တက္ကသိုလ်ဝင်ခွင့်လျှောက်ထားသူများ စာရိတ္တကောင်းကြောင်းထောက်ခံစာနှင့် ကျန်းမာရေးထောက်ခံစာမလိုတော့ကြောင်း ပညာရေးဝန်ကြီးပြော

ရန်ကုန်တက္ကသိုလ်တွင် ကျောင်းဝင်ခွင့်လျှောက်လွှာတင်နေသည့် ကျောင်းသားအချို့ကို တွေ့ရစဉ် (ဓာတ်ပုံ − စိုင်းဇော်)

တက္ကသိုလ်ဝင် ခွင့်လျှောက်ထားရာတွင် အကျင့် စာရိတ္တကောင်းမွန်ကြောင်းနှင့် ကျန်းမာရေးကောင်းမွန်ကြောင်း ထောက်ခံစာများ ပူးတွဲတင်ပြရန် မလိုအပ်တော့ကြောင်း ပညာရေး ၀န်ကြီး ဒေါက်တာ မျိုးသိမ်းကြီးက ပြောသည်။

မေလ ၁၄ရက်က ကျင်းပသည့် ပြည်သူ့လွှတ်တော်အစည်းအဝေးတွင် အင်းတော်မဲဆန္ဒနယ်မှ ဒေါက်တာဒေါ်ပြုံး၏ မေးမြန်းချက်ကိုပြည်ထောင်စုဝန်ကြီးက အထက်ပါအတိုင်း  ပြန်လည်ဖြေကြားသည်။

၂၀၁၂ တက္ကသိုလ်ဝင်ခွင့်စာမေးပွဲအောင်မြင်သူများအတွက် တက္ကသိုလ်ဝင်ခွင့်လမ်းညွှန် စာအုပ်တွင် အကျင့်စာရိတ္တကောင်းမွန်ကြောင်း ထောက်ခံစာနှင့် ကျန်းမာကြောင်းထောက်ခံစာကို တင် ပြရမည်ဟု ဖော်ပြခဲ့သော်လည်း ၂၀၁၃ တက္ကသိုလ်ဝင်ခွင့် အောင်မြင်သူများကစ၍ အဆိုပါထောက်ခံစာများ တင်ပြရန်မလိုတော့ကြောင်း ဒေါက်တာ မျိုးသိမ်းကြီးက ပြောသည်။

သို့သော် ၂၀၁၇ အထိ မြို့နယ်အချို့တွင် အဆိုပါထောက်ခံစာများပူးတွဲတင်ပြရဆဲဖြစ်ကြောင်း ဒေါက်တာ ဒေါ်ပြုံးက ဆက်စပ်မေးခွန်းထပ်မံမေးမြန်းစဉ် ပြောသည်။ ပြစ်မှုကင်းရှင်းကြောင်း ထောက်ခံစာသည် တက္ကသိုလ်ဝင်ခွင့်အတွက် လက်တွေ့အသုံးပြုခြင်းမရှိသည့်အပြင် မျက်မှောက်ခေတ်ကာလနှင့် ကိုက်ညီမှုမရှိတော့ကြောင်း ၎င်းက ထောက်ပြသည်။

သို့ဖြစ်၍ ၀န်ကြီးက ထိုသို့ ထောက်ခံစာများ ဆက်လက်တင် ပြနေရခြင်းကို ပြန်လည်စိစစ်မည်ဖြစ်ပြီး ထောက်ခံစာများပူးတွဲတင်ပြရန် မလိုတော့ကြောင်း ကျောင်းသူ၊ ကျောင်းသားများ ကျယ်ကျယ်ပြန့်ပြန့်သိစေရန် လုပ်ဆောင်မည် ဟု ပြောသည်။

ယခင်က တက္ကသိုလ်ဝင် တန်း အောင်မြင်သည့် ကျောင်း သား၊ ကျောင်းသူများအနေဖြင့် သက်ဆိုင်ရာတက္ကသိုလ်အသီး သီး၌ တက်ရောက်သင်ကြားရန် လျှောက်ထားရာတွင် မြို့နယ် ကျန်းမာရေးဦးစီးမှူး၏ ကျန်းမာ ရေးစစ်ဆေးချက်၊ ရပ်ကွက်ကျေး ရွာအတွင်း နေထိုင်ကြောင်း ထောက်ခံချက်၊ အကျင့်စာရိတ္တကောင်းမွန် ကြောင်း မြန်မာနိုင်ငံရဲတပ်ဖွဲ့မှ ထောက်ခံချက်တို့ကို ပူးတွဲတင်ပြ ရသည်။