အကောင့်တွေပိတ်တာမှာတစ်ဦးတစ်ယောက်ရည်ရွယ်ပြီးလုပ်တာမဟုတ်ဘူးလို့ဖေ့စ်ဘွတ်တာဝန်ရှိသူပြော

ဓာတ်ပုံ-အောင်မျိုးထွန်း

မြန်မာနိုင်ငံက ထင်ရှားသူ အချို့ရဲ့ ဖေ့စ်ဘွတ်ခ် အကောင့်တွေနဲ့ Page တွေကို ပိတ်သိမ်းလိုက်တာဟာ ဖေ့စ်ဘွတ်ခ်ရဲ့ Community  Standard သတ်မှတ်ချက်တွေနဲ့ မကိုက်ညီလို့သာဖြစ်တယ်လို့ ဖေ့စ်ဘွတ်ခ်တာဝန်ရှိသူတွေက ပြောကြားလိုက်ပါတယ်။

မြန်မာပြည်ကို ရောက်ရှိနေတဲ့  ဖေ့စ်ဘွတ်ခ် တာဝန်ရှိသူတွေက ဒီကနေ့ ဇွန် ၈ ရက်မှာ ပြုလုပ်တဲ့ မီဒီယာတွေနဲ့ တွေ့ဆုံပွဲမှာ  ပြောကြားလိုက်ပါတယ်။

အခုနှစ်ဆန်းပိုင်းကစတင်ပြီး ဖေ့စ်ဘွတ်ခ်ဟာ မြန်မာနိုင်ငံမှ ထင်ရှားသူအချို့ရဲ့အကောင့်တွေနဲ့ သတင်းမှားတွေ ဖြန့်ဝေနေ တဲ့ ဖေ့ဘွတ်ခ် Page တွေ အကောင့်တွေကို စတင်ပိတ်သိမ်းနေတာဖြစ်ပါတယ်။

လူပုဂ္ဂိုလ်တစ်ဦး တစ်ယောက်အပေါ်ရည်ရွယ်ပြီး အကောင့်တွေ ပိတ်တာမဟုတ်ဘဲ  တစ်ကမ္ဘာလုံးမှာ ဖေ့စ်ဘွတ်ခ် အသုံးပြုနေသူအားလုံးကို သတ်မှတ်ထားတဲ့ Community  Standard သတ်မှတ်ချက်တွေနဲ့ မကိုက်ညီလို့ အကောင့်တွေကို ပိတ်သိမ်းရခြင်းဖြစ်တယ်လို့  Facebook မှ  အာရှပစိဖိတ် Regional  Policy Coordinator မစ္စ Mia Garlick ကပြောပါတယ်။

 “တစ်ကမ္ဘာလုံးနဲ့ အတူတူ မြန်မာနိုင်ငံရဲ့ အသံကို ကျွန်မတို့ ကတူတူနားထောင်ကြတာပါ  Community  Standard သတ်မှတ်ချက် တွေထဲက အမုန်းစကားဖြန့် တာပဲဖြစ်ဖြစ် ၊ အနိုင်ကျင့်စော်ကားတာပဲ ဖြစ်ဖြစ်  ဒီလို မျိူး အကြောင်းအရာတွေကို တွေ့ တာနဲ့  ကျွန်မတို့ ကချက်ချင်းဖယ်ရှားပစ်တာပါ “ လို့ မစ္စ Mia Garlick ကပြောပါတယ်။

ဖေ့ဘွတ်ခ်သုံးစွဲသူ အရေအတွက်မှာ လက်ရှိ ၁၈သန်းကျော်ရှိတာကြောင့်  အရေအတွက် အားဖြင့် အခြား နိုင်ငံတွေနဲ့ နှိုင်းယှဉ်ရင်  အလွန်များပြားတာကြောင့် သတိပြုစောင့်ကြည့်မှုတွေကို ပြုလုပ်သွားမယ်လို့ ဆိုပါတယ်။

 မြန်မာအစိုးရနှင့်ပူးပေါင်းပြီး ဖေ့စ်ဘွတ်ခ် အသုံးပြုမှုမှန်ကန်စေရေးကမ်ပိန်းတွေ၊ ပညာပေးအစီအစဉ်တွေ စတင် လုပ်ဆောင်သွားမယ်လို့ ၄င်းက ဆိုပါတယ်။

 မြန်မာနိုင်ငံသို့  ဖေ့စ်ဘွတ်ခ် မှ အာရှပစိဖိတ်ဒေသရဲ့ ဒုတိယဥက္ကဌ အပါအဝင် အဖွဲ ဝင်များဟာ ဒီ တစ်ပတ်အတွင်းရောက်ရှိခဲ့နေပြီး အစိုးရအပါအ၀င် အရပ်ဖက်အဖွဲ့ အစည်းများ မီဒီယာများ နဲ့ ဆက်တိုက်တွေ့ဆုံဆွေးနွေးခဲ့ပါတယ်။


ဓာတ်ပုံ-အောင်မျိုးထွန်း
 
 

Top News