စင်ကာပူအသေးစားငွေကြေးလုပ်ငန်း ပြည်တွင်းတွင် ကန်ဒေါ်လာသန်း ၁၀၀ ထုတ်ချေးရန် စီစဉ်

စင်ကာပူအခြေစိုက် Hayman Capital အသေးစား ငွေကြေးလုပ်ငန်းသည် လာမည့် ငါးနှစ်အတွင်း ပြည်တွင်း၌ ကန် ဒေါ်လာသန်း ၁၀၀ ထပ်မံထုတ်ချေးရန် စီစဉ်နေပြီး ယင်းကဲ့သို့ထုတ်ချေးနိုင်ရန် လက်တွဲဆောင် ရွက်မည့် ရင်းနှီးမြှုပ်နှံသူများကို ရှာဖွေနေကြောင်း ယင်းလုပ်ငန်း ၏ CEO Mr.SuItan Marenov က ပြောသည်။

လက်ရှိတွင် ပြည်တွင်းရှိ လူဦးရေ ကိုးသောင်းကျော်သို့ ကျပ် ၃၄ ဘီလီယံ ထုတ်ချေးပေးထား ကြောင်း ၎င်းကဆိုသည်။

‘‘ချေးငွေတွေကို ပိုချေးပေး နိုင်ဖို့ ရင်းနှီးမြှုပ်နှံမယ့်သူကို ရှာ ဖွေနေပါတယ်။ ချေးငွေတွေကို အခုထက် ပမာဏတိုးပြီး ချေးနိုင် မယ့် အစီအစဉ်တွေလည်း ပြု လုပ်နေပါတယ်’’ဟု Mr.SuItan Marenov က ပြောသည်။

လက်ရှိတွင် အနည်းဆုံးတစ်သိန်းကျပ်မှ အများဆုံးကျပ်သိန်း ၅၀ အထိ ထုတ်ချေးနေပြီး ချေးငွေယူသူ၏ ၈၀ ရာခိုင်နှုန်းသည် အမျိုးသမီးများဖြစ်ကြောင်း ၎င်းကဆိုသည်။ အတိုးနှုန်း ၂ ဒသမ ၅ ရာခိုင်နှုန်းဖြစ်ပြီး ချေးငွေကာလသည့် ခြောက်လမှ ၁၈ လအထိဖြစ်သည်။

ချေးငွေ အချိန်မီပြန်လည် မပေးဆပ်နိုင်သူများကို နှစ်လအ တွင်း ညှိနှိုင်းဆောင်ရွက်မှုများ ပြုလုပ်ပြီး သုံးလမြောက်တွင် ဥပ ဒေကြောင်းအရ ဖြေရှင်းသည်ဟု ၎င်းကဆိုသည်။

လက်ရှိတွင် ရန်ကုန်နှင့် ပဲခူးတိုင်းတို့တွင် ရုံးခြောက်ခု ဖွင့်လှစ်ထားပြီး ယခုနှစ်ကုန်၌ မကွေး၊ စစ်ကိုင်းတိုင်း၊ ရှမ်း၊ ကရင်နှင့် ကယားပြည်နယ်တို့တွင် ရုံးခွဲ ခုနစ်ခုထပ်မံ ဖွင့်လှစ်ရန် စီစဉ်နေ ကြောင်း ယင်းလုပ်ငန်း၏ တာဝန် ရှိသူတစ်ဦးက ပြောသည်။

ယခုနှစ် အောက်တိုဘာတွင် အွန်လိုင်းမှ ချေးငွေလျှောက်ထား နိုင်သည့် စနစ်ကိုအကောင်အ ထည် ဖော်နိုင်ရန် မျှော်လင့်ထား ကြောင်း ၎င်းကပြောသည်။

Hayman Capital ကို ၂၀၁၅ တွင် စတင်တည်ထောင် ပြီး ရင်းနှီးမြှုပ်နှံမှု ပမာဏမှာ ကျပ်၁၃ ဘီလီယံဖြစ်ကြောင်း ၎င်းက ပြောသည်။

Top News