ထန်းပင် ရာထောင်ချီဝယ်ယူသူနှင့် တွေ့ဆုံခြင်း

နှစ်ချို့ထန်းပင်အများအပြား ဝယ်ယူနေခြင်းမှာ ဧရာဝတီမြစ်ကမ်းပါးထိန်းသိမ်းရေး စီမံကိန်းအတွက်ဖြစ်သည်ဟု ထန်းပင်ကုန်သည်တစ်ဦးက ပြောသည်
ဦးကျော်ဇင်အောင်

အညာဒေသတွင် ထန်းပင်အများ အပြား ခုတ်လှဲနေသော်လည်း ထန်းတောပြုန်းရန်အကြောင်းမရှိ ဟု ကျောက်ပန်းတောင်း၊ ချောက်မြို့နယ်တို့တွင် ထန်းပင်လိုက်လံဝယ်ယူနေသူ ဦးကျော်ဇင်အောင် က ပြောသည်။

ယာခင်းအလယ်ရှိ ထန်းပင်တို့သည် စိုက်ပျိုးရေးလုပ်ငန်းကို ထိခိုက်စေကြောင်း၊ ထန်းပင်ဝယ်သူတို့ကလည်း ထန်းရည်မထွက် တော့သည့် အပင်မြင့်မျိုးကိုသာ ရွေးချယ်ဝယ်ယူလိုကြောင်း  အသက် (၄ဝ)အရွယ် ကျူရှင်ဆရာဟောင်း ထန်းပင်ဝယ်ရောင်း သမား ဦးကျော်ဇင်အောင်က ပြောသည်။

မကြာသေးခင်က ကျောက်ပန်းတောင်းမြို့တွင် Myanmar Now နှင့် တွေ့ဆုံစဉ် ဦးကျော်ဇင်အောင်က ထန်းပင်ဝယ်ယူရေးလုပ်ငန်းအကြောင်း ရှင်းပြထားသည်။

ဧရာဝတီမြစ် ရေလမ်းကြောင်း ထိန်းသိမ်းရေးစီမံကိန်းအတွက် ထန်းပင်လိုက်ဝယ်ပြီး ပြန်ရောင်း တဲ့အခါ တစ်ပင်အတွက် အမြတ် ဘယ်လောက်ရသလဲ။

ကျွန်တော့်ကို တစ်လုံးကို ကော်မရှင် ၁,၅ဝဝ နှုန်း ပေးစားတာ။ သူတို့ငွေချပေးတယ်၊ ကရိန်းခ၊  ထွန်စက်ခ၊ ခုတ်လှဲခခံတယ်။အောက်ပိုင်းက ကျန်နေတဲ့အတို တွေတော့ ကျွန်တော်ရတာပေါ့။ အတို၊ အရင်းပိုင်းတွေက ထန်းပင်တစ်ပင်လုံးမှာ အကောင်းဆုံးနေ ရာတွေ။  အဆင့်မြင့် လူသုံးကုန် ပစ္စည်းတစ်ခုထုတ်ဖို့ ရည်ရွယ်ထားတယ်။ စက်ကိရိယာတချို့ တစ်ဝက်လည်း ဝယ်ပြီးသွားပြီ။  ပါကေးထုတ်ပြီးတော့ ရန်ကုန်ကကွန်ဒိုတိုက်တွေကို သစ်အစားထိုး ရောင်းချဖို့ စီစဉ်နေတယ်။

ဘယ်စီမံကိန်းအတွက် ထန်းပင် ဘယ်လောက် လိုက်ဝယ်ရသလဲ။  

ပခုက္ကူ၊ ကျွန်းညိုကြီး အလုံး ၁ဝဝ လောက်ပါမယ်။ ကျွန်းညို ကြီးရဲ့ တောင်ဘက်နားလေးမှာ ၁ဝဝ လောက်ရှိမယ်။ ပြီးတော့ စလေ၊ ပခန်းငယ် ရေလမ်းကြောင်း ကောင်းမွန်ရေး စီမံကိန်းနေရာ က ၁၂ဝ လောက်သုံးထားတယ်။ နောက် စလင်းမြို့နယ် သလင်း ကြီးကုန်းရေကာတာ ၁ဝဝ လောက်ပါတယ်။ နောက် တရုတ်ဓာတ်ငွေ့ ပိုက်လိုင်း၊ ရေနံချောင်း၊  အဲဒါကတော့ မြစ်လယ်မှာရှိနေတဲ့ ကျွန်း ပါမှာစိုးလို့ ထိန်းရတာ၊ အဲဒီကျွန်းပါရင် ပိုက်လိုင်းပါ ပါသွားမှာစိုးလို့။အဲဒါက မပြီးသေးဘူး၊ တစ်ကျွန်း လုံးကို ကာရမှာဆိုတော့ များမယ်၊ ခန့်မှန်းခြေ ၅ဝဝ လောက်တော့ မှန်းထားတာပဲ။ သူက မိုးကျလာ ရင်လုပ်ငန်းကိုရပ်မယ်၊ နောက်နှစ် မှဆက်လုပ်မှာပေါ့။


ပုဂံ လောကနန္ဒာဘုရားအနီး ဧရာဝတီမြစ်ကမ်းတွင် ထန်းလုံးများအသုံးပြုပြီး ရေကာတည်ဆောက်ထားပုံ (ဓာတ်ပုံ − ဖြိုးသီဟချို/Myanmar Now)

အဲဒီအစီအစဉ်တွေမှာ ထန်းပင်ကို သုံးရတာ ဘာကြောင့်လဲ။

ထန်းပင်က လုံးပတ်တုတ် တယ်။ တုတ်တော့ ရေစီးကြောင်း ကို ဟန့်တားနိုင်တာပေါ့။ ကမ်းကိုရေတိုက်ရိုက် ရိုက်မှာကို ထန်းလုံးက ခံထားတာ၊ အဓိကကတော့အဲဒါပါပဲ။ ဈေးနှုန်းတွေ ဘာတွေနဲ့ မဆိုင်ဘူး။ မျောတိုင်ကျတော့ လုံး ပတ်က သေးတယ်။

ထန်းပင်ကို ဘယ်ဈေးနဲ့ ဝယ်နေ သလဲ။

တစ်ပင်ကို ၅,ဝဝဝ ပါတယ်၊၆,ဝဝဝ ပါတယ်၊ ၇,ဝဝဝ ပါတယ်။ ကြားက ဝယ်တဲ့ပွဲစားကို တစ်ပင် ၅ဝဝ ပေးရတယ်။ အဲဒါတောင် တရုတ်ကိုပို့နေတယ်ဆိုတဲ့ အသံ တွေကြောင့်။ နောက်မို့ဆို ၃ဝဝ လောက်နဲ့ရတယ်။

ပိုင်ရှင်တွေက သူတို့ထန်းပင်တွေ ကို ဘာကြောင့်ရောင်းကြတာလဲ။

အဓိကကတော့ ယာခင်းကိုရှင်းချင်ကြတာ။ ယာအလယ်ကောင်မှာရှိတဲ့အပင်တွေကို ဦးစားပေးပြီး ကျွန်တော်ခုတ်တယ်။ ပြီး တော့ အပင်မြင့်တွေ၊ အပင်အို တွေကို ဦးစားပေးပြီးခုတ်တယ်။ ကျွန်တော်တို့က အပင်မြင့်မှလည်း ဝယ်လို့ရတာ။  အမြင့် ၃၅ ပေရှိပြီးအောက်က ဖင်ဆုံနဲ့ဆို ၄၅ လောက်မြင့်မှ ဝယ်လို့ရတာ။ ဆုံပိုင်းတွေက မြစ်ထဲမှာ ရိုက်လို့မရဘူး။ ရိုက်လို့မရတော့ ဖြတ်ရမှာ။ ဖြတ်ရ တော့ ၃၅ ပေလောက်မြင့်တဲ့အပင်ကို ၁ဝ ပေလောက်သွားဖြတ်ရင် ၂၅ ပေလောက်ပဲကျန်တော့မှာ။ အဲဒါဆိုမြစ်ထဲမှာ ဘယ်လိုမှ အ ဆင်မပြေနိုင်ဘူး။

ထန်းပင်ကို တခြားဘယ်သူတွေ ဝယ်ကြသေးလဲ။

အဲဒါတော့ အတိအကျကြီး တော့ ပြောမရဘူးဗျ။ အိမ်သုံးသုံး တဲ့ အဖွဲ့လေးတွေလည်းရှိပါ တယ်။ သူတို့လည်း ဝယ်ကြတယ်၊ ခွဲကြတယ်။ ကျွန်တော်ကတော့ အိမ်သုံးရောင်းတာလည်း မဟုတ်ဘူး။ ရေကာတာ စီမံကိန်းထဲပဲ တောက်လျှောက်ပို့ပေးတာ။ အ များဆုံးဝယ်တာ လောလောဆယ် ကျွန်တော်ပဲရှိမယ်။ ကျောက်ဆည်ဘက်ကလည်း ဒီနှစ် အဲဒီလောက် မဝယ်ဘူး။ သူတို့က တစ်နေ့ကို သုံးလေးပင်ပဲ ခုတ်လို့ပြီးတယ်၊ မိုးကျမှာနဲ့ ဘာနဲ့ဆိုတော့ သူတို့က ချိန်ပြီးဝယ်ရတယ်။ တစ်လဆိုရင် သူတို့ရဲ့ ခွဲအားက အပင် ၁၂ဝ လောက်ပဲပြီးတယ်၊ နှစ်လဆိုရင် ခွဲနိုင်ရင် အလုံး ၂၅ဝ ပေါ့၊ ဒီနှစ်ထဲ မှာ အဲဒီလောက်ပဲရှိတယ်။ အရင် နှစ်တွေက မလာဘူး။

ထန်းပင် ရာထောင်ချီဝယ်တဲ့အ တွက်  အညာဒေသ  ထန်းတောပြုန်းသွားမယ်လို့ ယူဆသူအများအ ပြား ရှိနေပါတယ်။  

ကျွန်တော်တို့သာမက အိမ်သုံးပစ္စည်း ထုတ်လုပ်သူတွေက လည်း အပင်ပျိုတွေကို သုံးလို့မရဘူး။ အပင်အိုတွေ၊ အပင်မြင့်တဲ့အပင်တွေကို ကျွန်တော်တို့က ရှာဝယ်တာ။ ထန်းပင်ပြုန်းဖို့ဆိုတာ တော့ မဖြစ်နိုင်ဘူး။ ကျွန်တော်က ပြီးခဲ့တဲ့နှစ်က အပင် ၃ဝဝ ခုတ်တယ်ဆိုရင် အပင် ၇ဝဝ ပြန်စိုက်ထားတယ်။ ဒီနှစ် ၅ဝဝ ခုတ် လိုက်တယ်ဆိုရင် ၃,ဝဝဝ၊ ၄,ဝဝဝအထိပြန်စိုက်ဖို့ ရည်မှန်းထား တယ်။ ယာခင်းတွေရဲ့အစပ်တွေ မှာပဲစိုက်မယ်။ ယာခင်းအလယ် ကောင်မှာ သွားစိုက်ရင် ယာခင်း ရှင်တွေနဲ့ စကားပြောရမှာ။ ယာခင်းရှင်တွေလည်း ကျေနပ်၊ စိုက်ပျိုးမှုလည်း အဆင်ပြေအောင်ပေါ့။ စက်မှုလယ်ယာပြောင်းနေတဲ့အ ချိန်ဆိုရင် အဲဒါတွေက ရှိလို့မရ တော့ဘူး။ အဲဒါကြောင့် ကန်သင်း တွေပေါ်မှာပဲ စိုက်ပေးလိုက်တာ။

အပင်ပျိုတွေဆိုရင် သက်တမ်းနု သေးတယ်။ နုတော့ ခုတ်လည်း ထုတ်လုပ်နိုင်တဲ့ အသားမရဘူး။ ပရိဘောဂသမားတွေ၊ စက်ရုံ သမားတွေက အဲဒီလိုမျိုးတွေကို ဝယ်မှာမဟုတ်ဘူး။ အလကားပေး တာကို ယူမှာမဟုတ်ဘူး။ မြင့်တဲ့ အပင်တွေကို ရွေးဝယ်မှာ။ အဲဒီအတွက်ကြောင့် တောပြုန်းစရာ တော့ အကြောင်းမရှိဘူး။


ကျောက်ပန်းတောင်းမြို့ရှိ ထန်းသားခွဲသည့်သစ်စက်တွင် ထန်းခွဲသားများ ကားပေါ်သို့ တင်ဆောင်နေစဉ် (ဓာတ်ပုံ − ဖြိုးသီဟချို/Myanmar Now)

အညာဒေသရဲ့ ထန်းတောတွေမရှိ မှာကိုကော မစိုးရိမ်ဘူးလား။

စိုးရိမ်တာပေါ့။ ရှိသင့်တာ ပေါ့ အမှန်က။ ကန်သင်းတွေမှာ စိုက်မှာဆိုတော့ ခြံစည်းရိုးကာတဲ့ သဘောပေါ့။ ထန်းတောကတော့ မပျောက်ပါဘူး။ ယာခင်းရှင်တွေ သာ အကုန်မရှင်းရင် မပျောက်ပါဘူး။ သူတို့က အပင်ပျိုရော၊ အပင်မပျိုတာရော အကုန်လုံးရှင်းလိုက် ရင်တော့ ပျောက်သွားမှာ။ ဒါပေ မဲ့ ထန်းပင်တွေရှိနေတာက ယာ ခင်းရှင်တွေအတွက် ဆိုးကျိုးက များသွားတာပေါ့။ သူတို့မှာ ရှဥ့်တွေရဲ့ အန္တရာယ်ကလည်း ရှိသေးတယ်။ အပေါ်က လောင်းရိပ်မိ မယ်၊ ထန်းသီးကြွေကျမယ်၊ လိုက်မကောက်နိုင်ရင် အဲဒီထန်းသီးတွေ က နောက်တစ်နှစ်မှာ အပင်ပေါက်မယ်၊ အဲဒီတော့ သူတို့နုတ်ရခက် သွားမယ်။

ထန်းတောကိုထားမလား၊ ယာခင်းလုပ်မလားဆိုတာ ရွေးချယ်စရာ ဖြစ်လာတာပေါ့။

အဲဒီလို ဖြစ်လာမယ်ဆိုရင် တော့ ယာခင်းထဲမှာရှိနေတဲ့ ထန်း တောကို လှဲသင့်တယ်။ လှဲမှလည်း ဆီထွက်သီးနှံအဆင်ပြေမှာ။ ယာခင်းတွေပေါ်မှာဆိုရင် မဖြစ်နိုင် ဘူး၊ ကုန်းခြောက်တွေမှာဆိုရင် တော့ဖြစ်နိုင်တယ်။ မြေလွတ်၊ မြေရိုင်းတွေမှာဆိုရင် အုပ်စုလိုက် ပေါက်လည်း မလှဲဘူး၊ မခုတ်ဘူး။အဓိကက ယာခင်းတွေရဲ့အလယ် မှာ ဆိုခုတ်တယ်။ ခုတ်ြ ပီး ဧရာဝတီ မြစ်ကို ကယ်တင်တဲ့နေရာမှာ အသုံးချနေရတာဆိုတော့ သုံးရတာဝမ်းလည်းသာတယ်၊ ပီတိလည်း ဖြစ်တယ်။ ဒီဘက်ကိုတော့ ခုတ်လိုက်ရတယ်၊ ဒါပေမဲ့ ဟိုဘက်ကို တော့ ပြန်ကယ်လိုက်ရတယ်။ အဓိကက အဲဒါပဲ။ ဒီဘက်ခုတ်ပြီး တော့ အိမ်သုံး (အလှဆင်၊ ပရိ ဘောဂအတွက်) သုံးမယ်ဆိုရင်ဟိုဘက်ကို ကယ်ရာလည်းမကျ ဘူး။ တစ်ဖက်ကို ပြန်ကယ်လို့ရ မယ်ဆိုရင် ကျွန်တော်ကတော့ လုပ်မှာ။

ထန်းပင်ကို သစ်တောဥပဒေနဲ့ ကာကွယ်မယ်ဆိုရင် ဘယ်လိုကောင်း ကျိုး၊ ဆိုးကျိုးဖြစ်နိုင်လဲ။

ထန်းတောတွေက ပုဂ္ဂလိကပိုင်တွေချည်းပဲ။ အစိုးရမြေပေါ်မှာ ပေါက်တာတော့ မှန်တယ်။ အဲဒါကို သစ်တောဥပဒေနဲ့ ကိုင်လိုက် မယ်ဆိုရင် ပထမဦးဆုံး အထိနာ မှာက ထန်းသမားတွေပဲ။ နောက် ယာခင်းရှင်တွေ အထိနာမယ်။ လွတ်လပ်စွာ လုပ်ကိုင်ခွင့်၊ လုပ် စားခွင့် မရသလိုဖြစ်သွားမယ်။ သစ်တောဥပဒေနဲ့ ကိုင်မယ်ဆိုရင် တစ်နည်းနည်းနဲ့တော့ ညှိနှိုင်းပေး မှ အဆင်ပြေမယ်။

အညာဒေသရဲ့ထန်းတောအလှ မပျက်စီးစေချင်ဘူးလို့ အများအပြားက ဝေဖန်ကန့်ကွက်နေကြ တယ် မဟုတ်ဘူးလား။

ထန်းတော ပိုင်ရှင်တွေနဲ့ ယာခင်းပိုင်ရှင်တွေရဲ့ နစ်နာကြေး ကို အဲဒီလူတွေကပေးမှာလား။ သူ တို့ လွတ်လပ်စွာလုပ်လို့မရတဲ့အ တွက် အဲဒီလူတွေက ဘယ်လို ထောက်ပံ့ပေးမှာလဲ။ သူတို့မှာ လည်း လွတ်လပ်စွာလုပ်ဖို့အခွင့် အရေးရှိတယ်လေ။  ကျောက်ပန်းတောင်းဒေသနဲ့ မကွေးနဲ့ကိုပဲ ကျွန်တော် ရှင်းပြမယ်၊ မကွေးမှာလည်း ထန်းပင်တွေရှိတယ်။ ယာခင်းတွေ ရဲ့ အလယ်ကောင်မှာရှိတဲ့ ထန်းပင် မကွေးမှာ မရှိသလောက်ပဲ။ ဆီထွက်သီးနှံဆိုရင်လည်း ကျွန်တော် တို့ ကျောက်ပန်းတောင်းထက် ပိုထွက်တယ်။ ရာသီဥတု ကျွန် တော်တို့ ကျောက်ပန်းတောင်းနဲ့ မကွာဘူး။ မိုးလေဝသလည်း မကွာဘူး။ ဆိုတော့ ဆီထွက်သီးနှံသူတို့ က ဘာဖြစ်လို့ ပိုထွက်ရတာလဲ။ အဓိကက လောင်းရိပ်မရှိဘူး၊ ယာခင်းမှာ နှောင့်ယှက်မယ့် တိရစ္ဆာန်နည်းတယ်။ အဲဒီတော့ မကွေးကဗမာပြည်ရဲ့ ဆီအိုးကြီးဖြစ်တာပေါ့ဗျာ။ ကျောက်ပန်းတောင်းမှာ လည်း အဲဒီလို လုပ်လို့ရတာပဲ၊ ယာခင်းထဲမှာရှိနေတဲ့ အပင်တွေမရှိဖို့ပဲလိုတယ်။ အလှခံစားဖို့အတွက် တော့ ယာခင်းရှင်တွေ ထန်းပင် ပိုင်ရှင်တွေရဲ့ ဘဝကိုတော့ စတေးဖို့မဖြစ်ဘူး။

ထန်းပင်တွေခုတ်ကြတာ ဝယ်သူပေါ်လာလို့လား။ ဒါမှမဟုတ် ထန်း တက်မယ့်သူ မရှိတော့လို့လား။

ထန်းလျက်က ရတဲ့ဝင်ငွေက တခြားဝင်ငွေတွေကို မမီဘူးဖြစ်နေ တယ်။ အဲဒီအချိန်မှာ သူတို့ဆက် ပြီးမလုပ်နိုင်တော့ဘူး၊ ပင်ပန်း သလောက် အကျိုးစီးပွားမဖြစ်ဘူး။ ထန်းလျက်ဈေးကွက်က လည်း ပြီးခဲ့တဲ့နှစ်တွေက မကောင်းဘူး၊ ဒီနှစ်မှ နည်းနည်းလေး ပြန် ကောင်းလာတာ၊ ဈေးကွက် ပျောက်သွားတယ် ခေါ်တာပေါ့။ ကျွန်တော်ထင်တာကတော့ အဲဒါကြောင့်လည်း ထန်းမတက်တော့ ဘဲနဲ့ သူတို့အပိုဖြစ်နေတဲ့ အပင် တွေကို ရောင်းချတာ။

ထန်းတက်တောင်သူတွေ အဆင် ပြေဖို့ အစိုးရက ဘာလုပ်ပေးသင့် သလဲ။

ထန်းရည်ကနေ သကြားထုတ်နိုင်တဲ့ အဆင့်ရောက်ပြီလို့ တော့ ကျွန်တော်ကြားတယ်။ သကြားထုတ်နိုင်တဲ့ စက်ရုံတကယ်ရှိပြီဆိုရင်လည်း ဒေသတစ်ခုချင်း စီသွားပြီးတော့ စက်ရုံတည်ထောင်ပေးနိုင်မယ်၊ ကုန်ကြမ်းကို ဈေးကောင်းကောင်းပေးဝယ်မယ်ဆို ရင်တော့ ထန်းတက်တဲ့သူတွေ ပြန်ပြီးတော့ ရှိလာနိုင်တယ်။ နည်း ပညာနဲ့ ရင်းနှီးမြှုပ်နှံမှုအတွက် နိုင်ငံတော်က ပံ့ပိုးပေးနိုင်မယ်ဆိုရင် တော့ ဖြစ်နိုင်တာပေါ့။  အဲဒါဆိုလုံးဝမတက်တော့တဲ့၊ မြင့်တယ် ဆိုတဲ့အပင်ပဲ ကျွန်တော်တို့က ရွေးဝယ်ရတော့မယ်။