နိုင်ငံသားအားလုံး ဥပဒေအခွင့်အရေး တန်းတူရရန် ပြည်ထောင်စုက ညွှန်ကြားရန်လိုဟု ဒေါက်တာအေးမောင်ပြော

ဇွန်လ ၁၃ ရက်တွင် ရုံးထုတ်လာသည့် ဒေါက်တာအေးမောင်

 နိုင်ငံသားများအား လုံးသည် ဥပဒေအရာ၌ တန်းတူ အခွင့်အရေး ခံစားခွင့်ရစေရန် ပြည်ထောင်စုရှေ့နေချုပ်အနေ ဖြင့် သက်ဆိုင်ရာပြည်နယ်ဥပဒေ ချုပ်များကို ညွှန်ကြားချက်ပေးရန် လိုအပ်နေကြောင်း ပုဒ်မသုံးခုဖြင့် တရားစွဲဆိုခံထားရသည့် ဒေါက် တာအေးမောင်က ပြောသည်။
ဇွန်လ ၁၃ ရက်တွင်(၁၃)ကြိမ် မြောက် တရားရုံးထုတ်လာစဉ် ဒေါက်တာအေးမောင်က ပြော ကြားခြင်းဖြစ်သည်။

ဖြစ်ရပ်တစ်ခုအပေါ် ပုဒ်မ သုံးခုခွဲ၍ တရားစွဲဆိုခြင်းသည် ၁၉၇၃ ခုနှစ် စကားရပ်များ အနက် အဓိပ္ပာယ်ဖွင့်ဆိုခြင်း ဥပဒေနှင့် ဆန့်ကျင်နေသည်ဟု ၎င်းက ဆို သည်။

‘‘ရှေ့နေချုပ်ဘက်က တစ် နိုင်ငံလုံး၊ နိုင်ငံသား အားလုံးကို ဥပဒေအရာမှာ တစ်ပြေးညီဖြစ်စေ ဖို့ ညွှန်ကြားချက်ပေးဖို့ လိုတယ်’’ ဟု ဒေါက်တာအေးမောင်က ပြော သည်။  ဒေါက်တာအေးမောင်အ ပေါ် စွဲဆိုထားသည့် ပုဒ်မများကို ချေဖျက်ပေးရန် လျှောက်ထား ချက်ကို ပြည်နယ်တရားလွှတ် တော်က မေလ ၃၁ ရက်တွင် ပယ် ချခဲ့သည်။

ရသေ့တောင်မြို့နယ်၌ ပြီး ခဲ့သည့် ဇန်နဝါရီက ပြုလုပ်ခဲ့သည့် ရခိုင်ဘုရင့်နိုင်ငံတော် အချုပ်အ ခြာအာဏာကျဆုံးခြင်း အောက် မေ့ဖွယ်အခမ်းအနားတွင် ပြောကြားသည့် ဟောပြောချက်အချို့ နှင့်ပတ်သက်၍ ဒေါက်တာအေး မောင်နှင့် စာရေးဆရာ ဝေဟင် အောင်ကို မတရားအသင်း ဆက်သွယ်မှု၊ နိုင်ငံတော်အကြည်ညိုပျက်စေမှု၊ နိုင်ငံတော်ပုန်ကန်မှုပုဒ်မသုံးခုဖြင့် ဖမ်းဆီးတရားစွဲ ဆိုထားသည်။

ဒေါက်တာ အေးမောင်နှင့် စာရေးဆရာ ဝေဟင်အောင်ကို ဇွန်လ ၂၀ ရက်သို့ ထပ်မံရုံးချိန်း ခဲ့သည်။

Top News