အိုင်တီနည်းပညာနှင့် ပေါင်းစပ်ပေးရန် လိုအပ်နေသည့် စိုက်ပျိုး မွေးမြူရေးကဏ္ဍ

(၁)

မကြာသေးမီက စာအုပ်ဆိုင်ကို ရောက်ရင်း ‘(၁၃)ကြိမ်မြောက် တရုတ်ပြည်သူ့ သမ္မတနိုင်ငံ လူမှုစီးပွား ဖွံ့ဖြိုးတိုးတက်ရေး ငါးနှစ်စီမံကိန်း (၂၀၁၆-၂၀၂၀)’ ဘာသာပြန်စာအုပ်ကို ဝယ်ယူလာဖြစ်ပြီး လေ့လာဖြစ်ခဲ့ပါတယ်။ တရုတ်အစိုးရအနေနဲ့ သူ့ပြည်သူတွေရဲ့ လူမှုစီးပွား ဖွံ့ဖြိုးတိုးတက်ရေးအတွက် ငါးနှစ်အတွင်း ဘာတွေကို ဘယ်လိုလုပ်ဆောင်မလဲဆိုတာ အသေးစိတ် ဖော်ပြထားတဲ့ အဲဒီစီမံကိန်းဟာ ‘ဘက်စုံ အတန်အသင့် ပြည့်စုံကြွယ်ဝသော လူ့အဖွဲ့အစည်း’တစ်ရပ် တည်ထောင်မှု ပြီးပြည့်စုံဖို့ အတွက် နောက်ဆုံးကာလ အပိုင်း အခြားကို လွှမ်းခြုံထားတယ်လို့ ဆိုပါတယ်။

စိတ်ဝင်စားစရာ ကောင်းတာက စီမံကိန်းကို ရေး ဆွဲရာမှာ ‘လမ်းညွှန်အတွေးအခေါ်’ တွေ၊ ‘ဖွံ့ဖြိုးရေးဒဿန’တွေကို အခြေခံထားတာပဲ ဖြစ်ပါတယ်။ စီမံကိန်းမှာ အစိတ်အပိုင်း ၂၀ ပါဝင်ပြီး အခန်း ၈၀ ခွဲခြားပြီး ဖော် ပြထားပါတယ်။ အဲဒီထဲကမှ အပိုင်း (၄)ကို လယ်ယာစိုက်ပျိုး ရေး ခေတ်မီတိုးတက်ရေးအဖြစ် သတ်မှတ်ပြီး အခန်း (၁၈)ကနေ (၂၁) အထိ အခန်းလေးခန်း ခွဲ ခြားဖော်ပြထားပါတယ်။ ဘာသာ ပြန်ဆိုသူက ‘လယ်ယာစိုက်ပျိုး ရေး’လို့ ဘာသာပြန်ဆိုခဲ့ပေမယ့် အသေးစိတ်ဖော်ပြချက်မှာတော့ စိုက်ပျိုးရေး၊ မွေးမြူရေး၊ ရေလုပ် ငန်း ကဏ္ဍတွေအားလုံးကို လွှမ်း ခြုံဖော်ပြထားတာ တွေ့ရပါတယ်။ အဲဒီထဲကမှ စိတ်ဝင်စားစရာ ကောင်းတာတစ်ခုကတော့ အခန်း (၂၀) လယ်ယာစိုက်ပျိုးရေးအတွင်း နည်းပညာနှင့်ပစ္စည်းကိရိယာများကို မွမ်းမံခြင်းနှင့် သတင်းနည်းပညာ အသုံးပြုမှုတိုးမြှင့်ခြင်းဆိုတဲ့ အချက်တစ်ချက်ကို ထည့်သွင်းထားခြင်းပါ။

စိုက်ပျိုးမွေးမြူရေး လုပ်ငန်း တွေကို အိုင်တီ၊ အိုင်စီတီ အစရှိ သလို ခေါ်ဝေါ်သုံးစွဲလေ့ရှိတဲ့ သတင်းအချက်အလက် နည်း ပညာနဲ့ ချိတ်ဆက်ပေးနိုင်ဖို့ တရုတ်ပြည်ရဲ့ ငါးနှစ်စီမံကိန်းက တိတိကျကျ စီမံထားတာကို တွေ့ ရပါတယ်။ ပထမအဆင့်အနေနဲ့ အောက်ခြေအဆင့် (တောင်သူ လယ်သမား မွေးမြူထုတ်လုပ်သူ အဆင့်)မှာ စိုက်ပျိုးမွေးမြူရေး လုပ်ငန်းတွေကို သတင်းအချက် အလက် နည်းပညာနဲ့ ချိတ်ဆက် ပေးဖို့ တွန်းအားပေး လုပ်ဆောင် သွားမယ်လို့ ဆိုပါတယ်။ အဲဒီလို ဆောင်ရွက်ရာမှာ ဒေသအချို့မှာ စမ်းသပ်ကွက်အနေနဲ့ စတင် ဆောင်ရွက်ပြီး အဲဒီ အိုင်တီအခြေ ခံတဲ့စနစ်ကို စိုက်ပျိုးမွေးမြူရေး ကဏ္ဍကြီးတစ်ခုလုံးဆီ ဖြန့်ကြက် သွားဖို့ ဆောင်ရွက်မယ်လို့ဆိုပါ တယ်။ အဲဒီလို စိုက်ပျိုးမွေးမြူရေး ကဏ္ဍကြီးတစ်ခုလုံး အိုင်တီနည်း ပညာနဲ့ အချိတ်အဆက် ရသွားပြီး တဲ့အခါ ဉာဏ်ရည်တု နည်းပညာ အခြေပြု စိုက်ပျိုးမွေးမြူရေးစနစ် နဲ့ ဂြိုဟ်တုစနစ်သုံး စိုက်ပျိုးမွေးမြူ ရေး စီမံခန့်ခွဲမှု စနစ်အထိ မြှင့် တင်သွားမယ်လို့ ရည်မှန်းထားပါ တယ်။ အဲဒီလိုရည်မှန်းချက်တွေ အောင်မြင်နိုင်ဖို့အတွက် စိုက်ပျိုး မွေးမြူရေးနဲ့ ဆက်စပ်တဲ့ အိုင်တီ ဝန်ဆောင်မှုလုပ်ငန်းတွေကို တွန်းအားပေးသွား၊ ကူညီသွားဖို့ ပြင်ဆင်ထားတယ်လို့ သိရပါတယ်။ ဒါ့အပြင် စိုက်ပျိုးမွေးမြူရေးနဲ့ဆက်စပ်တဲ့ E-Commerce ဖွံ့ဖြိုးရေးကိုလည်း အရှိန်မြှင့်လုပ် ဆောင်သွားဖို့ စီမံချက်ရေးဆွဲထား တာ တွေ့ရပါတယ်။

(၂)

အိမ်နီးချင်း တရုတ်ပြည်ရဲ့ စိုက်ပျိုးမွေးမြူရေးကဏ္ဍနဲ့ အိုင် တီနည်းပညာတို့ကို ချိတ်ဆက် ပေးဖို့ စဉ်းစားပုံကို လေ့လာကြည့် မိရင်း မြန်မာနိုင်ငံရဲ့ စိုက်ပျိုးမွေးမြူ ရေး ကဏ္ဍအတွက်လည်း အတွေး ပွားမိပါတယ်။ ပုဂ္ဂလိက ဆက် သွယ်ရေးအော်ပရေတာတွေကို ခွင့်ပြုလိုက်ပြီးနောက်ပိုင်း အိုင်တီ နည်းပညာနဲ့ လူထုက အတော် လေး နီးစပ်လာခဲ့ပြီလို့ ဆိုနိုင်ပါ တယ်။ ဆက်သွယ်ရေးကွန်ရက် ကျယ်ပြန့်လာပြီး တယ်လီဖုန်း အသုံးပြုနိုင်တဲ့ နယ်မြေဧရိယာ ကျယ်ဝန်းလာတဲ့အလျောက် တယ်လီဖုန်း အသုံးပြုသူလည်း သိသိသာသာကြီး များလာပါ တယ်။ တယ်လီဖုန်း အသုံးပြုသူ အများစုကလည်း စမတ် (Smart) ဖုန်းကို အသုံးပြုလာတဲ့ အခြေ အနေဖြစ်ပါတယ်။

နိုင်ငံ့လူဦးရေရဲ့ ၇၀ရာခိုင် နှုန်းခန့်ဟာ ကျေးလက်မှာနေထိုင် ပြီး စိုက်ပျိုးမွေးမြူရေးကို အခြေခံ တဲ့ လူမှုစီးပွားဘဝကို ပိုင်ဆိုင် ထားကြတာဖြစ်ပါတယ်။ အဲဒီ ကျေးလက်နေလူထုရဲ့ အစိတ်အပိုင်း အတော်များများကို သတင်းအချက်အလက်နည်းပညာက ရောက်ရှိလာနေပေမယ့် လက်ထဲ ရောက်လာနေတဲ့ အဲဒီနည်းပညာကိုအသုံးချမှုအပိုင်းမှာတော့ အားနည်းနေသေးတယ်လို့ ဆိုရမှာဖြစ်ပါတယ်။ ကျေးလက်ဒေသက အင်တာနက် အသုံးပြု သူအများစုဟာ ဖေ့စ်ဘွတ်ခ်လူမှု ကွန်ရက် စာမျက်နှာ တစ်ခုတည်းကိုသာ အဓိကထား အသုံးပြုနေသေးတာဖြစ်ပြီး တချို့ဒေသတွေ မှာဆိုရင် ‘အင်တာနက်ဆိုတာ ဖေ့စ်ဘွတ်ခ်’၊‘ဖေ့စ်ဘွတ်ခ်သည် အင်တာနက်’လို့ နားလည်လက်ခံ ထားတာတွေတောင် ရှိနေပါသေးတယ်။ ကျေးလက်ဒေသက ပြည်သူလူထုတွေအတွက် အမှန်တကယ်လိုအပ်တဲ့ သတင်းအချက်အလက်နဲ့ ဗဟုသုတတွေကို အိုင်တီနည်းပညာ အသုံးပြုပြီး စနစ်တကျ ဖြန့်ဝေပေးနိုင်ပါလျက် အများစုက ဖေ့စ်ဘွတ်ခ်ကိုသာ သတင်းအရင်းအမြစ်အဖြစ် အသုံးပြုနေကြရသေးတာက ဝမ်းနည်းစရာကောင်းလှပါတယ်။ ပုဂ္ဂလိက ကုမ္ပဏီတချို့နဲ့ အင်န်ဂျီအို တချို့ကစိုက်ပျိုးမွေးမြူရေးဆိုင်ရာ သတင်းအချက်အလက်တွေ ကို Mobile app တွေနဲ့ ဖြန့်ဝေပေးနေတာတွေ ရှိနေပေမယ့် လုံလောက်တဲ့အခြေအနေ မဟုတ်သေးပါဘူး။ ဒါ့အပြင် သတင်းအချက်အလက်တွေ၊ နည်းပညာ အချက်အလက်တွေရဲ့ တိကျမှန်ကန်မှုကို စိစစ်အကဲဖြတ်ပေးမယ့် Verification လုပ်ငန်းစဉ် မရှိသေးတာကိုလည်း သတိပြုမိနိုင်ပါတယ်။

တရုတ်ပြည်ကြီးရဲ့ ငါးနှစ် စီမံကိန်းထဲကလို ဉာဏ်ရည်တု နည်းပညာတို့၊ ဂြိုဟ်တုစနစ်သုံး စိုက်ပျိုးမွေးမြူရေး စီမံခန့်ခွဲမှုတို့ ဆိုတာတွေကို အသာထားလို့ စိုက်ပျိုးမွေးမြူရေးသမားတွေထံ မှန်ကန်တိကျတဲ့ သတင်းအချက် အလက်နဲ့ နည်းပညာတွေ ရောက်ရှိနိုင်စေရေးအတွက် အိုင် တီနည်းပညာကို ထိထိရောက် ရောက် အသုံးချနိုင်ဖို့ကတော့ မြန်မာနိုင်ငံအနေနဲ့ ပထမအဆင့် စတင်စဉ်းစားသင့်ပြီ ဖြစ်ပါတယ်။ တကယ်တော့ အိုင်တီနည်းပညာ က တောင်သူလယ်သမား၊ စိုက် ပျိုးမွေးမြူရေးသမားတွေထံကို ရောက်ရှိနေပြီးဖြစ်ပါတယ်။ အဲဒီ နည်းပညာကို စိုက်ပျိုးမွေးမြူရေး ကဏ္ဍအတွက် အသုံးချနိုင်အောင် စီမံကွပ်ကဲပေးဖို့သာ လိုအပ်နေ တာ ဖြစ်ပါတယ်။

(၃)

တရုတ်ပြည်ရဲ့ ငါးနှစ်စီမံ ကိန်းထဲမှာ စိုက်ပျိုးမွေးမြူရေး ထွက်ကုန်တွေကို ရောင်းဝယ် ဖောက်ကားရာမှာ E-Commerce စနစ်ကို တွင်တွင်ကျယ်ကျယ် အသုံးချလာနိုင်ဖို့ ပါဝင်ပါတယ်။ အင်တာနက်ကနေတစ်ဆင့် ရောင်းဝယ်ဖောက်ကားကြ၊ ငွေ ပေးငွေယူ လုပ်ကြတာတွေကို E- Commerce လို့ အလွယ် နား လည်မိပါတယ်။ စိုက်ပျိုးမွေးမြူ ရေး လုပ်ငန်းတွေအတွက် နည်း ပညာနဲ့ သတင်းအချက်အလက် တွေ ပေးရုံသာမကပဲ ရောင်းဝယ် ဖောက်ကားမှု၊ ဖြန့်ချိမှုတွေမှာပါ  အိုင်တီနည်းပညာကို အသုံးပြု လာခြင်းက မလိုလားအပ်တဲ့ အချိန်နဲ့ ငွေကြေးကုန်ကျစရိတ် တွေကို သက်သာစေမှာ ဖြစ်ပါ တယ်။ တစ်ချိန်တည်းမှာ စိုက်ပျိုး မွေးမြူသူတွေအတွက် အကျိုး အမြတ် ပိုမိုရရှိနိုင်ရေးကို ဦးတည် နိုင်ပါလိမ့်မယ်။  အလျဉ်းသင့်လို့ ဥပမာတစ်ခုကို တင်ပြပါရစေ။

မြန်မာနိုင်ငံက ကျွဲ၊ နွား အရှင်တွေကို တရားဝင် ပြည်ပသို့ တင်ပို့ရောင်းချနိုင်ဖို့ စီးပွားရေးနှင့် ကူးသန်းရောင်းဝယ်ရေးဝန်ကြီး ဌာနက ၂၀၁၇ ခုနှစ် အောက်တို ဘာလ ၉ ရက်မှာ အမိန့်ကြော်ငြာ စာအမှတ် (၄၉/၂၀၁၇) ထုတ်ပြန် ပြီး ခွင့်ပြုပေးခဲ့ပါတယ်။ အဲဒီလို ခွင့်ပြုပေးလိုက်လို့ ကျွဲ၊ နွားတွေ ဟာ ပြည်ပပို့ကုန် ဖြစ်သွားလို့ ဈေးကောင်းရသွားပြီး တောင်သူ လယ်သမားတွေနဲ့ နွားမွေးမြူသူ တွေ အကျိုးအမြတ် ဖြစ်ထွန်းကြ လိမ့်မယ်လို့ မျှော်မှန်းခဲ့ကြပေမယ့် လက်တွေ့မှာ ဖြစ်မလာပါဘူး။ နယ်စပ် ဈေးကွက်မှာ ကျပ်သိန်း ၂၀ ခန့် ပေါက်ဈေးရှိတဲ့ နွားတစ် ကောင်ဟာ ကျေးလက်ဒေသက မွေးမြူသူများအတွက်တော့ ကျပ် ကိုးသိန်းခန့်သာ ရရှိစေပါတယ်။ အကြောင်းရင်းကတော့ ကျွဲ၊ နွား တွေကို တစ်နေရာကတစ်နေရာ ကို သယ်ဆောင်ရာ၊ မောင်းနှင်ရာ မှာ လမ်းခရီးတစ်လျှောက် ဌာန ဆိုင်ရာတချို့က ဥပဒေကို လက် တစ်လုံးခြားလုပ်ပြီး တရားမဝင် ငွေကြေးတောင်းခံမှုတွေ ရှိနေ တာကြောင့် ကုန်သည်တွေအနေ နဲ့ အဲဒီကုန်ကျစရိတ်တွေကို ကာ မိစေဖို့ မွေးမြူသူတွေထံကနေ ဈေးနှိမ်ဝယ်ယူနေကြရတဲ့ သဘောဖြစ်ပါတယ်။ ဆိုလိုတာက တောင်သူလယ်သမား မွေးမြူရေးသမားတွေ ရသင့်ရထိုက်တဲ့ အမြတ်ငွေကို ခွဲဝေပေးလိုက်ရ တာဖြစ်ပါတယ်။

တကယ်လို့သာ အိုင်တီ နည်းပညာကို အသုံးပြုပြီး ကျွဲ၊ နွားတစ်ကောင် တစ်နေရာကနေ တစ်နေရာကို သယ်ဆောင်မောင်း နှင်တဲ့အခါ စတင်ထွက်ခွာရာ ဒေသက သက်ဆိုင်ရာ တာဝန်ရှိ သူက ဒီတိရစ္ဆာန်ဟာ တရားဝင် သယ်ဆောင်မောင်းနှင်မယ့် တိရစ္ဆာန်ဖြစ်ကြောင်း၊ ကူးစက်ရောဂါကင်းရှင်းပြီး ကျန်းမာရေး ကောင်းမွန်တာမို့ သယ်ဆောင်မောင်းနှင်ခွင့်ပြုကြောင်း အထောက်အ ထားကို အီလက်ထရွန်နစ် စနစ် သုံးပြီး  (ဥပမာ Bar Code ပါတဲ့ Ear Tag) ထုတ်ပေးသလို တစ် နိုင်ငံလုံး ဘယ်နေရာ မှာမဆို Bar Code နဲ့ တိုက်ဆိုင် စိစစ်နိုင် အောင် အဲဒီကျွဲ၊ နွားနဲ့ ပတ်သက် တဲ့ အချက်အလက်တွေကို အင် တာနက်မှာ မှတ်ပုံတင် ပေးလိုက် နိုင်မယ်ဆိုရင် လမ်းမှာ မတရား သဖြင့် ငွေကြေးကောက်ခံတာ တွေကို လျှော့ချပစ်နိုင်မယ်လို့ ယူ ဆမိပါတယ်။ ဒါကလည်း နည်း ပညာအသစ်တော့ မဟုတ်ပါဘူး။ အိမ်နီးချင်း ထိုင်းနိုင်ငံမှာ ဒီစနစ် သုံးနေတာ ကြာပါပြီ။ မြန်မာနိုင်ငံ က ယာဉ်ထိန်းရဲတွေ မော်တော် ယာဉ်နဲ့ လိုင်စင် ကိုက်၊ မကိုက် တယ်လီဖုန်းထဲက ဆော့ဖ်ဝဲနဲ့ စိစစ်တဲ့ သဘောမျိုးပါပဲ။ သိပ် ခက်လှတာ မဟုတ်သလို ကုန်ကျ စရိတ်လည်း သိပ်ပြီးများလှတာ မဟုတ်ပါဘူး။ မွေးမြူသူတွေအ တွက်ကတော့ နွားတစ်ကောင်ကို ကျပ်ငွေ နှစ်သိန်းမှ ငါးသိန်းအထိ တိုးတက်ရရှိလာနိုင်ပါတယ်။ ဒါ က စိုက်ပျိုး မွေးမြူရေး ထုတ်ကုန် တွေကို ဖြန့်ဖြူးရာမှာ၊ ရောင်းဝယ် ဖောက်ကားရာမှာ အိုင်တီနည်း ပညာကို အသုံးပြုမယ်ဆိုရင် အ ကျိုးအမြတ်ရလာနိုင်တဲ့ အခြေအ နေကို မြင်သာစေဖို့ ဥပမာတစ် ရပ်ကို ဆွဲထုတ်ပြတာသာ ဖြစ်ပါ တယ်။

(၄)

ဒီဆောင်းပါးက တရုတ်ပြည် ရဲ့ ငါးနှစ်စီမံကိန်းကို Promotion လုပ်ဖို့ ရည်ရွယ်တာ မဟုတ်ပါ ဘူး။ ပုံစံတူကူးချရမယ်လို့လည်း မဆိုလိုပါဘူး။ စိုက်ပျိုးမွေးမြူရေး သမားတွေလက်ထဲ ရောက်နှင့် နေပြီဖြစ်တဲ့ အိုင်တီနည်းပညာ တွေ၊ အခြေခံ အဆောက်အအုံ တွေကို စိုက်ပျိုးမွေးမြူရေး ဖွံ့ဖြိုး တိုးတက်ဖို့အတွက် ထိထိမိမိ အသုံးချနိုင်စေဖို့ ဆောင်ရွက်သင့် ကြောင်း သတိပြုမိလာကြစေဖို့ ရည်ရွယ်ရင်း ဖြစ်ပါတယ်။ စိုက် ပျိုးမွေးမြူရေးသမားများ အိုင်တီ နည်းပညာကို ထိထိရောက် ရောက် အသုံးချရင်း အကျိုး အမြတ် ပိုမိုဖြစ်ထွန်းကြပါစေ။

(ဆောင်းပါးရှင် ခိုင်ကြည်သစ် သည် နိုင်ငံရေး၊ ကျန်းမာရေးနှင့် မျက်မှောက်ရေးရာဆောင်းပါး များ ရေးသားနေသူဖြစ်သည်။)

Top News