၂၁ ရာစု ပင်လုံညီလာခံ ဇူလိုင် ၁၀ ရက်တွင် ကျင်းပရန် အပစ်ရပ်အဖွဲ့များ အဆိုပြု

 ပြည်ထောင်စုငြိမ်းချမ်း ရေးညီလာခံ ၂၁ ရာစု ပင်လုံကို ဇူလိုင် ၁၀ ရက်တွင် ကျင်းပရန်အပစ်ရပ်အဖွဲ့များက အဆိုပြု ထားကြောင်း ရခိုင်ပြည် လွတ် မြောက်ရေးပါတီ (ALP) ဒုဥက္ကဋ္ဌ ခိုင်စိုးနိုင်အောင်ကပြောသည်။

၂၁ ရာစု ပင်လုံ တတိယ အစည်းအဝေးကို ဇွန်လ ၃၀ မှ ဇူလိုင် ၄ ရက်အထိ ကျင်းပရန် အစိုးရက အဆိုပြုထားပြီး တစ် နိုင်ငံလုံး ပစ်ခတ်တိုက်ခိုက်မှုရပ်စဲ ရေး သဘောတူစာချုပ် (NCA) လက်မှတ်ထိုး တိုင်းရင်းသားအဖွဲ့ များက ဇူလိုင် ၁၀ မှ ၁၅ ရက်အထိ ကျင်းပရန် အဆိုပြုထားသည်။

‘‘အဆိုပြုတာ နှစ်ခုရှိတယ်။ နှစ်ခုမှာ ဘယ်ဟာဖြစ်မလဲဆိုတာ မပြောတတ်ဘူး။ ဇွန်လ ၃၀ ရက် ကျင်းပဖို့က တချို့အဖွဲ့အစည်း တွေက အဆင်သိပ်မပြေဘူးဆို တာ တင်ပြကြတာရှိတယ်။ အဲဒါ ကို ညှိယူရမယ်။ PPST အစည်း အဝေးမှာ အကောင်းဆုံးဖြစ် အောင် နှစ်ဖက်က လက်ခံတဲ့ဟာ ညှိမှာပေါ့’’ဟု ခိုင်စိုးနိုင်အောင်က ပြောသည်။

ယင်းအဆိုပြုချက်နှစ်ခုနှင့် ပတ်သက်၍ ဆွေးနွေးရန် NCA လက်မှတ်ထိုး တိုင်းရင်းသားလက် နက်ကိုင် ထိပ်သီးခေါင်းဆောင် များ၏ ငြိမ်းချမ်းရေးလုပ်ငန်းစဉ် ဦးဆောင်အဖွဲ့ (PPST) အစည်း အဝေးကို ယနေ့ (ဇွန်လ ၁၁ ရက်)တွင် ထိုင်းနိုင်ငံ ချင်းမိုင်မြို့၌ ကျင်းပမည်ဖြစ်သည်။

၂၁ ရာစု ပင်လုံတတိယ အစည်းအဝေးကို မူလက ၂၀၁၇ ဒီဇင်ဘာတွင် ကျင်းပရန် စီစဉ် သော်လည်း အစိုးရနှင့် အပစ်ရပ် အဖွဲ့အကြား ငြိမ်းချမ်းရေးဆွေး နွေးမှု လုပ်ငန်းစဉ်များ အဆင် မပြေ၍ အကြိမ်ကြိမ်ရွှေ့ဆိုင်းခဲ့ ရသည်။ ထို့ကြောင့် ခြောက်လ တစ်ကြိမ် ကျင်းပရန် သတ်မှတ် ထားသည့် ၂၁ ရာစု ပင်လုံအစည်း အဝေးကို တစ်နှစ်ကြာသည်အထိ မကျင်းပနိုင်ဘဲ ဖြစ်နေသည်။

More in News Section

Top News