ကုမ္ပဏီဥပဒေ ပြဋ္ဌာန်းပြီးဖြစ်၍ ဥရောပလုပ်ငန်းရှင်များ လာရောက်ရင်းနှီးမြှုပ်နှံရန် ဒုသမ္မတ ဖိတ်ခေါ်

မြန်မာ−ဥရောပစီးပွားရေးဖိုရမ်၌ ဒုသမ္မတဦးမြင့်ဆွေအား ဥရောပလုပ်ငန်းရှင်များနှင့်အတူ တွေ့ရစဉ် (ဓာတ်ပုံ − ကျော်ဇင်သန်း)

ကမ္ဘာ့အဆင့်မီ မြန်မာကုမ္ပဏီဥပဒေကို ပြဋ္ဌာန်း ပြီးဖြစ်၍ မြန်မာနိုင်ငံအတွင်း လာ ရောက်ရင်းနှီးမြှုပ်နှံရန် ဥရောပ (EU) လုပ်ငန်းရှင်များကို ဒုတိယ သမ္မတ ဦးမြင့်ဆွေက တိုက်တွန်း သည်။

ဇွန်လ ၆ ရက်က နေပြည် တော် Kempinski ဟိုတယ်တွင် ကျင်းပသည့် မြန်မာ-ဥရောပ စီးပွားရေးဖိုရမ်၌ ၎င်းက ထိုသို့ တိုက်တွန်းပြီး မြန်မာနိုင်ငံတွင် တာဝန်ယူမှုရှိသည့် စီးပွားရေး လုပ်
ငန်းများအတွက် ပိုမိုသင့်လျော်ကောင်းမွန်သည့် ရင်းနှီးမြှုပ်နှံမှုဝန်းကျင်ကောင်းများ ဖန်တီးပြီးဖြစ်၍ လုပ်ငန်းရှင်များလာရောက်ရင်းနှီးမြှုပ်နှံရန် ဖိတ်ခေါ်သည်။
  
 ‘‘မိမိတို့အနေနဲ့ စီးပွားရေး ဖွံ့ဖြိုးတိုးတက်မှုအတွက် လက် တွေ့ကျပြီး အခြေအနေ ဖန်တီး ခွင့်တွေရှိတဲ့  လမ်းကြောင်းမျိုးကို ခင်းကျင်းပေးထားပြီး ဖြစ်ပါ တယ်’’ဟု ဒုတိယသမ္မတက ပြော သည်။
  
 မြန်မာနိုင်ငံ ကုမ္ပဏီများ ဥပဒေကို ၂၀၁၇ နှစ်ကုန်တွင် ပြဋ္ဌာန်းခဲ့သည်။ ပြဋ္ဌာန်းခဲ့သည့် ကုမ္ပဏီဥပဒေသစ်သည် ကုမ္ပဏီများ မှတ်ပုံတင်ရာတွင် လွယ်ကူ စေမည်ဖြစ်ပြီး ကုမ္ပဏီငယ်များ လည်း ပိုမိုလုပ်သာကိုင်သာရှိလာ မည်ဟု ဒုတိယသမ္မတက ပြော ကြားသည်။
    
လာမည့် ဩဂုတ်အတွင်း ကုမ္ပဏီများ မှတ်ပုံတင်ခြင်းကိုအွန်လိုင်းမှ ဆောင်ရွက်မည် ဖြစ်ကြောင်း ၎င်းက ဆက်လက်ပြောကြားသည်။
  
 မြန်မာနိုင်ငံတွင် ၁၉၈၈ မှ ၂၀၁၈ ဧပြီအထိ ဥရောပသမဂ္ဂ နိုင်ငံများ ရင်းနှီးမြှုပ်နှံမှုသည် ကန် ဒေါ်လာ ၆ ဒသမ ၆ ဘီလီယံရှိပြီး မြန်မာနိုင်ငံရှိ နိုင်ငံခြားရင်းနှီးမြှုပ် နှံမှုအားလုံး၏ ၈ ဒသမ ၈၆ ရာ
ခိုင်နှုန်းရှိသည်။ လက်ရှိတွင် မြန်မာနိုင်ငံ၌ မှတ်ပုံတင်ထားသည့် ဥရောပသမဂ္ဂနိုင်ငံများမှ ကုမ္ပဏီ ၃၀၀ ကျော်ရှိသည်။
    
‘‘အစိုးရက တိုးတက်မှုလုပ် နေတာ တွေ့ရပါတယ်။ တချို့ နေရာတွေမှာ ကျန်ပါသေးတယ်။ ဥပမာ မှောင်ခိုလုပ်တာရှိပါသေး တယ်’’ဟု ဥရောပကုန်သည်အ သင်း (မြန်မာ)ဥက္ကဋ္ဌ Mr.David Levrat က ပြောသည်။
    
လက်ရှိအထိ မြန်မာနိုင်ငံ ၏ နိုင်ငံခြားရင်းနှီးမြှုပ်နှံမှုများ၌ တရုတ်နိုင်ငံက ၂၆ ရာခိုင်နှုန်းဖြင့်  အများဆုံးဖြစ်ပြီး ဒုတိယ အများဆုံးသည် စင်ကာပူနိုင်ငံဖြစ်သည်။
    
ဥရောပသမဂ္ဂတွင် နိုင်ငံ ၂၈ နိုင်ငံပါဝင်ပြီး မြန်မာနိုင်ငံ၌ ဗြိတိန်၊ နယ်သာလန်နှင့် ပြင်သစ် နိုင်ငံတို့က အများဆုံးရင်းနှီးမြှုပ်နှံ ထားသည်။

Top News