နှစ် ၁၀၀ ခန့်သက်တမ်းရှိ လူမွဲခံယူခြင်းဆိုင်ရာ ဥပဒေကို ပြင်ဆင်မည်

ဥပဒေမူကြမ်းတွင် အသေးစားနှင့် အလတ်စားလုပ်ငန်းရှင်များ လူမွဲခံယူခြင်းနှင့် သက်ဆိုင်သည့် ပြဋ္ဌာန်းချက်များပါဝင်လာ

မြန်မာနိုင်ငံ လူမွဲခံယူခြင်းဆိုင်ရာ ဥပဒေမူကြမ်း (ပထမမူကြမ်း)ကို အများပြည် သူ သိရှိစေရန်နှင့် အကြံဉာဏ်ပေးနိုင်ရန် ပြည်ထောင်စုလွှတ်တော် ဝက်ဘ်ဆိုက်တွင် လွှင့်တင်ထားပြီး ယင်းဥပဒေမူကြမ်း၌ အသေးစားနှင့် အလတ်စားလုပ်ငန်းများ(SME) နှင့် နိုင်ငံဖြတ်ကျော်သည့် စီးပွားရေးလုပ်ငန်း များအတွက် ပြဋ္ဌာန်းချက်များ ပါဝင်သည်။

မြန်မာနိုင်ငံတွင် လူမွဲခံယူ ခြင်းဆိုင်ရာ ဥပဒေရှိသော်လည်း ယခင်က အသက်ဝင်မှုအားနည်း ကြောင်း၊ လက်ရှိတွင် ဈေးကွက် စီးပွားရေးစနစ် ပြန်လည်ကျင့်သုံးလာ၍ လူမွဲခံယူခြင်းဆိုင်ရာ ဥပဒေများ ဖြစ်ပေါ်လာစေရေး အကောင်အထည်ဖော် ဆောင် ရွက်ခြင်းဖြစ်ကြောင်း ပြည် ထောင်စု တရားလွှတ်တော်ချုပ် တရားသူကြီးဦးမြသိမ်းက ပြော ကြားသည်။

မူလက လူမွဲခံယူခြင်းဆိုင်ရာ ဥပဒေကြမ်းကို တစ်သီးပုဂ္ဂလ လုပ်ငန်းများ လူမွဲခံယူခြင်းနှင့် ကုမ္ပဏီများ လူမွဲခံယူခြင်း အပိုင်း ကိုသာ ထည့်သွင်း၍ရေးသားရန် စီစဉ်ဆောင်ရွက်ခဲ့သော်လည်း လက်ရှိ စာရင်းဇယားများအရ မြန်မာနိုင်ငံရှိ စီးပွားရေးလုပ်ငန်း များ၏ ၉၅ ရာခိုင်နှုန်းကျော်သည် မိုက်ခရို၊ အသေးစားနှင့် အလတ် စားလုပ်ငန်းများ (MSME)များဖြစ်သဖြင့် ယင်းလုပ်ငန်းများ ကို ကာကွယ်စောင့်ရှောက်နိုင်ရန် ဥပဒေတွင် ကဏ္ဍတစ်ရပ်အနေ ဖြင့် ထည့်သွင်းရန် စဉ်းစားဆောင် ရွက်ခဲ့ကြောင်း ဦးမြသိမ်းက မေလ ၇ ရက်က နေပြည်တော် တွင်ပြုလုပ်သည့် လူမွဲခံယူခြင်း ဆိုင်ရာ ဥပဒေ(မူကြမ်း)ဆိုင်ရာ တိုင်ပင်ဆွေးနွေးပွဲတွင် ပြော သည်။ ယခု ပြင်ဆင်ပြဋ္ဌာန်းမည့် လူမွဲခံယူခြင်းဆိုင်ရာ ဥပဒေအရ ပြည်တွင်း စီးပွားရေးလုပ်ငန်းများအပေါ် အကျိုးသက်ရောက်မည်ဖြစ်ကြောင်း ပြည်ထောင်စု ဥပဒေ အထောက်အကူပြုအဖွဲ့ဝင်တရားလွှတ်တော်ရှေ့နေ ဦးကျော်ဟိုးက ပြောသည်။

‘‘သဘောက စစ်အစိုးရ လက်ထက်မှာဆိုရင် စီးပွားရေး လုပ်ပြီဆိုရင် ရှုံးတယ်ဆိုတာ မရှိ ဘူး။ အခုကျတော့ ဒီမိုကရေစီ အစိုးရ တက်လာတဲ့အခါကျတော့ တရားသဖြင့် ယှဉ်ပြိုင်ရမှာကိုး။ တရားသဖြင့် လုပ်ရမယ့် အခါကျ တော့ အဆုံးအရှုံးတွေ ရှိလာနိုင် တယ်လေ။ အဲဒါလေးတွေကို အကာအကွယ်ပေးတဲ့ သဘော ပေါ့။ အားပေးတဲ့သဘောပေါ့။ ပြဋ္ဌာန်းမှ စီးပွားရေးသမားတွေက လုပ်ရဲကိုင်ရဲမှာပေါ့။ ပြည်တွင်း တင်မကဘူး။ နိုင်ငံတကာကို ယှဉ်ပြိုင်လို့ရအောင် လုပ်ပေးတဲ့ သဘောပေါ့’’ဟု ဦးကျော်ဟိုးက ရှင်းပြသည်။

မြန်မာ့ဆိုရှယ်လစ် လမ်းစဉ် ပါတီ အစိုးရလက်ထက်က စီးပွား ရေးလုပ်ငန်းတွင် လက်ဝါးကြီး အုပ်မှုသာများ၍ ယှဉ်ပြိုင်မှုမရှိ သဖြင့် လူမွဲခံယူခြင်းဆိုင်ရာ ဥပဒေရှိခြင်း၊ မရှိခြင်းသည် စီးပွားရေးအပေါ် အကျိုးသက် ရောက်မှုမရှိကြောင်း ၎င်းကပြော သည်။

‘‘ဒီဥပဒေအရဆို လူမွဲခံမယ် ဆိုရင် တရားရုံးက စစ်မယ်။ ဒီလူ က မှန်မှန်ကန်ကန်နဲ့ ရှုံးတာလား၊ ကလိမ်ကကျစ်လုပ်ပြီးတော့ ရှုံး တာလား။ သဘာဝဘေးအန္တရာယ် ကြောင့်၊ တခြားကြောင့် ရှုံးတယ် ဆိုရင် အကြွေးတွေ ဘာတွေ သိပ် ဆပ်စရာမလိုဘူးပေါ့။ လျော်ပေး လို့ရတယ်ပေါ့။ ကလိမ်ကကျစ် လုပ်ပြီးတော့ ခိုးတာ၊ ညစ်တာ၊ ဘုံးထားတာရှိရင်တော့ လျော် စရာရှိတာ လျော်ရမယ်ပေါ့။ အဓိကကတော့ စီးပွားရေး ဖွံ့ဖြိုး တိုးတက်အောင် အားပေးတဲ့ သဘောပါ’’ဟု ဦးကျော်ဟိုးက ရှင်းပြသည်။

ယင်းဥပဒေနှင့်ပတ်သက်၍ အသေးစားနှင့် အလတ်စားလုပ် ငန်း လုပ်ကိုင်သူများကို အသိ ပညာပေးဆွေးနွေးရန် လိုအပ် ကြောင်း ရွှေလင်ဗန်း စက်မှုဇုန် ဥက္ကဋ္ဌ ဦးအေးသောင်းက ပြော သည်။

‘‘လူမွဲခံဖို့အတွက်ကို ကုမ္ပ ဏီရှိမှ လူမွဲခံလို့ရတာလေ။ MSME က ကုမ္ပဏီရှိသလား။ အဲဒါကြောင့် မေးစရာတွေ၊ မေးခွန်းတွေက အများကြီးဖြစ် လာတယ်။ ပါးစပ်က လူမွဲခံလို့မှ မရတာ။ အဲဒါကြောင့် MSME ကို အသိပညာများများပေးရမယ်’’ဟု ၎င်းက ဆက်လက်ပြောသည်။

Myanmar Insolvency Act, Yangon Insolvency Act များနှင့် ၂၀၁၇ မြန်မာနိုင်ငံကုမ္ပဏီ များ ဥပဒေအပိုင်း (၅)တွင်ပါရှိ သော ကုမ္ပဏီများ ဖျက်သိမ်းခြင်း နှင့် လူမွဲခံယူခြင်းဆိုင်ရာ ပြဋ္ဌာန်း ချက်များကိုစုစည်း၍ မြန်မာနိုင်ငံ လူမွဲခံယူခြင်းဆိုင်ရာ ဥပဒေတစ်ရပ်အဖြစ် ရေးဆွဲပြဋ္ဌာန်းရန် ၂၀၁၄ က စတင်ကာ စီစဉ်ဆောင် ရွက်ခဲ့ပြီး ဂျပန်အပြည်ပြည်ဆိုင်ရာ ပူးပေါင်းဆောင်ရွက်ရေး အေဂျင်စီ (JICA)၊  အာရှဖွံ့ဖြိုး ရေးဘဏ်တို့နှင့်ပါ ပူးပေါင်း ဆောင်ရွက်ခဲ့ကြောင်း ပြည် ထောင်စု တရားလွှတ်တော်ချုပ် ထုတ်ပြန်ချက်တွင် ပါရှိသည်။