မြေပုံမြို့နယ် ဝဘော်ကြီးကျေးရွာတွင် စာသင်ကျောင်းမရှိ၍ ကျောင်းသား ၁၅၀ ကျော် ကျောင်းတက်ရန်အခက်ကြုံ

 မြေပုံမြို့နယ် ဝဘော်ကြီးကျေးရွာသစ်တွင် စာ သင်ကျောင်းမရှိ၍ ကျောင်းသား ၁၅၀ ကျော် ကျောင်းတက်ရန် အခက်အခဲဖြစ်နေကြောင်း ယင်းကျေးရွာနေ ကျောင်းသား မိဘများက ပြောသည်။

ဝဘော်ကြီးကျေးရွာသစ် တွင် နေထိုင်နေသူများသည် ယခင် ဝဘော်ကြီးကျေးရွာ ဟောင်း၌ နေထိုင်သူများဖြစ်ပြီး ရွာဟောင်းသည် မိုးတွင်းကာ လ၌ လေမုန်တိုင်းဒဏ် မကြာ ခဏ ခံရသဖြင့် ရွာသစ်သို့ ပြောင်းရွှေ့ နေထိုင်ခဲ့ကြောင်း ရွာခံဦးဆန်းဝင်းက ပြောသည်။

‘‘မုန်တိုင်းဒဏ်ကို ကြောက် လို့ ရွာပြောင်းခဲ့တယ်။ အခုရွာ သစ်မှာ အိမ်ထောင်စုနှစ်ရာ လောက်ဖြစ်နေပြီ။ ဒါပေမဲ့ အစိုးရ စာသင်ကျောင်းမရှိသေးတော့ ကျောင်းမတက်ရဖြစ်နေတယ်။ ကျောင်းက ရွာဟောင်းမှာပဲရှိ တယ်။ တချို့ကတော့ အဲဒီကို သွားတက်ကြတယ်။ စက်လှေနဲ့ သွားရတော့ အန္တရာယ်များတယ်’’ ဟု ဦးဆန်းဝင်းက ဆိုသည်။

ဝဘော်ကြီးကျေးရွာသစ် တွင် ကျောင်းရရှိရေးသက်ဆိုင်ရာ ပညာရေးဌာနမှတစ်ဆင့် တင်ပြ ထားပြီး လွှတ်တော်ကိုယ်စားလှယ်များထံသို့ တင်ပြထားကြောင်း  ရပ်မိရပ်ဖများက ပြောသည်။

ကျောင်းတက်ရန် အခက် အခဲရှိနေသော ဝဘော်ကြီးကျေး ရွာသစ်မှ ကျောင်းသားများသည် သူငယ်တန်းမှ အဋ္ဌမတန်းအထိ ဖြစ်ကြောင်း ကျောင်းသားမိဘ များက ပြောသည်။

More in News Section

Top News