လမ်းခွဲကြစို့

(၁)

 စက်သုံးဆီ ဈေးနှုန်းတွေ တက်နေသည့် မော်တော်ကားနဲ့  ဆက်စပ်ပြီး အလုပ်လုပ်ရသူတွေ အတော်များများ စိတ်ဆင်းရဲနေ ကြရသည်။ နေ့စဉ်ကြားနေရသည့် ညည်းညူသံများကြောင့် စက်သုံးဆီကို အမှီပြုနေရလွန်းသည့် လူ့လောကကြီးကို မချင့်မရဲဖြစ်မိသည်။ သည်စက်သုံးဆီတွေက ကမ္ဘာ့နေရာအနှံ့အပြားက ထွက်ရှိနေသည်တော့ မဟုတ်။ စက်သုံးဆီများကို ထုတ်လုပ်သည့် ကုန်ကြမ်းဖြစ်သော ရေနံက အရှေ့အလယ်ပိုင်းဒေသကသာ အများဆုံးထွက်ရှိသည်။ ကမ္ဘာ့စက် သုံးဆီ(တစ်နည်းအားဖြင့် လောင် စာ) ဈေးကွက်ကြီး၏ ချုပ်ကိုင် ထားနိုင်သည်က အရှေ့အလယ် ပိုင်းဒေသ ဖြစ်သည်။ ထိုဒေသကို ချုပ်ကိုင်ဖို့အတွက် အင်အားကြီး နိုင်ငံတွေက ကြိုးစားကြသည်။ အရှေ့အလယ်ပိုင်းဒေသကို တစ်နည်းနည်းနှင့် ထိန်းချုပ်နိုင်လျှင်ကမ္ဘာကြီးကို ထိန်းချုပ်နိုင်ခြင်း ပင်။ သည်လိုနှင့် အရှေ့အလယ် ပိုင်းမှာစစ်မက်တွေ ကာလကြာ ရှည်ဖြစ်ပွားခဲ့သည်။ အခုလည်း စစ်ပွဲတွေက မငြိမ်သက်သေး။ နောက်လည်း ဆက်ဖြစ်လိမ့်ဦး မည်။ အရှေ့အလယ်ပိုင်းမှာ ရေနံ တွေခန်းသွားမှ ငြိမ်းချမ်းရေးရ မည့် သဘော။ ရေနံဆိုတာကလည်း သုံးမကုန်သည့် အရာမဟုတ်။ စိုက်ပျိုးလို့မရ။ မွေးမြူလို့မရ။ စက်ရုံကြီးကနေ ထုတ်လုပ်လို့ မရ။ သဘာဝသယံဇာတတစ်မျိုး ဖြစ်သည်။ ခပ်သုံးနေလို့ဖြင့် တစ် နေ့နေ့မှာ ကုန်သွားမှာ အသေအ ချာပင်။ သည်လိုဆိုလျှင် ရေနံ တွေ မရှိတော့သည့်တစ်နေ့၊ စက် သုံးဆီလောင်စာတွေ မထုတ်လုပ် နိုင်သည့် တစ်နေ့ ဘာတွေဖြစ် မည်လဲ၊ ဘယ်လိုဖြစ်မည်လဲ၊ မတွေးတတ်ခဲ့။ မချင့်မရဲဖြင့်သာ သက်ပြင်းချမိသည်။

ရေနံတွေမရှိလျှင် ဆိုသည့် အချက်ကို တွေးမိရင်းက လူ့လော ကတွင် နေရာအတော်လေးယူ လာနေသည့် ရေနံထွက်ပစ္စည်း တစ်ခုအကြောင်းကို သတိရမိ သည်။ ယင်းကားအခြားမဟုတ်။ ပလတ်စတစ်ဖြစ်သည်။ ရေနံ ထွက်ပစ္စည်းမဟုတ်သည့် ပလတ် စတစ်အမျိုးအစားတွေ ရှိလာနေပြီဖြစ်သော်လည်း ပလတ်စတစ်ဟုဆိုလိုက်လျှင် ရေနံထွက်ပစ္စည်းဖြစ်ဖို့က ရာခိုင်နှုန်းအတော်များ သည်။ ရေနံမှော်များမှ ထွက်ရှိ လာသည့် ရေနံများကို တိုက်ရိုက် အသုံးမပြုကြဘဲ ပြန်လည်သန့်စင် ကြရသည်။ ထိုသို့ သန့်စင်ခြင်းဖြင့်ရေနံဓာတ်ငွေ့ (Petrolgas)၊ ဓာတ်ဆီ (Gasoline)၊ ဒီဇယ်ဆီ(Diesel)၊ ချောဆီ(Lubricating Oil)၊ ကတ္တရာ (Bitumen)၊ နပ်ဖ်သာ (Naphtha) နှင့် ကယ် ရိုစင်း(Kerosene) အစရှိသော အစိတ်အပိုင်းများအဖြစ် ရရှိနိုင် သည်။ ပလတ်စတစ်အတော်များ များမှာ နပ်ဖ်သာကို အသုံးပြု ထုတ်လုပ်ထားခြင်း ဖြစ်သည်။ ထုတ်လုပ်လိုက်သော ရေနံစိမ်း စုစုပေါင်း၏ ၄ ရာခိုင်နှုန်းမှာ ပလတ်စတစ် ထုတ်လုပ်ရန် အ တွက် အသုံးပြုသည်။ ဆိုလိုသည် က နေ့စဉ်ဘ၀တွင် ပလတ်စတစ် ကို မှီခိုနေလွန်းခြင်းမှာလည်း သိပ်ပြီး ဟန်ကျပန်ကျ မရှိလှဟူ ၍။ ပလတ်စတစ်ကို သုံးနေခြင်းက သဘာဝသယံဇာတကို ကျောက်စိမ်းတူးသလို၊ သစ်တော ခုတ်သလို ကမ္ဘာကြီး၏ သဘာဝ သယံဇာတကို ထုတ်ယူအသုံးပြုနေခြင်းပင် ဖြစ်သည်။ တစ်ဆက်တည်းတွင် ပြန်လည်ပြည့်ဖြိုးမြဲမဟုတ်သည့် စွမ်းအင်(Non-Rene-wable Energy) ကို အသုံးပြုနေခြင်းပင်ဖြစ်သည်။ အနာဂတ်တွင်ရေနံစိမ်းရှားပါးလာမှု၊  လောင်စာဆီ ရှားပါးလာမှုတွေနှင့် အတူပလတ်စတစ် ပစ္စည်းတွေကကော မည်သို့ဖြစ်လာနိုင်မည်နည်း။ စဉ်းစားကြဖို့ လိုပါသည်။

(၂)

လှိုင်သာယာမြို့နယ်ရှိ ထိန်  ပင်အမှိုက်ပုံမီးလောင်မှု ဖြစ်ပွား ခဲ့သည်မှာ တစ်လကျော်ကျော် သာ ရှိသေးသည်မို့ အားလုံးအ မှတ်ရနေကြလိမ့်ဦးမည်။ ထိုစဉ် က သတိပြုမိခဲ့သည်မှာ အမှိုက် ပုံထဲတွင် ပလတ်စတစ်တွေ အ မြောက်မြား ရှိနေခြင်းပင်။ ကျွမ်း ကျင်သူများ၏ အဆိုအရ ပလတ် စတစ်ဆိုသည်မှာ အခြားသော အမှိုက်တွေလို ဆွေးမြည့်ပျက်စီး သွားဖို့ မလွယ်ကူ။ ပလတ်စတစ် စသည် အမျိုးအစားပေါ်မူတည် ၍ နှစ်ပေါင်း ၄၅၀ မှ နှစ်ပေါင်း ၁,၀၀၀ ကြာပြီးမှ ဆွေးမြည့်ပျောက်ကွယ်နိုင်သည်။ သည်နေ့ စွန့်ပစ်လိုက်သော ပလတ်စတစ်အမှိုက်တစ်စသည် အစောဆုံးသက္ကရာဇ် ၂,၄၆၈ ခုနှစ်ရောက်မှ ဆွေးမြည့် ပျက်စီးသွားမည်။ သက္ကရာဇ် ၃,၀၁၈ ခုနစ်ရောက်မှ ဆွေးမြည့်သွားသည်လည်း ဖြစ်နိုင်သည်။ ထိုသို့မဆွေးမြည့်မည့် ကာလအတွင်း ထိုပလတ်စတစ် အမှိုက်များက ကမ္ဘာမြေကို အကြီးအကျယ် ဒုက္ခပေးနေလိမ့်ဦးမည်။ ထိုပလတ်စတစ်တွေကို လျှော့မသုံးဘဲ အခုလက်ရှိ အတိုင်းသုံးလျှင် အနာဂတ်မျိုးဆက်အတွက် ဒုက္ခတွေ ပင်လယ်ဝေစေတော့မည်။ စာရင်းဇယားတွေအရ ရန်ကုန်မြို့ကြီးက တစ်ရက်လျှင် အမှိုက်တန်ချိန်ပေါင်း ၂,၃၈၇ ဒသမ ၁၂ တန်ထွက်နေသည်။ တစ်နှစ်လျှင်တန်ချိန်ပေါင်း ရှစ်သိန်းခုနစ်သောင်းကျော် ထွက်ရှိမည်။ ထိုအထဲတွင် ပလတ်စတစ်အမှိုက်အများအပြား ပါဝင်နေသည်။ နှစ်တွေ ကြာလာသည်နှင့်အမျှ  လူဦးရေက တိုးတက်လာနေဦးမည်။ တိုးလာသည့် လူဦးရေကလည်း ပလတ်စတစ်တွေကို အသုံးပြုကြဦးမည်။ ထိုပလတ်စတစ်အမှိုက်များက ကွယ်ပျောက်သွားဖို့ရာ နှစ်ပေါင်း ၄,၅၀၁,၀၀၀ ကြာသည်ဆိုတော့ အနာဂတ်အတွက်က မတွေးဝံ့စရာ။ ဒါက ရန်ကုန်တစ်မြို့တည်းအတွက် စဉ်းစားကြည့်မိတာ ဖြစ်သည်။ ကျန်သည့်မြို့ရွာတွေပါ ထည့်ပေါင်းလိုက်လျှင် ကမ္ဘာကြီး တစ်ခုလုံးအတွက် စဉ်းစားကြည့်လိုက်လျှင် ကျောချမ်းစရာကောင်းလှသည်။

ပလတ်စတစ်တွေ မြေကြီး ထဲမှာ ရောက်ရှိနေသဖြင့် သီးပင် စားပင် စိုက်ပျိုးရေးတွင် အနှောင့် အယှက် ဖြစ်ရသည်ကိုလည်း မြန်မာ့စိုက်ပျိုးရေးသမားများပင် ကြုံတွေ့ဖူးပေလိမ့်မည်။ ပလတ်စတစ်အမှိုက်များ စားသုံးပြီး တိရစ္ဆာန်များ သေဆုံးမှုတွေလည်းရှိတတ်သေးသည်။

ပလတ်စတစ်တွေကို ရေနံ ထွက်ပစ္စည်းကုန်ကြမ်းတွေ အ သုံးပြုကာ ထုတ်လုပ်သည်ဟု ဆို ခဲ့သည်။ ရေနံထွက်ပစ္စည်းတွေက အကြမ်းဖျင်းအားဖြင့် ကာဗွန်နှင့် ဟိုက်ဒရိုဂျင်ပေါင်းစပ် ပါဝင်သည်။ထို့ကြောင့် ပလတ်စတစ်က ထုတ်လွှတ်သည့် ဖန်လုံအိမ်အာနိသင်ကလည်း ကြီးမားသည်။ ယေဘုယျ တွက်ချက်မှုအဖြစ် ပိုလီအီသလင်းပလတ်စတစ် ၁ ကီလိုဂရမ် (၆၂ ကျပ်ခွဲသားခန့်) အသုံးပြုတိုင်းကမ္ဘာမြေကြီးကို ပူနွေးစေသည့် ကာဗွန်ဒိုင်အောက်ဆိုက် ၆ ကီလိုဂရမ် ထုတ်လွှတ်သည်နှင့် ညီမျှသည်ဟု ဆိုသည်။ ပလတ်စတစ်များကို ပြန် လည်အသုံးပြုသည့် (Recycle) လမ်းစဉ်ကိုအသုံးပြုရန် အကြံပြု ကြသော်လည်း တကယ့်လက် တွေ့တွင် အသုံးပြုလျက်ရှိနေသည့် ပလတ်စတစ်များ၏ ရာခိုင်နှုန်းအ နည်းငယ်ကိုသာ Recycle ပြုလုပ်နိုင်ကြသည်။ တိုးတက်ခေတ်မီလှပါသည်ဆိုသည့် အမေရိကန် နိုင်ငံတွင်ပင် ၂၀၁၄ ခုနှစ်အတွင်း စည်ပင်သာယာဌာနက စုဆောင်း ခဲ့သည့် ပလတ်စတစ်အမှိုက်အား လုံး၏ ၉ ဒသမ ၅ ရာခိုင်နှုန်းကိုသာ Recycle ပြုလုပ်နိုင်ခဲ့သည်ဟု အ မေရိကန်ပြည်ထောင်စု ပတ်ဝန်း ကျင် ထိန်းသိမ်းရေး အေဂျင်စီ (EPA) က ဆိုသည်။

 ပလတ်စတစ်ဖြင့် ထုပ်ပိုး ထားသော အစားအသောက်များ ထဲတွင် BPA ဟုခေါ်သော Bisphenol-A ဓာတုပစ္စည်းများ ပလတ်စတစ်မှတစ်ဆင့် ရောက်ရှိ နိုင်သည်။ ယင်းက ခန္ဓာကိုယ်အ တွင်းရှိ စစ်ထုတ်ရည် (ဟော်မုန်း) များ ထွက်ရှိမှုကို အနှောင့်အ ယှက်ပေးသလို ရင်သားကင်ဆာ၊ ဆီးကျိတ်ကင်ဆာများ ဖြစ်စေနိုင် သည်ဟု ဆိုသည်။ အ၀လွန်ရော ဂါနှင့် ဆက်စပ်မှုလည်း ရှိသည် ဟု မှတ်သားရသည်။ ပလတ်စ တစ်ကို ကြုံ့လွယ်၊ ပွလွယ် (Flexible) ဖြစ်အောင် ထည့်သွင်း ထုတ်လုပ်ကြသည့် ဓာတုပစ္စည်းတစ်ခု ရှိသေးသည်။ Phthalates များဖြစ်သည်။ ကလေးကစားစရာ အရုပ်များ၊ ရေချိုးခန်းလိုက်ကာများ ပြုလုပ်ရာတွင် အသုံးပြုလေ့ရှိသည်။ လူ့ခန္ဓာကိုယ်ထဲသို့ ရောက်နိုင်သည့် နည်းလမ်းများမှာ တစ်ခါသုံး ပလတ်စတစ် ပန်းကန်ခွက်ယောက်များနှင့် အစားအသောက်တို့ကို ထုပ်ပိုးသည့် ပလတ်စတစ်များမှတစ်ဆင့် ဖြစ်သည်။ ယင်းသည်လည်း ဟော်မုန်းထွက်ရှိမှုကို ကပြောင်းကပြန်ဖြစ်စေသည်။ ကလေးငယ်များတွင် ရင်ကျပ်ပန်းနာဖြစ်စေသလို သန္ဓေသားကာလအတွင်း ယင်းဓာတုပစ္စည်းနှင့် ထိတွေ့ပါက ကလေးငယ် ဉာဏ်ရည်ဖွံ့ဖြိုးမှုကို ထိခိုက်စေသည်။ ကလေးငယ်များတွင် ADHD ဟုခေါ်သော ဦးနှောက်အာရုံကြောဆိုင်ရာ မဖွံ့ဖြိုးမှုကြောင့် ဖြစ်ပေါ်သည့် စိတ်ပိုင်းဆိုင်ရာ ပြဿနာများ ဖြစ်ပေါ်လာနိုင်သည်ဟု သုတေသနများက ဆိုသည်။ ထို့ပြင်မြုံခြင်းကိုလည်း ဖြစ်ပေါ်စေနိုင်သည်။ Styrene ဓာတုပစ္စည်းကိုမူ ပလတ်စတစ်တစ်မျိုး ဖြစ်သည့် ဖော့ဘူးများတွင်တွေ့ရနိုင်သည်။ဖော့ဘူးများအပူနှင့် ထိတွေ့သည့် အခါ ထွက်ပေါ်လာသည့် ဓာတု ပစ္စည်းဖြစ်သည်။ အသက်ရှူလမ်း ကြောင်းပြဿနာ၊ အကြားအာရုံ ချို့တဲ့ခြင်းနှင့် ကင်ဆာရောဂါများ ကို ဖိတ်ခေါ်နေသော ဓာတုပစ္စည်း တစ်ခု ဖြစ်သည်။

ပလတ်စတစ်တွေက ကုန်း မြေပေါ်မှာတင် ဒုက္ခပေးသည် မဟုတ်။ ပင်လယ်သမုဒ္ဒရာများထဲ ထိ အရောက် ဒုက္ခပေးသည်။ Au-stralian Marine Conservation Society က ကမ္ဘာ့ပင်လယ် သမုဒ္ဒရာများအတွင်း ပလတ်စတစ် တန်ချိန်ပေါင်း ၂၆၈,၉၄၀ ကျော်မျောပါနေသည်ဟု ခန့်မှန်းထားသည်။ သည်ပမာဏက ဝေလငါး (Blue Whales) အကောင် ၁,၃၀၀ ၏ အလေးချိန်နှင့် ညီမျှသည်။ ကမ်းရိုးတန်းများနှင့် ပင်လယ်ထဲရှိ ပလတ်စတစ်အမှိုက်အားလုံး၏ ၈၀ ရာခိုင်နှုန်းမှာ ကုန်းမြေပေါ်မှရောက်ရှိလာ ခြင်းဖြစ်သည်။ ရေစီးနှင့် လည်းကောင်း၊ လေကြမ်းနှင့် လည်းကောင်း ရောက်ရှိလာတတ်သလို လူတွေက ပစ်ချခြင်းကြောင့်လည်း ရောက်ရှိလာတတ်သည်။ လက်ရှိအခြေအနေတွင် ပစိဖိတ်သမုဒ္ဒရာအတွင်း ငါးစာအပင်မွှား၊ အကောင်မွှား (Plankton) နေရာတွင် ပလတ်စတစ်တွေရောက် လာနေသည်။ သည်အတိုင်းဆက် သွားလျှင် ၂၀၅၀ ခုနှစ်အရောက် တွင် ပစိဖိတ်သမုဒ္ဒရာထဲတွင် ငါးထက် ပလတ်စတစ်အမှိုက်က ပိုများနေတော့မည်ဟု ဆိုသည်။ ပလတ်စတစ်ကြောင့် သေဆုံးရသည့် ရေနေသတ္တ၀ါများမှာလည်း မနည်းလှပေ။

(၃)

ယခုနှစ်အတွက် ကမ္ဘာ့ပတ် ၀န်းကျင် ထိန်းသိမ်းရေးနေ့ (World Environment Day 2018) ကို ဇွန်လ ၅ ရက်တွင် ကျင်းပကြမည်ဖြစ်သည်။ ၁၉၇၄ ခုနစ်ကတည်းက နှစ်စဉ်ကျင်းပ လာခဲ့သည့် ကမ္ဘာ့ပတ်ဝန်းကျင် ထိန်းသိမ်းရေးနေ့တွေမှာ ဆောင် ပုဒ်တစ်ခု သတ်မှတ်ကာ ကျင်းပ မြဲဖြစ်သည်။ ၂၀၁၈ ခုနှစ် ကမ္ဘာ့ ပတ်ဝန်းကျင်ထိန်းသိမ်းရေးနေ့အ တွက် ဆောင်ပုဒ်မှာ ‘ပလတ်စ တစ် ညစ်ညမ်းမှုကို တိုက်ဖျက် ကြစို့ (Beat Plastic Pollution)’ ဟူ၍ ဖြစ်သည်။ ပြည်တွင်းတွင် လည်း NGO အချို့က ပလတ်စတစ် ကင်းစင်ရေး လှုပ်ရှားမှုများ ဆောင်ရွက်နေသည်ကို တွေ့ရ သည်။ တစ်ဦးချင်း၊ တစ်ယောက် ချင်းစီက ပလတ်စတစ်တွေကို တတ်နိုင်သမျှ လျှော့သုံးဖို့ လိုအပ် ပါသည်။ Reduce ဟုဆိုကြပါ သည်။ မသုံးမဖြစ်သုံးရမည်ဆို လျှင်လည်း အကြိမ်ကြိမ် ပြန် လည်အသုံးပြုနိုင်သည့် ပလတ် စတစ်များကိုသာ အသုံးပြုစေလို ပါသည်။ Reuse လုပ်ရပါမည်။ နိုင်ငံတော်အပိုင်းကလည်း ပလတ်စတစ်များကို အခြားတစ်နည်းဖြင့် ပြန်လည်အသုံးချနိုင်ရေးနည်း ပညာပိုင်း ပံ့ပိုးမှုများဆောင်ရွက် သင့်သလို တီထွင်ဆန်းသစ်မှုများ ကို အားပေးရန် လိုအပ်ပါသည်။ Recycle ကို မြှင့်တင်ဖို့ ဖြစ်ပါ သည်။

သံယောဇဉ်မည်မျှ ခိုင်မာ တွယ်ငြိသည်ဖြစ်စေ မိမိအပေါ် သာမက သူတစ်ပါးအပေါ်၊ လောကအပေါ် ဒုက္ခပေးသူတစ် ယောက်ဖြစ်သည်ဆိုသည်ကို သိ ရလျှင် ထိုသူနှင့် မဆိုင်းမတွဘဲ လမ်းခွဲပစ်ဖို့ လိုပါသည်။ ပလတ်စတစ်က နေ့စဉ်ဘ၀အတွက် အ ရေးကြီးသလို မှီတွယ်အားကိုး စရာ ဖြစ်နေသည့်တိုင် မိမိကိုယ် တိုင်ရော၊ နောင်မျိုးဆက်များကို ရော လောကကြီးကိုပါ ဒုက္ခပေး နေသည်မို့ အမြန်ဆုံးလမ်းခွဲကြ ဖို့ လိုပါသည်။ ဒီနေ့ပဲ ပြတ်ပြတ် သားသား ဆုံးဖြတ်ချက် ချလိုက် ပါ။ လမ်းခွဲကြစို့ဟူ၍။   ။

(ဆောင်းပါးရှင် ခိုင်ကြည်သစ် သည် နိုင်ငံရေး၊ ကျန်းမာရေးနှင့် မျက်မှောက်ရေးရာဆောင်းပါး များ ရေးသားနေသူဖြစ်သည်။)

Top News