တရုတ်နိုင်ငံထုတ်လူစီးနှင့် လုပ်ငန်းသုံးယာဉ်များ မူဆယ် ၁၀၅ မိုင်မှ စတင်တင်သွင်းခွင့်ပြု

တရုတ်နိုင်ငံထုတ် လူစီးနှင့်လုပ်ငန်းသုံးယာဉ်များကို မူဆယ် (၁၀၅)မိုင်ကုန်သွယ်ရေး ဇုန်မှတစ်ဆင့် ပြည်တွင်းသို့ ပထမဆုံးတင်သွင်းခွင့်ပြုခဲ့သည်။

စီးပွားရေးနှင့်ကူးသန်းရောင်းဝယ်ရေးဝန်ကြီးဌာန စီမံခန့်ခွဲမှုကော်မတီ၏ ယမန်နေ့က ပြုလုပ်သောအစည်းအဝေးတွင် မြန်မာ−တရုတ်နယ်စပ်မှ ကားတင်သွင်း ခွင့်ပြုကြောင်း လက် ထောက်အတွင်းဝန် ဦးခင်မောင်လွင်က ပြောသည်။မူဆယ်နယ်စပ်မှ ကားတင် သွင်းရာတွင် တရုတ်နိုင်ငံထုတ် ယာဉ်အသစ်များသာဖြစ်ရမည် ဖြစ်ပြီး မူရင်းထုတ်လုပ်သည့်နိုင်ငံ အထောက်အထား၊ တ​ရုတ်နိုင်ငံ အကောက်ခွန်ဌာန၏ တရားဝင် ပို့ကုန်ဖြစ်ကြောင်း ထောက်ခံချက် ဖြင့် တင်သွင်းခွင့်ပြုကြောင်း ဦး ခင်မောင်လွင်က ရှင်းပြသည်။

‘‘ဂျပန်ကထုတ်တဲ့ ကားကို တရုတ်ကနေလာသွင်းလို့မရဘူး။ ထိုင်းကထုတ်တဲ့ကားကို တရုတ် ကလာသွင်းလုိ့မရဘူး’’ ဟု ဦးခင် မောင်လွင်က ဆက်လက်ပြော ကြားသည်။

နယ်စပ်ကုန်သွယ်ရေးလမ်း ကြောင်းဖြင့် မူဆယ်မှကားများ တင်သွင်းခွင့်ပြုခြင်းသည် ကား တစ်စီး၏ တင်သွင်းမှု ကုန်ကျ စရိတ်လျော့ကျစေရန် ခွင့်ပြုခြင်း ဖြစ်သည်ဟု ဆိုသည်။ မြန်မာ နိုင်ငံတွင် အသုံးပြုရန် ယခင်က တရုတ်နိုင်ငံထုတ် လူစီး၊ ကုန် တင်ယာဉ်နှင့် ဘတ်စ်ကားများ ပင်လယ်ရေကြောင်းမှ တင်သွင်း ဖူးသည်။

‘‘လူစီးကား ဈေးကွက်မှာ တော့ အများကြီးထူးခြားသွားမယ် မထင်ဘူး။ ဒီနိုင်ငံက ဂျပန်ကား တွေပဲ ကြိုက်ကြတာဆိုတော့ ဈေးကွက်ကိုတော့ သိပ်အပြောင်း အလဲမဖြစ်နိုင်ဘူး’’ ဟု မြန်မာနိုင် ငံမော်တော်ယာဉ်တင်သွင်းထုတ် လုပ်ဖြန့်ဖြူးရောင်းချသူများ အ သင်းဥက္ကဋ္ဌဒေါက်တာစိုးထွန်းက ပြောသည်။ ၎င်းကဲ့သို့ပင် KMT Auto ဒါရိုက်တာဦးကျော်မင်း ထွန်းကလည်း ဈေးကွက်အပေါ် သက်ရောက်မှုနည်းမည်ဟု ဆို သည်။

သို့သော် လုပ်ငန်းသုံးကုန် တင်ယာဉ် တင်သွင်းသူများအ တွက် အကျိုးများစွာရှိနိုင်သည်ဟု ၎င်းကဆိုသည်။ တရုတ်နိုင်ငံ ထုတ်ကားများ ပင်လယ်ရေ ကြောင်းမှ တင်သွင်းမည်ဆိုပါက အချိန်ကြာမြင့်ခြင်း၊ သင်္ဘော စရိတ်ကုန်ကျမှုများခြင်းတို့သက် သာခွင့်ရလာနိုင်သည်ဟု ဒေါက် တာစိုးထွန်းက ခန့်မှန်းသည်။

တရုတ်ကားများသည် ဈေး သက်သာသဖြင့် မူဆယ် (၁၀၅)မိုင်ကုန်သွယ်ရေးဇုန်မှ တရားဝင် တင်သွင်းခွင့်ပြုပါက ပြည်တွင်း ကားဈေးကွက်တွင် ဈေးနှုန်းအား သာချက်ရှိကြောင်း မြန်မာနိုင်ငံ တရားဝင် အသိအမှတ်ပြု မော် တော်ယာဉ် ရောင်းချသူများအ သင်း (AADA)ဒုတိယဥက္ကဋ္ဌဦး အေးထွန်းက ပြောသည်။

တရုတ်နိုင်ငံထုတ် Brand New ကားများကို အရောင်းပြခန်း များဖွင့်လှစ်၍ တင်သွင်းရောင်းချ နေမှုများရှိသဖြင့် ကားဝယ်ယူသူ များ ရွေးချယ်စရာပိုများလာကြောင်း ဦးကျော်မင်းထွန်း ကပြောသည်။

More in News Section

Top News