တနိုင်းမြို့ရှိ စစ်ရှောင်များကို အစိုးရက ဆန်အိတ်နှင့် စားနပ်ရိက္ခာများ ထောက်ပံ့

တနိုင်းမြို့ပေါ်ရှိ စစ်ရှောင်စခန်းတစ်ခုကို တွေ့ရစဉ် (ဓာတ်ပုံ − Kachin State Government Office)

ကချင်ပြည်နယ် တနိုင်း မြို့ရှိ စစ်ရှောင်များကို ဆန်အိတ် သုံးရာကျော်အပါအ၀င် စားနပ် ရိက္ခာများကို ပြည်နယ်အစိုးရနှင့် လူကယ်ပြန် ၀န်ကြီးဌာနက ထောက်ပံ့ခဲ့ကြောင်း ကချင်ပြည် နယ်အစိုးရက သတင်းထုတ်ပြန် သည်။ 


ပြည်နယ်ဝန်ကြီးချုပ်၏ ဇနီး ဒေါက်တာဂျေကော့ဘူ၊ ပြည် နယ်လူမှုရေးဝန်ကြီး ဒေါက်တာ သင်းလွင်တို့ ပါဝင်သည့်အဖွဲ့ သည်ဇွန်လ ၂ ရက်တွင် စစ်ရှောင် များနေထိုင်သော တနိုင်းမြို့ရှိ ကက်သလစ်ဘုရားကျောင်းနှင့် တနိုင်းနှစ်ခြင်းခရစ် ယာန် (KBC) သို့သွားရောက်ခဲ့ သည်။ 

ကက်သလစ်ဘုရားကျောင်း ရှိ စစ်ရှောင်များကို ပြည်နယ် အစိုးရအဖွဲ့က ဆန်အိတ် ၁၁၀ ကျော်၊ လူမှုဝန်ထမ်း၊ ကယ်ဆယ် ရေးနှင့် ပြန်လည်နေရာချထားရေး ၀န်ကြီးဌာန၊ ပြည်နယ်ဘေး အန္တရာယ်စီမံခန့်ခွဲမှုဦးစီးဌာနက ဆန်အိတ် ၁၂၀ ကျော် ထောက်ပံ့ ခဲ့သည်။ ထို့အပြင် တနိုင်း KBC ကျောင်းဝင်းရှိ စစ်ရှောင်များအား ပြည်နယ်အစိုးရအဖွဲ့က ဆန် အိတ် ၁၂၀  ကျော်ထောက်ပံ့ခဲ့ သည်။ ထို့အပြင် ဆီ၊ ဆား၊ ဆေး ၀ါးနှင့် ကျောင်းသား၊ကျောင်းသူ များအတွက် ဗလာစာအုပ်များ လည်း ပါဝင်သည်။ 

တပ်မတော်နှင့် ကချင်လက် နက်ကိုင်အဖွဲ့ (KIA) တို့အကြား တိုက်ပွဲများကြောင့် တနိုင်းမြို့သို့ စစ်ဘေး တိမ်းရှောင်နေရသည့်  ဒေသခံ တစ်ထောင်ကျော် ရှိ ကြောင်း တနိုင်းပြည်သူ့လွှတ် တော်ကိုယ်စားလှယ် ဦးလင်း လင်းဦးက ပြောသည်။ 

သို့ရာတွင် တနိုင်းမြို့သို့ ရောက်ရှိနေသည့် စစ်ရှောင်များ အနေဖြင့် တရားဝင်စစ်ဘေးဒုက္ခ သည်စခန်း ဖွင့်လှစ်ခွင့်မရ၍ နေ ထိုင်ရေးအခက်အခဲဖြစ်နေပြီး အ ကူအညီရရှိမှု နည်းပါးကြောင်း ၎င်းကဆိုသည်။ ထို့ကြောင့်တနိုင်း ၌ စစ်ရှောင်စခန်းများ တရားဝင် ဖွင့်ခွင့်ပြုရန် ဦးလင်းလင်းဦးက မေလ ၂၂ ရက်တွင် နိုင်ငံတော် သမ္မတထံ စာဖြင့် တင်ပြတောင်း ဆိုခဲ့သည်။ 

တနိုင်းမြို့နယ်ရှိ ကျေးရွာ ခြောက်ရွာမှ ဒေသခံများသည် မြို့ပေါ်ရှိ ခရစ်ယာန်အသင်း တော်များ အစီအစဉ်ဖြင့်သာ နေ ထိုင်နေရ၍ စားဝတ်နေရေး၊ ပညာရေး၊ လူမှုဘ၀လုံခြုံရေး အခက်အခဲများ ကြီးမားစွာရင် ဆိုင်နေရကြောင်း၊ ထို့ကြောင့် တ ရားဝင် စစ်ရှောင်စခန်းများ အမြန် ဆုံး ဆောင်ရွက်ပေးရန်တောင်းဆို ကြောင်း ယင်းစာတွင်ပါရှိသည်။ အဆိုပါ စာကို ကချင်ပြည်နယ် အစိုးရအဖွဲ့ထံသို့ မိတ္တူပေးပို့ခဲ့ သည်။

More in Politics Section