လူမှုမီဒီယာသုံးသူများ စိတ်ကျရောဂါ ကြုံတွေ့နိုင်

လူမှုမီဒီယာတွင် အပြုသဘောမဆောင်သော အတွေ့အကြုံများက သင့်အား လူမှုဝန်းကျင်ကို ဆန့်ကျင်သူဖြစ်စေရုံသာမက စိတ် ကျရောဂါအန္တရာယ်ပါ တိုးပွားစေနိုင်ကြောင်း လေ့လာမှုအသစ်က ဖော်ပြသည်။

သို့သော် ဆန့်ကျင်ဘက်အားဖြင့် အပြုသဘောတွေ့ကြုံရမှုများသည် စိတ်ကျရောဂါအန္တရာယ်ကို အနည်းငယ်သာ လျော့ကျစေသည်ဟု လေ့လာမှုက ဖော်ပြသည်။


‘‘အပြုသဘောနဲ့ ဆန့်ကျင်တဲ့ အတွေ့ကြုံတွေက စိတ်ကျ ရောဂါနဲ့ ဆက်စပ်နေတယ်ဆိုတာကို ကျွန်တော်တို့ မအံ့သြပါဘူး’’ ဟု မီဒီယာနည်းပညာနှင့် ကျန်းမာရေးသုတေသနဌာန ပစ်စဘာ့ဂ် တက္ကသိုလ် ညွှန်ကြားရေးမှူးနှင့် သုတေသနစာတမ်းရေးသားသူ ဒေါက်တာဘရိုင်ယန်ပရီမက်က ပြောကြားသည်။

သို့သော် အပြုသဘောအတွေ့အကြုံနှင့် စိတ်ကျရောဂါလျော့နည်းမှုကြား ဆက်စပ်မှုအားနည်းသည်ကို မိမိတို့ အံ့သြခဲ့ သည်ဟု ၎င်းက ဆက်ပြောပြီး အပြုသဘောအတွေ့အကြုံများက ပိုမိုအားကောင်းမည်ဟု မိမိတို့က မျှော်လင့်ထားကြောင်း ပြော သည်။

ယခုသုတေသနတွင် တက္ကသိုလ်ကျောင်းသား၊ ကျောင်းသူ ၁,၂၀၀ ပါဝင်ပြီး အသက်အားဖြင့် (၁၈)နှစ်နှင့် (၃၀)ကြားဖြစ်ကာ ပျမ်းမျှအသက် (၂၀)ဖြစ်သည်။

၎င်းတို့သည် အနောက်ဗာဂျီးနီးယားတက္ကသိုလ်တွင် ၂၀၁၆ ၌ အချိန်ပြည့်သင်တန်း တက်ရောက်နေသူများဖြစ်ပြီး အမျိုးသမီး သုံးပုံနှစ်ပုံ ပါဝင်သည်။

သုတေသနတွင် ပါဝင်သူများက လူမှုမီဒီယာအတွေ့အကြုံမည်မျှသည် အပြုသဘော (Positive) ဆောင်ပြီး မည်မျှသည် အပြုသဘောနှင့် ဆန့်ကျင် (Negative) ဆောင်သည်ကို ၎င်းတို့ဘာသာ ဆုံးဖြတ်ဖော်ပြသည်။

ဒုတိယမေးခွန်းတွဲတစ်ခုဖြင့် စိတ်ကျရောဂါ လက္ခဏာများကို ဆန်းစစ်လေ့လာခဲ့သည်။

ယင်းတွင် မနှစ်မြို့စရာ လူမှုမီဒီယာအတွေ့အကြုံ ၁၀ ရာခိုင် နှုန်း ပိုများတိုင်း စိတ်ကျရောဂါလက္ခဏာ ၂၀ ရာခိုင်နှုန်း ပိုမိုဖြစ်ပေါ် လာသည်ကို သုတေသီများက တွေ့ရှိခဲ့သည်။

တစ်ဖက်တွင် စိတ်ဓာတ်ကျနေသူများသည် လူမှုမီဒီယာကို ပိုမို၍ အဆိုးမြင်တတ်သည်ဟု သုသေတီများက ပြောသည်။

ယင်းအတွက် ကြိုတင်ကာကွယ်မှုအနေဖြင့် လူမှုမီဒီယာနှင့် ထိတွေ့ခြင်းကို ကန့်သတ်ထားရန်နှင့် စိတ်ဓာတ်ကျဆင်းမှု မဖြစ်စေသော အွန်လိုင်းပလက်ဖောင်းများကို ပိုမိုအသုံးပြုရန် သုတေသီ များက တိုက်တွန်းထားသည်။

—Ref: UPI

Top News