မြန်မာ့ကျောက်မျက်ပြပွဲ စည်းကမ်းချက်အပြောင်းအလဲနှင့် ဈေးကွက်အလားအလာ

နေပြည်တော်တွင် ကျင်းပခဲ့သည့် ကျောက်မျက်ပြပွဲတစ်ခု (ဓာတ်ပုံ − MOI)

ဇွန်လတွင် ကျင်းပမည့် (၅၅) ကြိမ်မြောက် မြန်မာ့ ကျောက်မျက်ရတနာပြပွဲက စတင်ကာ ပြပွဲစည်းကမ်းချက်အချို့ ပြောင်းလဲ ကျင့်သုံးမည်ဖြစ်သည်။ နေပြည်တော်တွင် ကျင်းပသည့် ကျောက်မျက်ပြပွဲသို့ တက်ရောက်ဝယ်ယူမည့် ရတနာကုန်သည်များအနေဖြင့် အာမခံစပေါ်ငွေ (Deposit) ယခင်ထက် နှစ်ဆတိုးမြှင့်ပေး သွင်းရမည်ဖြစ်ပြီး အာမခံစပေါ် ငွေ၏ ၁၀ ဆအထိသာ ကျောက်မျက်ဝယ်ယူခွင့် ရရှိတော့မည်ဖြစ် ကြောင်း ပြပွဲကျင်းပရေးကော်မတီက ကြေညာသည်။

ထို့အပြင် ယခင်က ပြပွဲတွင် တင်ဒါဆွဲဝယ်ယူပြီး ငွေချေထုတ် ယူခြင်းမရှိသည့် ရတနာကုန်သည် များကို အာမခံစပေါ် သိမ်းယူပြီး ပွဲပယ်ပြစ်ဒဏ်များ ချမှတ်ခဲ့သော် လည်း ပြောင်းလဲကျင့်သုံးမည့် စည်းကမ်းသစ်များအရ အာမခံ စပေါ်ငွေကိုသာ သိမ်းယူပြီး ပွဲ ပယ်ပြစ်ဒဏ် ချမှတ်တော့မည် မဟုတ်ပေ။ ယင်းသည် မြန်မာ့ ကျောက်မျက်ရတနာပြပွဲ စည်း ကမ်းချက်များနှင့်ပတ်သက်၍ သိ သာ၊ မြင်သာသည့် အပြောင်း အလဲဖြစ်ပြီး ယင်းအပြောင်းအလဲ များကြောင့် မြန်မာ့ကျောက်မျက် ဈေးကွက်အပေါ် ရိုက်ခတ်မှုများ ရှိလာနိုင်ကြောင်း ပြည်တွင်း ကျောက်မျက်ရတနာ ကုန်သည် များက သုံးသပ်သည်။


သယံဇာတနှင့် သဘာဝ ပတ်ဝန်းကျင် ထိန်းသိမ်းရေးဝန် ကြီးဌာနနှင့် မြန်မာ့ကျောက်မျက် ရတနာ လုပ်ငန်းရှင်များအသင်းမှ အသင်းဝင်အချို့ ပါဝင်ဖွဲ့စည်း ထားသည့် မြန်မာ့ကျောက်မျက် ရတနာပြပွဲ ဗဟိုကော်မတီသည် ကျောက်စိမ်း၊ ကျောက်မျက်များ အား အရိုင်းတုံးအတိုင်း ရောင်းချ သည့် ကျောက်မျက်ပြပွဲများကို နေပြည်တော်တွင် နှစ်စဉ်ကျင်းပ နေသည်။ ကျောက်မျက်ပြပွဲများ ကို နိုင်ငံခြားသားများ တက် ရောက်ဝယ်ယူနိုင်သည့် ယူရိုငွေ ဖြင့် ရောင်းချသည့်ပြပွဲ၊ ပြည် တွင်းကုန်သည်များကိုသာ တိုက် ရိုက်ရောင်းချပေးသည့် ကျပ်ငွေ ဖြင့် ရောင်းချသည့်ပြပွဲဟူ၍ ခွဲခြား ကျင်းပပြီး တစ်နှစ်လျှင် ကျောက်မျက်ပြပွဲ အနည်းဆုံးနှစ်ကြိမ် ကျင်းပသည်။

 ၂၀၁၀ က စတင်ကာ ကျောက်မျက်ပြပွဲများကို နေပြည် တော်တွင် ကျင်းပခဲ့ပြီး ယနေ့ထိ နေပြည်တော်တွင် ကျောက်မျက် ပြပွဲ (၁၁)ကြိမ် ကျင်းပပြီးဖြစ် သည်။ ယင်းပြပွဲများတွင် အာမခံ စပေါ်ငွေ ပေးသွင်းသည့်စနစ် အပါအဝင် ပြပွဲစည်းကမ်း အပြောင်းအလဲ သုံးကြိမ် ပြုလုပ်ထားသည်။ ၂၀၁၇ အတွင်း ကျင်းပခဲ့သည့် (၅၄) ကြိမ်မြောက် ကျောက်မျက်ပြပွဲအထိ ယူရိုငွေ ဖြင့် ရောင်းချသည့် ကျောက်မျက် ပြပွဲများသို့ တက်ရောက်ဝယ်ယူ လိုသူများအနေဖြင့် အာမခံစပေါ် ငွေအဖြစ် ပြည်တွင်းကုန်သည် များက အနိမ့်ဆုံး ယူရိုတစ် သောင်း၊ ပြည်ပကုန်သည်များက အနိမ့်ဆုံး ယူရိုနှစ်သောင်း ပေးသွင်းရသည်။ ပေးသွင်းသည့် အာမခံစပေါ်ငွေ၏ အဆ ၂၀ အထိ ကျောက်မျက်ဝယ်ယူခွင့်ရရှိသည်။

သို့သော် ယခုနှစ်အတွင်း ပထမအကြိမ်အဖြစ် ဇွန်လ ၂၀ ရက်ကစတင် ကျင်းပမည့် ယူရို ငွေဖြင့် ရောင်းချမည့် (၅၅) ကြိမ် မြောက် ပြပွဲက စတင်ကာ ယင်း အာမခံစပေါ်ငွေ ပေးသွင်းသည့် စနစ်ကို အပြောင်းအလဲ ပြုလုပ် မည်ဖြစ်ပြီး ကျောက်မျက်ပြပွဲ တက်ရောက်ဝယ်ယူမည့် ပြည် တွင်းရတနာကုန်သည်များ အနေ ဖြင့် အနိမ့်ဆုံး ယူရိုငွေ နှစ်သောင်း နှင့် ပြည်ပရတနာကုန်သည်များ အနေဖြင့်  အနည်းဆုံး ယူရိုငွေ လေးသောင်း အာမခံစပေါ်ငွေ ပေးသွင်းထားရတော့မည် ဖြစ် သည်။

 ‘‘ပြောင်းလဲလိုက်တာက ပြည်ပကုန်သည်တွေရော၊ ပြည် တွင်းကုန်သည်တွေရော အဆိုပြု ကြတဲ့ အတွက်ပါ’’ဟု မြန်မာ့ ကျောက်မျက်ရတနာပြပွဲ ကျင်းပ ရေးကော်မတီ ဒုဥက္ကဋ္ဌ ဦးသန်း ဇော်ဦးက ပြောသည်။

ပြပွဲတွင် တင်ဒါဆွဲဝယ်ယူ သည့် ကျောက်မျက်များကို နှစ်လ အတွင်း ငွေချေထုတ်ယူရပြီး သတ်မှတ်ရက်အတွင်း ငွေချေ ထုတ်ယူခြင်းမရှိသူများကို အာမခံ စပေါ်ငွေ သိမ်းယူပြီး အမည်ပျက် စာရင်းသွင်းကာ ပြပွဲသုံးကြိမ် တက်ရောက်ဝယ်ယူခွင့် ပိတ်ပင် သည်။

သို့သော် ပေးသွင်းရသည့် အာမခံစပေါ်ငွေ ပမာဏနည်းပါး သဖြင့် တရုတ်နိုင်ငံမှ ကျောက် မျက်ကုန်သည်များ အပါအဝင် ကျောက်မျက်ကုန်သည် အချို့က စပေါ်ငွေဆုံးရှုံးခံပြီး ဈေးကစား ခြင်း၊ ဈေးကွက်ဖျက်ခြင်းများ ရှိသည်ဟု ပြပွဲတက်ရောက် ဝယ် ယူသည့် ပြည်တွင်းကုန်သည် များကပြောသည်။ ပြပွဲတွင် အပြိုင်အဆိုင်ဈေးပိုပေးကာ တင်ဒါ ဆွဲဝယ်ယူရသဖြင့် ကျောက်မျက်ဈေးနှုန်းများ မြင့်တက်ခြင်း၊ သတ်မှတ်ရက်အတွင်း ငွေချေလာ ရောက်ထုတ်ယူခြင်း မရှိသည့် အတွက် ကျောက်မျက်ကုမ္ပဏီများ နစ်နာခြင်း၊ မှန်မှန်ကန်ကန် ဝယ်ယူ လုပ်ကိုင်မည့်သူများ ကျောက်မရခြင်းနှင့် ဈေးကွက်ဝင်ကျောက်ကြီး၊ ကျောက်ကောင်း များ ဈေးကွက်အတွင်း ရောက် ရှိမလာဘဲ ကုန်ကြမ်းရှားပါးခြင်း များ ကြုံတွေ့ရသည်ဟု ကျောက်မျက်ကုန်သည်များက ပြော သည်။

‘‘အခုလုပ်မယ့်စနစ်ကတော့ ပျက်ကွက် (ကျောက်မျက်ပြပွဲ တွင် တင်ဒါဆွဲဝယ်ယူပြီး သတ် မှတ်ရက်အတွင်း ငွေချေပေးသွင်း ခြင်းမရှိလျှင်) ရင် ၁၀ ရာခိုင်နှုန်း သိမ်းမယ်။ သို့သော် ပွဲပြစ်ဒဏ် ကတော့ မထားတော့ဘူး’’ဟု ဦးသန်းဇော်ဦးက ရှင်းပြသည်။

နေပြည်တော်တွင် ကျင်းပခဲ့သည့် ကျောက်မျက်ပြပွဲများတွင် တင်ဒါဆွဲ ဝယ်ယူထားသည့် ကျောက်မျက်များကို သတ်မှတ် ရက်အတွင်း လာရောက်ထုတ်ယူ ခြင်းမရှိသဖြင့် အာမခံ စပေါ်ငွေ သိမ်းယူခဲ့ရသည့်ဖြစ်စဉ် အများ အပြားရှိကြောင်း ပြပွဲကျင်းပရေး ကော်မတီ မှတ်တမ်းများတွင် ဖော်ပြထားသည်။

ပြပွဲတွင် တင်ဒါဆွဲဝယ်ယူ ထားသည့် ကျောက်မျက်များ သတ်မှတ်ရက်အတွင်း ငွေချေ လာရောက်ထုတ်ယူခြင်း မရှိသဖြင့် မြန်မာ့ကျောက်မျက်ရတနာလုပ်ငန်းက သိမ်းယူခဲ့သော အာမခံစပေါ်ငွေသည် (၅၄)ကြိမ် မြောက်ပြပွဲအထိ ယူရို သန်း ၁၂၀ အထိ ရရှိထားကြောင်း ဦးသန်း ဇော်ဦးက ပြောသည်။

ထိုသို့ သိမ်းယူခဲ့သော အာမ ခံစပေါ်ငွေများကို မြန်မာ့ကျောက် မျက်ရတနာ ရောင်းဝယ်ရေးလုပ် ငန်းက ၁၀ ရာခိုင်နှုန်း၊ မြန်မာ့ ကျောက်မျက်ရတနာပြပွဲ ဗဟို ကော်မတီက ၅ ရာခိုင်နှုန်းနှင့် ကျန် ၈၅ ရာခိုင်နှုန်းကို ပြပွဲသို့ ကျောက်မျက် တင်ပြရောင်းချ သည့် ကျောက်ပိုင်ရှင်က ရရှိခံစား ခွင့်ပြုထားသည်။

‘‘နောက်ဆုံး ပြီးခဲ့တဲ့ပွဲအထိ တင်ဒါအောင်ပြီးလို့ ကျောက်လာ မရွေးဘူးဆိုရင် ငွေလည်းသိမ်း တယ်။ သုံးပွဲပြစ်ဒဏ်လည်း ချ တယ်ပေါ့။ နောက်ပိုင်း ကုန်သည် တွေက ဒဏ်ကြေးကိုတော့ ပို ဆောင်ပေးမယ်။ ပွဲပယ်တဲ့ပြစ် ဒဏ်တော့ မထားပါနဲ့တော့ဆိုပြီး အဆိုပြုကြတဲ့အတွက် ဒီပွဲမှာ စတင်ပြောင်းလဲခဲ့ခြင်း ဖြစ်ပါ တယ်’’ဟု ဦးသန်းဇော်ဦးက ဆို သည်။

ပြောင်းလဲကျင့်သုံးမည့်စနစ် သည် အမှန်တကယ် ကျောက် မျက်ဝယ်ယူမည့် ကုန်သည်များ အတွက် အားသာချက်ဖြစ်နိုင် သော်လည်း ငွေအရင်းအနှီးနည်း သော ကုန်သည်အချို့ အခက် အခဲရှိနိုင်သည်ဟု ဆိုသည်။

‘‘အရမ်းကြီး အားနည်းချက် ကတော့ အရင်တုန်းက နှစ် သောင်း သွင်းထားမယ်ဆိုရင် လေးသိန်းဖိုးလောက် ဈေးလိုက် ပေးလို့ရတယ်။ အခုတော့ သူက ချိန်ရပြီပေါ့’’ဟု ၎င်းက ရှင်းပြ သည်။

ယခုစနစ်သည် ဝယ်ယူအဆို ပြုထားသည့် ဈေးအတိုင်း အလုပ်လုပ်မည့် ကုန်သည်များအတွက် ပို၍အံဝင်နိုင်မည်ဟု ထင် ကြောင်း ဦးသန်းဇော်ဦးက မှတ်ချက်ပြုသည်။

‘‘ကျွန်တော်တို့ရဲ့ ပြပွဲရည် ရွယ်ချက်ကလည်း ရောင်းသမျှ ကျောက်တွဲတွေ ငွေရရှိရေးသည် ပင်မရည်ရွယ်ချက်ပဲ’’ဟု ၎င်းက ဆက်လက်ပြောကြားသည်။

ကျောက်မျက်ပြပွဲများတွင် ကိုယ်တိုင် ကျောက်တွဲများ တင်ပြ ရောင်းချနေသော ကျောက်စိမ်း လုပ်ငန်းရှင် ကိုတူးတူးက ယခု ပြောင်းလဲလိုက်သော စနစ်သည် အရောင်းသမားများအတွက် ပိုမို အဆင်ပြေနိုင်ပြီး ပြည်ပ (တရုတ် ကုန်သည်အများစု) ကုန်သည် များ၏ ဈေးကစားခြင်းကို ယခင် ကထက် ထိန်းနိုင်မည့် အခြေ အနေရှိနိုင်ကြောင်း သုံးသပ်ပြော ကြားသည်။

ထို့အပြင် ပြပွဲတက်ရောက် လာသော ပြည်ပကုန်သည်အချို့ က ဈေးကွက်အတွင်း အများ ကြိုက်နိုင်သည့် ကျောက်တွဲများ ကို မတန်တဆဈေးပိုပေးပြီး တင်ဒါဆွဲကာ အခြားကုန်သည် များလက်သို့ မရောက်အောင် စပေါ်ငွေ အဆုံးခံပြီး ပွဲဖျက်ခြင်း၊ ဈေးကစားခြင်းများ မကြာခဏ ကြုံတွေ့ရသည်ဟု ၎င်းက ဆို သည်။

‘‘၅ ရာခိုင်နှုန်း အဆုံးခံပြီး ရသင့်တာကို မရအောင် လိုက် ဖျက်တာတွေရှိတယ်။ အဖျက် အမှောင့် အရမ်းများတယ်’’ဟု ကိုတူးတူးကပြောသည်။

ကျောက်မျက်ရတနာ လုပ် ငန်းရှင်များအသင်း အလုပ်အမှု ဆောင် မန္တလေးကျောက်ဝိုင်း ဥက္ကဋ္ဌ ဦးသန်းဝင်းက ယခုကဲ့သို့ ပြပွဲစည်းကမ်းချက်အချို့ ပြောင်း လဲကျင့်သုံးခြင်းသည် ပြပွဲတိုင်း တွင် ကြုံနေရသည့် တရုတ် ကျောက်ကုန်သည် အများစု၏ ဈေးကွက်ဖျက်နေသည့် လုပ်ရပ် များကို ကာကွယ်နိုင်ရန် ရည်ရွယ်ခြင်းဖြစ်နိုင်ကြောင်း သုံးသပ် သည်။ အာမခံစပေါ်ငွေ များများ တင်ခိုင်းပြီး Blacklist ထိန်းလို သည့် သဘောဖြစ်နိုင်သည်ဟု ၎င်းက မှတ်ချက်ပြုသည်။

မြန်မာနိုင်ငံတွင်း ကျောက် စိမ်းကျောက်မျက်ဈေးကွက် အဖွံ့ ဖြိုးဆုံးဖြစ်သည့် မန္တလေးမြို့မှ ဒေသခံ ကျောက်ကုန်သည်အချို့ ကမူ ယခုကဲ့သို့ ပြပွဲစည်းကမ်းများ ပြောင်းလဲကျင့်သုံးမည့်အ ပေါ် ကြိုဆိုကြောင်း ပြောသည်။ ယခု အပြောင်းအလဲကြောင့် တရုတ်ကုန်သည်များ၏ ဈေးကွက်ဖျက်မှု အတန်အသင့် ထိန်းချုပ်နိုင်ဖွယ်ရှိသည်ဟုဆိုသည်။

‘‘Deposit (အာမခံစပေါ်ငွေ) တိုးယူတာက သဘာဝကျပါတယ်။ သဘာဝကျတယ်ဆိုတာ ဘာလို့ ပြောလဲဆိုတော့ နိုင်ငံခြားသား တွေကို ဖိတ်ခေါ်ပြီး ရောင်းချတဲ့ပွဲ ဆိုတော့ Deposit များများယူတာ ကောင်းတယ်။ ဘာကြောင့်ယူ သင့်လဲဆိုတော့ Blacklist (အမည်ပျက်)စာရင်းမှာ ပြည်တွင်းထက် ပြည်ပလုပ်ငန်းရှင်တွေက ပိုများတယ်။ များသောအားဖြင့် မြန်မာနိုင်ငံသားတွေ ဆွဲတဲ့ ကျောက်တွေက တန်ဖိုးကြီးတာ နည်းပါတယ်။ ယူရိုငွေ သန်းချီပြီးဆွဲတဲ့ ကျောက်တွေကတော့ နိုင်ငံခြားသားတွေ ဆွဲတာဖြစ်တဲ့အတွက် Deposit တိုးကောက်တဲ့ အပိုင်းကို လက်ခံပေးလို့ရပါ တယ်’’ဟု မန္တလေးမြို့ သစ္စာဇော် ကျောက်စိမ်းအချောထည် လုပ် ငန်းမှ ဦးဇော်ဇော်က ပြောသည်။

 အာမခံစပေါ်ငွေ တိုးမြှင့် ကောက်ခံခြင်းကြောင့် လူစစ် ထုတ်သလို ဖြစ်နိုင်ပြီး ဈေးကစား လိုသည့်သဘောဖြင့် ပြပွဲသို့ လာ ရောက်သူ လျော့နည်းသွားကာ အမှန်တကယ် ဝယ်ယူလိုသူများ ပိုမို လာရောက်ဖွယ်ရှိကြောင်း ကျောက်စိမ်းကုန်သည်အဖြစ် ၁၅ နှစ်ကျော် လုပ်ကိုင်ခဲ့သူ ကိုအောင် အောင်က ပြောသည်။

‘‘တကယ် ကျောက်ဝယ်ချင် တဲ့သူတွေ များလာနိုင်တယ်။ ဈေး ကစားမယ့်သူ နည်းသွားနိုင်တယ်။ ၁၀ ရာခိုင်နှုန်းဆိုတော့ သိန်းတစ်ထောင်ဆို သူက သိန်း ၁၀၀ ရှုံးတော့မယ်လေ။ ဈေးပေးပြီး ကျောက်မယူတာ နည်းသွားမယ်’’ ဟု ကိုအောင်အောင်က ပြော သည်။

သို့သော် စပေါ်ငွေတိုးမြှင့် ခြင်းကြောင့် အရင်းအနှီးများလာ ပြီး ပြည်တွင်းကုန်သည်ငယ်လေး များ ပြပွဲတက်ရောက် ဝယ်ယူရန် ငွေကြေးအခက်အခဲရှိနိုင်ကြောင်း ၎င်းကဆိုသည်။

‘‘စပေါ်ငွေ ၅ရာခိုင်နှုန်း၊ ၁၀ ရာခိုင်နှုန်းဆိုတာထက် တကယ် တမ်းဖြစ်သင့်တာက ကိုယ်ဆွဲနိုင် တဲ့ ပမာဏအတွက် ငွေပမာဏ ပြခိုင်းသင့်တယ်။ ၁၀ ရာခိုင်နှုန်း ဖြစ်သွားတော့ ကိုယ့်ပြည်တွင်းက သူတွေကတော့ ကျောက်လေလံ ဆွဲဖို့တောင် အတော်စဉ်းစားကြရ မယ့် အနေအထားဖြစ်သွားမယ်။ သိန်း ၅,၀၀၀ ဖိုးဝယ်ဖို့ သိန်း၅၀၀ တင်ထားတယ်။ သိန်း၁,၀၀၀တန် ငါးလော့ဝယ်လိုက်တယ်။ ထုတ် တဲ့အချိန်ကျတော့ သုံးလော့ဖိုးပဲ တတ်နိုင်တယ်ဆိုရင် ကျန်တဲ့နှစ် လော့ဖိုးက ရှုံးပြီလေ။ ရှုံးသွားမယ့် ပိုက်ဆံကို ပြန်ချိန်ရတော့မယ် လေ။ ပြည်ပကတော့ ဒီပမာဏ လောက်ကို တွက်မှာမဟုတ်ဘူး’’ ဟု ကိုအောင်အောင်က ပြော သည်။

တစ်ချိန်တည်းတွင် ပြပွဲ တက်ရောက် ဝယ်ယူခွင့်ပိတ် သည့် အမည်ပျက်စာရင်းသွင်း သည့်စနစ် ပယ်ဖျက်မည့်အပေါ် ပြည်တွင်း ကျောက်မျက်ကုန် သည်အချို့က စိုးရိမ်နေသည်။ အမည်ပျက်စာရင်း သွင်းသည့် စနစ် ပယ်ဖျက်ခဲ့သည့် ကျောက်မျက်ဈေးကွက် ပျက်သည်အထိ အကြီးစားဈေးကစားမှုများ ဖြစ် ပေါ်လာနိုင်ပြီး ယင်းအချက်ပေါ် တွင် ပြန်လည်သုံးသပ်သင့် ကြောင်း ကုန်သည်အချို့က သုံး သပ်သည်။

‘‘Blacklist စာရင်းကို ဖြေ လျှော့လိုက်တယ်ဆိုတာကတော့ မြန်မာနိုင်ငံရဲ့ ကျောက်မျက်ဈေး ကွက်ကို ပျက်အောင်လုပ်တာမျိုး ဖြစ်သွားနိုင်တယ်။ စည်းကမ်းပိုင်း နဲ့ပတ်သက်ပြီး ပြောရရင် Black list ဖျက်တာတော့ ဟုတ်တယ်။ ဒါပေမဲ့ ကျောက်လာမရွေးဘူးဆိုရင် ဘယ်လိုဥပဒေနဲ့ အရေးယူမယ်ဆိုတာ ထွက်လာရင်သင့်တော်မယ်။ များသောအားဖြင့် နိုင်ငံခြားဝယ်လက်တွေက ကောင်းတဲ့ကျောက်တွေ ရွေးထုတ်တယ်။ မကောင်းတဲ့ကျောက်တွေကျတော့ Blacklist ဖြစ်ရင်ဖြစ်ပါစေဆိုပြီး Deposit အဆုံးခံသွားတယ်။ နောက်တစ်ကြိမ်ကျတော့ လူတစ်ယောက်ပြောင်းလာတယ်။ Deposit တိုးကောက်ခြင်းအားဖြင့် Blacklist နည်းသွားမယ့်အနေအထားတော့ မဖြစ်နိုင်ဘူး။ Blacklist ကို လွယ်လွယ်နဲ့ ဖျက်လိုက်မယ်ဆိုရင် မရွေးလည်း ဘာမှမဖြစ်ဘူးဆိုတဲ့ အသိမျိုးဝင်သွားရင် အရောင်းအဝယ်ဈေးကွက် ပျက်သွားနိုင် တယ်။ ဝယ်ယူတဲ့ဈေးပြိုင်စနစ်မှာ နိုင်ငံခြားသားဝယ်ယူမှုက များမယ်။ ဒီနေရာမှာ မရွေးလည်း ရတယ်ဆိုပြီး အသိဝင်သွားရင် စည်းမဲ့ကမ်းမဲ့နဲ့ ဈေးကွက်ပျက် သွားနိုင်တယ်’’ဟု ဦးဇော်ဇော်က သုံးသပ်သည်။

 အမည်ပျက်စာရင်းသွင်း ကာ ကျောက်မျက်ပြပွဲ တက် ရောက်ဝယ်ယူခွင့် ပိတ်ပင်သည့် စနစ် ပျက်ဖျက်ခြင်းကြောင့် ဈေး ကစားခြင်းများ ပိုမိုဖြစ်ပေါ်လာ နိုင်ကြောင်း ကိုအောင်အောင်က ဆိုသည်။

‘‘Blacklist ဖျက်လိုက်တော့ ဈေးကစားတာတွေ ဖြစ်လာနိုင် တယ်။ တစ်ခါက ဖြစ်သွားဖူး တယ်။ သူတို့ တရုတ်ပြည်မှာ အ များကြီးရှိပြီး ဈေးကောင်းရနေ တဲ့ ကျောက်အမျိုးအစားတွေကို မြန်မာပြည်က ပြပွဲမှာ လာရှာ တယ်။ ပြီးတော့ အဲဒီကျောက် တွေကို လူများ မဆွဲနိုင်လောက် တဲ့ ဈေးတွေ ကစားပစ်တာတွေ ရှိခဲ့တယ်။ သူတို့ဆီကို ဒီကျောက် တွေ ဝင်မလာနိုင်အောင်ပေါ့’’ဟု ကိုအောင်အောင်က ပြောသည်။

ထို့အပြင် အာမခံစပေါ်ငွေ တိုးမြှင့်ခြင်းကြောင့် မြန်မာ့ ကျောက်မျက်ပြပွဲများသို့ ပြည်ပ ကုန်သည်များ လာရောက်မှု လျော့ကျနိုင်မည့်အချက်ကို ပြည်တွင်း ကုန်သည်အချို့က စိုးရိမ် သည်။ မြန်မာ့ကျောက်စိမ်းဈေးကွက်သည် တရုတ်နိုင်ငံအပေါ် အဓိကမှီခိုနေရပြီး ပြပွဲသို့ လာ ရောက်ဝယ်ယူသည့် တရုတ်ကုန်သည်များ၏ ကျောက်မျက်ဝယ် ယူမှု အခြေအနေပေါ်မူတည်ကာ ဈေးကွက်အခြေအနေ မှန်းဆလုပ်နေရချိန်တွင် ပြည်တွင်းကျောက်စိမ်းကျောက်မျက်ဈေးကွက် အရောင်းအဝယ် ကောင်းမွန်ရေး အရေးကြီးကြောင်း ကုန်သည်များ ကဆိုသည်။

 ကျောက်မျက်ပြပွဲသို့ တရုတ်ကုန်သည်များ လာရောက် မှု လျော့နည်းပြီး ယှဉ်ပြိုင်ဝယ်ယူ မှုမရှိလျှင် ကျောက်မျက်ဈေးကျ ပြီး ကျောက်မျက်လုပ်ငန်းများအပေါ် ထိခိုက်နိုင်ကြောင်း ထင်မြင် သူများရှိသည်။

‘‘ယှဉ်ပြိုင်မှုတွေ နည်းရင် နည်းသလို ဈေးနည်းနည်းနဲ့ ယူ သွားမှာပဲ။ ယှဉ်ပြိုင်တဲ့သူများရင် သူရောကိုယ်ရော အလုအယက် ဈေးပေးကြမှာပဲ။ ပြောချင်တာက ယှဉ်ပြိုင်မှုများမှ ကျောက်ဈေး ကောင်းရမယ်’’ဟု စိမ်းအောင်သူ ကျောက်မျက်ရတနာ ရောင်းဝယ် ရေးလုပ်ငန်းမှ ဦးအေးလွင်က မှတ်ချက်ပြုသည်။

နေပြည်တော်တွင် ကျင်းပ ပြီးစီးခဲ့သည့် ကျောက်မျက်ပြပွဲ များတွင် လာရောက်ဝယ်ယူသည့် ပြည်တွင်း၊ ပြည်ပ ရတနာကုန် သည်များပြားခဲ့သည်။ ပြီးခဲ့သည့် အကြိမ် (၅၀)မြောက် ကျောက် မျက်ပြပွဲမှ (၅၄)ကြိမ်မြောက် ပြပွဲအထိ ပြပွဲတစ်ခုချင်းစီသို့ လာရောက်သည့် ပြည်တွင်း၊ ပြည်ပ ရတနာကုန်သည် ငါးထောင်မှ တစ်သောင်းကြားရှိခဲ့ပြီး ပြပွဲတစ်ပွဲစီအတွက် ကျောက်မျက်ရောင်း ချရမှု ယူရိုသန်း ၅၀၀ ခန့်စီ ရှိခဲ့ သည်။

ပြောင်းလဲကျင့်သုံးမည့် ပြပွဲ စည်းကမ်းချက်များကြောင့် ကျောက်မျက်ပြပွဲများအပေါ် မည် သို့ ရိုက်ခတ်မှုရှိမည်ကို စောင့် ကြည့်ရမည်ဖြစ်ကြောင်း မြန်မာ နိုင်ငံ ကျောက်မျက်ရတနာ လုပ် ငန်းရှင်များအသင်း တာဝန်ရှိသူ များက ပြောသည်။