နာဂဒေသ ကျေးရွာ ခုနစ်ရွာတွင် သောက်သုံးရေအတွက် စိမ့်စမ်းရေသွယ်တန်းခြင်းလုပ်ငန်း ယခုဘဏ္ဍာရေးနှစ်အတွင်း ဆောင်ရွက်မည်

 နာဂကိုယ်ပိုင်အုပ်ချုပ်ခွင့် ရဒေသရှိ ကျေးရွာခုနစ်ရွာတွင် သောက်သုံးရေအတွက် စိမ့်စမ်း ရေသွယ်တန်းခြင်းကို ယခုဘဏ္ဍာနှစ်အတွင်း ဆောင်ရွက်မည်ဟု စစ်ကိုင်းတိုင်းဒေသကြီးအစိုးရအဖွဲ့ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီး ဦးကမ်ဇာ မုံက ပြောသည်။

လဟယ်မြို့နယ်ရှိ တာမောင်၊လားနောက်၊ ဟေ့ဖူး၊ ဂဟုန်း၊လောနောက်ကုန်း၊ လောနောက် အင်း၊ ကပ္ပလံပါစေး၊ ယွန်တိုင်း၊  လွန်းထောင်း၊ ခမ္မလာ၊ ကားရော် နောက်ညိုနှင့် လန်းတိုင်းနောက် အင်း ကျေးရွာ ၁၂ ရွာတွင် စိမ့်စမ်းရေးသွယ်တန်းခြင်း အကောင်အထည်ဖော် ဆောင်ရွက်ပေးရန် အစီအစဉ်ရှိ၊ မရှိ လဟယ်မြို့နယ် မဲဆန္ဒနယ်အမှတ်(၂) တိုင်းဒေသကြီး လွှတ်တော်ကိုယ်စားလှယ် ဦးကယ်က ဇွန်လ ၇ ရက် စစ်ကိုင်းတိုင်းလွှတ်တော်တွင် မေးခွန်းမေး မြန်းခဲ့သည်။

‘‘ယခုနှစ် နတလ(နယ်စပ် ဒေသနှင့် တိုင်းရင်းသားလူမျိုးများ ဖွံ့ဖြိုးတိုးတက်ရေးဦးစီးဌာန) ဘတ်ဂျက်နဲ့ စိမ့်စမ်းရေသွယ်တန်း ခြင်းလုပ်ငန်းကို ကျေးရွာ ခုနစ်ရွာ လုပ်ပေးမယ်။ ကျန်တဲ့ ရွာ ငါးရွာ ကို လာမယ့်ဘတ်ဂျက်မှာ ဆောင် ရွက်ပေးမယ်လို့ ၀န်ကြီးကဖြေ ကြားခဲ့တာပါ’’ဟု ဦးကယ်က ပြောသည်။

တောင်ပေါ်ဒေသစိမ့်စိမ်းရေ သွယ်တန်းခြင်းသည် သဘာဝအ တိုင်း စီးဆင်းနေသော စမ်းချောင်းများကို ရေဖမ်းကန်တည်ဆောက်ခြင်း၊ ရေပိုက်သွယ်တန်းခြင်းနှင့် ရေဖြန့်ကန်များ တည်ဆောက် ပေးခြင်းဖြင့် ကျေးလက်နေပြည် သူများ သောက်သုံးရေလွယ်ကူစွာ ရရှိအသုံးပြုစေနိုင်သည့်အပြင် နောက်ထပ် ကုန်ကျစရိတ်မရှိသ လောက် နည်းပါးသဖြင့် ကျေးလက်ရေရရှိရေး အကောင်အထည်ဖော်ရန် အသင့်လျော်ဆုံးနှင့် အထိရောက်ဆုံး လုပ်ငန်းဖြစ် ကြောင်း ဦကယ်က တိုင်းဒေသ ကြီးလွှတ်တော်သို့ တင်ပြခဲ့သည်။

စစ်ကိုင်းတိုင်းဒေသကြီးအ ထက်ပိုင်း နာဂကိုယ်ပိုင်အုပ်ချုပ် ခွင့်ရ ဒေသ လဟယ်မြို့နယ်တွင် ပြည်ထဲရေးအမည်ပေါက် ကျေး ရွာ ၉၆ ရွာရှိသည့်အပြင် အမည် မပေါက်သေးသော ကျေးရွာ ၁၀ရွာကျော်ရှိပြီး ၂၀၁၃-၁၄ ဘဏ္ဍာနှစ်က စတင်၍ စိမ့်စိမ်းရေသွယ် တန်းခြင်း စတင်ဆောင်ရွက်သော် လည်း လမ်းပန်းဆက်သွယ်ရေး ခက်ခဲခြင်း၊ တည်ဆောက်ရေး ပစ္စည်းများ သယ်ယူရန် ခက်ခဲခြင်းစသည်တို့ကြောင့် လုပ်ငန်းဆောင်ရွက်မှု ခရီးမပေါက်ခဲ့ကြောင်း ဦးကယ်က ပြောသည်။

နာဂဒေသရှိ အချို့ကျေးရွာ များတွင် ကားလမ်းမပေါက်သေး သဖြင့် စိမ့်စမ်းရေသွယ်တန်းခြင်း မဆောင်ရွက်နိုင်သော်လည်း ကားလမ်းပေါက်သည့် ကျေးရွာများ လိုအပ်သော သောက်သုံးရေရရှိ ရေး စိမ့်စမ်းရေသွယ်တန်းပေးရန် လိုအပ်ကြောင်း ၎င်းကပြောကြား သည်။

More in News Section

Top News