စစ်ကိုင်းတိုင်း အလံ၊ အမှတ်အသားတံဆိပ်နှင့် ရင်ထိုးတံဆိပ် ဒီဇိုင်းပြင်ဆင်သတ်မှတ်ပေးရန် တိုက်တွန်းကြောင်း အဆိုအတည်ပြု

စစ်ကိုင်းတိုင်းဒေသကြီး အစိုးရအဖွဲ့ အလံ၊ အမှတ်အသား  တံဆိပ်နှင့် ရင်ထိုးတံဆိပ်ကို သိ သာထင်ရှားကွဲလွဲပြတ်သားသော ဒီဇိုင်းပုံစံဖြင့် ပြင်ဆင်ပြောင်းလဲ သတ်မှတ်ပေးရန် တိုက်တွန်း ကြောင်းအဆိုကို လွှတ်တော် အ ဆုံးအဖြတ်ရယူ၍ အတည်ပြုခဲ့ သည်။

စစ်ကိုင်းတိုင်းကိုယ်စားပြု အလံ အမှတ်အသားတံဆိပ်ကပ် ထားသော ယာဉ်များ၊ အစိုးရအဖွဲ့ဝင်များ၏ ရင်ထိုးတံဆိပ်များ မြင်တွေ့ရသည့်အခါ ပါတီတစ်ခု၏ လှုပ်ရှားဆောင်ရွက်မှုနှင့် ရောထွေးစွာ ထင်ယောင်ထင်မှားနေသဖြင့် ယင်းတို့ကို ပြင်ဆင်ပြောင်းလဲသင့်ပါကြောင်းနှင့် ပြင်ဆင်ပြောင်းလဲရေးကြိုးစားပေးရန် တိုက်တွန်းကြောင်း အဆိုကို မုံရွာမြို့နယ် လွှတ်တော်ကိုယ်စား လှယ် ဒေါ်အမာကြည်က ဇွန်လ ၁၁ ရက်တွင် ကျင်းပသော တိုင်း လွှတ်တော်အစည်းအဝေး၌ တင်သွင်းခြင်း ဖြစ်သည်။

ယင်းအဆိုနှင့် ပတ်သက်၍ ဇွန်လ ၁၃ ရက် တိုင်းလွှတ်တော် အစည်းအဝေးတွင် လွှတ်တော် ကိုယ်စားလှယ် ၁၃ ဦးက ဆွေးနွေး ခဲ့သည်။ ထိုသို့ဆွေးနွေးရာ၌ အမျိုးသားဒီမိုကရေစီအဖွဲ့ချုပ် ပါတီလွှတ်တော်ကိုယ်စားလှယ် ၁၀ ဦးက ထောက်ခံဆွေးနွေးပြီး ပြည်ထောင်စုကြံ့ခိုင်ရေးနှင့် ဖွံ့ ဖြိုးရေးပါတီလွှတ်တော်ကိုယ်စား လှယ် နှစ်ဦးက ကန့်ကွက်ကာ တပ်မတော်သားလွှတ်တော်ကိုယ် စားလှယ်တစ်ဦးက အကြံပြုဆွေး နွေးသည်။

စစ်ကိုင်းတိုင်းကိုယ်စားပြု အလံသည် မြန်မာ့ဆိုရှယ်လစ် လမ်းစဉ်ပါတီခေတ် တိုင်းနှင့်ပြည် နယ်အလိုက် အားကစားပြိုင်ပွဲ များ ယှဉ်ပြိုင်ကစားရာတွင် တိုင်းနှင့် ပြည်နယ်အလံအဖြစ် အသုံးပြုရာမှ ယခုခေတ်တိုင် စစ်ကိုင်းတိုင်း အမှတ်အသားအဖြစ် ဆက်လက်သုံးစွဲလာကြောင်း၊ ဆင်တူယိုးမှားဖြစ် ပေါ်နေမှုသည် တမင်ကြံရွယ်လုပ်ဆောင်ခြင်းမဟုတ်ဘဲ တိုက်ဆိုင်မှုသာဖြစ်ကြောင်း ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ လွှတ်တော်ကိုယ်စားလှယ် ဒေါက်တာ ဆန်းဝင်းက လွှတ်တော်သို့ တင်ပြခဲ့သည်။

တိုင်းအစိုးရအဖွဲ့ လက်ရှိ အသုံးပြုနေသော အမှတ်အသား သည် ယခင်အစိုးရအဖွဲ့၏ ၂၀၁၄ မေလ ၂၂ ရက်တွင် ကျင်းပသော အစည်းအဝေးဆုံးဖြတ်ချက်အရ သတ်မှတ်ခဲ့ကြောင်း စစ်ကိုင်းတိုင်းစီမံကိန်းနှင့် ဘဏ္ဍာရေးဝန်ကြီး ဦးစိုးဦးက ပြောသည်။

ယင်းအဆို အတည်ပြုရန် လွှတ်တော်အဆုံးအဖြတ်ရယူရာတွင် ကန့်ကွက်သူများရှိ၍ မဲခွဲဆုံးဖြတ်ရာတွင် ထောက်ခံမဲ ၅၇ ဦး၊ ကန့်ကွက်သူ လေးဦး၊ ကြားနေ ၂၃ ဦး၊ ပယ်မဲ တစ်ဦးရှိသည်။

‘‘အဆိုအောင်တဲ့အခါ စစ် ကိုင်းတိုင်းအစိုးရက ဒီဇိုင်းပညာ ရှင်တွေ ဖိတ်ခေါ်ပြီး တိုင်းကို ကိုယ်စားပြုနိုင်တဲ့ အမှတ်တံဆိပ် ဒီဇိုင်း ပြိုင်ပွဲတွေ ကျင်းပပေးရမှာ ဖြစ် ပါတယ်။ ပြိုင်ပွဲဝင်တွေထဲကနေ အကောင်းဆုံးတစ်ခုကို အများဆန္ဒနဲ့အညီ ရွေးချယ်ရမှာပါ’’ဟု ပုလဲမြို့နယ် မဲဆန္ဒနယ်အမှတ် (၁) အမျိုးသားဒီမိုကရေစီအဖွဲ့ချုပ်ပါ တီ လွှတ်တော်ကိုယ်စားလှယ် ဦးဇော်ထက်က ဆွေးနွေးခဲ့သည်။

Top News