မကွေးတိုင်း၌ မိုးများပြီး ရေလျှံခြင်းကြောင့် လမ်းပန်းဆက်သွယ်ရေးပြတ်တောက်

မကွေး - နတ်မောက်လမ်းတွင် ရေကြီးနေစဉ် (ဓာတ်ပုံ − ထိုက်ထိုက်)

 ဇွန်လ ၉ ရက်ကစ၍ မိုးသည်းထန်စွာ ရွာသွန်းသဖြင့် မကွေးတိုင်းအတွင်း ချောင်းများ ရေလျှံခြင်းကြောင့် လမ်းပန်းဆက် သွယ်ရေး ပြတ်တောက်မှုများ ရင် ဆိုင်နေရကြောင်း ပုဂ္ဂလိကပိုင် လုပ်ငန်းသုံး မော်တော်ယာဉ်များ ကြီးကြပ်ရေးဆပ်ကော်မတီ အ တွင်းရေးမှူး ဦးမိုးခိုင်စိုးက ပြော သည်။

သုံးရက်ကြာ မိုးသည်းထန်စွာ ရွာသွန်းခဲ့ခြင်းကြောင့် မကွေး- နေပြည်တော်လမ်း၊ မကွေး- နတ် မောက်လမ်း၊ တောင်တွင်းကြီး -  ပြည်လမ်း၊ မကွေး- အင်းလမ်း၊ ပဒါန်း- ငဖဲလမ်း၊ ငဖဲ-စေတုတ္တ ရာလမ်းပိုင်းများတွင် ချောင်း ရေလျှံခြင်း၊ တံတားငယ်များ အန္တရာယ်ရှိနေခြင်းကြောင့်လမ်း ပန်းဆက်သွယ်ရေး အခက်အခဲ များ ကြုံတွေ့နေကြောင်း ၎င်းက ဆိုသည်။

‘‘မကွေး-နတ်မောက်လမ်း မှာတင် ချောင်းက ခုနစ်ချောင်း ကျော်လောက်ရှိတယ်။ ချောင်း ရေကျတာက အရမ်းကိုများ တယ်။ ဘယ်ကားမှ ဖြတ်ကူးဖို့အ ဆင်မပြေဘူး။ အန္တရာယ်ရှိတယ်’’ ဟု ကြာကန်ကျေးရွာမှ ဦးဇော်မင်း ထိုက်က ပြောသည်။

 မိုးရွာသွန်းမှုကြောင့် ငဖဲမြို့ နယ် ပင်ဦးကျေးရွာအုပ်စု၊ လေး အိပ်စုကျေးရွာ ပဇီးချောင်းရေ ကာတာ ပြိုကျပျက်စီးခဲ့သည်။ ပန်ထိန်းချောင်းရေမြင့်တက်လာ ခြင်းကြောင့်လည်း ငဖဲမြို့နယ် မြစ်ဖျားကျေးရွာ မန်းချောင်းကူး တံတား မျောပါပျက်စီးခဲ့ကြောင်း ဘေးအန္တရာယ်ဆိုင်ရာ စီမံခန့်ခွဲမှု ဦးစီးဌာနညွှန်ကြားရေးမှူး ဦးမြင့် စိုးက ပြောသည်။

စေတုတ္တရာ-ငဖဲကားလမ်း က ထမင်းချက်ကျေးရွာအနီးရှိ ရေပြွန်ပျက်စီးသဖြင့် ကတ္တရာ လမ်းအကျယ် ၅၀ ပေခန့်နှင့် အနက် ၁၀ ပေခန့် ပျက်စီးကြောင်း ၎င်းကပြောသည်။

ထို့အပြင် ချောင်းများနှင့်နီး သည့် ကျေးရွာများအတွင်းသို့ ရေ များဝင်နေသည့်အပြင် မကွေး တိုင်းအတွင်းရှိ ဆည်တမံများ၏ အခြေအနေကိုလည်း စောင့်ကြည့် နေပြီး ယခုထိ တမံများသည် စိုး ရိမ်ရေမှတ် ကျော်လွန်မှုမရှိသေး ကြောင်း၊ သို့သော် မိုးဆက်လက် ရွာသွန်းနေပါက စိုးရိမ်ဖွယ်ရှိ ကြောင်း မကွေးတိုင်းရေကြီးရေ လျှံနှင့် သဘာဝဘေးအန္တရာယ် သတင်းအဖွဲ့က ပြောသည်။

မိုးအဆက်မပြတ်ရွာသွန်း ခြင်းကြောင့် ပွင့်ဖြူမြို့နယ်အ တွင်းရှိ မန်းချောင်းရေလျှံ၍ ကမ်း ပါးများ တိုက်စားပြိုကျပြီး လူနေ အိမ်ခြောက်လုံးကျော်ပြောင်းရွှေ့ နေရသည်။ မိုးရွာသွန်းမှုကြောင့် ရင်ဆိုင်ရသည့် အခက်အခဲများကို ကွင်းဆင်းကြည့်ရှု၍ ကူညီပေးမှု များ အမြန်ဆုံး ဆောင်ရွက်နေ ကြောင်း ပွင့်ဖြူမြို့နယ် မကွေး တိုင်း လွှတ်တော်ကိုယ်စားလှယ် ဦးတင်ဆန်းက ဆိုသည်။

မကွေးတိုင်းအတွင်းရှိ မြို့ နယ်များအလိုက် ရင်ဆိုင်နေရ သည့် အခက်အခဲများ၊ အချက်အ လက်များကို ကွင်းဆင်းစစ်ဆေး နေပြီး ကူညီထောက်ပံ့မည်ဖြစ်ပြီး ယခုအချိန်အထိ မိုးသည်းထန်စွာရွာသွန်းခြင်းကြောင့် လူနှင့်တိရစ္ဆာန်များ သေဆုံးမှုမရှိသေး ကြောင်း တိုင်းဘေးအန္တရာယ်ဆိုင်ရာ စီမံခန့်ခွဲမှု ဦးစီးဌာန ညွှန်ကြားရေးမှူး ဦးမြင့်စိုးက ပြောသည်။

More in News Section

Top News