ကရင်တိုင်းရင်းသားများ၏ နိုင်ငံရေးဆွေးနွေးပွဲဆိုင်ရာ သဘောထားစုစည်းမှု KNU ဌာနချုပ်တွင် ပြုလုပ်

ကရင်တိုင်းရင်းသားများ ၏ နိုင်ငံရေးဆွေးနွေးပွဲဆိုင်ရာ သဘောထားစုစည်းခြင်းကို KNU ဌာနချုပ် လော်ခီးလာဒေသ၌ ပြု လုပ်ပြီး လာမည့် ၂၁ ရာစုပင်လုံ အစည်းအဝေးအတွက် ပြင်ဆင် သည့် ဆွေးနွေးမှုများပြုလုပ်ခဲ့ ကြောင်း KNU အထွေထွေအတွင်း ရေးမှူးချုပ် ပဒိုစောတာဒိုမူးက ပြောသည်။

အဆိုပါဆွေးနွေးပွဲကို ကရင် အမျိုးသား နိုင်ငံရေးဆွေးနွေးပွဲ ကျင်းပရေးကော်မတီ (KNDCC) က ဦးဆောင်၍ ဇွန်လ ၁၀ ရက်မှ ၁၂ ရက်အထိ ကျင်းပခဲ့သည်။ KNDCC ကို ကရင်အမျိုးသားအစည်းအရုံး (KNU) အပါအ၀င် တစ်နိုင်ငံလုံးအပစ်အခတ်ရပ်စဲရေးသဘောတူစာချုပ် (NCA)လက်မှတ်ထိုးထားသည့် ကရင် လက်နက်ကိုင်အဖွဲ့ သုံးဖွဲ့မှ ကိုယ်စားလှယ်များ၊ ကရင်နိုင်ငံရေးပါ တီများမှ ကိုယ်စားလှယ်များ၊ ကရင်လူမှုအဖွဲ့အစည်းများမှ ကိုယ်စားလှယ်များနှင့် ဖွဲ့စည်း ထားသည်။

‘‘ဖြစ်ပေါ်လာတဲ့ နိုင်ငံရေး ဆွေးနွေးပွဲတွေမှာ ကျွန်တော်တို့ ကရင်တွေရဲ့ သဘောထားတွေကိုအတူတကွတင်ပြဆွေးနွေးကြမ လဲဆိုတဲ့ အခြေခံပါ။ အဲဒီအစည်း အဝေးက လာမယ့်ပွဲတွေအတွက် ပြင်ဆင်တဲ့ ပွဲလို့လည်း ပြောလို့ရ တယ်။ ဒီ UPC (ပြည်ထောင်စုငြိမ်း ချမ်းရေးညီလာခံ-၂၁ ရာစုပင်လုံ) က အချိန်ကာတစ်ခုအတွင်းမှာ ဖြစ်သွားမှာကိုး။ အဲဒီ ၂၁ ရာစုပင် လုံအစည်းအဝေးတွေမှာ ဘယ်လို ပုံစံနဲ့ ကျွန်တော်တို့လုပ်သွားမလဲ ဆိုတာ သဘောထားညှိတာ’’ဟု ပဒိုစောတာဒိုမူးက ပြောသည်။

အစည်းအဝေးတွင် နိုင်ငံ ရေး၊ လူမှုရေး၊ စီးပွားရေး၊ မြေယာနှင့် သဘာဝပတ်ဝန်းကျင်၊ လုံခြုံ ရေးစသည့် ကဏ္ဍများနှင့် ပတ် သက်၍လည်း ဆွေးနွေးခဲ့သည်။

ထိုသို့ဆွေးနွေးခြင်းသည် လာ မည့်ပြည်ထောင်စုငြိမ်းချမ်းရေး ညီလာခံအပါအ၀င် နိုင်ငံရေးဆွေး နွေးပွဲများတွင် ကရင်လက်နက် ကိုင်အဖွဲ့အစည်းများသာမက နိုင်ငံရေးပါတီများနှင့် လူမှုအဖွဲ့ အစည်းများ၏ သဘောထားအ မြင်များ၊ အကြံပြုချက်များပါဝင် ရေး ရည်ရွယ်သည်ဟု ပဒိုစောတာဒိုမူးက ဆိုသည်။

‘‘အဲဒီမှာ ၀ိုင်းပြီးစုစည်းပြီး ကျွန်တော်တို့ အကောင်းဆုံး ကရင်အမျိုးသားတွေအတွက် ဖက်ဒ ရယ်ဖြစ်ပေါ်ရေးကို အခြေခံတဲ့အ ပိုင်းမှာ အတူတကွ ပါဝင်သွားရ မယ်ဆိုတာက အဓိကပေါ့’’ဟု ၎င်းက ပြောသည်။

ယခုဆွေးနွေးပွဲမှရရှိသည့် အချက်များကို ပြည်ထောင်စုငြိမ်း ချမ်းရေးဆွေးနွေးမှု ပူးတွဲကော်မ တီ (UPDJC) လုပ်ငန်းကော်မတီ မှတစ်ဆင့် ငြိမ်းချမ်းရေးညီလာခံ သို့ တင်သွင်းနိုင်ရေးဆောင်ရွက် မည်ဟု ပဒိုစောတာဒိုမူးကပြောသည်။

KNDCC သည် ယခုဆွေးနွေးပွဲမတိုင်မီ ကရင်ပြည်နယ်၊ မွန် ပြည်နယ်အပါအ၀င် ကရင်လူမျိုး များနေထိုင်ရာ ဒေသများတွင် လူထုသဘောထားများရယူခဲ့သည်။