ဗီတာမင်ဒီနှင့် ကိုယ်ဝန်ပျက်ကျနိုင်ခြေ နည်းပါးခြင်း ဆက်စပ်မှုရှိ

ယခင်က ကိုယ်ဝန်ပျက်ကျဖူးသူ အမျိုးသမီးများသည် ဗီတာမင်ဒီ ဓာတ် လုံလောက်စွာရရှိပါက ထပ်မံ၍ ကိုယ်ဝန်ရရှိပြီး ကလေးရနိုင်ခြေ ပိုများသည်ဟု သုတေသနအသစ်တစ်ရပ်ကဖော်ပြသည်။

‘‘ဗီတာမင်ဒီဟာ ကိုယ်ဝန်ဆောင်မှုမှာ အကာအကွယ်ပေးတဲ့ ကဏ္ဍက ပါဝင်နေတယ်လို့ ကျွန်တော်တို့ တွေ့ရှိချက်တွေက ဖော်ပြနေပါတယ်’’ဟု ကလေးကျန်းမာရေးနှင့် လူသားဖွံ့ဖြိုးတိုးတက်မှု အမေရိကန်အမျိုးသားအင်စတီကျုဒ် Epidemiology ဌာန သုတေ သနမှူး ဆွန်နီမန်းဖို့ဒ်က ပြောကြားသည်။


ယခင်လေ့လာမှုများတွင်လည်း ဗီတာမင်ဒီဓာတ်မြင့်မားစွာ ရရှိထားသော အမျိုးသမီးများကြား၌ ဖန်ပြွန်သန္ဓေသားရယူမှု ပိုမိုအောင်မြင်သည်ဟု အမေရိကန်အမျိုးသားကျန်းမာရေးအင်စတီ ကျုဒ်၏ သတင်းထုတ်ပြန်ချက်တွင် ဖော်ပြသည်။

သို့သော် မျိုးဆက်ပွားကျန်းမာရေး နည်းပညာအကူအညီရယူသူများကြားတွင် ဗီတာမင်ဒီနှင့် ကိုယ်ဝန်ရရှိမှုနှုန်း၊ ဆုံးရှုံးမှုနှုန်း၌ ဆက်စပ်မှု အနည်းငယ်သာရှိသည်ဟု သုတေသီများက မှတ်ချက် ပြုသည်။

ယခုလေ့လာမှုအတွက် သုတေသီများသည် ယခင်က ကိုယ်ဝန်ပျက်ကျခဲ့သော အမျိုးသမီးများ ထပ်မံကိုယ်ဝန်မဆောင်မီ ၎င်းတို့၏ ဗီတာမင်ဒီအနည်း၊ အများကို တိုင်းတာခဲ့ကြသည်။ အမျိုးသမီးများ ကိုယ်ဝန်ရှစ်ပတ်ရှိချိန်တွင်လည်း ထပ်မံ၍ ဗီတာမင်ဒီ ပါဝင်မှုကို လေ့လာခဲ့သည်။

တိုက်ရိုက်အကျိုးဆက်ကို သက်သေမပြနိုင်သော်လည်း ဗီတာမင်ဒီ အလုံအလောက်ရရှိသော တစ်မီလီမီတာလျှင် ၃၀ နာနို ဂရမ် (ng/ML) အမျိုးသမီးများသည် ကိုယ်ဝန်ရနိုင်ခြေ ၁၀ ရာခိုင် နှုန်းပိုများပြီး ကလေးအရှင်မွေးဖွားနိုင်ခြေ ၁၅ ရာခိုင်နှုန်း ပိုမိုမြင့်မားကြောင်း သုတေသနက တွေ့ရှိခဲ့သည်။ သို့သော် ကိုယ်ဝန်ရှစ်ပတ်ရှိလာချိန်တွင် ဗီတာမင်ဒီပါဝင်မှုနှင့် ကိုယ်ဝန်ဆုံးရှုံးခြင်း ဆက် စပ်မှုမရှိတော့ဟု သုတေသီများက ပြောကြားသည်။

တွေ့ရှိချက်များကို The Lancet Diabetes Endocrinology  ဂျာနယ်တွင် ဖော်ပြထားသည်။                          

—Ref: UPI

More in News Section

Top News