ကျောင်းခေါ်ချိန်မပြည့်သူများနှင့် တတ်မြောက်မှုအားနည်းသူများအား ဇူလိုင်ကစ၍ ဖြည့်ဆည်းသင်ကြားပေးမည်

ကျောင်းခေါ်ချိန်မပြည့်သူ၊ တတ်မြောက်မှုအားနည်းသူ အခြေခံပညာ ကျောင်းသား၊ ကျောင်းသူများကို ဇူလိုင်ကစ၍ ဖြည့်ဆည်း သင်ကြားပေးမည်ဟု ပညာရေး ၀န်ကြီးဌာနက ကျောင်းအပ်နှံရေး သီတင်းပတ်ဆိုင်ရာ အသိပေး ချက်များတွင် ထည့်သွင်းကြေညာ သည်။


၂၀၁၈-၁၉ ပညာသင်နှစ် ကျောင်းအပ်နှံရေးသီတင်းပတ်ကို မေလ ၂၅ မှ ၃၁ ရက်အထိ ဆောင်ရွက်မည်ဖြစ်ပြီး ပညာရေးဝန်ထမ်းများ မိဘပြည်သူများသို့ ယခုပညာသင်နှစ်နှင့် ပတ်သက်၍ အသိပေးကြေညာချက်ကို မေလ ၂၁ ရက်က ထုတ်ပြန်ထားသည်။

စာမေးပွဲ စစ်ဆေးခြင်းကို တစ်နှစ်လုံးတွင် လေးကြိမ်သာ ဆောင်ရွက်မည့်အပြင် ကျောင်း ခေါ်ချိန် မပြည့်သူများ၊ သင်ယူ တတ်မြောက်မှု အားနည်းသော ကျောင်းသား၊ ကျောင်းသူများအ တွက် ဖြည့်ဆည်းသင်ကြားခြင်း (Remedial Education) ကို ဇူလိုင်ကစတင်၍ နှစ်ဆုံးစစ်ဆေးခြင်း မတိုင်မီအထိ စဉ်ဆက်မပြတ်ဆောင်ရွက်မည်ဟု အသိပေးထား သည်။

‘‘စာမလိုက်နိုင်တဲ့ ကလေး လိုက်နိုင်အောင်၊ ကျောင်းမကြာ ခဏပျက်တဲ့ကလေးကို စာလိုက် နိုင်အောင် ဇူလိုင်လကတည်းက ဖြည့်ဆည်းသင်ကြားပေးရမယ်။ အပတ်စဉ်မှန်မှန် Remedial (ဖြည့်ဆည်းသင်ကြားခြင်း) လုပ်ပေးရ မယ်။ ထိရောက်မှုရှိဖို့တော့ လို တယ်’’ဟု ပညာရေးဝန်ကြီးဌာန ပြည်ထောင်စုဝန်ကြီး ဒေါက်တာ မျိုးသိမ်းကြီးက မေလ ၁၇ရက်တွင် အထက (၁) မရမ်းကုန်း၌ ကျောင်းအုပ်ကြီးများနှင့်တွေ့ဆုံစဉ် ပြော ကြားသည်။

ကျောင်းဖွင့်ပြီး နှစ်လအတွင်း ကျောင်းသား၊ ကျောင်းသူများ၏ သင်ယူမှုအခြေအနေကို အကဲ ဖြတ်ကာ ၎င်းတို့အားနည်းသော ဘာသာရပ်များကို အချိန်ပိုခေါ်ယူ ကာ ဖြည့်ဆည်းသင်ကြားပေးရန် စီစဉ်ထားသည်ဟု ကျောင်းအုပ် ကြီးများက ဆိုသည်။

‘‘Remedial (ဖြည့်ဆည်းသင် ကြားခြင်း)ကို ဇူလိုင်လကတည်း က စလုပ်ရမယ်လို့ ကျောင်းအပ်နှံ ရေး ကြေညာဗီနိုင်းတွေမှာကို ထည့်ကြေညာထားတယ်။ ဖြည့်ဆည်းသင်ကြားရမယ်လို့ လမ်းမ ညွှန်လည်း ကျောင်းသားအား နည်းရင် ဆရာ၊ ဆရာမတွေက ဂရုစိုက်ပြန်သင်ပေးကြတာပါပဲ’’ ဟု ရန်ကုန်တိုင်းဒေသကြီး ဗိုလ်တ ထောင်မြို့နယ်မှ အထက်တန်း ကျောင်းအုပ်ဆရာမကြီး တစ်ဦးက ပြောသည်။

ဖြည့်ဆည်းသင်ကြားသည့် စနစ်ကို ၂၀၁၆-၁၇ ပညာသင်နှစ် က စတင်ခဲ့ပြီး အောက်တိုဘာအ တွင်း ကျင်းပသည့် နှစ်လယ်စာမေး ပွဲတွင် အားနည်းသော ဘာသာရပ် အလိုက် နိုဝင်ဘာ၊ ဒီဇင်ဘာ၊ ဇန်န၀ါရီ သုံးလအတွင်း အချိန်ပိုခေါ်ယူ ကာ ဆရာ၊ ဆရာမများက ပြန်လည်သင်ကြားပေးခဲ့သည်။ အခြေခံပညာကျောင်းများကို ဇွန်လ ၁ရက်တွင် စတင်ဖွင့်လှစ်ခဲ့သည်။

Top News