ဒုတိယတန်း သင်ရိုးညွှန်းတမ်းသစ်အကြောင်း တွေ့ဆုံမေးမြန်းခြင်း

‘‘သင်ရိုးသစ်ဟာ ကလေးတွေကို အရမ်းပင်ပန်းစေတာမျိုးမလုပ်ဘဲ ကျူရှင်လွတ်လုပ်ထားတာဖြစ်တဲ့အတွက် ဖြစ်နိုင်မယ်ဆိုရင်တော့ မိဘတွေအနေနဲ့ တအားစိတ်ပူပန်ပြီး ကျူရှင်ပို့တာမျိုး မလုပ်စေချင်ပါဘူး’’
ဒေါ်ဝင်းဝင်းအောင် (ဓာတ်ပုံ-နစ်ကီ)

ဇွန်လ ၁ ရက်ကျောင်းဖွင့်ချိန်တွင် ဒုတိယတန်း (Grade-2) ကို သင်ရိုးညွှန်းတမ်းအသစ်များဖြင့် စတင်သင်ကြားတော့မည်ဖြစ်သည်။ ဒုတိယတန်း သင်ရိုးသစ်တွင် မြန်မာစာ၊ အင်္ဂလိပ်စာ၊ သင်္ချာ၊ သိပ္ပံ၊ လူမှုရေး၊ ကာယပညာ၊ ဘ၀တွက်တာ ကျွမ်းကျင်စရာ၊ အနုပညာ (ဂီတနှင့်ပန်းချီ)၊   စာရိတ္တနှင့် ပြည်သူ့နီတိဘာသာရပ် ကိုးခုသင်ယူရမည်ဖြစ်သည်။ ဒုတိယတန်းကျောင်းသား၊ ကျောင်းသူများ သင်ကြားရမည့် သိပ္ပံ၊ ကာယပညာ၊ စာရိတ္တနှင့်  ပြည်သူ့နီတိ၊ ဘ၀တွက်တာကျွမ်းကျင်စရာ ဘာသာရပ်များနှင့်ပတ်သက်ပြီး သိရှိစေရန် တွေ့ဆုံမေးမြန်းထားချက်များကို ဖော်ပြလိုက်ပါသည်။

ဒေါ်ဝင်းဝင်းအောင်

(မူလတန်းသင်ရိုးသစ် ဘ၀တွက် တာကျွမ်းကျင်စရာ ဘာသာရပ် ရေးဆွဲရေးအဖွဲ့)

ဒုတိယတန်း သင်ရိုးသစ် ဘ၀ တွက်တာကျွမ်းကျင်စရာ ဘာသာ ရပ်မှာ ဘယ်လိုသင်ခန်းစာတွေ ထည့်ထားပါသလဲ။

ကလေးရဲ့ နေ့စဉ်ဘ၀မှာ ကြုံတွေ့နေတဲ့ ကိစ္စတွေကို ဘယ် လိုဖြေရှင်းမလဲဆိုတာ လက် တွေ့အသုံးဝင်တဲ့ အကြောင်းအ ရာကိုထည့်ထားတယ်။ အခုခေတ် နဲ့ ဆီလျော်အောင်အသုံးဝင်မယ့် အကြောင်းအရာတွေ ပိုပါလာ မယ်။ ဥပမာ- မူလတန်းကလေး တွေကို သူစိမ်းအန္တရာယ်ဆိုပြီး တခြားမသိတဲ့သူ  နောက်မလိုက် သွားရဘူးဆိုတာမျိုး သင်တယ်။ အခုဆိုဒါတွေက ပိုဖြစ်လာတော့ သင်ရိုးသစ်မှာဆို  သူစိမ်းတစ် ယောက်ကခေါ်ရင် ဘယ်လိုငြင်းရ မလဲဆိုတာမျိုးကအစ ထပ်ထည့် ပေးထားတယ်။ နောက်ထပ် ဇောင်းပေးပြီး ထည့်ထားတာက သဘာဝဘေးအန္တရာယ်နဲ့ ပတ် သက်ပြီးတော့ပေါ့။ အရင်ကဆို ဒီမှာက သဘာဝဘေးအန္တရာယ် ဆိုရေကြီးတာလောက်ပဲရှိခဲ့တာ။ အခုနောက်ပိုင်းကျတော့  သဘာဝ ဘေးအန္တရာယ်က နေရာတိုင်းမှာ ရင်ဆိုင်နေရတယ်။ ဘယ်လိုမှ ရေမကြီးနိုင်လောက်ဘူးဆိုတဲ့ ဒေသတွေမှာတောင် ဖြစ်နေတော့ ကလေးတွေကို သဘာဝဘေးအန္တရာယ်နဲ့ ပတ်သက်ပြီးတော့ ပို ပြီးတော့ ထည့်ထားတယ်။ ငလျင်၊ ရေကြီးတာ၊ မိုးကြိုးပစ်တာတို့ ကြုံလာရင် ဘယ်လိုကာကွယ်မလဲဆို တာထည့်တယ်။ အတန်းအဆင့် အလိုက်ပေါ့။ Grade -1 မှာဆို အိမ်မှာရှိနေတဲ့အချိန် ဘယ်လို ကာကွယ်မလဲဆိုတာမျိုး အိမ်ကို အခြေပြုပြီး ထည့်ပေးထားတယ်။ Grade -2 မှာဆို ကျောင်းကို အခြေပြုပြီးတော့ ပိုပြီးတော့ နယ် ပယ်ချဲ့လိုက်တာမျိုးပေါ့။

ဒီဘာသာရပ်ကနေ ကလေးတွေ အတွက်ဘယ်လိုကျွမ်းကျင်မှုတွေ ရသွားနိုင်လဲ။

သူတို့ရဲ့ဘ၀မှာ တကယ် ကြုံတွေ့ရမယ့် အကြောင်းအရာ တွေကို ပြောပြပေးထားတယ်။ ‘‘မင်းသာဆို ဘယ်လိုလုပ်မလဲ၊ မင်းကောကြုံတွေ့ခဲ့ဖူးလား’’  စသ ဖြင့် မေးပြီးသူတို့ရဲ့စိတ်၊ အတွေး အခေါ်ကိုပဲပိုပြီး ဦးစားပေးထား တဲ့သင်ကြားနည်းမျိုးဖြစ်တဲ့အ တွက် ကလေးဟာ စဉ်းစားတွေး ခေါ်ရတာကို ပိုပြီးတော့ ကျင့်သား  ရလာစေတယ်။

ဒီဘာသာရပ်ကို အရင်ကလည်း ပြဋ္ဌာန်းထားပေးမယ့် ထိထိရောက် ရောက်မသင်ခဲ့ရဘူး။ အခုသင် ရိုးသစ်မှာကော ဒါတွေကို စနစ် တကျသင်ဖို့ ဘယ်လိုအကြံပြုချင် လဲ။

စာမေးပွဲစစ်တဲ့ ဘာသာရပ်မ ဟုတ်တဲ့အတွက် သင်ရတာအချိန်  ကုန်တယ်လို့ ယူဆတာတွေရှိခဲ့ တယ်။ ဒီဘာသာရပ်ကို အသင်ခံ ရတဲ့ ကလေးနဲ့၊ အသင်မခံရတဲ့ ကလေးဟာ သိသိသာသာကွာပါ တယ်။ ဒါပေမဲ့ ဒီဘာသာရပ်က လက်တွေ့ဘ၀မှာ ရင်ဆိုင်နေရတဲ့ အခက်အခဲကို ကျွမ်းကျင်မှုနဲ့  ဘယ်လိုဖြေရှင်းမလဲဆိုတာပေးတဲ့ အတွက် ဆရာ၊ ဆရာမတွေအနေ နဲ့ ခံယူချက်ကောင်းနဲ့ ကလေးဆီ ကို ထိထိရောက်ရောက်ရောက် သွားအောင်သင်ပေးဖို့ပြောချင်ပါ တယ်။


ဒေါက်တာ ကေသီမော် (ကတိက၊ သိပ္ပံသင်ပြနည်းဌာန) (ဓာတ်ပုံ − နစ်ကီ)

ဒေါက်တာကေသီမော်

ကထိက၊ သိပ္ပံသင်ပြနည်းဌာန၊ တောင်ငူပညာရေးကောလိပ်

(မူလတန်းသင်ရိုးသစ် သိပ္ပံရေးဆွဲ ရေးအဖွဲ့)

ဒုတိယတန်းသိပ္ပံသင်ရိုးဟောင်းနဲ့ သင်ရိုးသစ်က ဘာကွာခြားသွား မလဲ။

သင်ရိုးသစ်တွေမှာသိပ္ပံအသိ သညာတစ်ခုတည်း ပေးမှာမဟုတ် ဘူး။ သိပ္ပံဆိုင်ရာကျွမ်းကျင်မှုပါ ပေးတာ။ သိပ္ပံအသိသညာကို ပေး ဖို့အတွက်  ကလေးဟာလက်တွေ့ လုပ်ကြည့် ရမယ်။ ပထမတန်းမှာ စပေးတဲ့ ကျွမ်းကျင်မှုကစူးစမ်း လေ့လာခြင်း(Observation Skill) ဖြစ်ပါတယ်။ ဥပမာ-မာလကာ ရွက်ကို သူကြည့်လာတယ်ဆိုရင် အဲဒီမာလကာရွက်ဟာ အနံ့မွှေး တယ်၊ ဘယ်လိုအရောင်ရှိတယ် စသဖြင့်သူကြည့်လာတဲ့ အရွက် ရဲ့အဆင်း၊ အနံ့ကိုသူ့ရဲ့အာရုံငါး ပါးနဲ့ဖော်ထုတ်နိုင်ရမယ်။ အဲဒီ အလေ့အကျင့်ကို ပထမတန်းမှာ စပေးတယ်။ အဲဒါကိုသိပ္ပံဆိုင်ရာ ကျွမ်းကျင်မှု (Science Process Skill) လို့ခေါ်တယ်။ ဒုတိယတန်း မှာ နှိုင်းယှဉ်ခြင်းဆိုတဲ့ (Com- paring Skill)  ကိုပေးမှာ။ ပထမ တန်းမှာ တစ်နှစ်လုံးသူလက်တွေ့ လုပ်ခဲ့ရတဲ့ (Observation Skill) ကလည်းအဲဒီအချိန်မှာ တစ်ခါ တည်းပူးတွဲပါလာမယ်။ ဒုတိယ တန်းမှာ အဲဒီ Skill နှစ်ခုရလာပြီး တတိယတန်း ရောက်သွားရင် နောက်ထပ် သိပ္ပံဆိုင်ရာကျွမ်းကျင် မှုတစ်ခု ထပ်ထည့်သွားမယ်။ မူလတန်းပြီးသည်အထိ သိပ္ပံအသိ သညာရော၊ သိပ္ပံဆိုင်ရာကျွမ်း ကျင်မှုကိုရော တစ်တန်းပြီးတစ် တန်း ချဲ့ချဲ့ပြီးပေးသွားမှာပါ။

ဒုတိယတန်းသိပ္ပံသင်ရိုးသစ်ဟာ ကလေးတွေအပေါ်ဘယ်လိုအ ကျိုးသက်ရောက်မှုရှိမလဲ။

အကျိုးသက်ရောက်မှုက တော့ အများကြီးရှိတယ်။ သိပ္ပံ အသိတွေကို အလွတ်ကျက်ပြီး တော့မှတ်ပြီးဖြေရတာမျိုး မဟုတ် ဘူး။ ကလေးတွေ ကိုယ်တိုင်လုပ် ရတဲ့ သင်ခန်းစာလေးတွေလည်း  အများကြီးပါလာတယ်။ အရင်လို ကျောက်သင်ပုန်းမှာ ရေးထားတဲ့ စာကို ပြန်ကူး၊ ကျက်လာ၊ နောက် နေ့ပြန်ဖြေဆိုတာမျိုးမဟုတ်တော့ ဘူး။ အခုဖတ်စာအုပ်မှာက လုပ် ငန်းလေးတွေနဲ့ လုပ်ထားတဲ့အ တွက်ကြောင့် ကလေးတွေဟာအ ချိန်မရွေးသိပ္ပံ Concept ကိုခေါင်း ထဲမှာစွဲမြဲသွားပါတယ်။

သင်ကြားနည်းကကော ပြောင်းလဲ သွားမလား။

သိပ္ပံသင်နည်း နှစ်နည်းရှိ တယ်။ ပထမတစ်မျိုးက သီအိုရီ ကိုအရင်ချပြပြီးတော့ လက်တွေ့ လုပ်တာရှိတယ်။ နောက်တစ်မျိုး  ကလက်တွေ့လုပ်ပြီးမှ အဲဒီလက် တွေ့ လုပ်ရတဲ့အပေါ်မှာ သူသိ လာတဲ့အချက်တွေကို ပြန်ပြီးချုပ် ဆိုလိုကတော့ သီအိုရီဖြစ်သွား တာ။ သင်ရိုးသစ်မှာက လက်တွေ့ လုပ်ပြီး သီအိုရီကို သွားမှာ။ ဒါက နိုင်ငံတကာမှာ အခုပြောင်းလဲအ သုံးပြုနေတဲ့ သိပ္ပံသင်နည်းစတိုင်  ပဲ။

ကလေးက အဲဒီလို လက်တွေ့လုပ် ရုံနဲ့ တကယ်တက်သွားမလား ။သူ တို့တတ်မြောက်မှုကို ဘယ်လို စစ် မလဲ။

ဘယ်လောက်မှတ်မိမလဲ၊ ဘယ်လောက်နားလည်သွားလဲ၊ ဘယ်လောက်အသုံးချနိုင်လည်း ဆိုတာတွေကို ပြန်စစ်ဆေးမယ်။  တော်၊ သင့်၊ ဆက်လက်သင်ယူရ ဦးမယ်ဆိုတဲ့ အဆင့်တွေနဲ့ ဆုံး ဖြတ်မယ်။ ကလေး တတ်၊ မ တတ်ဆိုတာစာမေးပွဲစစ်မှမဟုတ် ပါဘူး။ ကလေးဟာ သူ့အတန်းထဲ မှာ ပုံမှန်လုပ်သွားတဲ့ လုပ်ငန်း လေးတွေရဲ့ မှတ်တမ်းရှိနေမယ်။ သူရလား၊ မရလားဆိုတာ သူ့ကို သင်တဲ့ဆရာမက အသိဆုံးပဲ။ သူ အားနည်းနေတယ်ဆိုရင်ပြန်ဖြည့် ပြီး သင်ပေးမယ်ဆိုရင်တတ်သွား မယ်။

သင်ထောက်ကူ ပစ္စည်းတွေက ကော ဘယ်လိုပစ္စည်းတွေသုံးမ လဲ။

Grade-2မှာဆို လက်ကိုင် မှန်ဘီလူးလေးတွေ ပညာရေးဝန် ကြီးဌာနက ပံ့ပိုးပေးဖို့ ပြောထားပါ တယ်။ လက်တွေ့လုပ်ဖို့ကျောင်း တွေ အနီးအနားမှာ တခြားပစ္စည်း တွေကတော့ ရနိုင်တယ်။မှန်ဘီ လူးကတော့ ၀ယ်ဖို့မလွယ်တာ လည်းရှိနိုင်တော့ ပံ့ပိုးဖို့ပြောထား ပါတယ်။

သင်ရိုးသစ်နဲ့ ပတ်သက်ပြီး မိဘ တွေကို အကြံပြုချင်တာများရှိ လား။

မိဘတွေက Grade-1 မှာဆို မြန်မာစာ၊ အင်္ဂလိပ်စာ၊ သင်္ချာ သုံးဘာသာကို ကျူရှင်တွေ ပို့နေ တာတွေ့ပါတယ်။ သင်ရိုးသစ်ဟာ ကလေးတွေကို အရမ်းပင်ပန်းစေ တာမျိုးမလုပ်ဘဲကျူရှင်လွတ်လုပ် ထားတာဖြစ်တဲ့အတွက် ဖြစ်နိုင် မယ်ဆိုရင်တော့ မိဘတွေအနေနဲ့ တအားစိတ်ပူပန်ပြီး ကျူရှင်ပို့တာ မျိုး မလုပ်စေချင်ပါဘူး။


ဦးသန့်မြတ်စိုး  (ဓာတ်ပုံ-နစ်ကီ)

ဦးသန့်မြတ်စိုး

မူလတန်းပြ(အထက-မြစ်ငယ်)

ဒေါ်ရီရီမြင့်

ကထိက၊ ကာယပညာဌာန၊ သင်္ဃန်းကျွန်းပညာရေးကောလိပ်

(မူလတန်းသင်ရိုးသစ်ကာယပညာရေးဆွဲရေးအဖွဲ့ဝင်)

ကာယဘာသာရပ်မှာ ဘယ်လို သင်ခန်းစာလေးတွေထည့်ထား ပါသလဲ။

ဦးသန့်မြတ်စိုး- သီဆိုလှုပ်ရှားက  စားနည်း၊ ကျန်းမာကြံ့ခိုင်လေ့ ကျင့်ခန်း၊ စုပေါင်းကစားနည်း၊ ယှဉ်ပြိုင်ကစားနည်းဆိုပြီး နယ် ပယ်လေးခုခွဲပြီး သင်ခန်းစာတွေ ကို ထည့်ရေးထားပါတယ်။ သီဆို  လှုပ်ရှားကစားနည်းလေးတွေက ကလေးတွေ ကျောင်းရောက်လာ တဲ့အခါ ပျော်ပျော်ရွှင်ရွှင် သင်ယူ  နိုင်အောင်၊ တခြားသင်ခန်းစာတွေ သင်ဖို့ Motivation ရအောင်ထည့် ထားတာပါ။ တစ်ချိန်ကို မိနစ်လေး ဆယ်နဲ့ စာသင်ချိန် တစ်ပတ်နှစ် ချိန်သင်ရပါမယ်။

အားကစားနည်းအနေနဲ့ကော ဘယ်လိုအားကစားတွေသင်ပေး မလဲ။

ဦးသန့်မြတ်စိုး- ဘောလုံးအားက စားကို ထည့်ထားတယ်။ ဒီ Grade-1၊ 2၊ 3 မှာသူတို့ကိုဘော လုံးနဲ့ ရင်းနှီးလာအောင်အခြေခံ လောက်ပဲ ထည့်ထားတယ်။ ဘော လုံးကိုင်တွယ်ပုံ၊ကန်တဲ့နည်းစနစ် ပိုင်းပဲထည့်ထားတယ်။ အရမ်း ကြီး Professional  အထိသွားတာ မဟုတ်ဘူး။ ပြေးခုန်ပစ်ဆိုလည်း အခြေခံလေးတွေပါတယ်။  ကဗျာ လေးတွေနဲ့သင်တာမျိုးပေါ့။  ပန်း ဖွားကရဲ့ အခြေခံကကွက်လေး တွေလည်း နည်းနည်းချင်းစီ ထည့် ထားပေးတယ်။

ဘယ်လိုသင်ထောက်ကူတွေသုံး သင်မလဲ။

ဦးသန့်မြတ်စိုး- Grade-1 ကစပြီး တော့ သင်ထောက်ကူသေတ္တာ လေးတွေ ပေးထားတယ်။ အဲဒီ မှာ ဘောလုံးပါတယ်။ ကြိုးခုန်ကစား နည်းအတွက်ကြိုးပါတယ်။ အ ကယ်၍ သင်ထောက်ကူဘောလုံး မရှိခဲ့ဘူးဆိုရင်တောင် သတင်းစာ  စက္ကူကိုလုံးပြီး တိပ်နဲ့ပတ်ပြီး ကလေးတွေ ကိုင်ကစားနိုင် အောင်၊ တစ်ယောက်နဲ့တစ် ယောက်လွှဲပစ်ကစားနိုင်အောင် လုပ်ပေးလို့ရတယ်။ အစားထိုး အ သုံးပြုလို့ရတယ်ဆိုတာ ဆရာ၊ ဆရာမတွေကိုအကြံပြုထားတယ်။

ကာယပညာရပ်က ကလေးတွေ အတွက်  မသင်မနေရသင်ဖို့လို လား။

ဦးသန့်မြတ်စိုး- ကလေးတွေစာ တွေသင်ရလို့ Stress တွေအရမ်း များလာရင် နိုင်ငံတော်တော်များ များမှာ အားကစားတစ်ခုခုလုပ် ခိုင်းတာတို့၊ ဂီတတို့လို ၀ါသနာပါ ရာတစ်ခုခုကို လိုက်စားခိုင်းတာတို့ လုပ်တယ်။  အဲဒီလိုဆိုရင်စာသင် ကြားရေးကိုလည်း အထောက်အ ကူပြုတယ်။


ဒေါ်ရီရီမြင့် (ဓာတ်ပုံ-နစ်ကီ)

ဒေါ်ရီရီမြင့်- တခြားဘာသာရပ် တွေသင်ဖို့ ကျန်းမာမှ ဖြစ်မှာ၊ ကျန်းမာမှ စာသင်ကြားနိုင်မယ်။ ကျန်းမာဖို့အတွက် ကာယပညာ ဘာသာရပ်က အရေးကြီးဆုံးပဲ။  စိတ်ဖိစီးမှုကို လျော့စေတယ်။ အားကစားဒါမှမဟုတ် ဂီတ၊  ပန်း ချီကို သင်ပေးလိုက်လို့ သူစိတ်ဝင် စားသွားရင် တခြားမကောင်းတဲ့ ဘက်ကို အာရုံမရောက်တော့ဘူး။  ဒါကြောင့် ကျောင်းတွေမှာ ဒါလေး တွေကို သေချာသင်ပေးနိုင်ဖို့ တာ ၀န်ရှိသူတွေက ကြိုးစားပေးသင့် တယ်။  ဒါမှ ကလေးတွေကို စာ သင်ခန်းထဲမှာပဲ ငြီးငွေ့မနေစေ မှာ။


ဒေါ်မြင့်မြင့်အေး  (ဓာတ်ပုံ-နစ်ကီ)

ဒေါ်မြင့်မြင့်အေး

ကထိက (ရန်ကင်းပညာရေးကော လိပ်)

(မူလတန်းသင်ရိုးသစ်၊ စာရိတ္တနှင့် ပြည်သူ့နီတိ ဘာသာရပ်ရေးဆွဲ ရေးအဖွဲ့)

ဒုတိယတန်းသင်ရိုးသစ်၊ စာရိတ္တ နှင့် ပြည်သူ့နီတိဘာသာရပ်မှာ ဘယ်လိုအကြောင်းအရာတွေ သင်ကြားပေးမလဲ။

လူမှုကျင့်ဝတ်၊ စည်းကမ်း၊ အခွင့်အရေးနှင့်တာဝန်၊ ငြိမ်းချမ်း စွာအတူယှဉ်တွဲနေထိုင်ခြင်းဆိုတဲ့ သင်ခန်းစာတွေကို ထည့်ထားပါ တယ်။ ငယ်ငယ်လေးကတည်းက  ပြည်သူပိုင်ပစ္စည်း၊ အများပိုင် ပစ္စည်း၊ ကျောင်းပိုင်ပစ္စည်းတွေကို ထိန်းသိမ်းတတ်အောင်၊ တန်ဖိုး ထားတတ်အောင် သင်ခန်းစာ လေးကို ထည့်ထားတယ်။

စာရိတ္တနှင့် ပြည်သူ့နီတိဘာသာ ရပ်က ကလေးတွေအတွက် ဘယ် လောက်အရေးကြီးလဲ။

ခေတ်ကလည်း တောင်းဆို နေတဲ့ ဘာသာရပ်မျိုးဖြစ်ပါတယ်။  ကလေးတွေဟာ လူကြီးမိဘတွေ ကို ရိုသေလေးစားတတ်စေဖို့၊  လူမှုကျင့်ဝတ်တွေကိုလည်း သိ အောင်၊ တာဝန်ယူတတ်တဲ့စိတ် တွေလည်း ဖြစ်အောင်၊ စည်းကမ်း  တွေလည်းလိုက်နာအောင် ဒီဘာ သာရပ်က လေ့ကျင့်ပေးနိုင်ပါ တယ်။ ဒီဘာသာရပ်ကို အစဉ်အ ဆက်သေချာသင်သွားရင် ကလေး တွေဟာ လူမှုကျင့်ဝတ်တွေရှိလာ မယ်။ စည်းကမ်းရှိလာမယ်။ တာ ၀န်ယူတတ်လာမယ်။ အချင်းချင်း  လည်းပျော်ပျော်ရွှင်ရွှင် ငြိမ်းငြိမ်း ချမ်းချမ်းနဲ့ ပူးပေါင်းနေထိုင်တတ် လာမယ်။

ကလေးတွေကို သင်ပေးတဲ့ပုံစံက ကော ဒါတွေကို အလွတ်ကျက်ခိုင်း မှာမျိုးလား။ သင်ကြားနည်းပုံစံက  ဘယ်လိုဖြစ်မလဲ။

ဆရာလမ်းညွှန်မှာဘယ်လို  သင်ရမယ်ဆိုတာ အသေးစိတ်ပါ တယ်။ ဥပမာ-အများပိုင်ပစ္စည်း ထိန်းသိမ်းတတ်စေဖို့ သင်ခန်းစာ  မှာဆို ဒီကလေးတွေကို ကိုယ်ပိုင် ပစ္စည်းကဘယ်လိုပစ္စည်းလဲ။ အ များပိုင် ပစ္စည်းကဘယ်လိုပစ္စည်း လဲခွဲခြားတတ်အောင် အရင်ပြော မယ်။ ဥပမာ- လွယ်ထားတဲ့  လွယ်အိတ်လေးက ဘယ်သူပိုင် တာလဲ၊ ကျောင်းအားကစား ကွင်းဆို ဘယ်သူပိုင်သလဲစသဖြင့်  ပြောပြပေးတယ်။ ပြီးရင်ပုံပြင် လေးတွေထည့်ထားပြီး အများပိုင် ပစ္စည်းတွေကို နှစ်သက်အောင်၊  ထိန်းသိမ်းချင်စိတ်ပေါက်လာ အောင် ပြောပြပေးတယ်။ နောက် တစ်ဆင့် အနေနဲ့အများပိုင်ပစ္စည်း တွေကိုဘာကြောင့်ထိန်းသိမ်းသင့် သလဲဆိုတာ ထပ်ပြောပေးတယ်။ ကလေး တစ်ယောက်ချင်းကို ပြဋ္ဌာန်းစာအုပ်တွေလည်း ပေး ထားပါတယ်။

အရင်ကလည်း ဒီဘာသာရပ်ရှိပေ မယ့် ကျောင်းတွေက သေချာမ သင်တာတွေရှိတော့ အရင်လိုမ ဖြစ်ဖို့ဘယ်လိုစီစဉ်ထားလဲ။

အရင်တုန်းကလည်း သင်ပေ မယ့် စာမေးပွဲရှိတဲ့ဘာသာကိုပဲဖိ ပြီးသင်ကြ၊ လူမှုရေးဘာသာရဲ့ ဘာသာခွဲလေးဖြစ်နေတာ့ နည်း နည်းအားနည်းသွားတာပေါ့။ အခု က သီးသန့်ဘာသာရပ်တစ်ခုအနေ နဲ့ခွဲပေးလိုက်တာပေါ့။ နောက်ပြီး ဒီဘာသာကို Grade-12 အထိ သင်ရမှာပါ။


ဒုတိယတန်းသင်ရိုးသစ်တွင် ဘ၀တွက်တာ ကျွမ်းကျင်စရာ ဘာသာရပ်အား သင်ကြားမည့်ပုံစံ  (ဓာတ်ပုံ-နစ်ကီ)

Top News