မယ်စဲ့ဂိတ်ကို အပြည်ပြည်ဆိုင်ရာ နယ်စပ်ဂိတ်အဖြစ် တိုးချဲ့မည်ဟုဆို

မယ်စဲ့ဂိတ်ကို အပြည် ပြည်ဆိုင်ရာ နယ်စပ်ဂိတ်အဖြစ် တိုးချဲ့ဆောင်ရွက်မည်ဟု ကယား  ပြည်နယ် ဟိုတယ်နှင့် ခရီးသွား လာရေး ဝန်ကြီးဌာနမှ လက် ထောက်ညွှန်ကြားရေးမှူး ဦးလင်း ဇော်ထွဋ်ကပြောသည်။

ကယားပြည်နယ် မယ်စဲ့မြို့ နှင့် ထိုင်းနိုင်ငံ မယ်ဟောင်ဆောင် မြို့အကြား တည်ရှိသည့် နယ်စပ် ဂိတ်ကို အပြည်ပြည်ဆိုင်ရာ နယ် စပ်ဂိတ်အဖြစ် တိုးချဲ့နိုင်ပါက တတိယနိုင်ငံသား ကမ္ဘာလှည့် ခရီးသွားများ ဝင်ရောက်လာမည် ဟု ၎င်းကပြောသည်။

လက်ရှိ၌ လွိုင်ကော်နှင့်မယ် ဟောင်ဆောင်သည် ညီအစ်မမြို့ တော်အဖြစ် လက်မှတ်ရေးထိုး ထားသည်။

‘‘သူ့ပြည်နယ်ကလူ ကိုယ့်ဆီ လာလို့ရတယ်။ ကိုယ့်ပြည်နယ်က လူ သူ့ပြည်နယ်သွားလို့ရတယ်။ ဒါပေမဲ့ တတိယနိုင်ငံသားတွေ တော့ လာလို့မရသေးဘူးဖြစ်နေ တယ်’’ ဟု ဦးလင်းဇော်ထွဋ်က လက်ရှိအခြေအနေနှင့်ပတ်သက် ၍  ပြောသည်။

မယ်ဟောင်ဆောင်သို့ တစ် နှစ်လျှင် ကမ္ဘာလှည့်ခရီးသွား သုံး သန်းအထိ လာရောက်လေ့ရှိပြီး အဆိုပါခရီးသွားများအနက် တစ် သိန်းခန့်သည် မယ်စဲ့ဂိတ်မှတစ်ဆင့် ကယားပြည်နယ်အတွင်းဝင်ရောက်မည်ဆိုပါက ဒေသ တွင်းခရီးသွားကဏ္ဍ အံ့သြဖွယ် တိုးတက်လာမည်ဟု ၎င်းကပြော သည်။

မယ်စဲ့ဂိတ်ကို အပြည်ပြည် ဆိုင်ရာ နယ်စပ်ဂိတ်အဖြစ် တိုးချဲ့ ဆောင်ရွက်ရန် ကယားပြည်နယ် အတွင်း လမ်းပန်းဆက်သွယ်ရေး အဆင်သင့်ရှိသော်လည်း မယ် ဟောင်ဆောင်ဘက်တွင် သစ် တော ဧရိယာအတွင်း ရောက်ရှိ နေသည့် ကီလိုမီတာအနည်းငယ် ကို လမ်းဖောက်လုပ်ရန် ကျန်ရှိနေ သေးကြောင်း ဦးလင်းဇော်ထွဋ်က ပြောသည်။

၂၀၁၈ လေးလအတွင်း ကယားပြည်နယ်သို့ ပြည်ပခရီး သွား ငါးထောင်ကျော်ဝင်ရောက်ခဲ့ ပြီး ပြည်တွင်းခရီးသွား သုံးသောင်းကျော် လာရောက်ခဲ့သည်။

More in News Section

Top News