စဥ့်ကိုင်မိုးလေဝသရေဒါမှ ကုန်းတွင်းမုန်တိုင်းဖြစ်စဉ်များ ပိုမိုတိကျစွာ ထောက်လှမ်းနိုင်မည်

စဥ့်ကိုင်မြို့နယ်ရှိ မိုးလေဝသရေဒါစခန်းမှ ကုန်းတွင်း မုန်တိုင်းဖြစ်စဉ်များ ပိုမိုတိကျစွာထောက်လှမ်းနိုင်မည်ဖြစ်ကြောင်း မိုးလေဝသနှင့် ဇလဗေဒညွှန်ကြားမှု ဦးစီးဌာန ညွှန်ကြားရေးမှူးချုပ် ဒေါက်တာ ကျော်မိုးဦးက ပြောသည်။

‘‘မုန်တိုင်းတွေက ကုန်းတွင်း ပိုင်းတွေမှာလည်း ဖြစ်လာပြီ။ ဒီ ရေဒါကနေ ကုန်းတွင်းမုန်တိုင်း တွေကို ထောက်လှမ်းနိုင်မယ်။ ဒါ့ အပြင် မိုးရေချိန်၊ လေတိုက်နှုန်း တွေ ခန့်မှန်းနိုင်မယ်။ မိုးလေဝသ ခန့်မှန်းချက်တွေကို ပိုမိုတိကျစွာ ခန့်မှန်းနိုင်မယ်’’ဟု ဒေါက်တာ ကျော်မိုးဦးက ဆိုသည်။

ဇွန်လ ၈ ရက်က ကျင်းပ သည့် အဆိုပါ  မိုးလေဝသရေဒါ လွှဲပြောင်းပေးအပ်ပွဲအခမ်းအနား တွင် ၎င်းက အထက်ပါအတိုင်း ပြောကြားခြင်းဖြစ်သည်။

မိုးလေဝသနှင့် ဇလဗေဒ ညွှန်ကြားမှုဦးစီးဌာနသည် ဂျပန် အပြည်ပြည်ဆိုင်ရာ ဖွံ့ဖြိုးရေး အေဂျင်စီ (JICA) ၏ ထောက်ပံ့ မှုဖြင့် ဆိုးရွားသည့် မိုးလေဝသ အခြေအနေများကို စောင့်ကြည့် သည့်စနစ် ထူထောင်မည့်စီမံကိန်းကို ဆောင်ရွက်နေသည်။

အဆိုပါ စီမံကိန်းကို ၂၀၁၃ တွင် စတင်အကောင်အထည် ဖော်ပြီး စီမံကိန်း ပထမအဆင့်အ ဖြစ် ရေဒါစက်သုံးလုံး တပ်ဆင် ခြင်းနှင့် ဒုတိယအဆင့်၌ မိုးလေဝသတိုင်းတာရေးစက် အလုံး ၃၀ တပ်ဆင်ခြင်းတို့ ပါဝင်ကြောင်း၊ ယင်းစီမံကိန်းတစ်ခုလုံးအတွက် JICA က ကန်ဒေါ်လာ ၄၀ ဒသမ ၇၂ သန်း ထောက်ပံ့ပြီး အစိုးရက မြေနေရာနှင့် အဆောက်အအုံ တည်ဆောက်မှု တာဝန်ယူ ဆောင်ရွက်ကြောင်း ဒေါက်တာ ကျော်မိုးဦးက ပြောသည်။

စဥ့်ကိုင်မြို့နယ်တွင် တည် ဆောက်သည့် မိုးလေဝသရေဒါ စခန်းသည် အဆိုပါ စီမံကိန်း၏ ပထမအဆင့်အဖြစ် တည်ဆောက်သည့် မြန်မာနိုင်ငံ၏ တတိယမြောက် ရေဒါစခန်းဖြစ်ပြီး ၂၀၁၅ တွင် ကျောက်ဖြူနှင့် ၂၀၁၆ တွင် ရန်ကုန်မြို့၌ ရေဒါများ တပ်ဆင်ဖွင့်လှစ်ပြီးဖြစ်သည်။

အဆိုပါ မိုးလေဝသရေဒါမှ ကီလိုမီတာ ၄၅၀ (၂၇၉) (မိုင်) ပတ်လည်အတွင်းရှိ မိုးလေဝသခန့် မှန်းချက်များ၊ သဘာဝဘေးအန္တ ရာယ်များကို လက်ရှိအခြေအနေ ထက် ပိုမိုထိရောက်စွာ ခန့်မှန်းနိုင် မည်ဖြစ်ကြောင်း မန္တလေးတိုင်း ဒေသကြီး မိုးလေဝသနှင့် ဇလဗေဒဦးစီးဌာန တာဝန်ရှိသူတစ်ဦးက ပြောကြားသည်။

More in News Section

Top News