တောင်းဆိုသည့်အချက်အများစု သဘောတူမှုရသဖြင့် မေ၂၈ရက်တွင် ပုလဲအထည်ချုပ်အလုပ်သမားများ အလုပ်ပြန်လည်ဆင်းမည်ဟုဆို

ဆန္ဒပြတောင်းဆိုထား သည့် အချက်ခြောက်ချက်အနက် ငါးချက်ကို သဘောတူလက်မှတ် ရေးထိုးပြီး၍ စက်ရုံအလုပ်သမား များမေလ ၂၈ ရက်တွင်အလုပ်ပြန် လည်ဆင်းမည်ဟု  ပုလဲအထည်ချုပ်စက်ရုံ အလုပ်သမားခေါင်းဆောင် ကိုထွန်းနိုင်ဦးက ပြောသည်။

မေလ ၁၅ ရက်ကစတင်ကာ အခြေခံလုပ်ခလစာတစ်ရက်ကျပ် ၄,၈၀၀ ပေးရန်၊ ရက်မှန်ကြေး၊ ကျွမ်းကျင်ဝန်ထမ်းကြေး၊ တစ် ကတ်ကြေးပေးရန် ဆန္ဒပြနေစဉ် လုပ်ခလစာမဖြတ်တောက်ရန်နှင့် သန့်ရှင်းရေး၊ လုံခြုံရေးဝန်ထမ်း များကိုလည်း ရက်မှန်ကြေးခံစား ခွင့်ပေးရန် တောင်းဆိုချက် ခြောက်ချက်ရရှိရေး အထည်ချုပ် အလုပ်သမား ၄၂၀ ကျော်ကလှိုင် သာယာပုလဲအထည်ချုပ်စက်ရုံ ရှေ့တွင် ဆန္ဒပြတောင်းဆိုခဲ့ သည်။ တောင်းဆိုသည့်အချက်ခြောက်ချက်အနက် ငါးချက်ကို မေလ ၂၆ ရက်တွင်စက်ရုံ တာဝန်ရှိသူများနှင့် အလုပ်သမားခေါင်းဆောင်များ သဘောတူလက်မှတ်ရေးထိုးပြီးဖြစ်သဖြင့် စက်ရုံရှေ့၌ ဆန္ဒပြခြင်းရပ်ဆိုင်းပြီး အလုပ်ပြန်ဆင်းရန် စီစဉ်ခြင်းဖြစ်ကြောင်း ကိုထွန်းနိုင်ဦးက ပြောသည်။ တောင်းဆိုချက် ခြောက် ချက်အနက် မိမိတို့ချုပ်လုပ်သည့် အထည်တစ်ထည်ချင်းအပေါ် လုပ်ခတွက်ချက်ပေးသည့်စနစ် ကို ပြောင်းလဲကျင့်သုံးပေးရန် တောင်းဆိုမှု(တစ်ကတ်ကြေး) ပေးရန်အချက်တစ်ချက်သာ ညှိ နှိုင်းရန်ကျန်ရှိတော့ကြောင်း ၎င်း က ပြောသည်။

အဆိုပါတစ်ကတ်ကြေးပေး မည့်စနစ်ကို သက်ဆိုင်ရာအစိုးရ တာဝန်ရှိသူများ၊ စက်ရုံတာဝန်ရှိ သူနှင့် အလုပ်သမားဘက်မှကိုယ် စားလှယ်က ကိုယ်စားလှယ်များ ညှိနှိုင်းပြီး နှစ်ဦးနှစ်ဖက်အဆင်ပြေ မည့်နည်းလမ်းဖြင့် ဆောင်ရွက် မည်ဟု ပုလဲအထည်ချုပ်စက်ရုံ မန်နေဂျာကပြောသည်။

‘‘အလုပ်သမားတွေက ဆန္ဒ ပြတဲ့ကာလမှာ လုပ်ခလစာလိုချင် တယ်။ အနည်းဆုံးဖြစ်နိုင်ရင် သုံး ရက်စာလောက်လိုချင်တယ်ဆို တော့ အလုပ်ရှင်နဲ့ညှိနှိုင်းပေး တယ်။ အလုပ်ရှင်ကလည်း ဆုံး​ ရှုံးတာများတဲ့အတွက် မပေးနိုင် ဘူး။ ကရုဏာကြေးပေးမယ်ဆို တော့ အလုပ်သမားတွေက မယူ တော့ဘူး။ ဒီအတိုင်းပဲ အလုပ်ပြန် ဆင်းတော့မယ်လို့ ပြောတယ်’’ ဟု ၎င်းကဆိုသည်။

မေလ ၂၅ ရက်က ရန်ကုန် တိုင်းဒေသကြီးအစိုးရအဖွဲ့ရုံး၌ အဆိုပါစက်ရုံအလုပ်ရှင်၊ အလုပ် သမားအငြင်းပွားမှုနှင့်ပတ်သက် ၍ တွေ့ဆုံဆွေးနွေးရာတွင် ရန်ကုန်တိုင်းဝန်ကြီးချုပ်က စက်ရုံရှေ့ ပိတ်ဆို့ပြီး ဆန္ဒပြခြင်းသည် ဥပဒေနှင့်မညီသဖြင့် ဖယ်ရှားပေးရန် အလုပ်သမားများအား သတိပေးပြောကြားသည်။ 

More in News Section

Top News