ရန်ကုန်တိုင်းတွင် ယခုနှစ်အတွင်း အဘိတ်ဆေးထပ်မံ ထောက်ပံ့မည်

လတ်တလောသွေးလွန်တုပ်ကွေး ဖြစ်ပွားသေဆုံးနှုန်း မြင့်မားနေ သော ရန်ကုန်တိုင်းတွင် ပိုးလောက် လမ်းသေဆေး (အဘိတ်ဆေး) ပုံး ၁,၅၀၀ ကျော်  ဆက်လက် ထောက်ပံ့မည်ဖြစ်သည်။

လက်ရှိတွင် ရန်ကုန်တိုင်းသို့ အဘိတ်ဆေးပုံး ၃,၅၀၀ ကျော် ထောက်ပံ့ပေးပြီးဖြစ်သော်လည်း မလုံလောက်သဖြင့် ထပ်မံထောက် ပံ့မည်ဖြစ်ကြောင်း ကျန်းမာရေးနှင့် အားကစားဝန်ကြီးဌာန  ဆင်ခြေထောက်နှင့်  သွေးလွန်တုပ်ကွေး စီမံချက်မန်နေဂျာ ဒုတိယညွှန် ကြားရေမှူး ဒေါက်တာ ဇော်လင်း က ပြောသည်။

‘‘မြို့နယ်တွေကို ဖြန့်ဝေထား ပြီး ဖြစ်ပါတယ်။ ပြီးတော့ တခြား ခြင်ဆေးမှုတ်စက်တို့၊ လက်ကမ်း စာစောင်တို့၊ ဗီနိုင်းတို့ကိုလည်း ထောက်ပံ့ပေးထားတယ်။ ဒါပေ မဲ့ ရန်ကုန်တိုင်းက အများကြီးပေး ထားတာ မှန်ပေမယ့် ထပ်လိုဦးမှာ ပါ’’ဟု ၎င်းကပြောသည်။

ကျန်းမာရေးနှင့် အားကစား ၀န်ကြီးဌာနအနေဖြင့် အဘိတ် ဆေးပုံး ၁,၅၀၀၊ သွေးလွန်တုပ် ကွေးစမ်းသပ်စစ်ဆေးသည့် Test Kit အရေအတွက် ၂,၉၀၀၀၊ ဆေးမှုတ်ရာတွင် အ သုံးပြုသည့် ပိုးသတ်ဆေး၊ ပန်းဖလက်(လက်ကမ်းစာ စောင်)အရေအတွက် ၁၄၀,၀၀၀ နှင့် ဗီနိုင်းအရေအတွက် ၅,၀၀၀ ကို ယခုနှစ်အတွက် ဆက်လက် ထောက်ပံ့မည် ဖြစ်သည်။

‘‘ရန်ကုန်တိုင်းက လူဦးရေက လည်းများ၊ ရွှေ့ပြောင်းတွေလည်း များတယ်။ ဒါကြောင့် သွေးလွန် တုပ်ကွေးဖြစ်ပွားတာ များနေတာ။ ရန်ကုန်တိုင်းကို သတိရှိရှိနဲ့ ဆောင်ရွက်ကြမှာပါ။ ပိုးလောက်လမ်းနှိမ် နင်းရေးကို လူထုအားနဲ့ လုပ်ရမှာ ဖြစ်ပါတယ်။ ဒီနေရာမှာ တညီတညွတ်တည်း ပါဝင်ကြဖို့လိုပါတယ်’’ ဟု ဒေါက်တာဇော်လင်းက တိုက် တွန်းသည်။

 ရန်ကုန်တိုင်းတွင် ယခုနှစ် ဇန်န၀ါရီမှ မေလကုန်အထိ သွေး လွန်တုပ်ကွေးဖြစ်ပွားသူ ၆၇၁ ဦးရှိပြီး ငါးဦးသေဆုံးခဲ့သည်။ ၂၀၁၇ က လည်း ၇,၅၀၀ ခန့်ဖြစ်ပွားကာ ၆၀ ဦးသေဆုံးခဲ့သည်။

Top News