ဟန်ဆောင်ပညာရေးမှ အမှန်တကယ်ပညာရေးကို အကောင်အထည်ဖော်ရန် လွှတ်တော်အမတ်တိုက်တွန်း

အင်္ဂလိပ်စာအခြေခံအားနည်းသည့် ကျောင်းသားများ တက္ကသိုလ်ဝင်တန်း မအောင်မြင်၍ ပညာရေး ရေတိမ်နစ်နေသည်မှာ နှစ်ပေါင်း ၃၀ ကြာပြီဟုဆို

 ဟန်ဆောင်ပညာ ရေးမှ အမှန်တကယ်ပညာရေးကို အကောင်အထည်ဖော်ရန် လိုအပ်နေပြီဖြစ်ကြောင်း တောင်တွင်း ကြီးအမတ်ဦးမင်းသိန်းက ယမန်

နေ့တွင် ကျင်းပသော ပြည်ထောင်စုလွှတ်တော်၌ ပြောကြားသည်။

အမျိုးသားပညာရေးမူဝါဒ ကော်မရှင်၏ ခြောက်လတာကာ လ (၂၀၁၇ အောက်တိုဘာမှ ၂၀၁၈ ဧပြီအထိ) အတွင်း လုပ် ငန်းဆောင်ရွက်မှု အစီရင်ခံအ ပေါ် ပြည်ထောင်စုလွှတ်တော် ကိုယ်စားလှယ်များက ဆွေးနွေး ရာ ဦးမင်းသိန်းက ယင်းသို့ ထည့် သွင်းပြောကြားခြင်းဖြစ်သည်။

‘‘ဂုဏ်ထူးတွေ တသီကြီးရ နေလို့ အောင်မြင်မှုကြီး ရနေပြီလို့ ကျွန်တော်တို့ပြောလို့ လုံးဝမရပါ ဘူး။ ဒီမူဝါဒအဟောင်းကြီး ကြောင့် အခြေခံပညာအဆင့်မှာ ဘာသာရပ်က    မခက်ခဲသော် လည်းပဲ ဘာသာစကား အခက်အခဲရှိတဲ့၊ အင်္ဂလိပ်စာအခြေခံအား နည်းတဲ့ကျောင်းသား၊ ကျောင်းသူလေး တွေ တက္ကသိုလ်ဝင်တန်းကို မအောင်မြင်နိုင်တော့ဘဲ ပညာရေးလောကကြီးကို ကျောခိုင်းပြီး တော့ သူတို့ရဲ့ ဘဝလေးတွေကို စတေး၊ ပညာရေး ရေတိမ်နစ် လာတာ နှစ်ပေါင်း ၃၀ ကျော် ပါပြီ’’ ဟု ဦးမင်းသိန်းက ပြော သည်။

အစီရင်ခံစာကို ယမန်နေ့ တွင် လွှတ်တော်ကိုယ်စားလှယ် ကိုးဦးက ဆွေးနွေးအကြံပြုခြင်း နှင့် ဝေဖန်ထောက်ပြခြင်းများပြု လုပ်ရာ အများစုက လက်ရှိအ လွတ်ကျက်ပညာရေး စနစ်အပေါ် ပြစ်တင်ဝေဖန်ခဲ့သည်။

အလွတ်ကျက်သည့်နည်းကို အသုံးပြုခဲ့သဖြင့် ကြောင်းကျိုး ဆက်စပ် ဝေဖန်ပိုင်းခြားနိုင်သည့် စွမ်းရည် ကျဆုံးခဲ့ကြောင်းနှင့် မြန်မာနိုင်ငံတွင် စာတတ်သော် လည်း ပညာမတတ်သည့် နိုင်ငံ သားအများစုကို မွေးထုတ်ပေး လိုက်ခြင်းတွင် ယင်းအလွတ် ကျက် စနစ်က အပိုင်းတစ်ပိုင်းအ ဖြစ် ပါဝင်ကြောင်း အောင်မြေသာ စံအမတ် ဒေါက်တာလှမိုးက ပြောသည်။

အခြေခံပညာအထက်တန်း အဆင့်တွင် သင်္ချာ၊ ဓာတု၊ ရူပ၊ ဇီဝ ဘာသာရပ်များကို အင်္ဂလိပ် ဘာသာဖြင့် ပြဋ္ဌာန်းထား၍ ယင်း ဘာသာရပ်များ သင်ကြားရာတွင် ဆရာ၊ ဆရာမများက မြန်မာလို ရှင်းပြ၊ ကျောင်းသားများက အင်္ဂ လိပ်လို ကျက်မှတ်ကာ ဖြေဆိုမှု ပြုလုပ်ရသောကြောင့် ယင်းဖြစ် စဉ်ကို ပြင်ဆင်သင့်ကြောင်း ကော်မရှင် အစီရင်ခံစာ၌ ထောက်ပြ ထားသဖြင့် ကြိုဆိုထောက်ခံ ကြောင်းလည်း    ၎င်းက   ပြော သည်။

အထက်ပါ တက္ကသိုလ်ဝင် တန်း သိပ္ပံဘာသာရပ်များကို အင်္ဂ လိပ်ဘာသာရပ်များအစား မိခင် မြန်မာဘာသာဖြင့် ပြောင်းလဲပြင် ဆင်သင့်ကြောင်း ကော်မရှင် အကြံပြုချက်တွင် ထည့်သွင်း ထားသဖြင့် ထောက်ခံကြောင်းနှင့် ကျောင်းသားများကို အင်္ဂလိပ်ဘာ သာစကား တတ်ကျွမ်းစေလိုပါက အင်္ဂလိပ်စာကို စနစ်တကျသင် ကြားပေးသင့်ကြောင်း ကံမအ မတ် ဦးစိန်ဟန်က ဆွေးနွေးအ ကြံပြုသည်။

အလားတူဆိပ်ကြီးခနောင် တို အမတ် ဦးတင်ထွန်းနိုင်က အိမ်နီးချင်းနိုင်ငံများနှင့် နှိုင်းယှဉ် ကာ နည်းပညာ၊ သက်မွေးပညာ နှင့် လေ့ကျင့်ရေး ကဏ္ဍဖွံ့ဖြိုးတိုး တက်ရေးအတွက် အကောင်အ ထည်ဖော် လုပ်ဆောင်ရန် အကြံ ပြုတိုက်တွန်းပြီး မြန်မာနိုင်ငံ၏ ပညာရေးကဏ္ဍ အလုံးစုံပြုပြင် ပြောင်းလဲရေးအတွက် ကော်မရှင် က အကြံပြုသင့်ကြောင်း ထည့် သွင်းပြောကြားသည်။

‘‘ကျွန်တော်တို့ အိမ်အိုအိမ် ဟောင်းကို အမိုးဖာလိုက်၊ အဖီ လေးဆွဲထုတ်လိုက် လုပ်နေမယ့် အစား ပြောင်းလဲသင့်တယ်ဆိုရင် နိုင်ငံတကာက အခုကျင့်သုံးနေသ လိုပဲ။ ကျွန်တော်တို့ပညာရေးမှာ ရာထူးတိုးတဲ့ အခြေအနေတွေက အစ ပြတ်ပြတ်သားသား မူဝါဒ ကော်မရှင်အနေနဲ့ အကြံပြုတိုက် တွန်းပြီးတော့ လုံးဝ Totally Reform လုပ်ဖို့ အကြံပြုပါ၊ တိုက်တွန်းပါ’’ ဟု ဦးတင်ထွန်းနိုင်က ဆိုသည်။

ပညာရေးဝန်ကြီးဌာနအနေ ဖြင့် အမျိုးသားပညာရေး မူဝါဒ ကော်မရှင်၏ အကြံပြုချက်များကို အချိန်မဆိုင်းဘဲ ဆောင်ရွက်ရန် နှင့် အမြန်ဆုံးပြုပြင်ပြောင်းလဲမှု များ လုပ်ဆောင်ရန် ဦးစိန်ဟန်က တိုက်တွန်းသည်။

အမျိုးသားပညာရေးမူဝါဒ ကော်မရှင်သည် ကော်မတီသုံးရပ် ဖွဲ့စည်း၍ လုပ်ငန်းတာဝန်များ သတ်မှတ်ပေးခြင်း၊ မူဝါဒခြောက် ခုချမှတ်ခြင်း၊ သုတေသနစာတမ်း သုံးစောင်ပြုစုခြင်း၊ အကြံပြုစာ တမ်းလေးစောင် ရေးသားခြင်း၊ ဥပမာ (မူကြမ်း) တစ်ဆယ့်တစ်ခု ကို လေ့လာသုံးသပ်ခြင်း၊ ဝန်ကြီး ဌာနများအဖွဲ့အစည်းများကို သ ဘောထားမှတ်ချက်နှင့် အကြံပြု ချက်များပေးခြင်းတို့ လုပ်ဆောင် ခဲ့ကြောင်း အစီရင်ခံစာ၏ နိဂုံးအ ပိုင်းတွင် ပါရှိသည်။

အစီရင်ခံစာနှင့်ပတ်သက်၍ ပြည်ထောင်စုလွှတ်တော်ကိုယ် စားလှယ် ၂၃ ဦးက ဆွေးနွေးရန် စာရင်းပေးထားပြီး ကျန်ရှိသည့် ကိုယ်စားလှယ် ၁၄ ဦး၏ ဆွေး နွေးမှုများကို လာမည့်ပြည်ထောင် စု လွှတ်တော် အစည်းအဝေး၌ ပြုလုပ်မည်ဟု နာယကမန်းဝင်း ခိုင်သန်းက ကြေညာသည်။

အခြေခံပညာသင်တန်းများ ၏ သင်ရိုးညွှန်းတမ်းများကို ငါးနှစ် အတွင်း အပြီးပြောင်းလဲမည်ဟု ပညာရေးဝန်ကြီးဌာန ပြောရေးဆို ခွင့်ရှိသူ ဒေါက်တာခိုင်မြဲက ပြော ကြားထားသည်။

အခြေခံပညာရေးကို သူငယ်တန်းအပါအဝင် မူလတန်း ငါး နှစ်၊ အလယ်တန်း လေးနှစ်၊ အ ထက်တန်း သုံးနှစ်စနစ်အဖြစ် စတင်ပြောင်းလဲနေသည်။ အခြေ ခံပညာတွင် ယခင်ကသူငယ်တန်း မှ ဒသမတန်းအထိ ၁၁ တန်းတက် ရောက်ခဲ့ရသော်လည်း ပညာရေး စနစ်သစ်အရ သူငယ်တန်းမှ ဒသမတန်းအထိ ၁၃ တန်းတက် ရောက်ရမည်ဖြစ်သည်။

စနစ်သစ်တွင် အတန်းအား လုံးကို ၂၁ ရာစု ကျွမ်းကျင်မှုကို အခြေခံသည့် သင်ရိုးညွှန်းတမ်းအ သစ်များဖြင့် ပြောင်းလဲသင်ကြား မည်ဖြစ်ပြီး သတ်မှတ်ပညာ သင် နှစ်အလိုက် သင်ရိုးပြောင်းလဲမှု စတင်မည်ဟု ၎င်းကဆိုသည်။

အခြေခံပညာမူလတန်း သင်ရိုးညွှန်းတမ်းအသစ်များ ရေးဆွဲ နိုင်ရန် ဂျပန်အပြည်ပြည်ဆိုင်ရာ ပူးပေါင်းဆောင်ရွက်ရေး အေဂျင် စီ (JICA)၊ အလယ်တန်းနှင့်အ ထက်တန်း သင်ရိုးညွှန်းတမ်းအ သစ်များကို အာရှဖွံ့ဖြိုးရေးဘဏ် (ADB) တို့က ပညာရေးဝန်ကြီး ဌာနသို့ နည်းပညာနှင့် ဘဏ္ဍာရေး ဆိုင်ရာများ ပံ့ပိုးပေးထားသည်။

အခြေခံပညာသင်ရိုးညွှန်း တမ်းအသစ်များကို ၂၁ ရာစုကျွမ်း ကျင်မှုများ၊ ပေါင်းသင်းဆက်ဆံ ရေး၊ ဉာဏ်ရည်ဉာဏ်သွေး၊ တစ် ကိုယ်ရေဖွံ့ဖြိုးမှု၊ အလုပ်အကိုင် ရရှိမှုဆိုင်ရာ ကျွမ်းကျင်မှုများနှင့် အဆင့်မြင့် စဉ်းစားတွေးခေါ်မှု ဆိုင်ရာ ကျွမ်းကျင်မှုများ ဖွံ့ဖြိုး လာစေရန် သင်ကြားမှုနယ်ပယ် များ ထည့်သွင်းရေးဆွဲမည်ဟု သင် ရိုးညွှန်းတမ်းမူဘောင်တွင် ဖော်ပြ ထားသည်။

More in News Section

Top News