ဇီဝမျိုးစုံနှင့် သဘာဝထိန်းသိမ်းရေးနယ်မြေကာကွယ်ရေးဥပဒေ ဒေသတွင်းနိုင်ငံများအနက် အတင်းကျပ်ဆုံးဥပဒေဖြစ်လာ

ကမ္ဘာတွင် မျိုးသုဉ်းရှားပါးလာသော ကျားမျိုးစိတ်တစ်ကောင်ကို တွေ့ရစဉ် (ဓာတ်ပုံ−WikiMedia)

 ဇီဝမျိုးစုံမျိုးကွဲနှင့် သဘာဝထိန်းသိမ်းရေးနယ်မြေ များ ကာကွယ်စောင့်ရှောက်ခြင်း ဆိုင်ရာဥပဒေသည် မြန်မာနိုင်ငံ အတွင်း ဌာနေမျိုးစိတ်များကိုသာ မက ပြင်ပမှ ရွှေ့ပြောင်းရောက်ရှိ ကျက်စားသည့် မျိုးစိတ်များကိုပါ ကာကွယ်ပေးထားသဖြင့် ဒေသတွင်းနိုင်ငံများတွင် အတင်းကျပ်ဆုံး တောရိုင်းတိရစ္ဆာန်ကာကွယ်ရေးဥပဒေဖြစ်လာကြောင်း WWF မြန်မာ Conservation Director နစ်ကော့ဇ်က ပြောသည်။

ပြစ်မှုနှင့် ပြစ်ဒဏ်များတိုး မြှင့်ခဲ့သည့် ယင်းဥပဒေသစ်ကို ပြည်ထောင်စုလွှတ်တော်တွင် ဆွေးနွေး၍ မေလ ၂၁ ရက်က အ တည်ပြုထုတ်ပြန်ခဲ့သည်။

ထိုသို့ဥပဒေသစ်ပြဋ္ဌာန်း သဖြင့် မြန်မာနိုင်ငံသည် ၂၀၁၈ အောက်တိုဘာတွင် လန်ဒန်မြို့၌ ကျင်းပမည့် တောရိုင်း တိရစ္ဆာန်တရားမ၀င်ကုန်သွယ်မှု ဆိုင်ရာ အပြည်ပြည်ဆိုင်ရာကွန် ဖရင့်သို့ ကမ္ဘာ့အဆိုးရွားဆုံးရာဇ၀တ်မှုတစ်ခုဖြစ်သည့် တရား မ၀င်တောရိုင်းတိရစ္ဆာန်ကုန် သွယ်ခြင်းကို ဆန့်ကျင်သော ဒေသတွင်းချန်ပီယံအဖြစ် တက် ရောက်နိုင်မည်    ဖြစ်ကြောင်း Conservation Director နစ်ကော့ဇ်က ပြောသည်။

အသစ်ပြဋ္ဌာန်းသည့် ဥပဒေတွင် မျိုးဆက်ပျက်သုဉ်းလုဆဲ တောရိုင်းတိရစ္ဆာန်နှင့် သစ်ပင် ပန်းမန်များ၊ နိုင်ငံတကာကုန် သွယ်မှုဆိုင်ရာ ကွန်ဗင်းရှင်း (CITES) ၏ ကာကွယ်မှုရရှိထား သည့် မျိုးစိတ်များ (သို့မဟုတ်) သဘာဝထိန်းသိမ်းနယ်မြေအ တွင်းမှ မျိုးစိတ်များကို ကုန်သွယ် ခြင်း (သို့မဟုတ်) တရားမ၀င်အမဲ လိုက်ခြင်းများအတွက် ထောင် ဒဏ်ကျခံရမည့်အချက်အလက် များပါဝင်သည်။

‘‘CITES ကို ထည့်သွင်းခြင်း အားဖြင့် ယခင်ဥပဒေပြဋ္ဌာန်းချက် မှာ ဂယ်ပေါက်တစ်ခုဖြစ်နေတဲ့ လုပ်ငန်း သုံးဆင့်တွေကို အခြား တောရိုင်းတိရစ္ဆာန်တွေ၊ မျိုးစိတ် တွေနဲ့ တန်းတူကာကွယ်မှုရရှိရေး ကို သေချာစေပါတယ်’’ဟု နစ် ကော့ဇ်က ပြောသည်။

ဇီဝမျိုးစုံမျိုးကွဲနှင့် သဘာဝ ထိန်းသိမ်းရေးနယ်မြေများကာ ကွယ်စောင့်ရှောက်ခြင်းဆိုင်ရာ ဥပဒေသည် ဒေသတွင်းနိုင်ငံများ အနက် အတင်းကျပ်ဆုံးတောရိုင်း တိရစ္ဆာန်ကာကွယ်ရေးဥပဒေတစ် ခုဖြစ်လာသဖြင့် ဥပဒေစိုးမိုးအာ ဏာတည်စေရန် သက်ဆိုင်သည့် အဖွဲ့အစည်းများ အားလုံးပူး ပေါင်းအားစိုက်ရန်လိုသည်ဟု ၎င်းက ဆိုသည်။

ယင်းဥပဒေတွင် အခန်း (၁၃) ခန်းပါဝင်ကာ တောရိုင်း တိရစ္ဆာန်နှင့် သဘာဝအပင်များ ယင်းတို့၏ အစိတ်အပိုင်းများ၊ ယင်းတို့မှတစ်ဆင့် ထုတ်လုပ် သော ထုတ်ကုန်များ၊ ဆင့်ပွား ထုတ်လုပ်သော ပစ္စည်းများကို ကူးသန်းရောင်းဝယ်ခြင်းအား ထိန်း ချုပ်ရန်၊ ဘူမိရုပ်သွင်ထူးခြားသည့် နယ်မြေများ မျိုးဆက်ပျက်သုဉ်း မည့် အန္တရာယ်ရှိသည့် တောရိုင်း တိရစ္ဆာန်များ၊ သဘာဝအပင်များ နှင့် ယင်းတို့၏ နေရင်းဒေသများ ကို ကာကွယ်ထိန်းသိမ်းရန်၊ တိရစ္ဆာန်ဥယျာဉ်နှင့် ရုက္ခဗေဒ ဥယျာဉ်များတည်ထောင်ခြင်းဖြင့် တောရိုင်းတိရစ္ဆာန်နှင့် သဘာဝ အပင်များကို ကာကွယ်ရန်တို့ ပါရှိသည်။

ယခင်ဥပဒေဟောင်းတွင် လုံးဝကာကွယ်ထားသည့် တော ရိုင်းတိရစ္ဆာန်ကို ခွင့်ပြုချက်မရှိဘဲ သတ်ဖြတ်ခြင်း၊ အမဲလိုက်ခြင်း (သို့မဟုတ်) အနာတရဖြစ်စေခြင်း၊ယင်းတောရိုင်းတိရစ္ဆာန်ကိုဖြစ် စေ၊ ယင်း၏ အစိတ်အပိုင်းကို ဖြစ်စေခွင့်ပြုချက်မရှိဘဲ လက်ဝယ် ထားခြင်း၊ ရောင်းချခြင်း၊ သယ် ဆောင်ခြင်း (သို့မဟုတ်) လွှဲ ပြောင်းပြုလုပ်ပါက ထောင်ဒဏ် ခုနစ်နှစ်အထိဖြစ်စေ၊ ဒဏ်ငွေ ၅,၀၀၀ကျပ်အထိဖြစ်စေ ဒဏ်နှစ်ရပ်စလုံးဖြစ်စေ ချမှတ်နိုင်သည်ဟု ပြဋ္ဌာန်းထားပြီး အသစ်ပြဋ္ဌာန်းသည့် ဥပဒေအသစ်တွင် အနည်းဆုံး ထောင်ဒဏ် သုံးနှစ်မှ အများဆုံး ၁၀ နှစ်အထိ ထောင်ဒဏ်ချမှတ်ရမည့်အပြင် ငွေဒဏ်လည်း ချမှတ်နိုင်သည်ဟု ပြဋ္ဌာန်းထားသည်။

More in News Section

Top News