ခရီးသွားလုပ်ငန်းတိုးတက်ရေး ဆောင်ရွက်သင့်သည့်အချက်များကို ထုတ်ပြန်မည်ဟုဆို

 မြန်မာနိုင်ငံ ခရီး သွားလုပ်ငန်း ကွန်ဖရင့်တွင် ဆွေး နွေးရရှိလာသည့် အချက်အလက် များကို အကောင်အထည်ဖော်ရန် လုပ်ငန်းဆောင်ရွက်မှု Plan တစ်ခုထုတ်ပြန်မည်ဖြစ်ကြောင်း ဟိုတယ်နှင့် ခရီးသွားလာရေးဝန်ကြီး ဌာနညွှန်ကြားရေးမှူးချုပ် ဦးတင့် သွင်က ပြောသည်။


 ကွန်ဖရင့်ကို ဇွန်လ ၁၂ ရက်တွင် နေပြည်တော်၌ ပြုလုပ်ပြီးခရီးသွားကဏ္ဍ ဖွံ့ဖြိုးရေးအတွက် ခရီးစဉ်ဒေသ စီမံခန့်ခွဲမှု၊ ဈေး ကွက်မြှင့်တင်ရေး၊ လူ့စွမ်းအားအရင်းအမြစ် ဖွံ့ဖြိုးရေး၊ SME ကဏ္ဍဖွံ့ဖြိုးရေး၊ အခွန်ကောက်ခံမှုများ စနစ်တကျဖြစ်ရေးနှင့် ရင်းနှီးမြှုပ် နှံမှုဆိုင်ရာများ ဖွံ့ဖြိုးရေးစသည့် ကဏ္ဍခြောက်ခုကို အဓိကထား ဆွေးနွေးပြီး ကဏ္ဍအလိုက်လုပ် ဆောင်ရန် လိုအပ်သည်များထုတ်ပြန်မည် ဖြစ်သည်။

‘‘တချို့ကိစ္စတွေကတော့ အ ဖြေရချင်မှရဦးမယ်။ ဒါပေမဲ့ စား ပွဲပေါ်တင်ပြီး အကြောင်းအရာ တစ်ခုအဖြစ် ဆွေးနွေးဖြစ်လာပြီ ဆိုရင် ဒါအမြတ်တစ်ခု ဖြစ်ပါတယ်’’ဟု ဦးတင့်သွင်က ပြောကြားသည်။

အဆိုပါ ကွန်ဖရင့်တွင် နိုင်ငံ တစ်ဝန်းရှိ ဟိုတယ်လုပ်ငန်းရှင် များ၊ ခရီးသွားလုပ်ငန်းရှင်များ၊ ဧည့်လမ်းညွှန်များ၊ ရိုးရာလက်မှု လုပ်ငန်းဆောင်ရွက်သူများ၊ နိုင်ငံ တကာမီဒီယာများ၊ ပြည်နယ်နှင့် တိုင်း အစိုးရ တာဝန်ရှိသူများနှင့် ဟိုတယ်ခရီးဝန်ကြီးဌာန တာဝန် ရှိသူများ အပါအ၀င်တက်ရောက် သူ ငါးရာခန့် ရှိသည်။

မြန်မာနိုင်ငံ ခရီးသွားလုပ် ငန်းရှင်များ အသင်းဥက္ကဋ္ဌဦးသက် လွင်တိုးက‘‘ မြန်မာနိုင်ငံ ခရီးသွား လုပ်ငန်းဖွံ့ဖြိုးဖို့အတွက် အရှိန် အဟုန်နဲ့ လုပ်ဖို့တော့ လိုပါလိမ့် မယ်။ ထိထိရောက်ရောက်လည်း ဆောင်ရွက်ဖို့ လိုပါမယ်။ အနာ တခြား၊ ဆေးတခြားဖြစ်နေတာ လေးတွေကလည်း ပြန်လည်ပြင် ဆင်ဖို့ လိုပါမယ်။ ဒီကရတဲ့ ရလဒ် တွေကို ၀န်ကြီးဌာနက ကြော်ငြာ စာတမ်းအနေနဲ့ ထုတ်ပြန်သွားပြီး တော့ ဆက်လက်အကောင်အ ထည်ဖော် ဆောင်ရွက်သွားမှာ ဖြစ်ပါတယ်’’ဟု ပြောသည်။

Top News