စွပ်စွဲခံရသော ၀န်ကြီးဖယ်ရှားလျှင် ရခိုင်ပြည်နယ်ဖွံ့ဖြိုးရေး ရင်လေးဖွယ်ကောင်းဟု ကျောက်တော် မြို့မိ မြို့ဖအဖွဲ့ ထုတ်ပြန်

ရခိုင်ပြည်နယ်လွှတ်တော်က စုံစမ်းစစ်ဆေးနေသည့် ရခိုင်ပြည်နယ် စီမံဘဏ္ဍာဝန်ကြီး ဦးကျော်အေးသိန်းကို ဖယ်ရှား လျှင် ရခိုင်ပြည်နယ် ဖွံ့ဖြိုးတိုး တက်ရေးသည် အလွန်ရင်လေး ဖွယ်ကောင်းကြောင်း ကျောက်တော်မြို့မိ မြို့ဖအဖွဲ့က မေလ ၂၅ ရက်တွင် သဘောထားထုတ်ပြန်သည်။

 ဦးကျော်အေးသိန်းသည် ကျောက်တော်မြို့နယ်ဖွံ့ဖြိုးတိုး တက်ရေး၊ စိုက်ပျိုးမွေးမြူရေးကဏ္ဍ၊ လမ်းပန်းဆက်သွယ်ရေး၊ မြို့သန့်ရှင်းသာယာလှပရေးနှင့် သဘာဝပတ်ဝန်းကျင်ထိန်းသိမ်းရေးဦးဆောင်လမ်းညွန်မှုပေးကာ အကောင်းဆုံးပံ့ပိုးနေသော ၀န်ကြီးဖြစ်ကြောင်း ထုတ်ပြန်ချက်တွင် ရေးသားထားသည်။

ထို့ပြင် ၀န်ကြီး၏ ပံ့ပိုးကူညီ မှုအတွက် တံစိုးလက်ဆောင်တစ် စုံတစ်ရာမျှ ပေးကမ်းရခြင်းမရှိဟု ထုတ်ပြန်ချက်တွင် ဖော်ပြသည်။

ဝန်ကြီး ဦးကျော်အေးသိန်းအပေါ် စွပ်စွဲမှုများ ပြန်လည်ရုပ်သိမ်းရန် ရခိုင်ပြည်နယ်စိုက်ပျိုးရေးနှင့် မွေးမြူရေးအဖွဲ့ချုပ်က တောင်းဆိုသည်။

‘‘ရခိုင်ပြည်နယ် ဖွံ့ဖြိုးတိုး တက်ရေးအတွက် ဦးကျော်အေး သိန်းကို လိုအပ်ပါတယ်။ လွှတ် တော်ကိုယ်စားလှယ်တွေအနေနဲ့ သူတို့ရဲ့ စွပ်စွဲချက်တွေကို ပြန် လည်ရုပ်သိမ်းပေးဖို့ တောင်းဆို ချင်ပါတယ်’’ ဟု ရခိုင်ပြည်နယ် စိုက်ပျိုးရေးနှင့် မွေးမြူရေးအဖွဲ့ ချုပ် ဥက္ကဋ္ဌ ဦးမောင်ထွီးက ပြော သည်။

 ၀န်ကြီးသည် ဖွဲ့စည်းပုံအ ခြေခံဥပဒေအရ ပေးအပ်သော တာဝန်များကို ကျေပွန်စွာ မ ဆောင်ရွက်ခြင်းနှင့် ဘဏ္ဍာနှစ်အ လိုက် ပြည်နယ်၏ ခွင့်ပြုရန်ပုံငွေ များကို ဘဏ္ဍာရေး စည်းမျဉ်း စည်းကမ်းများ၊ လုပ်ထုံး၊ လုပ် နည်းများနှင့်အညီ ဆောင်ရွက်နိုင် မှုမရှိခြင်းကြောင့် မြို့နယ်အလိုက် ဆောင်ရွက်ရမည့် ဖွံ့ဖြိုးရေးလုပ်ငန်းများ ထိခိုက်ဆုံးရှုံးမှုများရှိနေ၍ ရာထူးမှ ရပ်စဲနိုင်ရေးဥပဒေနှင့်အညီ ဆောင်ရွက်ပေးရန် လွှတ်တော်ကိုယ်စားလှယ် ၁၂ ဦးက မတ်လ ၁၄ ရက်တွင် စွပ်စွဲပြစ်တင်ခဲ့သည်။

Top News