်းစုကြည်ကိုယ်တိုင်လည်း ဖွဲ့ စည်းပုံ ပြင်ဆင်ရေးကို ပြောခဲ့သ လို ဦးမင်းကိုနိုင်တို့လို ထင်ရှားတဲ့ နိုင်ငံရေးခေါင်းဆောင်တွေက လည်း တတွတ်တွတ်ပြောခဲ့ကြပါ တယ်။ ဒီကနေ့ နိုင်ငံတော် သမ္မတ ကြီး ဦးဝင်းမြင့်ကိုယ်တိုင်ပင်လျှင် ဖွဲ့စည်းပုံ အခြေခံ ဥပဒေပြင်ဆင် ရေးအတွက် စင်မြင့်တွေထက်မှာ ဟောပြောခဲ့တာ အားလုံးသိကြ ပါတယ်။ ဒါပေမဲ့အခု ဒုတိယအ ကြိမ် လွှတ်တော်သက်တမ်း သတ္တမအကြိမ် ပုံမှန်အစည်းအ ဝေးပြီးသွားတဲ့ အချိန်ကာလတစ် ခုထိ လွှတ်တော်တွေထဲကနေ ဖွဲ့ စည်းပုံပြင်ဆင်ရေး အသံထွက် မလာသေးတာ အလွန်အံ့သြစရာ ဖြစ်နေပါတယ်။

အခုပြည်သူက ရွေးကောက် တင်မြှောက်ထားတဲ့ လွှတ်တော် သက်တမ်းတစ်ဝက်ကို ရောက် လာခဲ့ပါပြီ။ ဖွဲ့စည်းပုံအခြေခံ ဥပဒေပြင်ဆင်ဖို့ လွှတ်တော်ထဲမှာ အဆိုတင်သွင်းကြဖို့၊ ဆွေးနွေဖို့ အတွက် မစောလွန်း၊ နောက်မကျ လွန်းတဲ့ သင့်မြတ်တဲ့အချိန်ကာလ ပါပဲ။ ဒီအချိန်မှာ ဒီမိုကရေစီဖက် ဒရယ်ပြည်ထောင်စု နိုင်ငံတော် သစ် တည်ဆောက်နိုင်ရေးအ တွက် ဖွဲ့စည်းပုံအခြေခံဥပဒေ အုတ်မြစ်ဟောင်းကို မြေလှန်ပြီး အသစ်တစ်ဖန် ပြန်လည်တည် ဆောက်ဖို့ ဖွဲ့စည်းပုံပြင်ဆင်ရေး ကို လွှတ်တော်ထဲကနေ စတင်အ ကောင်အထည်ဖော်သင့်ပြီလို့ ပြောချင်ပါတယ်။

လွှတ်တော်ထဲမှာ ဖွဲ့စည်းပုံ ပြင်ဆင်ရေးကို တင်သွင်းရင် အောင်မြင်ပါ့မလား ဆိုရင်တော့ အဖြေက Myanmar Idol က မြန်မာပြည်သိန်းတန်ရဲ့ နာမည် ကျော်စကားအတိုင်းပါပဲ။ အ ဆင့်ဆင့်ပိတ်ဆို့ပြီး မပြင်နိုင်၊ ပြင် မရအောင် လုပ်ဆောင်ထားချက် တွေအရ အောင်မြင်ဖို့မရှိပါဘူး။ ဖွဲ့စည်းပုံအခြေခံပါ ပုဒ်မ ၄၃၆ က သံမဏိတံခါးကို သော့ခတ်၊ သော့ပေါက်ထဲမှာ သော့တံကိုချိုး ချန်ခဲ့ပြီး အပေါက်ဝကို ဂဟေ ဆော်ပိတ်ထားသလို ဖြစ်နေတာ ပါ။ ဒါပေမဲ့ ပြင်ဆင်ရန်ကြိုးစား အားထုတ်မှု အောင်မြင်ဖို့၊ မ အောင်မြင်ဖို့ထက် ပြင်ဆင်ဖို့ လုပ် ဆောင်ရမယ့်တာဝန်ကို ပမာဒ  လေမခကြစေဖို့ တိုက်တွန်းချင်ပါ တယ်။

၂၀၁၄ ထဲမှာ ပုဒ်မ ၄၃၆ ပြင်ဆင်ရေးအတွက် အမျိုးသားဒီ မိုကရေစီအဖွဲ့ချုပ်နဲ့ ၈၈ မျိုးဆက် ငြိမ်းချမ်းရေးနှင့် ပွင့်လင်းလူ့အဖွဲ့ အစည်းတို့ ပူးပေါင်းပြီး ကြိုးပမ်း အားထုတ်ခဲ့ကြပါတယ်။ ပြီး မြောက်အောင်မြင် ပြင်ဆင်နိုင်တဲ့ အထိ ခရီးမပေါက်ခဲ့ပေမယ့် ပြင် ဆင်လိုတဲ့ ပြည်သူတို့ရဲ့ လက်မှတ်ငါးသန်းကိုတော့ ကောက်ခံရယူ ပြီးတင်ပြနိုင်ခဲ့တဲ့အထိ အောင် မြင်ခဲ့ပါတယ်။ မရွေ့နိုင်ခဲ့ပေမယ့် လှုပ်ယမ်းစေနိုင်ခဲ့တဲ့ အဆင့်တစ် ခုပါ။ ဒါကြောင့် ယခုပြန်လည် ကျင်းပတော့မယ့် လွှတ်တော်  အဋ္ဌမပုံမှန်အစည်းအဝေးတွေမှာ ငြိမ်းစုစီဥပဒေကြမ်းကိစ္စကို ဆွေး နွေးကြခြင်းနဲ့အတူ ဖွဲ့စည်းပုံအ ခြေခံ ဥပဒေကိုလည်း အသံထွက် ကြဖို့ သင့်ပြီလို့ သတိပေးချင် ပါတယ်။ မနုတ်နိုင်သေးရင် တောင်မှ နှဲ့ကြရမှာ သမိုင်းပေးတာ ဝန်တစ်ရပ်ပါ။ မရောက်နိုင်ပါဘူး ဆိုရင်တောင်မှ မဖြစ်မနေ စလျှောက်ကြရမှာပါ။ မရွေ့နိုင် သေးရင်တောင်မှ စွမ်း အားရှိသမျှ တွန်းကြရမယ့် တာဝန်ဟာ ပြည် သူ့အသံကို ကိုယ်စားပြုတဲ့ လွှတ် တော်ကြီးတွေရဲ့ ပခုံးထက်မှာပါ လို့ အလေးအနက် သတိပေး နှိုး ဆော်လိုက်ရပါတယ်။     ။

(ဆောင်းပါးရှင် ထင်လင်းဦးသည်ဖွဲ့စည်းပုံအခြေခံဥပဒေဆိုင်ရာနှင့် နိုင်ငံရေးဝေဖန်သုံးသပ်ချက်များ၊ တရားဥပဒေစိုးမိုးရေးနှင့် ပြုပြင်ပြောင်းလဲရေးဆိုင်ရာ ဆောင်းပါးများ၊ စာတမ်းများ၊ ၀တ္တုများ ရေးသားနေသူဖြစ်သည်)