မြောက်ဦးဒေသ ကမ္ဘာ့အမွေအနှစ်စာရင်းတင်သွင်းရေး သုံးနိုင်ငံပူးပေါင်းဆောင်ရွက်မှုကို တရားဝင်မိတ်ဆက်မည်

ကမ္ဘာ့ယဉ်ကျေးမှုအမွေအနှစ်စာရင်းတင်သွင်းမည့် မြောက်ဦးဒေသရှိ ထုက္ကန်သိမ်ပုထိုးတော် ဓာတ်ပုံ - မောင်ကံ

မြောက်ဦးဒေသကို ကမ္ဘာ့ယဉ်ကျေးမှုအမွေအနှစ်စာရင်း တင် သွင်းနိုင်ရေး မြန်မာ၊  တရုတ်နှင့် အီတလီ သုံးနိုင်ငံအစိုးရတို့ ပူးပေါင်းဆောင်ရွက်မည့် လုပ်ငန်းစဉ်များကို မေလတတိယပတ်အတွင်း တရားဝင်မိတ်ဆက်မည်ဟု ရှေးဟောင်းသုတေသနနှင့် အမျိုးသားပြတိုက်ဦးစီးဌာန (မြောက်ဦး) ညွှန်ကြားရေးမှူး ဒေါက်တာသန်းထိုက်ကပြောသည်။


ယူနက်စကို တင်သွင်းရေး လုပ်ငန်းစဉ်များအတွက် အကြို ဆွေးနွေးရန် တရုတ်နှင့် အီတလီ နိုင်ငံတို့မှ ပညာရှင်များသည် မေ လ ၁၂ ရက်တွင် မြောက်ဦးဒေသ သို့ ရောက်ရှိလာပြီး မေလ ၁၃ ရက်တွင် ပြည်တွင်း၊ ပြည်ပ ပညာရှင်များ အားလုံးစုပေါင်းကာ ပူးပေါင်းဆောင်ရွက်မှု လုပ်ငန်းစဉ် များအတွက် ဆွေးနွေးမည်ဖြစ်သည်။

‘‘၁၃ ရက်နေ့မှာက မြောက် ဦးဒေသနဲ့ ပတ်သက်ပြီး ကဏ္ဍအ လိုက်ဖွဲ့ထားတဲ့ ကော်မတီတွေက နေ တရုတ်နဲ့ အီတလီတို့က ပညာရှင်နဲ့ အကြိုတွေ့ဆုံမှုတွေ ပြုလုပ် ပြီးတော့ သက်ဆိုင်ရာကဏ္ဍအ လိုက် ပူးပေါင်းဆောင်ရွက်ဖို့ ဆွေး နွေးသွားမှာပါ။ ၁၅ ရက်နေ့က တော့ သုံးနိုင်ငံစလုံးက အစိုးရအကြီးအကဲတွေ တက်ရောက်ပြီး တရားဝင်ကြေညာသွားမှာ ဖြစ်ပါတယ်’’ဟု ဒေါက်တာသန်းထိုက် ကပြောသည်။

မြောက်ဦးဒေသကို ကမ္ဘာ့ ယဉ်ကျေးမှုအမွေအနှစ် ဒေသတစ်ခုအနေဖြင့် ယူနက်စကိုသို့ တင်သွင်းနိုင်ရေး လုပ်ဆောင်ရာ၌ ၂၀၁၉ စက်တင်ဘာတွင် မူကြမ်းတင်သွင်းမည်ဖြစ်ပြီး ၂၀၂၀ ဇန်န၀ါရီတွင် နောက်ဆုံးအဆင့်အနေဖြင့် အပြီးသတ်တင်သွင်းမည်ဖြစ် သည်။

Top News