ရန်ကုန်တိုင်းအစိုးရနှင့် လွှတ်တော်ကြားက ပွတ်တိုက်မှု

ရန်ကုန်တိုင်းဒေသကြီး လွှတ်တော်အစည်းအဝေးခန်းမမြင်ကွင်း (ဓာတ်ပုံ − ကျော်ဇင်သန်း)

ရန်ကုန်တိုင်း၌ လာမည့် နှစ်အတွက် အသုံးပြုမည့် အရအသုံးခန့်မှန်းငွေစာရင်း (လျာထားချက်) နှင့် ပတ်သက်၍ တိုင်းဒေသကြီး စီမံဘဏ္ဍာဝန်ကြီး ဦးမြင့်သောင်းက ဇွန်လ ၄ ရက်တွင် ပြုလုပ်သည့် လွှတ်တော်၌ ဖတ်ကြားရှင်းလင်း နေစဉ်အတွင်း လွှတ် တော်ခန်းမ တစ်ခုလုံး ငြိမ်သက် ၍ နေသည်။

ဝန်ကြီးက မိနစ် ၄၀ ကျော် ကြာ ရှင်းလင်းချက်ကို ဖတ်ကြား ပြီးနောက် ငွေစာရင်းလျာထား ချက်ကို အတည်ပြုပေးရန် လွှတ် တော်ဥက္ကဋ္ဌထံ တောင်းဆို၏။

ထိုစဉ် အချိန်အတန်ကြာ ငြိမ်သက်နေသော လွှတ်တော် တွင် လွှတ်တော်ကိုယ်စားလှယ် အချို့ လှုပ်လှုပ်ရွရွဖြစ်သွားပြီး အတည်ပြုရန် မဖြစ်နိုင်ကြောင်း တုံ့ပြန်သံများထွက်လာသည်။

ယင်းအရအသုံးခန့်မှန်းငွေ စာရင်း(လျာထားချက်)တွင် ဌာန ဆိုင်ရာများအတွက် အသုံးစရိတ် ကို ပိုမိုထည့်သွင်းထားခြင်း ကြောင့်ဟုဆိုကာ လွှတ်တော် ကိုယ်စားလှယ်များက ကန့်ကွက်ထားပြီး၎င်းတို့က အတည်မပြုလိုကြပေ။

ယခင်ငွေစာရင်းလျာထား ချက်တင်ပြခဲ့သည့် သုံးကြိမ်အ တွင်း ကန့်ကွက်ထောက်ပြမှုမရှိခဲ့ ဘဲ လွှတ်တော်ကိုယ်စားလှယ်များ က တညီတညွတ်တည်း ထောက် ခံခဲ့ကြပြီး ယခုတစ်ချိန်တွင် ကန့်ကွက်ချက်များရှိနေခြင်းကြောင့် စီမံဘဏ္ဍာဝန်ကြီးအတွက်လည်း လွှတ်တော်တွင်း ဆွေးနွေးမှု၌ အကျပ်ရိုက်စေခဲ့သည်။

‘‘အစောပိုင်းကာလတွေမှာ လုပ်ထုံးလုပ်နည်းတွေ သိပ်မသိ ကြဘူး။ ဒါကြောင့် အစိုးရကို ထောက်ပြဝေဖန်နိုင်မှုတွေ သိပ် မလုပ်နိုင်ခဲ့ဘူး။ အခုဆို တော် တော်များများ သိလာကြပြီဖြစ်တဲ့ အတွက် လွှတ်တော်ရဲ့ အခန်း ကဏ္ဍက ပိုပြီး ပေါ်လွင်လာတဲ့ သဘောပဲ’’ဟု ဒေါပုံမြို့နယ် မဲဆန္ဒနယ်အမှတ်(၂) မှ တိုင်းဒေသကြီး  လွှတ်တော်ကိုယ်စားလှယ် ဦးသန့် ဇင်က လွှတ်တော်တွင် ထိုသို့ဖြစ် ပေါ်ရသည့်အခြေအနေကို ရှင်းပြ သည်။

ကန့်သတ်မှုများ ရှိခဲ့ခြင်း ကြောင့် လွှတ်တော်ကိုယ်စား လှယ်များနှင့် ရန်ကုန်တိုင်းအစိုးရ တို့လွှတ်တော်အစည်းအဝေးတွင် အချေအတင် ဆွေးနွေးပြီး နောက် ဆုံးတွင် အတည်ပြုချက်တောင်းခံ မည့် အစီအစဉ်ကို ပြောင်းလဲ၍ ဝန်ကြီးချုပ်ထံ ပြန်လည်တင်ပြ ရန် လွှတ်တော်ဥက္ကဋ္ဌက ကြေညာ ခဲ့သည်။


(ရန်ကုန်တိုင်း လျှပ်စစ်၊ စက်မှု၊ လက်မှုနှင့် လမ်းပန်းဆက်သွယ်ရေးဝန်ကြီးဒေါ်နီလာကျော် လွှတ်တော်တွင်း ဆွေးနွေးနေစဉ်/ဓာတ်ပုံ- ကျော်ဇင်သန်း)

ယင်းသို့ ရန်ကုန်တိုင်းဒေသ ကြီးအရအသုံးခန့်မှန်းငွေစာရင်း (လျာထားချက်)နှင့်ပတ်သက်၍ အစိုးရနှင့် လွှတ်တော်တို့၏အချေ အတင်ဖြစ်ရပ်သည် လက်ရှိအစိုး ရလက်ထက်မဏ္ဍိုင်နှစ်ရပ်လုပ် ပိုင်ခွင့် ပါဝါပြိုင်ဆိုင်မှု၏ထင်ရှား သောဖြစ်ရပ်ဖြစ်ခဲ့သည်။

ယခု ငွေစာရင်းလျာထား ချက်မတိုင်မီကလည်း ရန်ကုန် တိုင်းဒေသကြီးအစိုးရဖော်ဆောင် မည့် ရင်းနှီးမြှုပ်နှံမှုစီမံကိန်းများ နှင့်ပတ်သက်၍ တိုင်းလွှတ်တော် တွင် ဝေဖန်ကန့်ကွက်မှုများရှိခဲ့ သည်။

ထို့ကြောင့် လွန်ခဲ့သည့် ၂ နှစ်တာကထက် ရန်ကုန်တိုင်း လွှတ်တော်က ပို၍ သက်ဝင်လှုပ် ရှားလာခြင်းဖြစ်ပြီး အစိုးရနှင့် လွှတ်တော်၏ အပြန်အလှန်ပွတ် တိုက်မှုများဖြင့် မြိုင်ဆိုင်လာသည်။

ယခုပြုလုပ်နေသည့် ရန်ကုန် တိုင်းဒေသကြီး လွှတ်တော်အ စည်းအဝေးတွင် အစိုးရက အကောင်အထည်ဖော်မည့် စီမံကိန်း လုပ်ငန်းများကို လွှတ်တော်သို့ တောက်လျှောက်အဆိုတင်နေပြီး လွှတ်တော်ကိုယ်စားလှယ်များက လည်း မေးခွန်းများထုတ်ကာ ကန့် ကွက်ခဲ့သည်။

ရန်ကုန်တိုင်းဒေသကြီးအစိုး ရသည် ရန်ကုန်တိုင်းဒေသကြီး စိုက်ပျိုးရေးကဏ္ဍဖွံ့ဖြိုးတိုးတက် ရေးစီမံကိန်း (၂၀၁၈-၂၀၂၁)၊ ရန်ကုန်တိုင်းဒေသကြီးအတွင်း ပြည်တွင်း၊ ပြည်ပရင်းနှီးမြှုပ်နှံမှု ဖြင့် မြို့ပြဖွံ့ဖြိုးရေးဆိုင်ရာ လုပ် ငန်းစီမံကိန်းအစီရင်ခံစာ (၂၀၁၈ -၂၀၂၂)၊ ရန်ကုန်တိုင်းဒေသကြီး ကော့မှူးမြို့နယ် သရက်တော ကျေးရွာတွင် အကောင်အထည် ဖော်မည့် ဆိပ်ကမ်းတည်ဆောက် ရေးလုပ်ငန်းစီမံကိန်းအစီရင်ခံစာ တို့ကို ပြီးခဲ့သည့်ရက်ပိုင်းက လွှတ်တော်တွင် တင်သွင်းခဲ့သည်။

သို့သော် တင်ပြချက်များ သည် ခေါင်းစဉ်မျှသာပါဝင်ပြီး စီမံကိန်းလုပ်ငန်း အသေးစိတ်ကို ထည့်သွင်းရှင်းပြထားခြင်းမရှိဟု ဆိုကာ လွှတ်တော်ကိုယ်စားလှယ် များက ကန့်ကွက်ခဲ့သည်။

 ရန်ကုန်တိုင်းဒေသကြီး အ တွင်း ပြည်တွင်း၊ ပြည်ပရင်းနှီး မြှုပ်နှံမှုဖြင့် မြို့ပြဖွံ့ဖြိုးရေးဆိုင်ရာ  လုပ်ငန်းစီမံကိန်း အစီရင်ခံစာ (၂၀၁၈-၂၀၂၂) တွင် ကျပ်ဘီလီယံ၁,၅၀၀ ကျော်တန်ဖိုးရှိ စီမံကိန်းကိုးခုအပါအဝင် မြို့ပြဖွံ့ဖြိုးရေး စီမံကိန်း ၁၂ ခုပါဝင်သည်။

သို့သော် စီမံကိန်းလုပ်ငန်း အချို့သည် လွှတ်တော်သို့ မတင်ပြခင်ကတည်းက စတင်ထားသည့်အပေါ် လွှတ်တော်ကိုယ်စားလှယ်အချို့က အပြင်းအထန် ဝေဖန်ပြီးနောက် ယင်းအစီရင်ခံစာ အတည်မဖြစ်ခဲ့ဘဲ မှတ်တမ်းအဖြစ်သာ သတ်မှတ်ခံခဲ့ရသည်။

ထို့နောက် အဆိုပါစီမံကိန်း များကို အကောင်အထည်ဖော် မည်ဆိုပါက စီမံကိန်းလုပ်ငန်း တစ်ခုချင်းအလိုက် လွှတ်တော်သို့ တင်ပြ၍ လွှတ်တော်၏အတည်ပြု ချက်ရယူပြီးမှသာ လုပ်ဆောင်ရန် ၎င်းတို့က ထပ်ဆင့်တောင်းဆိုခဲ့ သည်။

ဆက်လက်၍ တိုင်းအစိုးရ ဝန်ကြီးများစီးမည့်ကား ၁၀ စီး ဝယ်ယူရန်နှင့် မြို့တော်ဘဏ်တွင် ကျပ် ၆ ဒသမ ၈ ဘီလီယံထည့် ဝင်မည့် အချက်များပါဝင်သည့် ၂၀၁၈-၂၀၁၉ ရန်ကုန်တိုင်းဒေသ ကြီး၏အရအသုံးခန့်မှန်းခြေငွေ စာရင်း(လျာထားချက်)က လွှတ် တော်တွင်း ဝေဖန်ကန့်ကွက်မှု ထပ်မံကြုံခဲ့ရသည်။

ယင်းငွေစာရင်း လျာထား ချက်၌ အရှုံးခံလည်ပတ်နေသည့်  သမဝါယမလုပ်ငန်းအတွက် ငွေ ကျပ်နှစ်ဘီလီယံကျော် ထပ်မံ ထုတ်ပေးရန်၊ တိုင်းဒေသကြီးအ စိုးရ၊ လွှတ်တော်နှင့် ဌာနဆိုင်ရာ များအတွက် ဧည့်ခံကျွေးမွေး စရိတ်ကျပ်သန်း ၁၀၀ ခန့် သုံးစွဲရန် စသည်တို့ ထည့်သွင်းထားသည့် အပေါ် လွှတ်တော်ကိုယ်စားလှယ် များက စိစစ်၍ ထောက်ပြခဲ့သည်။

ရန်ကုန်တိုင်းလွှတ်တော် တွင် ဝေဖန်မှုအများဆုံးဖြစ်ခဲ့သည့် ဝန်ကြီးများအတွက် ကားအသစ် ဝယ်မည့် ကိစ္စနှင့်ပတ်သက်၍ လွှတ်တော်၌ အချေအတင်ဖြစ်ပြီး ခြောက်ရက်အကြာတွင် ရန်ကုန်တိုင်းဝန်ကြီးချုပ် ဦးဖြိုးမင်းသိန်း က မီဒီယာအချို့ကို ၎င်း၏ရုံးခန်း သို့ ခေါ်ယူ၍ ပြန်လည်ရှင်းလင်း ခဲ့သည်။

‘‘ကားစီးဖို့ ဆောင်ရွက်နေ တဲ့ အစိုးရအဖွဲ့မဟုတ်ဘူးဆိုတာ ကိုတော့ ရှင်းရှင်းလင်းလင်း ကျွန် တော်ပြောချင်ပါတယ်။ အဆောင်အယောင်ဥပဒေအရ သတ်မှတ် ထားတဲ့ဥပဒေကိုတော့ ဝန်ကြီး တွေ လိုက်နာရပါမယ်။ ကျွန်တော်တို့ဘက်ကလည်း လိုက်နာနိုင် အောင်အတွက် သူတို့ကို သတ် မှတ်ထားတဲ့ အခွင့်အရေးတွေကို ပေးရပါမယ်’’ဟု ဝန်ကြီးများအ တွက် ကားအသစ်ဝယ်မည့်အပေါ် ဝေဖန်မှုများကို ၎င်းက ပြန်လည် တုံ့ပြန်သည်။

 လွှတ်တော်ကိုယ်စားလှယ် များက အစိုးရအဖွဲ့က တင်သည့် အစီရင်ခံစာနှင့် အဆိုများကို ထောက်ပြခဲ့သည့်အပြင် ၂၀၁၆-၁၇ ဘဏ္ဍာနှစ် ဖြည့် စွက်ရန်ပုံငွေမှ မြို့တော်ဘဏ်တွင် ထည့်ဝင်ခဲ့ သည့် ကျပ် ၆၄ ဘီလီယံ၊  အများပိုင် ဘတ်စ်ကားကုမ္ပဏီများတွင် ထည့်ဝင်ထားသည့် ကျပ် ၇၀ ဘီလီယံနှင့် လယ်ယာမြေပြုပြင်ခြင်း လုပ်ငန်းအတွက် ကျပ်သန်း ၈,၀၀၀ ခန့်တို့ကို စာရင်းစစ်၍ လွှတ်တော်သို့ တင်ပြပေးရန် ဒေါ်စန္ဒာမင်းက အဆိုတင် တောင်းဆိုပြီး ကျန်လွှတ်တော် ကိုယ်စားလှယ်များကပါ ထောက်ခံခဲ့သည်။

‘‘အခု ကျွန်မတို့ သေသေချာ ချာစစ်ဆေးတတ်လာပါပြီ။ သေ သေချာချာကို ပြည်သူ့ငွေစာရင်း ကော်မတီက စစ်ဆေးတတ်လာ သလို ကျွန်မတို့က ဘဏ္ဍာရေး ကော်မတီကလည်း သေသေချာချာ စစ်ဆေးတတ်နေပါပြီလို့ လွှတ်တော်ကို ဝန်ခံတာပါ’’ဟု ရန်ကုန်တိုင်းဒေသကြီး ဘဏ္ဍာရေး၊စီမံကိန်းနှင့် စီးပွားရေးကော်မတီဥက္ကဋ္ဌ ဒေါ်စန္ဒာမင်းက ဆိုသည်။

အဆိုပါ ဖြစ်ရပ်များသည် ယခုကျင်းပနေသည့် လွှတ်တော်၌ လွှတ်တော်ကိုယ်စားလှယ်အချို့ ၏ထင်ထင်ရှားရှား လုပ်ဆောင် နိုင်ခဲ့သည့် ဖြစ်ရပ်များဖြစ်ကာ အစိုးရအပေါ် ကန့်ကွက်မှုများခဲ့ သည့်အတွက် လွှတ်တော်နှင့် အစိုးရအားပြိုင်ပွတ်တိုက်မှု အများဆုံး ဖြစ်ပေါ်သည့် ကာလဟု စောင့်ကြည့်သူအချို့က သုံးသပ်သည်။

‘‘ရန်ကုန်တိုင်းအစိုးရအဖွဲ့ တချို့လုပ်ငန်းတွေလုပ်နေတာ၊ အထူးသဖြင့် ဘဏ္ဍာငွေ၊ ဘတ် ဂျက်သုံးစွဲတာနဲ့ပတ်သက်ရင် ပွင့် လင်းမြင်သာမှုအပိုင်းမှာ တော် တော်လေးအားနည်းနေတာတွေ့ ရတယ်။  ဒီကာလမှာ ဒီချုပ်အမတ် တွေရဲ့ လွှတ်တော်ကိုယ်စားလှယ် တွေ အတွေ့အကြုံအတော်အ သင့်ရလာပြီး ပိုပြီး လုပ်လာနိုင် တယ်လို့ ထင်ပါတယ်။ ဒီလိုဖြစ် စဉ်တွေက အစိုးရနဲ့လွှတ်တော် ပါဝါချင်းအားပြိုင်တဲ့ သဘောမျိုး သက်ရောက်နေတာပေါ့’’ဟု လွှတ်တော်ရေးရာစောင့်ကြည့် လေ့လာမှုများပြုလုပ်နေသည့် ပွင့်လင်းမြန်မာ့ရှေ့ဆောင်အဖွဲ့ အ မှုဆောင်ဒါရိုက်တာ ဦးအေးကျော်က ပြောသည်။

 ရန်ကုန်တိုင်း ဒေသကြီး လွှတ်တော်သည် အခြားလွှတ် တော်များနည်းတူ အမျိုးသားဒီမို ကရေစီအဖွဲ့ချုပ် ပါတီဝင် လွှတ် တော်ကိုယ်စားလှယ်အများစုဖြစ် ပြီး အဓိကအတိုက်အခံပါတီဖြစ် သည့် ပြည်ထောင်စုကြံ့ခိုင်ရေး နှင့် ဖွံ့ဖြိုးရေးပါတီမှ လွှတ်တော် ကိုယ်စားလှယ်သုံးဦးသာ ပါဝင် သည်။

သို့သော် ထူးခြားချက်မှာ လက်ရှိတွင် ဒီချုပ်ပါတီဝင်အများ စု ဦးဆောင်ဖွဲ့စည်းထားသော ရန်ကုန်တိုင်းအစိုးရအပေါ် ထိန်း ကျောင်းဝေဖန်မှု အများဆုံးပြု လုပ်နေသည်လည်း ဒီချုပ်ပါတီ ဝင်ကိုယ်စားလှယ်များသာ ဖြစ်နေ သည်။

ယခင်အစိုးရလက်ထက် ရန် ကုန်တိုင်းဒေသကြီးလွှတ်တော် တွင် ထိုစဉ်က အနိုင်ရပါတီဖြစ် သည့် ပြည်ထောင်စုကြံ့ခိုင်ရေး နှင့် ဖွံ့ဖြိုးရေးပါတီမှ လွှတ်တော် ကိုယ်စားလှယ်အများစုရှိပြီး အစိုးရအပေါ် ဝေဖန်ထောက်ပြမှု များမှာ ယခုလွှတ်တော်လောက် အားမကောင်းခဲ့ပေ။

ဒီချုပ်ပါတီ ထိပ်တန်းခေါင်း ဆောင် ဦးဉာဏ်ဝင်းက ထိုသို့ ရန်ကုန်တိုင်းဒေသကြီးတွင် လွှတ် တော်နှင့်အစိုးရ အပြန်အလှန် ထိန်းကျောင်းထိတွေ့မှုဖြစ်စဉ် များနှင့်ပတ်သက်၍ ပါတီအနေ ဖြင့် မှတ်ချက်ပေးစရာမရှိဟုဆို သည်။

လက်ရှိအစိုးရလက်ထက် ၂  နှစ်ကျော်တွင် လွှတ်တော် အ တွင်း အစိုးရအပေါ် ထောက်ပြ ဝေဖန်မှုများမှာ မဲဆန္ဒရှင်များအ တွက် ပြုလုပ်ရခြင်းဖြစ်၍ အစိုးရနှင့်လည်း မကျေလည်စရာ အဖုအထစ်များရှိလာနိုင်မည် မဟုတ် ဟု တိုင်းလွှတ်တော်ကိုယ်စား လှယ်များက ပြောသည်။

‘‘ဒီမိုကရေစီမှာတော့ ဒါတွေ က မထူးဆန်းပါဘူး။ အစိုးရနဲ့ လွှတ်တော်ကြားမှာ အဖုအထစ် လည်း မရှိပါဘူး။ အစိုးရအဖွဲ့က လည်း ဒီအပေါ်မှာ တည်တည်ငြိမ် ငြိမ်ပါပဲ။ အဖုအထစ်ရှိတယ်ဆို တာက အရင်အစိုးရခေတ်မှာ ဒီလိုမျိုးဖြစ်ရင် အဖုအထစ်တင် မဟုတ်ဘူး။ အန္တရာယ်တွေ၊ ရန် ငြိုးတွေတောင် ရှိကောင်းရှိနိုင် တာပေါ့’’ဟု ဒဂုံမြို့သစ် (တောင် ပိုင်း)မြို့နယ်မှ ဒီချုပ်ပါတီတိုင်း ဒေသကြီးလွှတ်တော်ကိုယ်စား လှယ် ဦးညီညီက ဆိုသည်။

‘‘ဌာနတွေက တင်လာတဲ့ ဘတ်ဂျက်တွေမှာ လိုအပ်ချက် တွေရှိရင် အစ်မတို့ ဆွေးနွေးမှာ ပဲ။ ဒါ အစ်မတို့က အစိုးရကို ကူညီနေတာ’’ဟု ကျောက်တံတားမြို့ နယ်မှ ဒီချုပ်ပါတီတိုင်းဒေသကြီး လွှတ်တော်ကိုယ်စားလှယ် ဒေါ် ကြည်ပြာက လွှတ်တော်ကိုယ်စား လှယ်များ၏သဘောဆန္ဒကို ထုတ်ဖော်ပြောသည်။

လက်ရှိ ရန်ကုန်တိုင်းဒေသ ကြီးလွှတ်တော်တွင် အစိုးရထံမှ တင်ပြလာသည့် စီမံကိန်းများ၊ အစီရင်ခံစာများ၊ အဆိုများနှင့် ပတ်သက်၍ ဝေဖန်ကန့်ကွက်ခံရ ခြင်းများသာ အများဆုံးကြုံနေရ သဖြင့် မည်သည့်အကြောင်းအရာ လာလာ ကန့်ကွက်နေသည်ဟု အစိုးရအား ထောက်ခံသူများက လွှတ်တော်ကိုယ်စားလှယ်အချို့ ကို ပြန်လည်ဝေဖန်ခြင်းများလည်း ရှိသည်။

၎င်းတို့အနေဖြင့် အစိုးရကို ဝေဖန်၍ ပြောဆိုနေရခြင်းများ သည် မမှားသင့်သည့်ကိစ္စများကို မှားယွင်းမသွားစေရန် ထိန်း ကျောင်းခြင်းသာဖြစ်ပြီး အပြစ် ထိုင်ပြောနေခြင်းမဟုတ်ဟု လွှတ် တော်ကိုယ်စားလှယ်များက ဆို သည်။

‘‘တချို့စီမံကိန်းတွေဆို အ ပြင်မှာ အရမ်းဆူနေရင် အစိုးရ အနေနဲ့ သတိကြီးကြီးလုပ်ဖို့ လွှတ် တော်က သတိပေးရတာမျိုး ရှိ တယ်။ အဲဒီအခါ ရန်ကုန်တိုင်း လွှတ်တော်က အစိုးရကို အမြဲ ကန့်ကွက်နေတယ်ဆိုပြီး ဖြစ်သွား ရော’’ဟု ဒေါ်ကြည်ပြာက ပြော ကြားသည်။

ဒေါ်ကြည်ပြာနည်းတူ လှိုင် မြို့နယ်မဲဆန္ဒနယ်မှ တိုင်းလွှတ် တော်ကိုယ်စားလှယ် ဒေါ်ခိုင်မာ ဌေးကလည်း ‘‘ကောင်းဖို့ဆိုရင် လည်း ပိုကောင်းဖို့ကိုပဲ ဝိုင်းဆွေး နွေးတယ်။ အကုန်လုံးက အစိုးရ လုပ်သမျှကို ဖျက်ဖို့မဟုတ်ဘူး။ ပိုမိုကောင်းမွန်တဲ့ လုပ်ငန်းတစ်ခု ဖြစ်ဖို့ကိုပဲ ဝိုင်းဝန်းဆွေးနွေးတယ် လို့ပဲ ခံယူထားပါတယ်’’ဟု ဖွင့်ဟ သည်။

 ရန်ကုန်တိုင်း လွှတ်တော် သည် ယခင်လွှတ်တော်ကထက် ပို၍ အစိုးရအား စောင့်ကြည့် ထိန်းကျောင်းမှုပြုလုပ်လာနိုင်ပြီး လွှတ်တော်ကော်မတီအဖွဲ့များ၏ စနစ်တကျစွမ်းဆောင်မှုပြသလာ နိုင်မှုများမှာ အားရစရာကောင်း သည်ဟု တိုင်းဒေသကြီးလွှတ် တော်ကိုယ်စားလှယ်ဟောင်း ဒေါက်တာညိုညိုသင်းက မှတ် ချက်ပြုသည်။

‘‘တခြားလွှတ်တော်တွေနဲ့ ယှဉ်ရင် ရန်ကုန်လွှတ်တော်က အစိုးရကို ထိန်းကျောင်းနိုင်မှုမြင့် မားလာတယ်။ ဒါပေမဲ့ ရန်ကုန်လူ ထုရဲ့လိုအပ်ချက်တွေ ကာမိ အောင် ထိန်းချုပ်နိုင်မှုရှိပြီလား ဆိုရင် မရသေးဘူးလို့ပဲ ပွင့်ပွင့် လင်းလင်းပြောရမယ်’’ဟု ၎င်းက ပြောသည်။

ရန်ကုန်တိုင်းလွှတ်တော်ကိုယ် စားလှယ်များသည် ၂ နှစ်ကျော် တာဝန်ထမ်းဆောင်ပြီးနောက် အတွေ့အကြုံများရှိလာပြီး လုပ်ပိုင်ခွင့်များကို သိရှိအသုံးချလာနိုင် သဖြင့် လက်ကျန်သက်တမ်းကာ လတွင် ယခုပိုမို၍ စွမ်းဆောင် ရည်ပြသလာနိုင်မည်ဟု ယုံကြည်ကြောင်း ဒေါက်တာ ညိုညိုသင်း က ဆိုသည်။

လက်ရှိလွှတ်တော်တွင် အ စိုးရအား ထောက်ပြခြင်း၊ ပါဝင် ဆွေးနွေးခြင်းမရှိသေးသည့် လွှတ် တော်ကိုယ်စားလှယ်များအနေ ဖြင့်လည်း အားတက်သရောလုပ် ကိုင်နေသည့် လွှတ်တော်ကိုယ် စားလှယ်များနည်းတူ လိုက်ပါ ဆောင်ရွက်သင့်ကြောင်း ၎င်းက တိုက်တွန်းသည်။

‘‘တချို့ကိုယ်စားလှယ်တွေ က အစိုးရငြိုငြင်မှာ ကြောက်နေ ကြတယ်။ မဆွေးနွေးရသေးတဲ့ သူတွေ ဝင်ပြီး ဆွေးနွေးကြစေချင် တယ်။ လူနည်းစုကပဲ ဆွေးနွေးပြောဆိုနေမယ်ဆိုရင် အစိုးရက အဲဒီလူနည်းစုကို ရန်လိုဆက်ဆံ တာမျိုးတွေ ရှိလာနိုင်တယ်။ ဒါကြောင့် အားလုံး ညီညီညွတ်ညွတ် လှုပ်ရှားဖို့သင့်တယ်’’ ဟု ဒေါက် တာ ညိုညိုသင်းက အကြံပြု သည်။

ထိုသို့ ရန်ကုန်တိုင်းလွှတ် တော်တွင် လွှတ်တော်ကိုယ်စား လှယ်များ၏လုပ်ကိုင်မှုစွမ်းရည် တိုးတက်လာသော်လည်း အစိုးရ လုပ်ဆောင်ချက်များကမူ တိုး တက်မှုမတွေ့ရသေးဟု စောင့် ကြည့်လေ့လာသူများက ဆိုသည်။ ရန်ကုန်တိုင်းအစိုးရသည် လွှတ်တော်အတွင်း အတည်ပြုခဲ့ သော အဆိုများကို လိုက်နာ ဆောင်ရွက်မှု၊ မေးခွန်းဖြေကြားမှု များတွင် လိုအပ်ချက်များစွာရှိနေ သေးသည်ဟု လွှတ်တော်ကိုယ် စားလှယ်များက ဖွင့်ဟသည်။

‘‘တချို့မေးခွန်းတွေက ကျွန် တော်တို့က တင်ထားတယ်။ အဲဒီ နောက် ဌာနဆိုင်ရာတွေကို ပို့ တယ်။ ဌာနဆိုင်ရာတွေဆီက ပြန် လာမှ လွှတ်တော်ထဲမှာ မေးခွင့်၊ ဖြေခွင့်ရတယ်။ အဲဒီမှာ တင်တဲ့ အချိန်တုန်းက အခြေအနေနဲ့ မေး ခွန်းမေးခွင့်ရတဲ့ အခြေအနေကွာ ခြားမှုတွေရှိကုန်တယ်။ တချို့မေး ခွန်းတွေဆို Up Date မဖြစ်တော့ ဘူး’’ ဟု ဦးလှဌေးက ပြောသည်။

 ရန်ကုန်တိုင်း ဒေသကြီး လွှတ်တော်တွင် ၂၀၁၇ က ဝေဖန် မှုများနှင့် ကြုံတွေ့နေရသည့် ဝိုင် ဘီအက်စ်ဘတ်စ်ကားပြေးဆွဲမှု နှင့်ပတ်သက်၍ မေးခွန်းမေးသည့် နေ့တွင် ဝန်ကြီးချုပ်ဦးဖြိုးမင်းသိန်း လွှတ်တော်၌ ခွင့်တိုင်ပျက်ကွက်ခဲ့ ခြင်းမှာလည်း ယခုအချိန်အထိ ပြောစမှတ်ဖြစ်ခဲ့သည်။

ထို့အပြင် လွှတ်တော်၌ မေး မြန်းလိုသည့်မေးခွန်းတင်ရာတွင် လွှတ်တော်ဥက္ကဋ္ဌက ယင်းမေးခွန်း ကို မေးမြန်းခြင်းမပြုသေးရန် ပြော ဆိုခြင်း၊ ဖြေကြားစေလိုသည့် ဝန်ကြီးဌာနထံသို့ မရောက်ရှိခြင်း ကဲ့သို့ ဖြစ်ရပ်များလည်း ရှိနေ သည်ဟု ဒေါ်ကြည်ပြာက ဆို သည်။

‘‘ဥက္ကဋ္ဌက မေးခွန်းတွေကို စိစစ်ပြီး သူတင်ပေးချင်တဲ့မေးခွန်း ကို တင်ပေးတယ်။ တချို့မေးခွန်း တွေက နိုင်ငံရေးအရ ဒီမေးခွန်း တွေက မေးလို့မကောင်းသေးဘူး ဆိုရင် မတင်ပေးဘူး။ ဘယ်မေး ခွန်းတင်ခွင့်ရတယ်၊ မရဘူးဆိုတာ ကျွန်မတို့လည်း အကုန်မသိ ဘူး’’ဟု ၎င်းက ပြောသည်။

သက်ဆိုင်ရာဝန်ကြီးများအ နေဖြင့် မေးခွန်းများကို ဖြေကြား ရာတွင် များသောအားဖြင့် ဌာန ဆိုင်ရာများက ရေးသားပေးသည့်အဖြေများကို ဖတ်ကြားဖြေကြားလေ့ရှိပြီး လိုချင်သည့် အဖြေကို မရရှိခြင်းများလည်း ကြုံတွေ့ရလေ့ရှိသည်ဟု ၎င်းတို့ကဆိုသည်။

‘‘မေးခွန်းကို ရေးသားပြုစုတဲ့ အရာရှိ ၉၀ ရာခိုင်နှုန်းက အရင် လက်ထက်ကတည်းကလည်း ဒီ လူတွေပဲ။ ဒါကြောင့် အဖြေကြည့် လိုက်ရင် ထူးထူးခြားခြားမတွေ့ရ ဘူး။ လွှတ်တော်ကိုယ်စားလှယ် တွေဘက်က တိုးတက်မှုရှိလာသ လို အစိုးရဘက်မှာလည်း ဆန်း သစ်သင့်နေပြီ’’ဟု ဒေါက်တာညို ညိုသင်းက ပြောသည်။

ထို့အပြင် အစိုးရအနေဖြင့် လူထုနှင့် အနီးစပ်ဆုံး ထိတွေ့ ဆက်ဆံနေသည့် လွှတ်တော် ကိုယ်စားလှယ်များ၏ အသံကို နားထောင်မှသာ လူထု၏ဆန္ဒကို ကြားသိနိုင်မည်ဖြစ်၍ လျစ်လျူရှု မနေသင့်ကြောင်း ၎င်းက အကြံပြု သည်။

ထိုသို့ ဝေဖန်မှုများနှင့်ရင် ဆိုင်နေရသည့် ရန်ကုန်တိုင်းဒေသ ကြီးအစိုးရမှာလည်း မည်ကဲ့သို့ အခက်အခဲပြဿနာများ ရှိနေ သည်ကို သိနိုင်ရန် 7Day Daily သတင်းအဖွဲ့က ဆက်သွယ်မေး မြန်းရန် ကြိုးစားသော်လည်း သက် ဆိုင်ရာ ဝန်ကြီးများနှင့်တွေ့ဆုံ မေးမြန်းခွင့်မရသေးပေ။

ယခုအခါ ရန်ကုန်တိုင်းဒေ သကြီးလွှတ်တော်သည် သက် တမ်း ၂ နှစ်ကျော်အကြာ၌ အစိုး ရအပေါ် ထိန်းကျောင်းမှုအား ကောင်းစွာဖြင့် လက်ကျန်သက် တမ်းအတွက် အကောင်းဆုံးဖြတ် ကျော်ရန် ပြင်ဆင်နေသည်။

လွှတ်တော်၏ထိန်းကျောင်း မှုဖြင့် အစိုးရကလည်း ပြုပြင်ရန် လိုသည့်အချက်များကို ပြုပြင်၍ တိုးတက်မှုများ ပိုမိုရရှိလာမည်ဟု ၎င်းတို့က ယုံကြည်ထားသည်။

‘‘ဝန်ကြီးချုပ်နဲ့တကွ ဝန်ကြီး တွေကလည်း ပြင်ဆင်မှုတွေ ဆောင်ရွက်မှုရှိတော့မယ်ဆိုတာ လေ့လာသုံးသပ်မိပါတယ်။ ဒီလို အစိုးရနဲ့ လွှတ်တော်အတွန်းအ တိုက်ဆွေးနွေးမှုတွေက ရလဒ် ကောင်းတွေရလာမယ်လို့ မြင် တယ်’’ဟု ဦးညီညီက ပြောသည်။

Top News