ကျပ်သိန်း ၇၄၀ တန် လူနာတင်ယာဉ်၊ ဘဏ္ဍာငွေအလေအလွင့်နှင့် သင်ခန်းစာများ

ပြည်တွင်း တပ်ဆင်ထုတ် လုပ်သောလူနာတင်ယာဉ်က ပေးသည့် လတ်တလောသင်ခန်းစာက သုံးတတ်မည်ဆိုလျှင် ဆေးပင်ဖြစ်သည်။ ပြည်တွင်းထုတ် လူနာတင်ယာဉ်ဈေးနှုန်း ကြီးမြင့်သည်ကို အကြောင်းပြုလျက် အသံဗလံများ ဆူညံပွက်လော ရိုက်နေဆဲဖြစ်သည်။ ပြည်တွင်းထုတ် လူနာတင်ယာဉ်ကိစ္စသည် ကျန်းမာရေးနှင့် အားကစားဝန်ကြီးဌာန၊ စက်မှုဝန်ကြီးဌာနတို့ သက်သက်သာမက ဝန်ကြီးဌာန အားလုံး၊ အစိုးရတစ်ဖွဲ့လုံး အတွက် ယူတတ်မည်ဆိုလျှင် သင်ခန်းစာပင်ဖြစ်သည်။ သင်ခန်းစာ ကျယ်ကျယ်ပြန့်ပြန့် ရယူခြင်းဖြင့် ပွင့်လင်းမြင်သာသော၊ တာဝန်ယူမှု၊ တာဝန်ခံမှု ရှိသော၊ သန့်ရှင်းကောင်းမွန်သော အစိုးရတည် ဆောက်ရေးကို မဖြစ်မနေရှေးရှု နိုင်မည်ဆိုလျှင် အဆိုးထဲက အကောင်းဟု ဆိုရမည်ဖြစ်သည်။

စက်မှုဝန်ကြီးဌာနသည် ရေ တာရှည်မြို့နယ် သာဂရစက်မှု နယ်မြေရှိ အမှတ် (၁၅) အကြီး စားစက်ရုံတွင် လူနာတင်ယာဉ် ၁၅ စီးကို တပ်ဆင်ထုတ်လုပ်ခဲ့ပြီး ၂၀၁၈ ခုနှစ် မေလ ၁၇ ရက်တွင် ကျန်းမာရေးနှင့် အားကစားဝန် ကြီးဌာနသို့ လွှဲပြောင်းပေးအပ်ခဲ့ ကြောင်း အစိုးရပိုင် သတင်းမီဒီ ယာများနှင့် စက်မှုဝန်ကြီးဌာန၏ တရားဝင်ဖေ့စ်ဘွတ်ခ် စာမျက်နှာ တို့တွင် ဖော်ပြခဲ့သည်။ ၂၀၁၁ ခုနှစ်မတိုင်မီ ပြည်တွင်းမော်တော် ယာဉ် တပ်ဆင်ထုတ်လုပ်မှု လုပ် ငန်းများသည် တိုင်းပြည်၏စီးပွား ရေးအပေါ် အဆိုးသက်ရောက်စေ ခဲ့ပြီး ပြည်သူလူထု၏ ဝန်ထုပ်ဝန် ပိုး ကြီးမားစေခဲ့သည့်အလျောက် အဆိုပါ လုပ်ငန်းများအပေါ် ပြည် သူလူထု အများစုက အော့နှလုံး နာခဲ့ကြသည်ဟု ဆိုနိုင်သည်။ သို့ ဖြစ်၍ စက်မှုဝန်ကြီးဌာနက တပ် ဆင်ထုတ်လုပ်မည့် ကျပ်သိန်း ၇၄၀ တန် လူနာတင်ယာဉ်များနှင့် ပတ်သက်၍ အများပြည်သူ အကြား ပြောသံ ဆိုသံ ဝေဖန်သံ များ မြင့်မားခဲ့သည်။

စက်မှုဝန်ကြီးဌာနမှ ထုတ် လုပ်သော လူနာတင်ယာဉ်များ သည် နိုင်ငံတကာအဆင့်မီ Standard Type အမျိုးအစားဖြစ် ပြီး တစ်စီးလျှင်  မြန်မာကျပ်ငွေ သိန်း ၇၄၀ ကုန်ကျကြောင်း၊ မော် တော်ယာဉ်နှင့် အတွင်းစက် ပစ္စည်းများအတွက် တစ်နှစ်အာမ ခံပေးထားကြောင်း၊ ဈေးကွက်လို အပ်ချက်အရ Basic Type နှင့် Advance Type အမျိုးအစားများ ကိုလည်း ဆက်လက်ထုတ်လုပ် ပေးသွားမည်ဖြစ်ကြောင်း၊ မြန်မာ နိုင်ငံ လူနာတင်ယာဉ်အရည် အသွေး သတ်မှတ်အတည်ပြုရေး အဖွဲ့ (CAAM)ကလည်း ပြည် တွင်း၌ တပ်ဆင်ထုတ်လုပ်သော လူနာတင်ယာဉ်များနှင့်အတူ ပြည်ပမှ တင်သွင်းလာသော လူ နာတင်ယာဉ်များကိုလည်း စစ် ဆေးပေးသွားမည်ဖြစ်ကြောင်း အစိုးရပိုင် သတင်းမီဒီယာများ တွင် ဖော်ပြခဲ့သည်။

တိုယိုတာ ဟိုင်းအေ့စ် Standard Type လူနာတင်ယာဉ် ကို ပြည်တွင်း၌ တပ်ဆင်ထုတ် လုပ်မည့် ကုန်ကျစရိတ် ကျပ်သိန်း ၇၄၀ ဆိုသည့်သတင်းသည် အများပြည်သူအကြား လှုပ်လှုပ် ရွရွ ဖြစ်စေခဲ့သည်။ သတင်းမီဒီ ယာများ၊ ဖေ့စ်ဘွတ်ခ်အပါအဝင် လူမှုကွန်ရက် စာမျက်နှာများတွင် စက်မှုဝန်ကြီးဌာနက ပြည်တွင်း တပ်ဆင်ထုတ်လုပ်သည့် လူနာ တင်ယာဉ်ဈေးနှုန်း ကျပ်သိန်း ၇၄၀ နှင့်စပ်လျဉ်း၍ မေးခွန်းထုတ် သံများ၊ ဝေဖန်သံများ မြင့်မား လျက်ရှိသည်။ နိုင်ငံတကာ အွန် လိုင်းမော်တော်ကား စာမျက်နှာ များတွင် ဖော်ပြထားသည့် အမျိုး အစားတူ၊ အရည်အသွေးတူ၊ ဘယ်မောင်း လူနာတင်ယာဉ် ပေါက်ဈေးများနှင့် နှိုင်းယှဉ်ဖော်ပြ ခဲ့ပြီး ဈေးနှုန်းကြီးမြင့်လွန်းသည်ဟု သုံးသပ်သံများ ကျယ်လောင်ခဲ့ သည်။ ပြည်တွင်းတပ်ဆင်ထုတ် လုပ်မှု ကုန်ကျစရိတ်သည် ပြည်ပ မှ မှာယူတင်သွင်းသည့် ဈေးနှုန်း ထက် မြင့်မားနေမည်ဆိုလျှင် ပြည်ပမှ မှာယူတင်သွင်းခြင်းဖြင့် ပြည်သူ့ဘဏ္ဍာကို ခြိုးခြံချွေတာ သင့်သည်ဟုလည်း အကြံပြု ဆွေးနွေးကြသည်။

ဟိုးတုန်းကကဲ့သို့ မြန်မာနိုင် ငံတွင် မော်တော်ယာဉ် တပ်ဆင် ထုတ်လုပ်သည်၊ စက်မှုဝန်ကြီး ဌာနက မော်တော်ယာဉ် တပ်ဆင် ထုတ်လုပ်သည်ဆိုသည့် မှတ် တမ်း ရရှိနိုင်ရေး ဦးတည်သည့် ခြေလှမ်းဖြစ်မည်ဆိုလျှင် ရှက် ဖွယ်လိလိပင် ဖြစ်လိမ့်မည်။ အကြီးအကဲတို့ကို မျက်နှာလို မျက်နှာရ လုပ်လိုသည့် ဆန္ဒလွန် ကဲသော ဆောင်ရွက်ချက် ဟုတ်၊ မဟုတ် စုံစမ်းဖော်ထုတ်သင့် သည်။ လူနာတင်ယာဉ် တင်ဆင် ထုတ်လုပ်သည့် လုပ်ငန်းနှင့်ပတ် သက်သော ဝန်ကြီးဌာနတစ်ခုလုံး ၏ အစည်းအဝေးမှတ်တမ်းများ၊ ဆွေးနွေးချက်အသံဖိုင်များကို ပြန်လည်နားထောင် စစ်ဆေးသင့် သည့်အပြင် အစည်းအဝေးတက် ရောက်ခဲ့သည့် တာဝန်ရှိပုဂ္ဂိုလ် များ၊ အရာရှိကြီးများ၊ သာဂရ စက်ရုံရှိ အဆင့်ဆင့် အမှုထမ်း၊ အရာထမ်းများကို စနစ်တကျမေး မြန်းစုံစမ်း မှတ်တမ်းရယူနိုင်ရေး ဆောင်ရွက်နိုင်မည်ဆိုလျှင် လူနာ တင်ယာဉ် တပ်ဆင်ထုတ်လုပ်ရေး စီမံချက်နှင့် ဆက်စပ် အကြောင်း အချက်များကို ကွင်းကွင်းကွက် ကွက် မြင်လာနိုင်မည်ဖြစ်သည်။

သန့်ရှင်းသောအစိုးရနှင့် ကောင်းမွန်သော အုပ်ချုပ်ရေး စနစ် ဖြစ်ထွန်းစေရေး ရည်မှန်း ချက် ထားရှိသည်ဆိုလျှင် အစိုးရ ဝန်ကြီးဌာနများ၊ အုပ်ချုပ်ရေး အဖွဲ့အစည်းများအနေဖြင့် လူနာ တင်ယာဉ် ပြည်တွင်းတပ်ဆင် ထုတ်လုပ်သည့် လုပ်ငန်းစီမံကိန်း အပါအဝင် ပြည်သူ့ဘဏ္ဍာ သုံးစွဲ ဆောင်ရွက်မည့် စီမံကိန်းများနှင့် စပ်လျဉ်း၍ အများပြည်သူသိရှိ အောင် ပွင့်လင်းမြင်သာ ထုတ် ပြန် အသိပေးသင့်သည်။ အစိုးရ ၏ စီမံကိန်းများ၊ လုပ်ဆောင်ချက် များနှင့်ပတ်သက်သည့် အများ ပြည်သူကို ကျယ်ကျယ်ပြန့်ပြန့် အသိပေး ရှင်းလင်းနိုင်လေလေ ထင်ယောင်ထင်မှားများ၊ ကော လာဟလများကို သိသိသာသာ ဟန့်တားနိုင်လေလေ ဖြစ်သည်။ ပြည်သူ့ဘဏ္ဍာ ဖြုန်းတီးမှု၊ အ လေအလွင့် ဖြစ်စေမှုတို့နှင့် ဆက် စပ်သော ထင်ကြေး၊ သတင်း၊ စွပ်စွဲမှုများကိုလည်း ဖြေရှင်းပြီး ဖြစ်နိုင်သည်။

The Daily Eleven နေ့စဉ် သတင်းစာတွင် စက်မှုဝန်ကြီးဌာန ပြောရေးဆိုခွင့်ရှိသူ လက် ထောက်အတွင်းဝန်  ဦးကျော်ဖြိုး မော်က စက်မှုဝန်ကြီးဌာနမှ တပ် ဆင်ထုတ်လုပ်သော ကျပ်သိန်း ၇၄၀ တန် လူနာတင်ယာဉ်၏ ဈေးနှုန်းအပေါ် ဝေဖန်မှုများ ရှိနေ သော်လည်း ယင်းကားအမျိုး အစားကို ပြည်ပမှ တင်သွင်းပါက ကျပ်သိန်း ၁,၀၀၀ ဝန်းကျင်ရှိ ကြောင်း ပြောဆိုခဲ့သည်။ ပြည် တွင်းမှာ ထုတ်လုပ်သည့်အတွက် ဈေးသက်သာကြောင်း၊ အဆိုပါ ထုတ်လုပ်မှုအတွက် စက်မှုဝန်ကြီး ဌာနအနေဖြင့် ဘတ်ဂျက်ဆုံးရှုံးမှု မရှိကြောင်း၊ အမြတ်လည်းမယူ ကြောင်း လက်ထောက်အတွင်း ဝန်က ပြောကြားခဲ့သည်။

လူနာတင်ယာဉ် တပ်ဆင် ထုတ်လုပ်သည်ဟု ဆိုရာတွင် တိုဟိုတာဟိုင်းအေ့စ်အသစ်ကို ပြည်တွင်းမှာ တပ်ဆင်ခဲ့သည် လား၊ သို့မဟုတ် ကားအသစ်ကို ပြည်ပမှ တိုက်ရိုက်ဝယ်ယူခဲ့သည် လား မေးစရာရှိမည်ဖြစ်သည်။ တိုယိုတာဟိုင်းအေ့စ် မော်တော် ယာဉ်နှင့်ပတ်သက်၍ ဝယ်ယူ သည့်ဈေးနှုန်း၊ ငွေပေးချေမှု၊ မော်တော်ယာဉ်၏ မော်ဒယ်အပါ အဝင် အသေးစိတ်အချက်အလက် များ၊ လူနာတင်ယာဉ်တွင် တပ် ဆင် အသုံးပြုထားသည့် ဆေး ဘက်ဆိုင်ရာ ပစ္စည်းများနှင့် ဆက်စပ်ပစ္စည်းများ၏ ကုန် အမှတ်တံဆိပ်များ၊ ဝယ်ယူခဲ့ သည့်ဈေးနှုန်းများနှင့် ငွေပေးချေ သည့် အထောက်အထားများကို အများပြည်သူ သိရှိနိုင်အောင် တရားဝင် ထုတ်ပြန်နိုင်ရမည်ဖြစ် သည်။ သို့မှသာ ပွင့်လင်းမြင်သာ ပြည်သူကို မျက်နှာမူရာရောက် မည်ဖြစ်သည်။

 တိုယိုတာ ဟိုင်းအေ့စ် Standard Type လူနာတင်ယာဉ် ကို ပြည်ပမှ တင်သွင်းပါက ကျပ် သိန်း ၁,၀၀၀ ဝန်းကျင် ကုန်ကျနိုင် ကြောင်း စက်မှုဝန်ကြီးဌာန လက် ထောက်အတွင်းဝန်က ပြောဆိုခဲ့ သည်။ ကျန်းမာရေးနှင့် အားက စားဝန်ကြီးဌာနအနေဖြင့် တိုယို တာဟိုင်းအေ့စ် Standard Type လူနာတင်ယာဉ်များကို ပြည်ပမှ တင်သွင်းရန် ဈေးနှုန်းအဆိုပြုလွှာ များကို ပြည်ပကုမ္ပဏီများမှ လည်းကောင်း၊ ပြည်တွင်း၌ တပ် ဆင်ထုတ်လုပ်မှုနှင့် သက်ဆိုင် သည့်ဈေးနှုန်း အဆိုပြုလွှာကို စက်မှုဝန်ကြီးဌာနမှလည်းကောင်း ကြိုတင်တောင်းယူရမည်ဖြစ်ပြီး ဈေးနှုန်း အဆိုပြုလွှာများအား စိစစ် တွေ့ရှိချက်များအပေါ် အခြေပြုလျက် လူနာတင်ယာဉ်ကို ပြည်ပမှ တင်သွင်းမည်လား၊ ပြည်တွင်းတွင် တပ်ဆင်ထုတ် လုပ်မည်လားဟူသည့် အပြီးသတ် ဆုံးဖြတ်ချက်ကို ချမှတ်ရမည်ဖြစ် သည်။

လူနာတင်ယာဉ် ၅၅ စီးကို တပ်ဆင်ထုတ်လုပ်မည့် ကုန်ကျ စရိတ်သည် ကျပ်သိန်းပေါင်း ၄၀,၇၀၀ (အမေရိကန်ဒေါ်လာ သုံးသန်းစွန်းစွန်း) ရှိပြီး ပြည်သူ့ ဘဏ္ဍာကို ကျခံသုံးစွဲခြင်းဖြစ် သဖြင့် စနစ်တကျ ကြပ်မတ်စစ် ဆေးနိုင်ရန် အရေးကြီးမည်ဖြစ် သည်။ ပြည်တွင်းတွင် လူနာတင် ယာဉ် တပ်ဆင်ထုတ်လုပ်ခြင်း သည် ပြည်ပမှ မှာယူတင်သွင်း သည်ထက် ကုန်ကျစရိတ် မြင့်မား နေမည်ဆိုလျှင် ပြည်သူ့ဘဏ္ဍာ အလေအလွင့် ဖြစ်စေခြင်းပင်ဖြစ် သည်။ ပြည်သူ့ဘဏ္ဍာ အလေ အလွင့် ဖြစ်စေမည်ဆိုလျှင် အဂ တိလိုက်စားမှုဟု မှတ်ယူရမည် ဖြစ်သည်။ သို့ဖြစ်၍ လူနာတင် ယာဉ်များကို ပြည်တွင်းတွင် တပ် ဆင်ထုတ်လုပ်မှုကြောင့် ပြည်သူ့ ဘဏ္ဍာ အလေအလွင့် ဖြစ်စေ မည်ဆိုလျှင် အဆိုပါ ပြည်တွင်း တပ်ဆင်ထုတ်လုပ်မှုကို အတည် ပြု ဆုံးဖြတ်ခဲ့သည့် ပြည်ထောင်စု အစိုးရအဖွဲ့ဝင်များအပါအဝင် အကောင်အထည် ဖော်ခဲ့သူ အဆင့်ဆင့်ကို စုံစမ်းစစ်ဆေး ကြားနာမှုများ ပြုလုပ်ကြရမည် ဖြစ်သည်။ လိုအပ်ပါက ထိထိ ရောက်ရောက် အရေးယူမှုများ ကို ဆောင်ရွက်ရမည်ဖြစ်သည်။

အဆိုပါ စုံစမ်းစစ်ဆေးမှုများ နှင့် ကြားနာမှုများတွင် လွှတ် တော်များ၏ အခန်းကဏ္ဍသည် ဗျူဟာမြောက် အရေးပါလျက်ရှိ သည်။ ပြည်သူ့လွှတ်တော်၊ အမျိုး သားလွှတ်တော်တို့ အနေဖြင့် ပြည်သူ့ဘဏ္ဍာ အလေအလွင့် မဖြစ်ရေး ထိန်းကျောင်းရာတွင် အခရာကျသည်။ လွှတ်တော် ကိုယ်စားလှယ်များအနေဖြင့် တစ်ဦးချင်းဖြစ်စေ၊ လွှတ်တော် ကော်မတီအနေဖြင့်ဖြစ်စေ သီးခြားကော်မတီ ဖွဲ့စည်း၍ဖြစ်စေ စက်မှုဝန်ကြီးဌာန အမှတ် (၁၅) အကြီးစားစက်ရုံ၏ လူနာတင်ယာဉ် တပ်ဆင်ထုတ်လုပ်သည့် လုပ်ငန်းစဉ်နှင့် ပတ်သက်၍ ခရေစေ့တွင်းကျလေ့လာဆန်းစစ်နိုင်ရေး ဆောင်ရွက်သင့်ပြီး လွှတ်တော်တွင် အချက်အလက် ပိုင်ပိုင်နိုင်နိုင်ဖြင့် အဆိုတင်သွင်းခြင်း၊ မေးခွန်းမေးမြန်းခြင်း တို့ကို ကမကထပြုဖော်ဆောင်သင့်သည်။

 အချုပ်အားဖြင့်ဆိုသော် စက်မှုဝန်ကြီးဌာနအနေဖြင့် လူနာ တင်ယာဉ်များကို ပြည်တွင်း၌ လတ်တလော တပ်ဆင်ထုတ်လုပ် ခဲ့ပြီးနောက် ကောင်းကွက် ဆိုး ကွက်များအကြား အစိုးရဝန်ကြီး ဌာနများအနေဖြင့် ပွင့်လင်းမြင် သာ ပြည်သူကို မျက်နှာမူနိုင်ရန် လစ်ဟာနေဆဲဖြစ်ကြောင်း သိ သာမြင်သာစေခဲ့သည်။ အစိုးရ နှင့် လွှတ်တော်များကလည်း လူ နာတင်ယာဉ် ပြည်တွင်းတပ်ဆင် ထုတ်လုပ်မှုအပါအဝင် ဝန်ကြီး ဌာနများ၏ စီမံကိန်းများ၊ တင်ဒါ များကို မျက်ခြည်မပြတ် စောင့် ကြည့် ထိန်းကျောင်းနိုင်ရန် ပိုမို အားစိုက်ဖို့ လိုအပ်လျက်ရှိ ကြောင်း ထင်ရှားစေခဲ့သည်။ ပြည်သူ့ဘဏ္ဍာငွေ လေလွင့်မည် ဆိုလျှင် ပြည်သူက ငြိုငြင်မည်ဖြစ် ပြီး ပြည်သူ၏ ယုံကြည်မှုကို ရရှိ နိုင်မည် မဟုတ်ပေ။ အစိုးရ၊ ပြည် ထောင်စု ဝန်ကြီးဌာနများအနေ ဖြင့် ပြည်သူကို ပွင့်လင်းမြင်သာ မျက်နှာမူနိုင်ရေးသည် ဒီမိုကရေစီ စပ်ကူးမပ်ကူးတွင် အရေးတကာ့ အရေးကြီးဆုံး ဖြစ်ပါကြောင်း သုံး သပ်တင်ပြလိုက်ရပါသည်။   ။

(ဆောင်းပါးရှင် ဒေါက်တာရန်မျိုသိမ်းသည် နိုင်ငံရေးသုံးသပ်ဆောင်း ပါးများရေးသားနေသူဖြစ်သည်။)

Top News