ရခိုင်စုံစမ်းစစ်ဆေးရေးကော်မရှင်တွင် နိုင်ငံတကာမှ ပုဂ္ဂိုလ်တစ်ဦးထည့်သွင်းခြင်းကို ပြန်လည်စဉ်းစားဆုံးဖြတ်ရန် ပြည်ခိုင်ဖြိုးအမတ်အရေးကြီးအဆိုတင်

ရခိုင်ပြည်နယ်အ တွက် လွတ်လပ်သော စုံစမ်းစစ် ဆေးရေးကော်မရှင်ဖွဲ့စည်းရာ တွင် နိုင်ငံတကာမှ ပုဂ္ဂိုလ်တစ်ဦးထည့်သွင်းခြင်းကို ပြန်လည်စဉ်းစားဆုံးဖြတ်ရန် အစိုးရအားတိုက်တွန်းကြောင်း ပြည်ခိုင်ဖြိုးအမတ် ဦးစိုင်းကျော်မိုးက ယမန်နေ့ ပြည်သူ့လွှတ်တော်၌ အရေးကြီးအဆို တင်သွင်းသည်။

ကော်မရှင်ဖွဲ့စည်းမည်ဆိုပါ  က ပြည်တွင်းမှ ကျွမ်းကျင်ပညာ ရှင်များဖြင့်သာ ဖွဲ့စည်းဆောင် ရွက်ရေး ပြန်လည်စဉ်းစားပေးရန် ပြည်ထောင်စုအစိုးရအားတိုက် တွန်းကြောင်း အရေးကြီးအဆို တင်သွင်းသူ မိုင်းပန်အမတ် ဦးစိုင်း
ကျော်မိုးက ပြောသည်။
  
 ‘‘နိုင်ငံတကာပုဂ္ဂိုလ်များပါ ၀င်သည့် အဖွဲ့၏ စစ်ဆေးမှုကို ခံယူပါက သူတို့ပြောသည့်အတိုင်း မ လွဲမသွေလုပ်ဆောင်ရမည်ဖြစ်သ ဖြင့် ယခုလို ပြည်ပနိုင်ငံများက ပြောဆိုတိုင်း လိုက်လုပ်ရရင် ကျွန်
တော်တို့အစိုးရရဲ့ အချုပ်အခြာ အာဏာအတွက် မေးခွန်းထုတ် စရာဖြစ်လာပါလိမ့်မယ်’’ဟု ၎င်း က ဆိုသည်။
    
အထက်ပါအရေးကြီးအဆို ကို ပြည်ခိုင်ဖြိုးပါတီကိုယ်စားပြု မင်းကင်းအမတ် ဦးမောင်မြင့်က ထောက်ခံပြီး ပြည်သူ့လွှတ်တော်၌ ကန့်ကွက်သူမရှိ၍ အဆိုကို ဇွန်လ ၈ ရက်တွင် ဆက်လက်ဆွေးနွေး မည် ဖြစ်သည်။
  
 နိုင်ငံတော်သမ္မတရုံးသည် ရခိုင်ပြည်နယ်အတွင်း ပြန်လည် သင့်မြတ်ရေး၊ တည်ငြိမ်အေးချမ်း ရေးနှင့် ဖွံ့ဖြိုးရေးတို့ဆောင်ရွက် ရာတွင် အမျိုးသားရေးအစီအစဉ် တစ်ရပ်အနေဖြင့် လွတ်လပ်သော စုံစမ်းစစ်ဆေးရေးကော်မရှင်တစ် ရပ်ဖွဲ့စည်းရန် ဆုံးဖြတ်ပြီးဖြစ် ကြောင်း မေလ ၃၁ ရက်စွဲဖြင့် ထုတ်
ပြန်ကြေညာထားသည်။
  
 ကော်မရှင်တွင် နိုင်ငံတကာ မှ ပုဂ္ဂိုလ်တစ်ဦးအပါအ၀င် အဖွဲ့ဝင် သုံးဦးပါဝင်မည်ဖြစ်ပြီး ကော်မရှင်ကို ပြည်တွင်းနှင့် နိုင်ငံတကာမှ ဥပဒေနှင့် နည်းပညာကျွမ်းကျင်သူများက ပံ့ပိုးမည်ဟု ထုတ်ပြန်ချက်၌ ဆက်လက်ဖော်ပြသည်။
    
ယင်းကော်မရှင်ဖွဲ့စည်းရန် ရခိုင်ပြည်နယ်ဆိုင်ရာ အကြံပြု ချက်များ အကောင်အထည်ဖော် ရေးကော်မတီ အကြံပေးအဖွဲ့မှ တင်သွင်းသော ကြားဖြတ်အကြံ ပြုချက်များအပေါ် ထည့်သွင်းစဉ်းစားဆုံးဖြတ်ခဲ့ကြောင်း ဆိုသည်။
    
အစိုးရသည် ရခိုင်အရေးကိစ္စဖြေရှင်းရာတွင် ဒေသခံရခိုင် တိုင်းရင်းသားများပါဝင်ပြီး ပူးပေါင်းဆောင်ရွက်မှသာ အချုပ် အခြာအာဏာ တည်တံ့ခိုင်မြဲစေရန်နှင့် နယ်မြေကာကွယ်စောင့် ရှောက်နိုင်မည် ဖြစ်သော်လည်း ကော်မရှင်ဖွဲ့စည်းတိုင်းတွင် ဒေသခံရခိုင်တိုင်းရင်းသားများမပါဝင် သည့်အချက်ကို ဦးစိုင်းကျော်မိုးက ထည့်သွင်းပြောကြားသည်။
    
ထို့အပြင် နိုင်ငံတော်သမ္မတ ရုံးထုတ်ပြန်ချက်တွင် ARSA အကြမ်းဖက်အဖွဲ့၏ အကြမ်းဖက် တိုက်ခိုက်မှုပြီးနောက် လူ့အခွင့် အရေးချိုးဖောက်မှု၊ ယင်းနှင့် ဆက်နွှယ်သည့်ကိစ္စရပ်များကို စုံစမ်း စစ်ဆေးမည်ဟု ပါရှိ၍ ဖြစ်စဉ်စ တင်ဖြစ်ပွားချိန်၌ ARSA အကြမ်းဖက်အဖွဲ့၏ အကြမ်းဖက်မှု ကိစ္စရပ်အားလုံးနှင့် ယင်းအဖွဲ့၏ လူ့အခွင့်အရေးချိုးဖောက်မှုကိစ္စရပ်များ စုံစမ်းစစ်ဆေးရန် မပါဝင်ခြင်းကို ပြည်ခိုင်ဖြိုးအမတ်က မေးခွန်းထုတ်သည်။
  
 ပြည်သူ့လွှတ်တော်၌ အရေးကြီးအဆိုတင်သွင်းမှုနှင့် ပတ် သက်၍ နိုင်ငံတော်သမ္မတရုံးပြော ခွင့်ရပုဂ္ဂိုလ် ဦးဇော်ဌေးက ‘‘ဒါက လွှတ်တော်ကိုယ်စားလှယ်တွေရဲ့ အခွင့်အရေးဖြစ်တယ်။ လွှတ် တော်ရဲ့ လုပ်ထုံးလုပ်နည်းနဲ့အညီ တင်တာပါပဲ။ တင်တဲ့အပေါ်မှာ လွှတ်တော်မှာ ဆွေးနွေးပါလိမ့် မယ်။ ဆွေးနွေးတဲ့အခါမှာ လွှတ် တော်ရဲ့ လုပ်ပိုင်ခွင့်၊ လွှတ်တော် ကိုယ်စားလှယ်တွေရဲ့ သဘော ထားအပေါ်မှာ ဆွေးနွေးလိမ့်မယ်။

အဲဒီအပေါ်မှာ ကျွန်တော်တို့ အုပ် ချုပ်ရေးဖြစ်တဲ့အတွက် ဘာမှ မှတ်ချက်ပေးဖို့ မရှိသေးပါဘူး’’ဟု ပြောသည်။

More in Politics Section

Top News