မြန်မာ့ဆိပ်ကမ်းအာဏာပိုင်၏ သင်္ဘောဆိပ်ကမ်းကပ်ခ ငွေပေးချေမှုစနစ်ကို ဥရောပကုန်သည်များအသင်း အကြံပြု

ရန်ကုန်ဆိပ်ကမ်းတစ်နေရာကို တွေ့ရစဉ် (ဓာတ်ပုံ −နစ်ကီ)

 မြန်မာ့ဆိပ်ကမ်းအာ ဏာပိုင်အဖွဲ့သည် သင်္ဘောများ ဆိပ်ကမ်းကပ်ခကို ကြိုတင်ငွေ များ ပိုတောင်းထားပြီး ပြန်လည် ထုတ်ပေးရာတွင်လည်း အချိန်ဆွဲ ၍ ဆိပ်ကမ်းကို နောက်တစ်ကြိမ် ဆက်လက်အသုံးပြုရန် အကျပ် ကိုင်ထားသည်ဟု မြန်မာနိုင်ငံတွင် လာရောက် လုပ်ကိုင်နေသည့် ဥရောပကုန်သည်အသင်း၏ ကုန်သွယ်ရေးနှင့် ရင်းနှီးမြှုပ်နှံမှုဆိုင်ရာ အကြံပြုချက်များ 2018 White-book တွင် ဖော်ပြထားသည်။

အဆိုပါ ငွေပေးချေမှုစနစ်သည် ကမ္ဘာပေါ်တွင် မည်သည့်နိုင်ငံမျှမရှိကြောင်းနှင့် ထိုသို့ပြုလုပ်ခြင်းကြောင့် သင်္ဘောလိုင်းနှင့် ဆိပ်ကမ်းများတွင် ငွေကြေးဆုံးရှုံးမှုများဖြစ်ပေါ်ပြီး ကုန်စည်စီးဆင်းမှုနှောင့်နှေးကြောင်း အဆိုပါအသင်းက ဆိုသည်။

 မြန်မာဆိပ်ကမ်းအာဏာ ပိုင်အဖွဲ့အနေဖြင့် မိမိတို့လုပ်ငန်း စဉ်ကို ပြန်လည်သုံးသပ်ကာ သင်္ဘောလိုင်းနှင့် ဆိပ်ကမ်းအကြား တိုက်ရိုက် ငွေပေးချေနိုင်အောင် စီမံပေးဖို့လိုမည်ဟု အဆိုပါအဖွဲ့က တိုက်တွန်းထားသည်။

‘‘သူတို့ပြောသလိုမျိုးတော့ မဟုတ်ပါဘူး။ ငွေပြန်ထုတ်ပေးဖို့က နှစ်ပတ်လောက်ပဲ ကြာပါ တယ်။ ဒီလိုလုပ်တာ သင်္ဘောလိုင်းတွေ ငွေမပေးတဲ့ ကိစ္စတွေကို ကိုင်တွယ်ဖို့ပါ’’ဟု မြန်မာ့ဆိပ်ကမ်း အာဏာပိုင်အဖွဲ့ တာဝန်ရှိသူတစ် ဦးက ပြောသည်။

ရန်ကုန်မြို့တွင် ဆိပ်ကမ်း လေးခုရှိပြီး ဆိပ်ကမ်းကို အသုံးပြု လိုပါက မြန်မာ့ဆိပ်ကမ်းအာဏာ ပိုင်အဖွဲ့လက်အောက်ရှိ သင်္ဘော ကုန်စည်လုပ်ငန်းဌာနထံ သင်္ဘော လိုင်းက ဆိပ်ကမ်းအသုံးပြုခကြို တင်ငွေပေးသွင်းရသည်။ ကြိုတင် ငွေသည် သင်္ဘောလိုင်းနှင့် ဆိပ် ကမ်းအကြား ချုပ်ဆိုထားသည့် နှုန်းထက်ပိုမိုကောက်ခံနေသည်  ဟုဆိုထားသည်။

၎င်းသင်္ဘောကုန်စည် လုပ်ငန်း ဌာနသည် ကြိုတင်ငွေထဲမှ ၀န်ဆောင်ခကို နုတ်ယူပြီး ဆိပ်ကမ်းကို သတ်မှတ်နှုန်းထားအတိုင်းသာ ပေးချေသည်။ ထို့နောက်မှသာ ကျန်ငွေ ပြန်လည်ထုတ်ပေးရခြင်း ဖြစ်သည်။ ထိုသို့ထုတ်ပေးရာတွင် အချိန်ဆွဲထားပြီး နောက်တစ်ကြိမ်ဆိပ်ကမ်းကို မဖြစ်မနေအသုံးပြုရန် အကျပ်ကိုင်ထားကြောင်း အဆိုပါအသင်းက ဆိုထားသည်။

၎င်းတို့ တိုက်တွန်းချက်အ တိုင်း ပြောင်းလဲကျင့်သုံးပါက မြန် မာနိုင်ငံဆိပ်ကမ်းလုပ်ငန်းသည် နိုင်ငံတကာအဆင့်မီလာမည်ဖြစ် ပြီး သက်ဆိုင်ရာလုပ်ငန်းများ လည်း အချိန်နှင့် ငွေကုန်သက်သာ မည်ဖြစ်ကာ နိုင်ငံတကာမှ ထောက်ပံ့ပို့ဆောင်ရေးလုပ်ငန်းများ မြန် မာနိုင်ငံသို့ ၀င်ရောက်လာမည် ဖြစ်ကြောင်း ဥရောပကုန်သည် များအသင်းက အကြံပြုထား သည်။

Top News