မေခမြစ်အတွင်း စီးဝင်သောချောင်းများတွင် ငါးသယံဇာတထိန်းသိမ်းရေးဇုန် တည်ထောင်မည်

 မေခမြစ်အတွင်း စီးဝင် သောချောင်းများတွင် ကျက်စား သည့် ငါးသယံဇာတများကို ထိန်း သိမ်းရန် ဒေသခံများပါဝင်သော ငါးထိန်းသိမ်းရေးဇုန်တည်ထောင် မည်ဟု အပြည်ပြည်ဆိုင်ရာ တောရိုင်းတိရစ္ဆာန်နှင့်အပင်များ အဖွဲ့ (FFI) မှ အဏ္ဏဝါရေပြင် ထိန်းသိမ်းရေးအစီအစဉ် ညှိနှိုင်း ရေးမှူးဦးဇော်လွန်းက ပြောသည်။

ဒေသခံများပါဝင်သည့် ငါး ထိန်းသိမ်းရေးဇုန်ကို ကချင်ပြည် နယ် ပူတာအိုခရိုင် ဖုန်ကန်ရာဇီ တောရိုင်းတိရစ္ဆာန် ဘေးမဲ့တော အတွင်းရှိ မေခမြစ်အတွင်းသို့ စီးဝင်သော ချောင်းများတွင် ဆောင်ရွက်မည်ဖြစ်ပြီး လီဆူ၊ ရဝမ်ဒေသခံတိုင်းရင်းသားများ နေထိုင်သည့် ရွာခုနစ်ရွာ၌ စတင် မည်ဖြစ်သည်။

ဧရာဝတီမြစ်အတွင်းသို့ စီး ဝင်ရာ မေခမြစ်အတွင်း ငါး သယံဇာတများ ပေါများသော် လည်း လူဦးရေ များပြားလာခြင်း၊ ကျဉ်စက်အသုံးပြု၍ ငါးဖမ်းခြင်း ကြောင့် ငါးသယံဇာတများ နည်း ပါးလာသဖြင့် ယခုကဲ့သို့ စီစဉ် ခြင်းဖြစ်ကြောင်း ၎င်းကပြော ကြားသည်။

‘‘ဒီမြစ်မှာရှိတဲ့ ငါးတွေက အရေးပါတဲ့ငါးတွေ။ ဒါတွေကို ထိန်းချင်တဲ့အတွက်လုပ်တာ။ ငါး သယံဇာတတွေ ရှားလာတာကို ဒေသခံတွေကိုယ်တိုင်လည်း သိ တယ်။ သူတို့ကလည်း ထိန်းချင် တယ်။ ဒါပေမဲ့ ဘယ်လိုထိန်းရ မလဲမသိဘူး။ ဒီတော့ နည်းပညာ ပံ့ပိုးဖို့ လုပ်ဆောင်သွားမယ်’’ဟု ဦးဇော်လွန်းက ပြောသည်။

ယင်းဇုန်တွင် ငါးသားပေါက် သည့်နေရာများကို ထိန်းသိမ်း ခြင်း၊ ငါးသားပေါက်ရာသီတွင် ငါးဖမ်းဆီးခြင်းမပြုရန်၊ ငါးဖမ်း ရာတွင် ကျဉ်စက်အသုံးမပြုရန် နှင့် မိုင်းခွဲဖမ်းဆီးခြင်းမပြုရန် အသိပညာပေးမည်ဖြစ်သည်။

ထို့အပြင် ဒေသခံများအား သင်တန်းပေးခြင်း၊ စိုက်ပျိုးရေး အထောက်အကူပြု ကိရိယာ ပစ္စည်းများ ထောက်ပံ့ခြင်းနှင့် စိုက်ပျိုးရန် ဟင်းသီးဟင်းရွက် အမည်သစ်များ ထောက်ပံ့ခြင်းတို့ ဆောင်ရွက်မည်ဟု ၎င်းကပြောသည်။ ငါးထိန်းသိမ်းရေးဇုန် စီမံ ကိန်းကို ငါးလုပ်ငန်းဦးစီးဌာနနှင့် FFI တို့ ပူးပေါင်းဆောင်ရွက်ခြင်းဖြစ်သည်။

More in News Section

Top News