ဘဏ်နှစ်ဘဏ်ကိစ္စ အထင်မှားရန် ရေးသားသူကို အရေးယူရေး ဗဟိုဘဏ်စီစဉ်

ဘဏ်နှစ်ခုနှင့်ပတ် သက်ပြီး သတင်းမှားများ ရေးသား ခြင်း၊ ထုတ်လွှင့်ခြင်းနှင့်ပတ်သက် ၍ သက်ဆိုင်ရာတာဝန်ရှိသူများ က အရေးယူဆောင်ရွက်ရန် စီစဉ် နေကြောင်း မြန်မာနိုင်ငံ ဗဟိုဘဏ် ညွှန်ကြားရေးမှူးချုပ် ဦးဝင်းသော်က ပြောသည်။

ဘဏ်နှစ်ခုကို ဗဟိုဘဏ် ဥပဒေနှင့်အညီ စိစစ်၍ စာရင်း ရှင်းလင်းဖျက်သိမ်းရန်ဆိုသည့် ကိစ္စရပ်သည် လုံးဝမှန်ကန်မှုမရှိ ကြောင်း ဦးဝင်းသော်က ရေးသား ထားသည်။ ဘဏ်များအပေါ် ယုံကြည်စွာ အပ်နှံခြင်းဖြင့် နိုင်ငံ့ စီးပွားရေးဖွံ့ဖြိုးတိုးတက်မှုကို ပံ့ပိုးကူညီရန်ဖြစ်ပြီး အဖျက်အမှောင့် သဘောဆန်သော ကောလာ ဟလ ရေးသားဖော်ပြထုတ်လွှင့်မှု များသည် နိုင်ငံ၏ အကျိုးစီးပွားကို ပျက်စီးစေသော သဘောဖြစ်နေ
ခြင်းကြောင့် မယုံကြည်ရန်နှင့် သက်ဆိုင်ရာ တာဝန်ရှိသူများကို မေးမြန်းစုံစမ်းပြီး ဆောင်ရွက်ရန် ဦးဝင်းသော်၏ ဖေ့စ်ဘွတ်ခ်စာ မျက်နှာတွင် ရေးသားထားသည်။
    
‘‘အများပိုင်ကုမ္ပဏီကြီးငါးခု နဲ့ ဘဏ်နှစ်ဘဏ်အခြေအနေ မဟန်တော့ဘူး။ ဒေဝါလီသာဆို ရင် ခံပေဦးတော့ ပြည်သူတွေ’’ ဆိုသည့်စာကို Kyaw Swe အမည်
ဖြင့် အကောင့်က ဇွန်လ ၁၀ ရက် ညတွင် ဖေ့စ်ဘွတ်ခ်၌ ရေးသားခဲ့ သည်။
    
ဘဏ်နှစ်ခု သတင်းနှင့်ပတ် သက်၍ ပြည်သူအများသုံးနေ သည့် ဘဏ်များမဟုတ်ကြောင်း၊ ဗဟိုဘဏ်ဥပဒေနှင့်အညီ စစ် ဆေးဆောင်ရွက်နေကြောင်း ယင်းအကောင့်က ဇွန်လ ၁၁ ရက်
တွင် ဖေ့စ်ဘွတ်ခ်၌ ရေးသားထား ခြင်းသည်လည်း လူမှုကွန်ရက် တွင် ထပ်မံပျံ့နှံ့ခဲ့သည်။
    
‘‘အရေးယူမယ့်အပိုင်းက တော့ ဗဟိုဘဏ်ကမဟုတ်ပါဘူး လို့ ပြောပြီးပြီ။ ဟုတ်ပါတယ်လို့ ပြောသူကို အရေးယူမယ့်အပိုင်း ကတော့ အရေးယူနိုင်တဲ့ အဖွဲ့ အစည်းက နိုင်ငံစီးပွားရေး အဟန့် အတားဖြစ်ရင် ပြည်သူလူထုကို အထိတ်တလန့်ဖြစ်အောင်လုပ် တဲ့ ရည်ရွယ်ချက်၊ အထောက်အ ထား စိစစ်နိုင်ရင် အရေးယူတဲ့ အဖွဲ့အစည်းက အရေးယူမှာပေါ့’’ ဟု ဦးဝင်းသော်က ပြောသည်။
    
ထို့အပြင် လက်ရှိတွင် စာရင်းဖျက်သိမ်းရမည့် ဘဏ်တစ်ခုမျှ မရှိသေးကြောင်း ဦးဝင်းသော်က အတည်ပြုပြောကြားသည်။
    
ထိုအခြေအနေကို အမှန်အ တိုင်း သိရှိနိုင်ရန် ဗဟိုဘဏ်၏ ဖြေရှင်းဆောင်ရွက်ချက်ကို ဦးဝင်းသော်က ဇွန်လ ၁၁ ရက် မွန်းလွဲပိုင်းတွင် ၎င်း၏ ဖေ့စ်ဘွတ်ခ်၌ ရှင်းလင်းထားသည်။
    
‘‘မှတ်ပုံတင်တွေ ဘာတွေနဲ့ အသေအချာတင်ထားတာဆို တော့ သက်ဆိုင်ရာဒေသအာဏာ ပိုင်တွေ၊ ရဲတပ်ဖွဲ့တွေ၊ ဗဟိုဘဏ်တို့က သူ့ကို အသေအချာမေးသင့် တယ်’’ဟု ဘဏ်လုပ်ငန်းအကြံ ပေး ဦးရဲမင်းဦးက ပြောသည်။
    
ရန်ကုန်ရှိ ဘဏ်များ၏ အ ခြေအနေကို တောင်တွင်းကြီး၌ နေထိုင်သူက ဘယ်လိုအချက်အ လက်များ သိရှိထားသလဲဆိုသည် ကို စနစ်တကျမေးသင့်သည်ဟု လည်း ၎င်းက ပြောသည်။ ယခု ကဲ့သို့ ရေးသားပြီး ဖေ့စ်ဘွတ်ခ် တွင် ဖော်ပြခြင်းကြောင့် နိုင်ငံ့ စီးပွားရေး၏ လုံခြုံစိတ်ချမှုကို ထိခိုက်လာမည်ဆိုပါက မဖြစ်သင့်ကြောင်း၊ လူတစ်ဦးတစ်ယောက် က ဖေ့စ်ဘွတ်ခ်၌ ရေးသားခြင်းကိုလူအများက ယုံကြည်မည်ဆိုပါက စိုးရိမ်စရာဖြစ်လာနိုင်ကြောင်း ဦးရဲမင်းဦးက ပြောသည်။
    
‘‘ပြည်တွင်းဘဏ်တွေရဲ့ ခိုင် မာမှုနဲ့ပတ်သက်ရင် ပိုပြီးယုံကြည် နိုင်တဲ့ အဆင့်ဖြစ်လာပါပြီ’’ဟု အငြိမ်းစား ဗဟိုဘဏ် ဒုတိယ ဥက္ကဋ္ဌ ဦးသန်းလွင်က ပြောသည်။
  
 နိုင်ငံပိုင်ဘဏ်များနှင့် ပုဂ္ဂလိကဘဏ်များ၏ အခန်းကဏ္ဍ ပိုမို မြင့်မားတိုးတက်လာစေရန် နိုင်ငံ တကာဘဏ်များ၏ စံချိန်စံညွှန်း နှင့်အညီ ယှဉ်ပြိုင်လာစေနိုင်ရေး ကိစ္စရပ်များအပေါ် တစ်ဆင့်ပြီးတစ်ဆင့် စီမံချမှတ်ဆောင်ရွက် နေကြောင်း ဦးဝင်းသော်က ရေး သားထားသည်။
  
 မြန်မာနိုင်ငံ ဗဟိုဘဏ်သည် ငွေရေးကြေးရေး အဖွဲ့အစည်း များဥပဒေ (၂၀၁၆)နှင့်အညီ ဘဏ်များ စနစ်တကျဖြစ်စေရန် ၂၀၁၇ ဇူလိုင်က မ,တည်ရင်းနှီးငွေ လုံလောက်မှုစည်းမျဉ်း၊ ရပိုင်ခွင့် များ၊ အမျိုးအစားသတ်မှတ်ခြင်း နှင့် လျာထားခြင်းဆိုင်ရာစည်း မျဉ်း၊ ပမာဏကြီးမားသော ကြွေ မြီများဆိုင်ရာ စည်းမျဉ်းနှင့် ငွေ ကြေးလွယ်ကူမှုအချိုး သတ်မှတ် ခြင်းဆိုင်ရာ စည်းမျဉ်းများကို အ မိန့်ကြော်ငြာစာများ ထုတ်ပြန်ခဲ့ သည်။
    
စည်းမျဉ်းများ သတ်မှတ်ရ ခြင်းသည် ဘဏ်အသီးသီး၏ စနစ်တကျရှိမှုနှင့် ခိုင်မာမှုအ တွက် အဓိကဖြစ်ပြီး နိုင်ငံတကာ ဘဏ်များနှင့် တန်းတူယှဉ်ပြိုင်နိုင် စွမ်းရှိနိုင်ရေး လိုက်နာကိုက်ညီရ မည့် အခြေခံအချက်များ ဖြစ် သည်။
    
စည်းမျဉ်းများ သတ်မှတ် ပြဋ္ဌာန်းခြင်းကြောင့် ဘဏ်အသီး သီးက အစပိုင်းတွင် အခက်အခဲ အနည်းငယ်ဖြစ်သော်လည်း တစ် နှစ်အတွင်း ဗဟိုဘဏ်၏ ဖြေ လျှော့ဆောင်ရွက်ပေးမှု၊ အကြံ ပေးမှုများဖြင့် အကောင်အထည် ဖော်ဆောင်ရွက်ခဲ့သည်။
    
ဖွဲ့စည်းပုံပြင်ဆင်တိုးချဲ့ ခြင်း၊ စိစစ်မှုများ ပြုလုပ်ခြင်း၊ နိုင်ငံတကာပညာရှင်များ ခန့်အပ်ပြီး ပြုပြင်ပြောင်းလဲမှုများ တိုးတက်အောင် ဆောင်ရွက်ခြင်းတို့ ကြောင့် ဘဏ်အသီးသီး၏ ငွေ ရေးကြေးရေး အချက်အလက်များ ပိုမိုကောင်းမွန်လာသည်ဟု ဦးဝင်းသော်က ၎င်း၏ ဖေ့စ်ဘွတ်ခ်တွင် ရေးသားထားသည်။

More in News Section

Top News