တရားမ၀င်သစ် မှောင်ခိုလုပ်ငန်းများကို အရေးမယူ၍ တိုင်းဒေသကြီးလွှတ်တော်က ကော်မရှင်ဖွဲ့စစ်ဆေးမည်

သက်ဆွေ

ပုသိမ် - တရားမ၀င်သစ်မှောင်ခို လုပ်ကိုင်သူများကို သက်ဆိုင်ရာ တာဝန်ရှိသူများထံ အကြိမ်ကြိမ် တိုင်ကြားသော်လည်း အရေးမယူသဖြင့် ဧရာဝတီတိုင်းဒေသကြီး လွှတ်တော်က ကော်မရှင်ဖွဲ့ စစ်ဆေးမည်ဖြစ်ကြောင်း တိုင်းဒေသကြီး လွှတ်တော်ဥက္ကဋ္ဌ ဦးအောင်ကျော်ခိုင်က လွှတ်တော်တွင် ပြောသည်။

မေလ ၂၅ ရက်တွင် ကျင်း ပသည့် ဒုတိယအကြိမ် ဧရာဝတီ တိုင်းဒေသကြီး လွှတ်တော်(၁၁) ကြိမ်မြောက် ပုံမှန်အစည်းအဝေး တွင် လွှတ်တော်ဥက္ကဋ္ဌက ထိုသို့ ပြောခြင်း ဖြစ်သည်။

သာပေါင်းမြို့နယ်တွင် တရားမ၀င်သစ်မှောင်ခိုလုပ်ငန်း အများ အပြားရှိနေ၍ ထိရောက်သော အရေးယူမှုများ ဆောင်ရွက်ရန် လွှတ်တော်တွင် မေးမြန်းခြင်း၊ တိုင်းဒေသကြီး ၀န်ကြီးချုပ်ထံ တိုင်ကြားစာများ ပေးပို့ခြင်းများ ဆောင်ရွက်သော်လည်း အရေး ယူမှုများ မရှိကြောင်း သာပေါင်း မြိ့နယ် အမှတ်(၁)မဲဆန္ဒနယ် တိုင်းဒေသကြီး လွှတ်တော်ကိုယ်စား လှယ် ဒေါ်ခင်မိုးဝါက လွှတ်တော် ၌ ပြောသည်။

ထိုသို့ ဆောင်ရွက်ထားသည့် အပြင် ဖမ်းဆီးအရေးယူရန် ရရှိ သည့် သတင်းအချက်အလက်များ ကို ဒေသရှိ သစ်တောဝန်ထမ်း များထံ အကြောင်းကြားသည့်အ ခါ ၎င်းတို့ကိုယ်တိုင် လာဘ်ပေး၊ လာဘ်ယူမှုများပြုလုပ်၍ အကာ အကွယ်ပေးထားခြင်း၊ သစ်တန် ချိန်လျှော့၍ ဖမ်းဆီးခြင်း၊ မှန်ကန် သည့် သတင်းရရှိသော်လည်း မတွေ့ရှိဟုဆိုကာ ငြင်းဆိုခြင်း၊ ဖမ်းမိသောအခါတွင် လွှတ်တော် ကိုယ်စားလှယ်နှင့် ပြည်သူများ အကြား ထင်ယောင် ထင်မှားဖြစ် စေရန် ကိုယ်စားလှယ်များက ဖမ်းခိုင်း၍ ဖမ်းရခြင်း ဖြစ်သည်ဆိုကာ မိမိတာဝန်ကို ရှောင်လွှဲခြင်းများရှိနေကြောင်း ၎င်းကပြောသည်။

‘‘ဒီလိုလုပ်ရပ်မျိုးဟာ ပြည် သူ့ဝန်ထမ်းတွေက ပြည်သူအပေါ် အကြီးမားဆုံး သစ္စာဖောက်မှုပဲ ဖြစ်ပါတယ်’’ဟု ဒေါ်ခင်မိုးဝါက ပြောသည်။ သာပေါင်းမြို့နယ်တွင် တရားမ၀င် သစ်ထုတ်လုပ်မှုများ ကို အုပ်ချုပ်ရေးအဖွဲ့အစည်းများ၊ လက်နက်ကိုင်အဖွဲ့အစည်းများ နှင့် မှုခင်းသတင်းထောက်များက ဂိတ်ဖွင့်ကာ လိုင်းကြေးကောက် ခံနေကြောင်း ၎င်းကပြောသည်။

သာပေါင်းမြို့နယ် သစ်တောဦးစီးဌာနတွင် ဖွဲ့စည်းပုံအရ ခန့်ထားရမည့် ၀န်ထမ်း အင်အား သည် ၄၆ ဦးရှိသော်လည်း လက်ရှိတွင် ၂၅ ဦးသာရှိပြီး သစ်တောစိုက်ခင်းသစ်များ ထူထောင်ရန် မြေပြင်ခြင်း၊ ပျိုးခင်းများ ထူထောင်ခြင်းအတွက် ထိုဝန်ထမ်းများက သာ ဆောင်ရွက်နေကြောင်း ထို့ပြင် တောဆင်ရိုင်းများ သတ်ဖြတ်ခံရမှုကြောင့် ကင်းလှည့်စစ်ဆေးခြင်း၊ သတင်းစုံစမ်းထောက်လှမ်းခြင်းများ ဆောင်ရွက်နေကြောင်း ဧရာဝတီတိုင်းဒေသကြီး အစိုးရအဖွဲ့မှ စိုက်ပျိုးရေး၊ မွေးမြူရေး၊ ဆည်မြောင်းနှင့် သဘာဝပတ်ဝန်းကျင်ထိန်းသိမ်းရေးဝန်ကြီး ဦးတင်အောင်ဝင်းက လွှတ်တော်တွင် မေးမြန်းချက်ကို ပြန်လည်ဖြေကြားသည်။ ထို့ပြင် သစ်တော ၀န်ထမ်းများသည် ဒေသခံများကို အသိပညာပေး ဟောပြောပွဲများ ကျင်းပခြင်း၊ ဆင်သတ်မုဆိုးများကို စုံစမ်းဖမ်းဆီးအရေးယူခြင်း၊ သတင်းအရ သစ်ခိုးထုတ်သူများ အား ရှာဖွေဖော်ထုတ်ဖမ်းဆီးခြင်း ဆောင်ရွက်နေကြောင်း ၎င်းကပြောသည်။

‘‘အဂတိလိုက်စားမှု၊ လာဘ် ပေး၊ လာဘ်ယူမှုတွေကို ပြည်သူ များက တိကျစွာတိုင်ကြားပါက ထိရောက်စွာ အရေးယူသွားမှာ ပါ’’ဟု ၀န်ကြီးဦးတင်အောင်ဝင်း က ပြောသည်။

တိုင်းဒေသကြီး ၀န်ကြီး၏ ဖြေဆိုမှုနှင့် ပတ်သက်၍ လွှတ် တော်အမတ်က ဆက်စပ်မေးခွန်း များ ဆက်လက်မေးမြန်းရာ တိုင်းလွှတ်တော်ဥက္ကဋ္ဌက ကော်မရှင်ဖွဲ့ ၍ စစ်ဆေးဆောင်ရွက်ရန် ဆုံးဖြတ်ခဲ့သည်။

Top News