အတွေးနဲ့အမြင် ရှင်းလင်းပြတ်သားဖို့လိုသည်

(၁)

မြန်မာနိုင်ငံရဲ့ နိုင်ငံရေးဖြစ် စဉ်ဖြစ်ရပ်တွေဟာ တစ်ခုချင်းသီး သန့်စီဖြစ်ပေါ်နေတာ မဟုတ်ဘဲ တစ်ခုနဲ့ တစ်ခုဆက်စပ်ပတ်သက် နေပါတယ်။ အဲဒီလိုတစ်ခုနဲ့ တစ်ခုချိတ်ဆက်နေတဲ့ ဖြစ်စဉ်ဖြစ်ရပ် တွေကို ခြုံပြီးနားလည်နိုင်စွမ်းမရှိ ရင် ပြဿနာတစ်ခုချင်းစီကို ဖြေ ရှင်းရာမှာ ဖြေရှင်းပုံမှားသွားနိုင်ပါ တယ်။ ပြဿနာတစ်ခုနဲ့ တစ်ခုရဲ့ ချိတ်ဆက်ပုံတွေကို စနစ်တကျ နားလည်နိုင်မှသာလျှင် ပြဿနာ ကိုဖြေရှင်းဖို့ ချဉ်းကပ်ဆောင်ရွက် တဲ့ နည်းလမ်းတွေလည်း မှန်ကန် နိုင်ပါလိမ့်မယ်။

အဖြစ်များတာကတော့ ဖြစ် ပေါ်လာတဲ့ ဖြစ်စဉ်ဖြစ်ရပ်တစ်ခု ချင်းစီကိုသာ ကောက်ကိုင်လိုက် ပြီးနောက်ခံ အကြောင်းရင်းတွေ၊ ဆက်လက်ဖြစ်ပေါ်လာမယ့် အကျိုးဆက်တွေကို မတွက်ချက် ဘဲ တုံ့ပြန်ရင်ဆိုင်ကြတဲ့ အခြေအ နေမျိုးတွေပါ။ ဒီလိုချဉ်းကပ်ပုံလွဲ ချော်မှုတွေက ခွန်အားကို ဆုံးရှုံး စေသလို အခြေအနေတွေကို လည်း ပိုရှုပ်ထွေးစေပါတယ်။ တစ်ဖက်မှာလည်း သွားနေတဲ့ လမ်းကြောင်းကို ဘေးချော်သွား စေပါတယ်။ ပြဿနာရဲ့ အရင်းအ မြစ်ကို မဖြေရှင်းဘဲ ဆင့်ပွားဖြစ် လာတဲ့ အကျိုးဆက်ပြဿနာတွေ ကိုပဲ ဖြေရှင်းဖို့ ကြိုးစားနေရင် ခရီးမတွင်နိုင်ပါဘူး။

လက်ရှိဖြစ်ပေါ်နေတဲ့ နိုင်ငံ ရေးအခင်းအကျင်းထဲက ပြဿနာ အားလုံးကို တစ်ခုချင်းစီအဖြစ် မ မြင်ဘဲ ချိတ်ဆက်ပြီး မြင်ကြည့်တဲ့ အခါ၊ ပြဿနာအားလုံးရဲ့ ရေ သောက်မြစ်ကို တူးဖော်ရှာဖွေ ကြည့်တဲ့အခါ တွေ့လာရမှာက ပြဿနာအားလုံးဟာ စစ်အာဏာ ရှင်စနစ်ဆိုးက သန္ဓေတည်ခဲ့တာ လို့ ဆိုရင် လွန်မယ်မထင်ပါဘူး။ ဘာကြောင့်လဲဆိုရင် ဒီမိုကရေစီ စနစ် ဆိတ်သုဉ်းခဲ့ရာတာက စစ် အာဏာသိမ်းမှုကြောင့်ပါ။ လူ ပြောသူပြောများတဲ့ ပင်လုံစာချုပ် ရဲ့ ကတိက၀တ်နဲ့ ဖက်ဒရယ်ဆို တာတွေကို အခုချိန်အထိ အ ကောင်အထည်မဖော်နိုင်သေး တာကလည်း အဲဒီအာဏာသိမ်းမှု က အရင်းအမြစ်ပါပဲ။ တိုင်းပြည် ဆင်းရဲမွဲတေသွားရတာကိုလည်း ပြန်ပြောင်းစဉ်းစားကြည့်ကြပါဦး။ အာဏာသိမ်းမှု မတိုင်မီက အရှေ့ တောင်အာရှဒေသမှာ အချမ်းသာဆုံးဖြစ်ခဲ့တဲ့ မြန်မာနိုင်ငံဟာ ကမ္ဘာ့ဖွံ့ဖြိုးမှုနောက်အကျဆုံးနိုင်ငံစာ ရင်းထဲကို သွတ်သွင်းခံခဲ့ရတာ၊ အရှေ့တောင်အာရှမှာကိုပဲ ခေါင်းမော်နိုင်တဲ့ အနေအထားမရှိတော့ တာတွေဟာ စနစ်ဆိုးရဲ့ အကျိုး ရလဒ်တွေပဲ ဖြစ်ပါတယ်။ စီးပွား ရေးမကောင်းတဲ့ နိုင်ငံတစ်နိုင်ငံ ဟာ ကျန်းမာရေး၊ ပညာရေး၊ အားကစား၊ လမ်းပန်းဆက်သွယ်မှု၊ လျှပ်စစ်မီး၊ လူနေမှုအဆင့်အ တန်း၊ နေထိုင်ရတဲ့ အဆောက်အ အုံ၊ စားသောက်ရတဲ့ အစားအ သောက်စသည်ဖြင့် ဘာတစ်ခုမှ အဆင့်အတန်းမြင့်စရာအကြောင်းမရှိတော့ပါဘူး။

အဲဒီအာဏာရှင်စနစ်ဆိုးက တိုင်းပြည်သယံဇာတတွေရောင်း စားပြီး လျှပ်စစ်ဓာတ်အားလိုင်း တွေကို မပြုပြင်ခဲ့မှတော့ လေ တိုက်တိုင်း လျှပ်စစ်မီးဖြတ်နေရဦး မှာပါပဲ။ အစိုးရသစ်က ဓာတ်တိုင် တွေအသစ်လဲ၊ ဓာတ်ကြိုးတွေကို အသစ်နဲ့ အစားထိုးနေချိန်မှာ တော့ လျှပ်စစ်မီးဖြတ်ထားရဦးမှာ ပါပဲ။ အဲဒီလို မီးပြတ်နေတဲ့အချိန် မှာ ဖယောင်းတိုင်မီးရောင်ကို အ သာတကြည်လက်ခံနိုင်ဖို့ဆိုရင် အာဏာရှင်စနစ်ရဲ့ ဆိုးကျိုးတွေ ငါတို့ ခံစားနေရတာပါလားလို့ အမြင်ရှင်းလင်းဖို့ လိုအပ်ပါတယ်။အဲဒီအာဏာရှင်စနစ်ကို ပုံစံ ပြောင်းထားတဲ့ ၂၀၀၈ ဖွဲ့စည်းပုံ အခြေခံဥပဒေကိုလည်း ဒီမိုကရေ စီနည်းကျအောင် ပြုပြင်ပြောင်း လဲရမယ်ဆိုတဲ့ အတွေးအခေါ်ရှင်း လင်းနေဖို့ လိုအပ်မှာ ဖြစ်ပါ တယ်။ ဒီလိုအခက်အခဲအသေး အဖွဲလေးကအစ အတွေးအမြင် ရှင်းရှင်းလင်းလင်းနဲ့ မရပ်တည် ဘူးဆိုရင် ရွှေပြည်တော်ဟာ မျှော် လေတိုင်းဝေးနေဦးမှာပါပဲ။ ဒီလို ပါပဲ ၂၀၀၈ ဖွဲ့စည်းပုံအခြေခံ ဥပဒေကို ပြင်ဆင်ပြီး ဒီမိုကရေစီ ဖက်ဒရယ်ပြည်ထောင်စုတစ်ခုကို မတည်ထောင်နိုင်သမျှတော့ စစ်ပွဲတွေရပ်ဖို့ သိကြားမင်းကိုယ်တိုင် တာမွေတံတားအောက်မှာ လာ အော်ပေးလည်း ခဏနေရင် ယူနီ ဖောင်းဝတ်ရော အရပ်ဝတ်ပါ ၀ိုင်းဖမ်းလို့ သိကြားမင်းကို လက် ထိတ်တန်းလန်းနဲ့ တွေ့ရမှာပါပဲ။

ပြောချင်တာက ယနေ့ကြုံ တွေ့နေရတဲ့ အခက်အခဲအားလုံး ရဲ့ အရင်းအမြစ်ဟာ အာဏာရှင် စနစ်ရဲ့ အကျိုးဆက်တွေသာ ဖြစ် တယ်ဆိုတဲ့ အချက်ပါ။ တစ်ချိန် တည်းမှာ ရှင်းရှင်းလင်းလင်း ပြတ် ပြတ်သားသားမြင်ရမယ့်အချက် ကတော့ ယနေ့မချစ်သော်လည်း အောင့်ကာနမ်းနေရတဲ့ ၂၀၀၈ ဖွဲ့ စည်းပုံအခြေခံဥပဒေဟာလည်း အာဏာရှင်စနစ်ကို ပုံစံတစ်မျိုးနဲ့ ဆက်လက်ပြီး ရှင်သန်နေစေတာ  သာဖြစ်တယ်ဆိုတာပါပဲ။ ဒါဟာ လက်ရှိအစိုးရရဲ့ မအောင်မြင်မှု အချို့အတွက် ထမင်းရည်ပူလျှာ လွှဲပြောဆိုချက် မဟုတ်ပါဘူး။ လက်ရှိအစိုးရမှာလိုအပ်ချက်၊ အားနည်းချက်တွေရှိတာလည်း မှန်သလို ဖွဲ့စည်းပုံနဲ့ စနစ်ဟောင်း ကြောင့် ပြုပြင်ပြောင်းလဲရေးမှာ အကန့်အသတ်တွေရှိနေတယ်ဆို တာကလည်း အမှန်တရားပဲ ဖြစ် ပါတယ်။

 နိုင်ငံတစ်နိုင်ငံရဲ့ ကောင်းကျိုးဆိုးပြစ်တွေကို ပြဋ္ဌာန်းတာက အဲဒီနိုင်ငံကို ဘယ်လိုစုဖွဲ့တည် ထောင်ထားသလဲ၊ အာဏာတွေ ကို ဘယ်လိုခွဲဝေအသုံးချကြသလဲ ဆိုတဲ့ နိုင်ငံရေးစနစ် (တစ်နည်းအား ဖြင့် ဖွဲ့စည်းပုံအခြေခံဥပဒေ)ဖြစ် တယ်ဆိုတာ လက်တွေ့ကျတဲ့ သဘောတရားသီအိုရီတစ်ခုပါ။ လက်ရှိနိုင်ငံ့အခြေအနေနဲ့ နိုင်ငံ ရေးအခင်းအကျင်းကို အစိုးရက ဖန်တီးတာမဟုတ်ဘဲ ဖွဲ့စည်းပုံ အခြေခံဥပဒေက ဖန်တီးထားတာ ဖြစ်ပြီး လက်ရှိအစိုးရအနေနဲ့ အဲဒီ အခြေအနေတွေထဲကနေ လုပ်နိုင် မယ့်ခွင် (Space) ကို ကြံဖန်ရှာဖွေ နေခြင်းသာ ဖြစ်တယ်ဆိုတာကို မြင်နိုင်ဖို့ လိုအပ်မှာ ဖြစ်ပါတယ်။

၂၀၁၅ ရွေးကောက်ပွဲမှာ အမျိုးသားဒီမိုကရေစီအဖွဲ့ချုပ်အ နေနဲ့ အာဏာရရှိနိုင်ဖို့ ၀င်ရောက် ယှဉ်ပြိုင်ခဲ့တာဟာ ၂၀၀၈ ဖွဲ့စည်း ပုံအခြေခံဥပဒေကို ကြိုက်လွန်းလို့လက်ခံလိုက်တာ မဟုတ်ပါဘူး။ အဲဒီအခြေခံဥပဒေရဲ့ ဒီမိုကရေစီ နည်းမကျတဲ့၊ တရားမျှတမှုမရှိတဲ့ အစိတ်အပိုင်းတွေကိုပါ အကောင်အထည်ဖော်ဖို့ အစိုးရဖွဲ့ခဲ့တာ လည်း မဟုတ်ပါဘူး။ အဲဒီအခြေခံ ဥပဒေကို ပြင်ဆင်နိုင်ဖို့ အခြား သော နည်းလမ်းတွေမရှိတာ ကြောင့် အစိုးရများဖြစ်လာခဲ့ရင် ပြင်ဆင်နိုင်ဖို့ အခွင့်အလမ်းများ များလာမလားဆိုတဲ့ တွက်ဆချက်နဲ့ အစိုးရဖြစ်အောင် ကြိုးစားခဲ့တာ လို့ပဲ မြင်မိပါတယ်။ ဒါကြောင့်ပဲ ဖြစ်နိုင်ခြေအရှိဆုံးဖြစ်တဲ့ NCA လမ်းကြောင်းကို လက်ခံပြီး ငြိမ်း ချမ်းရေးဖြစ်စဉ်တွေကနေတစ် ဆင့် ဖွဲ့စည်းပုံအခြေခံဥပဒေပြင် ဆင်ရေးကို ကြိုးပမ်းနေတာ ဖြစ် ပါတယ်။

နိုင်ငံရေးအကင်းပါးတဲ့ ပြည် သူလူထုအနေနဲ့ ဖြစ်နေတဲ့ ပြဿနာတွေရဲ့ အရင်းအမြစ်ကို သေသေ ချာချာနားလည်ပြီး အဲဒီပြဿနာ ကို ဖြေရှင်းနေတဲ့ လမ်းကြောင်းကို ပီပီပြင်ပြင်ဖြစ်လာအောင် ၀န်းရံ ဖို့ လိုအပ်ပါတယ်။ အဲဒီလိုမဟုတ် ဘဲ ပြဿနာတစ်ခုချင်းစီအပေါ် မှာ ဆန်စဉ်ရာကျည်ပွေ့လိုက်နေ မယ်ဆိုရင် ခရီးမပေါက်တဲ့အပြင် ချောက်ထဲပါကျနိုင်တယ်ဆိုတာ ကို သတိပြုအပ်ပါတယ်။

အခုအချိန်မှာ ကျည်ပွေ့ထဲ သေသေချာချာထည့်ပြီးထောင်း ကြရမှာက ၂၁ ရာစုပင်လုံညီလာခံအစည်းအဝေးတွေ ဆက်တိုက်ပေါ်ပေါက်လာပြီး အဲဒီကနေ ပြည်ထောင်စုသဘောတူညီချက်ထွက်ပေါ်လာဖို့၊ အဲဒီပြည်ထောင်စုသဘောတူညီချက်ကနေ ဒီမိုကရေစီဖက်ဒရယ် ပြည်ထောင်စုအတွက် ဖွဲ့ စည်းပုံအခြေခံဥပဒေပေါ်ပေါက်လာနိုင်ဖို့ ဖြစ်ပါတယ်။

 ၂၁ ရာစု ပင်လုံညီလာခံအောင်မြင်ရေးကို မျက်နှာစာပေါင်းစုံက တစ်ပြိုင်နက်တည်း၊ တစ်သံ တည်း တွန်းတွန်းတိုက်တိုက် ဆောင်ရွက်ကြမယ်ဆိုရင် ဖွဲ့စည်း ပုံကို မြန်မြန်ပြင်နိုင်သလို အခြား လိုလားချက်တွေလည်း မြန်မြန် အကောင်အထည်ဖော်နိုင်ပါလိမ့် မယ်။ ရာနှုန်းပြည့်မပြင်ဆင်နိုင်ဘူး ဆိုရင်တောင် အဆင့်တစ်ဆင့်ရှေ့ ကိုရောက်သွားပြီး ရှေ့ဆက်ပြင် ဆင်လွယ်တဲ့ အနေအထားတစ်ခု ကို ဖန်တီးနိုင်မယ်ဆိုတာကို မမေ့ အပ်ပါဘူး။

မြန်မာ့နိုင်ငံရေးကို အတွေး အခေါ် ပြတ်ပြတ်သားသားနဲ့၊ အမြင်ရှင်းရှင်းလင်းလင်းနဲ့ သဘောတရားနဲ့ ကိုက်ကိုက်၊ လက်တွေ့ ကျကျချဉ်းကပ်မှ အဖြေမှန်ကိုရ နိုင်ပါကြောင်း တင်ပြလိုက်ရပါ တယ်။။

(ဆောင်းပါးရှင် ခိုင်ကြည်သစ် သည် နိုင်ငံရေး၊ ကျန်းမာရေးနှင့် မျက်မှောက် ရေးရာဆောင်းပါး များ ရေးသားနေသူဖြစ်သည်။)

Top News