ပလာတီနီ ဘောလုံးလောကသို့ ပြန်လာမည်

ဘဏ္ဍာရေးအရ အမှားကျူး လွန်မှုဖြစ်နိုင်ခြေအပေါ် စုံစမ်း စစ်ဆေးမှုတွင် ၎င်းကိုတရားစွဲ မည် မဟုတ်ဟု ဆွစ်ဇာလန် ဖယ်ဒရယ်ရှေ့နေများက အတည် ပြုပြီးနောက် ဘောလုံးလောက သို့ ပြန်လာရန် ပြင်ဆင်နေသည် ဟု ဥရောပဘောလုံးအဖွဲ့ချုပ် ဥက္ကဋ္ဌဟောင်းနှင့် ဖီဖာဒုဥက္ကဋ္ဌ ဟောင်း မီချယ်ပလာတီနီကပြော သည်။

‘‘ဒါဟာကျွန်တော့်မိသားစုနဲ့ ကျွန်တော်နဲ့ နီးစပ်သူတွေအတွက် အိပ်မက်ဆိုး အဆုံးသတ်သွား တာပါ’’ ဟု ပလာတီနီက ထုတ် ပြန်ပြောကြားသည်။

၂၀၁၅ ကစ၍ ပြင်သစ်ကွင်း လယ်လူဟောင်းသည် ထိုစဉ်က ဖီဖာဥက္ကဋ္ဌ ဘလတ္တာအပေါ် ရာဇ ဝတ်မှုဆိုင်ရာ တရားစွဲဆိုမှုများ တွင် သက်သေတစ်ဦးနှင့် စွပ်စွဲခံ ရသူကြား အနေအထား၌ ရှိခဲ့ သည်။ သို့သော် ၎င်းအပေါ် ရာဇ ဝတ်မှုဆိုင်ရာ တရားစွဲဆိုမှုဟူ၍ မရှိခဲ့ပေ။

ပလာတီနီအပေါ် စွပ်စွဲမှု များသည် ၂၀၁၁ တွင် ဖီဖာက ၎င်းအားပေးအပ်ခဲ့သော ကန်ဒေါ် လာ နှစ်သန်းနှင့် ပတ်သက်နေပြီး ယင်းမှာ ပလာတီနီလုပ်ကိုင်ခဲ့ သော အလုပ်တစ်ခုပေးချေခြင်း ဖြစ်သည်ဟု ဖီဖာက ပြောကြား ကာ ဘလတ္တာနှင့် ပလာတီနီနှစ် ဦးစလုံးက အမှားကျူးလွန်ခဲ့သည် ဆိုခြင်းကို ငြင်းဆိုခဲ့သည်။

သို့သော် ဘလတ္တာပြန်လည် ရွေးကောက်ခံရရန် ပြင်ဆင်ခဲ့ သော ယင်းငွေပေးချေမှုသည် ပွင့် လင်းမြင်သာမှုမရှိဘဲ အကျိုးစီး ပွားပဋိပက္ခဖြစ်ခဲ့သည်ဟု ဆိုကာ ရှစ်နှစ်ကြာ ပိတ်ပင်ခဲ့သည်။ သို့ သော်နောက်ပိုင်းတွင် အားကစား အငြင်းပွားမှု ဖြေရှင်းရေးခုံရုံးက လေးနှစ် လျှော့ချပေးခဲ့သည်။

 ယင်းပြဿနာနှင့်အတူ ပလာတီနီကို ဥရောပဘောလုံး အ ဖွဲ့ချုပ် ဥက္ကဋ္ဌအဖြစ်မှ ဖယ်ရှားခဲ့ ကာ ၂၀၁၆ ဖီဖာဥက္ကဋ္ဌရွေးပွဲတွင် ဝင်ခွင့်မရခဲ့ပေ။

ဆွစ်ဇာလန်တရားရေးအာ ဏာပိုင်ထံမှ တရားဝင်ပြောကြား ချက်အရ မိမိ၏အပြစ်ကင်းမဲ့မှုကို သက်သေခံနေသည်ဟု ပလာတီ နီ၏ ထုတ်ပြန်ချက်တွင် ဖော်ပြ သည်။

‘‘ကျွန်တော်ရဲ့ ဂုဏ်သိက္ခာ ညှိုးနွမ်းခဲ့တယ်။ ပရော်ဖက်ရှင် နယ်ဘဝ သုံးနှစ်ဓားပြတိုက်ခံ လိုက်ရတယ်။ ကျွန်တော်ပြန်လာ ပါမယ်။ ဘယ်အချိန်၊ ဘယ်နေ ရာမှာ ဘယ်လိုပြန်လာမလဲဆို တာကတော့ ပြောဖို့စောလွန်းပါ သေးတယ်။ ဒါပေမဲ့ ကျွန်တော် ဘောလုံးလောကကို ပြန်လာပါ မယ်’’ ဟု   ပလာတီနီက   ပြော သည်။         —Ref:AP/Reuters

Top News