ဒီချုပ် ပထမအကြိမ် အမျိုးသမီး စုံညီတွေ့ဆုံပွဲနှင့် ညီလာခံကို နေပြည်တော်တွင် သုံးရက်တာ ပြုလုပ်မည်

အမျိုးသားဒီမိုကရေစီအ ဖွဲ့ချုပ်၏ ပထမအကြိမ် နိုင်ငံလုံး ဆိုင်ရာ အမျိုးသမီးကော်မတီများ စုံညီတွေ့ဆုံပွဲနှင့် ညီလာခံကို နေ ပြည်တော်ရှိ မြန်မာကွန်ဗင်းရှင်း စင်တာ (MICC-2) တွင် ဇွန်လ ၃၀ မှ ဇူလိုင် ၂ ရက်အထိ သုံးရက် ကြာ ပြုလုပ်မည်ဖြစ်သည်။


ပါတီစည်းရုံးရေး၊ ရွေး ကောက်ပွဲ အောင်နိုင်ရေးနှင့် ပြည် သူ့အကျိုးပြုလုပ်ငန်းများအတွက်  အမျိုးသမီးကော်မတီ အဆင့်ဆင့် စတင်ဖွဲ့စည်းရန် ဒီချုပ်ဗဟိုအမျိုး သမီးကော်မတီက ၂၀၁၇ နိုဝင် ဘာ ၂၈ ရက်တွင် ညွှန်ကြားခဲ့ သည်။ တိုင်းနှင့်ပြည်နယ် အသီး သီးတွင် ယင်းကော်မတီများ ဖွဲ့ စည်းဆောင်ရွက်ပြီးဖြစ်၍ ရှေ့ လုပ်ငန်းစဉ်များအတွက် ညီလာခံ ကျင်းပရန် စီစဉ်ခြင်းဖြစ်ကြောင်း ကော်မတီ ပြောရေးဆိုခွင့်ရှိသူ ဒေါ်သန္တာက ပြောသည်။

‘‘အမျိုးသမီးကော်မတီတွေ က ဟိုအရင်ခေတ်တွေတုန်းက လည်းဖွဲ့ခဲ့ဖူးတယ်။ ဒါပေမဲ့ နိုင်ငံလုံးဆိုင်ရာ အမျိုးသမီးထုစုံညီတွေ့ဆုံပွဲ မရှိခဲ့ဖူးဘူးဆိုတော့ ဒီပွဲ က ထူးခြားချက်တွေရှိပါမယ်’’ဟု ၎င်းက ယမန်နေ့ကပြောသည်။

ညီလာခံတွင် ကော်မတီ အသီးသီး၏ အမျိုးသမီးအရေးကူညီ ဆောင်ရွက်ပေးမှုဆိုင်ရာ အစီရင်ခံစာများ၊ နိုင်ငံရေးနှင့် သက်ဆိုင် သည့် အစီရင်ခံစာများတင်ပြမည် ဖြစ်ကာ အမျိုးသမီးစွမ်းရည်မြှင့် တင်ရေး စကားပြောစွမ်းရည်၊ဥပ ဒေနှင့် ဘဏ္ဍာရေးလုပ်ထုံးလုပ် နည်းတို့နှင့် သက်ဆိုင်သည့် ဟောပြောပွဲများလည်း ပြုလုပ်မည်ဟု ကော်မတီဝင်များကပြောသည်။

အဆိုပါညီလာခံတွင် အမျိုး သားဒီမိုကရေစီအဖွဲ့ချုပ် (NLD) ပါတီ ဗဟိုအလုပ်အမှုဆောင်များ နှင့် တစ်နိုင်ငံလုံးမှ ဒီချုပ်အမျိုးသ မီးကော်မတီဝင် ၁,၀၀၀ ခန့် တက်ရောက်ဆွေးနွေးရန် ရှိကြောင်း ဒေါ်သန္တာကပြောသည်။ ‘‘နိုင်ငံ တော် အတိုင်ပင်ခံပုဂ္ဂိုလ်ကိုလည်း ဖိတ်ကြားမယ်။ အတိုင်ပင်ခံ ပုဂ္ဂိုလ်အနေနဲ့ လုပ်ငန်းဆောင် တာများတယ်ဆိုတော့ တက် ရောက်နိုင်၊ မတက်ရောက်နိုင်က တော့ Confirm မဖြစ်ဘူး’’ ဟု ဒေါ်သန္တာက ပြောသည်။

ဒီချုပ် အမျိုးသမီးကော်မတီ သည် လက်ရှိတွင်သက်ငယ်မုဒိမ်း ပြုကျင့်ခံရသည် ကလေးငယ်များ နှင့် ညှဉ်းပန်းနှိပ်စက်ခံအမျိုးသမီး များအတွက် ရန်ပုံငွေထူထောင်၍ တရားရုံးကုန်ကျစရိတ်နှင့် လူမှု ရေးထောက်ပံ့ပေးခြင်း အပါအဝင် အမျိုးသမီးများအရေး အဖွဲ့အစည်းအသီးသီးနှင့် ချိတ်ဆက် ဆောင်ရွက်မှုများ ရှိသည်။

‘‘၂၀၁၈ အလွန်ကျရင်တော့ ပါတီစည်းရုံးရေးရယ်၊ ပြီးရင် ပြည်သူလူထု အကျိုးပြုလုပ်ငန်း တွေရယ်၊ အမျိုးသမီးတွေကို ကာ ကွယ်ဖို့၊ အဖွဲ့ချုပ်ကြီး ပိုပြီးစုစည်း နိုင်ဖို့ရယ် စသဖြင့် လုပ်ဆောင် မယ်။ အဲဒီအတွက် မေးခွန်းထုတ် ဆွေးနွေးမှုများ၊ ဆွေးနွေးအကြံပြု ချက်များကို ညီလာခံမှာစုစည်း မှာပါ’’ ဟု ကော်မတီအတွင်းရေး မှူး၊ လွှတ်တော် ကိုယ်စားလှယ် ဒေါ်ဇင်မာအောင်က ရှင်းပြသည်။

ဒီချုပ် ဗဟိုအမျိုးသမီးကော် မတီကို ၂၀၁၇ သြဂုတ် ၂၁ ရက်တွင် စတင်ဖွဲ့စည်းပြီး ဒေါက်တာမေဝင်းမြင့်ဦးဆောင်၍ အတွင်းရေးမှူး ဒေါ်ဇင်မာအောင်နှင့်အ ဖွဲ့ဝင် လွှတ်တော်ကိုယ်စားလှယ် ၁၁ ဦးပါဝင်သည်။

More in Politics Section

Top News