ဝန်ထမ်းအဖွဲ့အစည်းတွေ စွမ်းဆောင်ရည်ပိုမိုမြင့်မားလာစေဖို့

(၁)

နိုင်ငံတစ်နိုင်ငံရဲ့ ကောင်း မွေ၊ ဆိုးမွေကို အဆုံးအဖြတ်ပေး တာက အဲဒီနိုင်ငံရဲ့ နိုင်ငံရေးစနစ် ဖြစ်ပါတယ်။ တစ်နည်းပြောရရင် အဲဒီနိုင်ငံရဲ့ အုပ်ချုပ်ရေး၊ ဥပဒေ ပြုရေး၊ တရားစီရင်ရေးဆိုတဲ့ မဏ္ဍိုင် သုံးရပ်မှာ အာဏာကို ဘယ်လိုခွဲဝေအသုံးချကြသလဲဆို တဲ့ အချက်ဖြစ်ပါတယ်။ အဲဒီမဏ္ဍိုင် သုံးရပ်ကို လည်ပတ်မောင်းနှင် နေကြတာကလည်း မဏ္ဍိုင်တွေ အောက်က၀န်ထမ်းအဖွဲ့အစည်း တွေ ဖြစ်ပါတယ်။ ဒါကြောင့် တိုင်းပြည်တစ်ပြည်ဖွံ့ဖြိုးတိုးတက်ဖို့အ တွက် ကောင်းမွန်တဲ့ ဖွဲ့စည်းပုံအ ခြေခံဥပဒေတစ်ရပ်ရှိဖို့ လိုပြီး အဲဒီဖွဲ့စည်းပုံအခြေခံဥပဒေက ခွဲဝေ ပေးထားတဲ့ အာဏာသုံးရပ်ကို ထိထိရောက်ရောက်၊ မှန်မှန်ကန် ကန်ကျင့်သုံးကြမယ့် အစိုးရ၊ လွှတ်တော်၊ တရားရုံးတွေက သူတို့ရဲ့ လုပ်ငန်းတွေကို ကောင်းမွန်၊ မှန် ကန်၊ တော်တည့်၊ ထိရောက်စွာ ဆောင်ရွက်နိုင်ကြဖို့ ၀န်ထမ်းအဖွဲ့အစည်းကောင်းတွေ လိုအပ်မှာ ဖြစ်ပါတယ်။ တိုင်းပြည်အမှန်တ ကယ်ဖွံ့ဖြိုးတိုးတက်ဖို့အတွက် လက်ရှိဖွဲ့စည်းပုံအခြေခံဥပဒေကို ပြင်ဆင်ဖို့ အရေးတကြီးလိုအပ် တာကြောင့် ပြင်ဆင်ဖို့ ကြိုးစားနေတဲ့ တစ်ပြိုင်နက်တည်းမှာ ၀န်ထမ်း အဖွဲ့အစည်းတွေရဲ့ စွမ်းဆောင် ရည်မြင့်မားလာစေရေးကိုလည်း အလေးပေးသင့်ပါတယ်။

ဝန်ထမ်းအဖွဲ့အစည်းတွေ စွမ်းဆောင်ရည်မြင့်မားလာစေ ရေးဆိုရာမှာ မြန်မာနိုင်ငံက ၀န် ထမ်းအဖွဲ့အစည်းအတော်များ များအနေနဲ့ နည်းပညာပိုင်းစွမ်း ဆောင်ရည် (Technical Capa-city) တွေ မြင့်မားဖို့ကို အာရုံစိုက် ကြတာများတယ်လို့ ယူဆမိပါ တယ်။ မဟာဘွဲ့၊ ပါရဂူဘွဲ့ရတွေ ပိုမိုမွေးထုတ်လာတာ၊ နိုင်ငံတကာ သင်တန်းတွေ တက်ရောက်စေ တာ၊ နိုင်ငံခြားပညာတော်သင် တွေ စေလွှတ်တာစသည်ဖြင့် နည်းပညာပိုင်းစွမ်းဆောင်ရည်၊ တစ်နည်းအားဖြင့် နည်းပညာပိုင်း ကျွမ်းကျင်မှုတွေ မြှင့်တင်တာတွေ ကို အတော်လေးမြင်တွေ့ရတာမို့ ၀မ်းမြောက်ဂုဏ်ယူစရာပါပဲ။ တကယ်တော့ လုပ်ငန်းတစ်ခု ကောင်းကောင်းမွန်မွန်လည်ပတ် နိုင်ဖို့၊ လုပ်ငန်းရဲ့ ရည်မှန်းချက် တွေ အောင်မြင်ဖို့ဆိုရင် နည်း ပညာပိုင်းစွမ်းဆောင်ရည်၊ ကျွမ်း ကျင်မှုတွေ မရှိမဖြစ်လိုအပ်တာ အမှန်ပါပဲ။ သို့သော် တစ်ခုသတိထားကြရမှာက အဲဒီနည်းပညာပိုင်းကျွမ်းကျင်မှုတစ်ခုတည်းနဲ့တော့လည်း လုပ်ငန်းက လည်ပတ်လို့မရ၊ အောင်မြင်ဖို့ မဖြစ်နိုင်သေးပါဘူး။ အဲဒီနည်းပညာပိုင်းကျွမ်းကျင်မှုတွေကို ပိုင်ဆိုင်ထားတဲ့သူတွေမှာ Soft   Skill လို့ခေါ်တဲ့ တခြားသော ကျွမ်းကျင်မှုတွေ လိုအပ်ပါတယ်။

(၂)

အရေးအကြီးဆုံးလို့ ယူဆမိတဲ့ Soft Skill တစ်ခုကတော့ ခေါင်းဆောင်မှု (Leadership) ပဲ ဖြစ်ပါ တယ်။ တစ်သွေး၊ တစ်သံ၊ တစ် မိန့်ဆိုတဲ့ စနစ်အောက်မှာ ရေဘူး ပေါက်တာမလိုချင်ဘူး၊ ရေပါတာပဲလိုချင်တယ်ဆိုတဲ့ ခေါင်းဆောင် မှုမျိုးနဲ့ နှစ်ပေါင်းများစွာအသား ကျလာတဲ့ ၀န်ထမ်းအဖွဲ့အစည်း တွေအနေနဲ့ တကယ့်ခေါင်းဆောင်ကောင်းတွေ မွေးထုတ်မပေးထား နိုင်ဘူးလို့ ယေဘုယျသဘောပြော နိုင်ပါတယ်။ Born Leader လို့ခေါ်ကြတဲ့ မွေးလာကတည်းက ခေါင်း ဆောင်မှု အရည်အသွေးတွေ ပါ လာတတ်တဲ့ ပါရမီရှင်တချို့က လွဲရင် ခေါင်းဆောင်မှုအတတ်ပညာ ကို သေသေချာချာစနစ်တကျသင် ယူတတ်ကျွမ်းတဲ့ ခေါင်းဆောင် တွေ၊ ၀န်ထမ်းအဖွဲ့အစည်းတွေမှာ အတော်လေးရှားပါတယ်။ ရှား တယ်လို့ ပြောတာပါ။ မရှိဘူးလို့ ပြောတာမဟုတ်ပါဘူး။ ၀န်ထမ်း အဖွဲ့အစည်းတွေ စွမ်းဆောင်ရည်ပိုမိုမြင့်မားလာစေချင်တယ်ဆိုရင် ၀န်ထမ်းအဖွဲ့အစည်းတွေရဲ့ ခေါင်းဆောင်ပိုင်းတွေကို Leadership Skills တွေ မြှင့်တင်ပေးဖို့လိုသလို အနာဂတ်မှာ ခေါင်းဆောင်ဖြစ် လာမယ့် ၀န်ထမ်းငယ်တွေကို လည်း Leadership Skills တွေ စတင်မိတ်ဆက်ထားဖို့ လိုပြီဖြစ်ပါ တယ်။

ခေါင်းဆောင်မှုလို့ဆိုရာမှာ ကျင့်ဝတ်စောင့်ထိန်းတဲ့ ခေါင်း ဆောင်ကောင်း (Ethical Leader-ship) လည်း ဖြစ်ဖို့လိုအပ်ပါသေး တယ်။ ကိုယ့်ထက်ရာထူးကြီးကို ဆက်ဆံရာမှာရော ကိုယ့်လက် အောက်ငယ်သားကို ဆက်ဆံရာ မှာပါ ခေါင်းဆောင်ကောင်းတစ် ယောက်ရဲ့ ကျင့်ဝတ်တွေနဲ့အညီ ဆက်ဆံဖို့ လိုအပ်ပါတယ်။ တည့် တည့်ပြောရရင် အဂတိတရား ကင်းတဲ့ ခေါင်းဆောင်မှုပေးဖို့ လို အပ်ပါတယ်။ မှန်ရာကိုပဲ လမ်းညွှန်တဲ့သူ ဖြစ်ရပါမယ်။ မကြာ သေးမီက ကြားလိုက်ရတဲ့သတင်း လိုဝန်ထမ်းငယ်တွေ ဘယ်လို အဂတိလိုက်စားသင့်တယ်ရယ် လို့ သင်ကြားပေးတဲ့ ခေါင်းဆောင်မျိုးတော့ မဖြစ်သင့်ပါဘူး။

ဒုတိယအရေးကြီးတဲ့ Soft Skill တစ်ခုကတော့ Communi-cation ဖြစ်ပါတယ်။ Communi-cation ရဲ့ အဓိပ္ပာယ်ကို ခြုံမိ အောင် ဘာသာပြန်ဖို့ စာရေးသူ အနေနဲ့ မစွမ်းပါဘူး။ ပေါင်းသင်း ဆက်ဆံပြောဆို ဆက်သွယ်ရေး လို့ ဘာသာပြန်ရင်တော့ ရာခိုင် နှုန်းအတော်များများ လွှမ်းခြုံနိုင် မယ်လို့ ယူဆပါတယ်။ ၀န်ထမ်း အဖွဲ့အစည်းအတွင်းမှာပဲ ဖြစ် ဖြစ်၊ တခြားအဖွဲ့အစည်း၊ လူ  ပုဂ္ဂိုလ်တွေနဲ့ ဆက်ဆံတဲ့အခါ မှာပဲ ဖြစ်ဖြစ်၊ ပြည်သူလူထုနဲ့ ထိ တွေ့ဆက်ဆံတဲ့အခါမှာပဲ ဖြစ် ဖြစ် ၀န်ထမ်းတစ်ယောက်အနေနဲ့ ကိုယ်ပြောချင်တာကို ထိထိ ရောက်ရောက် တင်ပြဆွေးနွေး ပြောဆိုနိုင်စွမ်းရှိဖို့ လိုအပ်ပါ တယ်။ တစ်ပြိုင်နက်တည်းမှာ တစ်ဖက်ကပြောတဲ့ အကြောင်းအရာ၊ အချက်အလက်၊ သဘောတရား တွေကို သေသေချာချာ နားထောင်တတ်ပြီး ခွဲခြမ်းစိတ်ဖြာနားလည် နိုင်တဲ့ ကျွမ်းကျင်မှုမျိုးလိုအပ်မှာ ဖြစ်ပါတယ်။ နည်းပညာပိုင်းကျွမ်း ကျင်မှု (Hard Skills) ဖြစ်တဲ့ ဘွဲ့ တွေ၊ ဒီဂရီတွေကြောင့်၊ ဒါမှမ ဟုတ်လည်း လုပ်သက်လိုတခြား အကြောင်းတစ်ခုခုကြောင့် ရာထူးကြီးတွေရလာပြီးခါမှ Comm-unication မကောင်းလို့ အစည်း အဝေးမှာ လိုရာရောက်အောင် စကားမပြောနိုင်တဲ့ အရာရှိကြီးမျိုး တွေ ကြုံဖူးကြမယ်ထင်ပါတယ်။ တစ်ယောက်တည်းနေလို့ Com-munication Skill မရှိတာက ပြဿနာမဟုတ်ပေမယ့် တာဝန် ကြီးကြီးတစ်ခုယူထားပြီး Com-munication မကောင်းရင်တော့ သူ့အတွက်ရော သက်ဆိုင်ရာ ဌာနအတွက်ပါ နစ်နာလှပါတယ်။ ပိုပြီးဆိုးတာက ဌာနဆိုင်ရာရဲ့ လုပ်ငန်းထိခိုက်တယ်ဆိုတာဟာ တိုင်း ပြည်အတွက် ထိခိုက်တာပါပဲ။

Communication လို့ပြော ရင် ဌာနဆိုင်ရာချင်း ပူးပေါင်း ဆောင်ရွက်မှုလည်း ပါဝင်ပါ တယ်။ Communication မ ကောင်းရင် ပူးပေါင်းဆောင်ရွက်မှု (Cooperation) အားနည်းမှာပါ ပဲ။ ၀န်ထမ်းအဖွဲ့အစည်းတွေအ တွင်းမှာ အချင်းချင်းပူးပေါင်း ဆောင်ရွက်မှု အရေးကြီးသလို ၀န်ထမ်းအဖွဲ့အစည်းအချင်းချင်း ကြားမှာလည်း ပူးပေါင်းဆောင် ရွက်မှုအရေးကြီးပါတယ်။ မြန်မာ နိုင်ငံက ဌာနဆိုင်ရာတွေ အချင်းချင်းကြားမှာ ပူးပေါင်းဆောင်ရွက်မှု အားနည်းတာကိုလည်း သတိပြုမိနိုင်ကြပါလိမ့်မယ်။ စီးပွားကူး သန်းဝန်ကြီးအသစ်ကလည်း ဒီကိစ္စကို မကြာသေးမီက ထောက်ပြဝေ ဖန်ထားသလို ဌာနအချင်းချင်း ဆက်သွယ်ညှိနှိုင်းပူးပေါင်းဆောင်ရွက်နိုင်ရေး ကြိုးပမ်းသွားမယ်လို့ ကတိပြုထားပါတယ်။

နောက်ထပ်အရေးကြီးတဲ့ Soft  Skill တစ်ခုကတော့ ပြဿနာတွေကို မှန်မှန်ကန်ကန်ဖြေရှင်း ပေးနိုင်တဲ့ ကျွမ်းကျင်မှု (Problem Solving Skill) ဖြစ်မယ်လို့ ယုံကြည်ပါတယ်။ ၀န်ထမ်းအဖွဲ့အစည်းဆို ကတည်းက လူတစ်ယောက် တည်းနဲ့ ဖွဲ့စည်းထားတာမဟုတ် ဘဲ လူအများနဲ့ ဖွဲ့စည်းထားသလို အဲဒီလူအများကလည်း ထက်၊ အောက်၊ ၀ဲ၊ ယာအဆင့် (Rank) သတ်မှတ်ချက်တွေကလည်း ရှိနေ ပါသေးတယ်။ ဒါကြောင့် ပြဿနာဆိုတာရှိကိုရှိမှာပါပဲ။ ဒါ့အပြင် ၀န်ထမ်းအဖွဲ့အစည်းကို ဖွဲ့စည်းထားခြင်းကိုက နိုင်ငံမှာ ကြုံတွေ့နေရ တဲ့ ပြဿနာတွေကို ဖြေရှင်းပေးဖို့ ဖြစ်ပါတယ်။ ပြည်သူတွေရဲ့ လို အပ်ချက်ပြဿနာတွေကို ၀န် ထမ်းအဖွဲ့အစည်းတွေရဲ့ ၀န် ဆောင်မှုတွေနဲ့ ဖြေရှင်းပေးနေရ တာ ဖြစ်ပါတယ်။ ဒါကြောင့်မို့ ၀န် ထမ်းအဖွဲ့အစည်းအတွင်းက အ ဆင့်ဆင့်သော ၀န်ထမ်းတွေဟာ ပြဿနာကို သုံးသပ်အဖြေရှာပြီး ဖြေရှင်းနိုင်စွမ်းတဲ့ Problem Solving Skill တွေမရှိမဖြစ်လိုအပ် လှပါတယ်။ လေ့လာမိသလောက်လက်ရှိဝန်ထမ်းအဖွဲ့အစည်းတွေ မှာ ဖြစ်လေ့ရှိတာက ပြဿနာကို ဖြေရှင်းဖို့ ကြိုးစားရာမှာ အ ကြောင်းအရာထက် လူပုဂ္ဂိုလ်အ ပေါ် ချဉ်းကပ်ဖြေရှင်းကြတာမျိုး ပါ။ ၀န်ထမ်းရာထူးကြီးနဲ့ ရာထူး ငယ် ပဋိပက္ခဖြစ်ရင် ၀န်ထမ်းငယ် က အမြဲရှုံးရတဲ့ ဖြေရှင်းပုံမျိုးက နှစ်ပေါင်းများစွာ အသားကျလာတာ မို့ ပြဿနာတစ်ခုကို ကိုင်တွယ်တဲ့ အခါ ဘာပြဿနာဆိုတာထက် ဘယ်သူတွေဆိုတာကို အရင်ကြည့်တာက အကျင့်ပါနေတာ ဖြစ်ပါ တယ်။ ပြုပြင်ပြောင်းလဲစရာပါပဲ။

(၃)

ဝန်ထမ်းအဖွဲ့အစည်းတွေ ဟာ တိုင်းပြည်ကို မောင်းနှင်နေတဲ့ ယန္တရားတွေမို့ တိုင်းပြည်အတွက်၊ ပြည်သူလူထုအတွက် အလွန်အ ရေးကြီးလှပါတယ်။ အဲဒီဝန်ထမ်း အဖွဲ့အစည်းတွေမှာ အရေးအကြီး ဆုံးလိုအပ်နေတယ်လို့ ယူဆမိတဲ့ Soft Skill သုံးခုကို မျှဝေအကြံပြု ခဲ့ခြင်းသာ ဖြစ်ပါတယ်။ ဒီဆောင်း ပါးဟာ ၀န်ထမ်းအဖွဲ့အစည်းတွေ စွမ်းဆောင်ရည်နိမ့်ပါးနေတယ် လို့ ဝေဖန်လိုတာမဟုတ်ဘဲ ဒီအ ချက်လေးတွေပါ ထပ်ပေါင်းထည့် ပေးလိုက်ရင် ပိုကောင်းလာမယ် လို့ အကြံပြုလိုက်ခြင်းသာ ဖြစ်ပါ တယ်။ ဒါကြောင့်လည်း ခေါင်းစဉ် ကို ‘၀န်ထမ်းအဖွဲ့အစည်းတွေ စွမ်းဆောင်ရည် ပိုမိုမြင့်မားလာ စေဖို့’လို့ ပေးခဲ့တာပါ။

မုန့်ဟင်းခါးက ကောင်းပြီး သားပေမယ့် ဘူးသီးကြော်လေး ညှပ်ထည့်၊ နံနံပင်လေးအုပ်ပြီး အိုးဘဲဥလေးနဲ့ဆိုရင် ပိုပြီးစားကောင်း ပါတယ်။ ဌာနဆိုင်ရာတွေမှာ နည်းပညာပိုင်းကျွမ်းကျင်မှုတွေ ကို မြှင့်တင်ပေးတာက မုန့်ဟင်းခါးကောင်းလိုပါပဲ။ Ethical Leader-ship ဆိုတဲ့ အကြော်လေးညှပ် ထည့်၊ Communication ဆိုတဲ့ နံနံပင်လေး အုပ်ပြီး Problem Solving ဆိုတဲ့ အိုးဘဲဥလေးထည့် ပေးနိုင်ကြမယ်ဆိုရင်ဖြင့် မုန့်ဟင်း ခါးစားမယ့် ပြည်သူတွေ အချစ်တိုးမယ့် ကိစ္စဖြစ်ပါကြောင်း တင်ပြ လိုက်ရပါတယ်။ ။

(ဆောင်းပါးရှင် ခိုင်ကြည်သစ် သည် နိုင်ငံရေး၊ ကျန်းမာရေးနှင့် မျက်မှောက်ရေးရာဆောင်းပါး များ ရေးသားနေသူဖြစ်သည်။)

Top News